Morgunblaðið - 24.10.1995, Blaðsíða 39
MORGUNBLAÐIÐ
MINNINGAR
ÞRIÐJUDAGUR 24. OKTÓBER 1995 39
óraði fyrir þeim grimmilegu örlög-
um sem biðu þeirra. í fullkomnu
sakleysi voru þau varnarlaus svipt
dýrmætustu eign sinni, lífinu sjálfu.
Fréttin um dauða þeirra og hvemig
hann bar að hefur ekki aðeins snort-
ið ættingja þeirra og vini heldur
þúsundir Islendinga sem spyija sig
hvemig slíkur hörmungaratburður
geti átt sér stað.
Fyrir tæpum áratug bar fundum
okkar Óskars Eiríkssonar saman í
fyrsta sinn. Hann hafði þá ráðið sig
til starfa á minn gamla vinnustað
skattstofuna í Reykjanesumdæmi.
Ætlunin með ráðningu Óskars var
að endurreisa rannsóknardeild
skattstofunnar. í því skyni báðu
yfirmenn hans mig að taka hann í
starfsnám hjá rannsóknardeild rík-
isskattstjóra. Óskar var þá nýlega
fluttur á höfuðborgarsvæðið en
hann hafði um langt árabil verið
búsettur á Norðurlandi. Ég fann
strax þegar við Óskar tókum tal
saman í fyrsta skiptið að þar fór
hreinlyndur maður og drengur góð-
ur. Það teygðist nokkuð úr starfs-
náminu hjá Oskari og ég fann betur
og betur hvílíkan ágætismann Ósk-
ar hafði að geyma. Skoðanir hans
á mönnum og málefnum vom slétt-
ar og felldar og hann var fljótur
að átta sig á viðmælendum sínum
og hvaða persónuleika þeir höfðu
að geyma. Skoðanir okkar fóm
saman um margt. Við ræddumst
við á hveijum degi og upp úr því
myndaðist vinskapur sem entist
ævilangt.
Enda þótt störf Óskars við skatt-
framkvæmd væru honum nokkuð
framandi til að byija með náði hann
ótrúlega fljótt valdi á erfiðum skatt-
rannsóknum og varð skattstofunni
góður oggegn starfsmaður. í fyrstu
starfaði Oskar einn við skatteftirlit
og -rannsóknir en fljótlega óx deild-
inni hans ásmegin og Oskar varð
deildarstjóri hennar þegar mannafli
fór að bætast við.
Við skatteftirlit fór Óskar mikið
út í fyrirtæki í umdæminu og varð
fljótlega býsna þekktur fyrir störf
sín á Suðurnesjum og í Hafnar-
fírði. Honum náði miklum árangri
í störfum sínum og átti það ekki
síst óvenjulegum persónutöfrum
sínum að þakka. Honum tókst yfir-
leitt að vinna trúnað og traust
þeirra sem sættu rannsókn af hans
hálfu. Hófsemi hans og lítillæti
ásamt óvenjumikilli lagni til að út-
skýra flókna hluti á einfaldan hátt
áttu ríkan þátt í að rannsóknarþolar
báru virðingu fyrir Óskari og
treystu honum í erfiðleikum sínum.
Þá var Óskar mjög réttsýnn maður
og gætti þess vandlega að fara vel
með viðkvæmt starf sitt.
Á skattstofunni starfaði Óskar
Eiríksson ekki aðeins við skattrann-
sóknir heldur annaðist hann einnig
um árabil öll tölvumál embættisins
og sinnti ýmsum öðrum rekstrarleg-
um þáttum þess. Óskar var þá nán-
asti samstarfsmaður skattstjóra og
sá um ýmsa umsýslu fyrir hann.
Þá bar fundum okkar oftsinnis sam-
an á skrifstofu ríkisskattstjóra. Ég
hafði þá með tölvumál skattstof-
anna að gera og Óskar átti oft er-
indi vegna þeirra. Alltaf var Óskar
rökfastur og ákveðinn í erindrekstri
sínum og fékk enda alltaf sínu
framgengt. Það var líka á vísan að
róa með að ekki var verið að leggja
fram ástæðulausar beiðnir. Aður
en erindi voru lögð fram höfðu þau
verið útbúin vandlega áður með ít-
arlegum rökstuðningi. Á þessum
árum varð samband okkar enn nán-
ara og hann sýndi mér mikinn trún-
að. Mér fannst alltaf gott að ræða
við hann, viðræður hans voru án
tilgerðar og hann kryddaði frásögn
sína með smekklegri kímni, hann
hafði hlýlega og eftirminnilega rödd
og var umfram allt góður áheyr-
andi. Þessi tími var Öskari gjöfull
um margt. Honum gekk allt í hag-
inn á vinnustað þar sem hann ávann
sér trúnað og virðingu starfsfélaga
og samstarfsaðila. Skattstofan varð
honum góður förunautur, ekki að-
eins hvað varðar starfsárangur og
starfsöryggi heldur eignaðist hann
nýja vini og félaga sem honum þótti
vænt um. Áhugi hans á velferð
starfsfélaga var mikill. í þeim hópi
var hann hrókur alls fagnaðar og
tók ríkan þátt í félagslífi þeirra og
var þekktur fyrir hjálpsemi sína.
Oftsinnis hafði hann á orði hve
honum leið vel á þessum vinnustað
og þaðan vildi hann ekki hverfa
þótt honum byðist jafngott starfs
annars staðar. Segir það meira en
mörg orð. Einn af starfsfélögum
hans var Kristín J. Guðmundsdótt-
ir. Á milli þeirra var góð vinátta.
Hún óx og þroskaðist og þau Krist-
ín hófu síðan sambúð fyrir nokkrum
árum.
Það leit út fyrir að síðustu starfs-
árin ættu eftir að vera ánægjuleg
en fyrir rúmu ári síðan tók heilsu
Óskars að hraka nokkuð. Hann
þurfti að vera frá vinnu um skeið
en var óþreyjufullur að komast á
vinnustaðinn aftur. Hann var þeirr-
ar gerðar að falla illa fjarvistir frá
vinnustað. í starfshléi hans fyrir
réttu ári hringdi ég heim til hans
og bauð ég honum á skrifstofuna
til mín. Þá áttum við saman góða
stund og fórum yfir liðin ár og
vandamál sem leysa þurfti. Ég sá
þá að Óskari mínum var nokkuð
brugðið. Dimmt hafði yfir huga
hans og hann óttaðist að starfsþrek-
ið kynni að vera á þrotum. Hann
sagði mér frá ákvörðun sinni að
heíja störf innan skamms þótt
heilsa hans gæfi tæplega tilefni til
þess. Trúnaðarsamræður okkar í
það skiptið voru langar og nánar
og þær hef ég geymt með sjálfum
mér. Trygglyndi hans og fölskva-
laus vinátta varð til þess að mér
þótti alltaf vænt um Óskar og þyk-
ir enn. Aldrei í eitt einasta skipti
frá því að við hittumst fyrst fyrir
heilum áratug varð okkur nokkurn
tíma sundurorða. Minninguna um
Óskar og lífsreynslu hans mun ég
geyma í hjarta mínu. Hans er sakn-
að.
Bróðir er horfinn til austursins
eilífa. Megi hann sjá ljósið sem lýs-
ir honum til starfa hjá hæstum
höfuðsmiði á æðra tilverusviði.
Trygglyndur og trúr kveður hann
að sinni. Við hittumst á þeim vett-
vangi síðar.
Börnum, tengdabörnum og öðr-
um aðstandendum Óskars Eiríks-
sonar og Kristínar J. Guðmunds-
dóttur votta ég mína dýpstu samúð
í þeirra sáru sorg.
Skúli Eggert.
Góður engill Guðs oss leiðir
gegnum jarðneskt böl og stríð,
léttir byrðar, angist eyðir
engill sá er vonin blíð.
Mitt á hryggðar dimmum degi
dýrðlegt oss hún kveikir ljós,
mitt í neyð á vorum vegi
vaxa lætur gleðirós.
Blessuð von í bijósti minu
bú þú meðan hér ég dvel,
lát mig sjá í ljósi þínu
ljómann dýrðar bak við hel.
(Helgi Hálfdanarson.)
Kristín, okkar elskulega æsku-
vinkona, er látin langt um aldur
fram. - Rödd dóttur hennar hljómar
í símanum og flytur þau hörmulegu
tíðindi að mamma og Óskar hafi
látist í bflslysi þá um kvöldið.
Tíminn stendur í stað, minning-
arnar leita á hugann hver af ann-
arri.
Við hittumst fyrst haustið 1952,
er við settumst í 9 ára bekk í Lang-
holtsskóla, sem þá var nýbyggður.
Það var góður og samheldinn hópur
sem fylgdist að í gegnum barna-
skólann undir handleiðslu hjónanna
Þórhildar Halldórsdóttur og Jóns
Ámasonar.
Kristín stendur okkur ljóslifandi
fyrir hugskotssjónum þennan fyrsta
skóladag, há og grönn með rauð-
brúnu fallegu flétturnar sínar, örlít-
ið freknótt, alvörugefin, augun at-
hugul, í fallegum smárósóttum kjól.
Á þessum árum var grunnurinn
lagður að ævilangri vináttu, sem
aldrei bar skugga á.
Síðastliðið vor bauð Ninna skóla-
systir okkar bekkjarfélögum sínum
og kennuram heim og áttum við
þar ánægjulega kvöldstund, þar
sem rifjaðar vora upp minningar
frá skólaáranum.
Áfram héldum við hópinn, þar
sem átta stelpur úr bekknum fóra
í Kvennaskólann í Reykjavík.
Eftir að skólagöngu lauk fylgd-
umst við áfram að bæði í starfi og
leik og styrktust því vináttuböndin.
Á unglingsáranum var Kristín
þijú sumur í sveit á Gróustöðum í
Geiradalshreppi hjá hjónunum
Signýju og Sumarliða. Þar leið
henni vel og fór hún flest sumur
eftir það í sveitina sína að heim-
sækja íjölskylduna, sem henni þótti
svo vænt um. Sýndi það best trygg-
lyndi hennar og ræktarsemi.
. Kristín var mörgum góðum kost-
um búin. Létta lundin hennar kom
sér vel þegar á móti blés. Hún hafði
skemmtilega frásagnargáfu og
hennar smitandi hlátur var einstak-
ur.
í vegarnesti hafði hún fengið frá
sínu bernskuheimili bestu dyggðir;
heiðarleika, vinnusemi og trú-
mennsku.
Árið 1962 giftist hún Guðbirni
Hallgrímssyni og eignaðist með
honum íjögur börn, þijú þeirra hafa
stofnað sín heimili en yngstur er
Hallur Örn, 14 ára. Kristín og Guð-
bjöm slitu samvistum.
Síðustu árin bjó hún með Óskari
Eiríkssyni, þau virtu hvort annað
SJÁNÆSTU OPNU.
t
Útför ástkærrar móður okkar, tengda-
móður, ömmu, langömmu, sambýlis-
konu og systur,
GUÐRÚNAR DAVÍÐSDÓTTUR,
Grund í Skorradal,
sem lést 18. október sl., fer fram frá
Hvanneyrarkirkju laugardaginn 28.
október kl. 14.00.
Bílferð verður með Sæmundi Sig-
mundssyni frá Umferðarmiðstöðinni
kl. 12.00.
Bjarni Pétursson, Magnea Kolbrún Sigurðardóttir,
Guðrún Pétursdóttir,
Davíð Pétursson, Jóhanna Guðjónsdóttir,
J.ón Pétursson,
Áslaug Þorgeirsdóttir, Ragnar Önundarson,
Þorgeir Þorsteinsson,
Andrea Daviðsdóttir,
barnabörn og barnabarnabörn.
t
Elskuleg dóttir mín, móðir okkar,
tengdamóðir og amma,
BRYNDÍS RÚN BJÖRGVINSDÓTTIR,
Hjallabraut 33,
áður Suðurgötu 64,
Hafnarfirði,
verður jarðsungin frá Hafnarfjarðar-
kirkju miðvikudaginn 25. október
kl. 15.00
Áslaug Theódórsdóttir,
Erlendur Gunnar Gunnarsson, Andrea Ólafsdóttir,
Áslaug Gunnarsdóttir, Þröstur Guðnason,
Selma Kristín Erlendsdóttir, Gunnar Erlendsson,
Bergþór Þrastarson.
t
Ástkær eiginmaður minn, faðir okkar,
tengdafaðir, afi og langafi,
JÓHANN KR. GUÐMUNDSSON,
Hringbraut 97,
Keflavik,
verður jarðsunginn frá Keflavíkurkirkju
miðvikudaginn 25. október kl. 14.00.
Guðrún Jónsdóttir,
Jón R. Jóhannsson, Ásgerður Kormáksdóttir,
Steinar Jóhannsson, Sigurlaug Kristinsdóttir,
Kari Jóhannsson, Unnur Óskarsdóttir,
barnabörn og barnabarnabarn.
c
t
Innilegar þakkir til allra sem sýndu okk-
ur samúð, vináttu og hlýhug við andlát
og útför eiginkonu minnar, móður okk-
ar, dóttur, systur, tengdamóður og
ömmu,
RÓSU KRISTÍNAR JÓNSDÓTTUR,
Víðilundi 4F,
Akureyri.
Sérstakar þakkir til hjúkrunarkvenna
Heimahlynningar og Friðriks E. Yngva-
sonar, læknis.
Sigurður Indriðason,
Steinunn Sigurðardóttir, Árni Bjarnason,
Jón G. Sigurðsson, Sigrún Sigurgeirsdóttir,
Sigurður U. Sigurðsson, Þórdís Jónsdóttir,
Sigríður Kristinsdóttir,
Sigurjóna Jónsdóttir
Sóley Guðmundsdóttir, Kristinn Einarsson
og barnabörn.
Lokað
Við lokum versluninni í dag þriðjudag, milli
kl. 13.00-16.00 vegna jarðarfarar BRYNJARS
ÞÓRS SNORRASONAR.
Verslunin Hjá Berthu,
Laugavegi 84.
Lokað
Vegna útfarar KRISTÍNAR J. GUÐMUNDSDÓTT-
UR OG ÓSKARS EIRÍKSSONAR verða skrifstofur
embættisins lokaðar frá kl. 12.00 til 15.30 í dag.
Skattrannsóknarstjóri ríkisins.
t
Okkar innilegustu þakkir fyrir auðsýnda samúð og vinsemd við
andlát bróður okkar,
KRISTJÁNS KRISTJÓNSSONAR,
Seyðisfirði.
Þóra Kristjónsdóttir,
Guðni Kristjónsson.
Lokað
Skattstofa Reykjanesumdæmis verður lokuð frá kl.
12 á hádegi í dag, þriðjudaginn 24. október, vegna
jarðarfarar KRISTINAR JÓNU GUÐMUNDSDÓTTUR
og ÓSKARS EIRÍKSSONAR.
Skattstjórinn í Reykjanesumdæmi.