Morgunblaðið - 26.10.1995, Blaðsíða 13
MORGUNBLAÐIÐ
AKUREYRI
FIMMTUDAGUR 26. OKTÓBER 1995 13
Iþrótta- og tómstundaráð Akureyrar
Samið verði við
Þór um byggingu
nýs íþróttahúss
Framlag úr jöfnunarsjóði 40
milljónum hærra en búist var við
Tekjur Akureyr-
inga undir
landsmeðaltali
FRAMLAG til Akureyrarbæjar úr
Jöfnunarsjóði sveitarfélaga var 40
milljónum króna hærra en forsvars-
menn bæjarins höfðu búist við.
Áætlað hafði verið að framlagið
yrði um 15 milljónir króna og
byggðist það á reynslu síðustu ára,
en raunin varð sú að alls nam það
55 milljónum króna.
Um er að ræða svonefnt tekju-
jöfnunarframlag en skýringar á því
að framlag til Akureyrarbæjar er
svo hátt nú eru annars vegar að
tekjur Akureyringa hækkuðu
minna en landsmeðaltal og eins
voru gerðar breytingar á viðmiðun
um eðlilega nýtingu tekjustofna
sveitarfélaga sem tóku gildi við
úthlutun úr sjóðnum á þessu ári.
í reglunum er m.a. kveðið á um
að sveitarfélögum nægir að leggja
9% útsvar á íbúana, en í fyrri regl-
um höfðu sveitarfélög ekki mögu-
leika á að sækja um tekjujöfnunar-
framlag nema hámarksútsvarspró-
senta væri nýtt.
Aukið fé til ráðstöfunar
Akureyrarbær hefur ekki fengið
tekjujöfnunarframlag siðustu árin
að sögn Valgarðs Baldvinssonar
bæjarritara. Hann sagði að engar
ákvarðanir hefðu verið teknar um
á hvern hátt ráðstafa ætti þessu
óvænta fé, en ef til vill yrði tekið
ívið minna af lánum en gert hafði
verið ráð fyrir. Hann sagði að vissu-
lega væri ánægjulegt að fá aukið
fé til ráðstöfunar, en ekki yrði fram
hjá því litið að óskemmtilegt væri
að Akureyringar væru þetta tekju-
lægri en aðrir landsmenn.
Garðar Jónsson viðskiptafræð-
ingur hjá Sambandi íslenskra sveit-
arfélaga sagði að tvenns konar
viðmiðun væri í gangi hvað lands-
meðaltal tekna varðaði. Annars
vegar væri um að ræða sveitarfélög
með undir 300 íbúum og hins veg-
ar öll önnur sveitarfélög landsins.
Byggt væri á álögðu útsvari og
álögðum fasteignaskatti og fram-
lagið nú í ár væri vegna tekna síð-
asta árs.
Minni hækkun á Akureyri
Skatttekjur á hvern íbúa á Akur-
eyri voru á síðasta ári 95.165 krón-
ur og var útsvarið 9%. í Kópavogi
voru skatttekjur á íbúa 92.434
krónur en þar var 8,4% útsvar og
í Hafnarfirði þar sem útsvarið var
8,9% voru meðalskatttekjur íbú-
anna 94.885 krónur. Hvorki Hafn-
arfjörður né Kópavogur höfðu
möguleika á að sækja um tekjujöfn-
unarframlag þar sem útsvarspró-
sentan var Iægri en 9.
Til samanburðar má geta þess
að meðalskatttekjur Ólafsfirðinga
á liðnu ári námu 100.585 krónum
á íbúa og á Dalvík 97.508 krónum
en á báðum stöðum var álagt út-
svar 9%.
Útsvarsstofn atvinnutekna
Akureyringa hækkaði um 1,5% á
síðasta ári en landsmeðaltalið var
2,7%. Á Akureyri hefur því orðið
um raunlækkun tekna að ræða
þegar miðað er við landið allt.
St. Georgsgildi stofnað
NÝTT St. Georgsgildi verður stofn-
að á Akureyri næstkomandi mánu-
dag, 30. október. Stofnfundur verð-
ur í sal Dvalarheimilisins Hlíðar við
Austurbyggð og hefst hann kl.
20.30 en á þann fund eru allir vel-
komnir sem áhuga hafa á að taka
þátt í starfi nýs St. Georgsgildis á
Akureyri.
Um er að ræða félagsstarf fyrir
fullorðna sem vilja starfa með öðru
samhentu fólki á grundvelli hug-
sjóna skátahreyfingarinnar.
Gildisfélagar hittast að jafnaði
mánaðarlega yfir vetrartímann og
fá gjarnan fólk á fundina til að
kynna ákveðin málefni. Gildin
starfa yfirleitt að ákveðnum verk-
efnum á sviði félags- og líknar-
mála, sem gjarnan tengjast hinu
almenna skátastarfi á viðkomandi
svæði.
í St. Georgsgildinu á Akureyri
starfar samhentur hópur sem held-
ur uppi öflugu starfi og er um leið
styrkur bakhjarl fyrir almennt
skátastarf í bænum. Nú stendur
til að gefa fleirum kost á þátttöku
í slíku starfi með því að stofna
annað gildi.
Morgunblaðið/Kristján
Úti í óveðri
KRAKKARNIR á Hlíðabóli létu
óveður ekki aftra sér í að fara
út í sinn hefðbundna göngutúr
í gær. Mörgum þykir heldur súrt
að fá óveður svo snemma, vetur
ekki einu sinni genginn í garð
en fyrsti vetrardagur er sem
kunnugt er á laugardag. Starfs-
menn bæjarins voru önnum
kafnir við að moka snjó af götum
í gær, en víða var þungfært.
Lögreglumenn voru í viðbrags-
stöðu en starfsfólk í heilsugæslu
óskaði eftir akstri úr og í vinnu.
Vindhraðinn komst mest upp í 9
vindstig á Akureyri i gær.
Á FUNDI íþrótta- og tómstunda-
ráðs Akureyrar í gær, var sam-
þykkt tillaga fulltrúa meirihluta
Framsóknar- og Alþýðuflokks, þar
sem því er beint til bæjarráðs og
bæjarstjórnar að gengið verði nú
þegar til viðræðna við Iþróttafélag-
ið Þór um gerð rammasamnings
um byggingu íþróttahúss á félags-
svæði þess.
Fjórir nefndarmenn samþykktu
tillöguna, fulltrúar Framsóknar-
flokks, Alþýðuflokks og Sjálf-
stæðisflokks en fulltrúi Alþýðu-
bandalagsins var á móti og vildi
að úrbætur fyrir skautamenn yrðu
teknar framfyrir íþróttabyggingu
Þórs.
í tillögunni segir ennfremur, að
miðað við núverandi fjárhagsstöðu
sé gert ráð fyrir að greiðslur hefj-
ist eigi síðar en á árinu 1998. í
viðræðunum við Þór verði einnig
gerðar raunhæfar áætlanir um
rekstur hússins og skoðuð þau áhrif
sem tilkoma slíks húss hefur á
rekstur Íþróttafélagsins Þórs og
önnur íþróttamannavirki í bænum.
Einnig úrbætur fyrir
knattspyrnumenn
Þá var samþykkt tillaga þar sem
formanni ÍTA í samráði við bæjar-
lögmann, er falið að semja stofn-
samþykktir fyrir hlutafélag sem
hafi það að markmiði að vinna að
úrbótum fyrir knattspyrnumenn,
t.d. með yfirbyggingu. Stefnt skal
að stofnfundi hlutafélagsins í des-
ember nk.
Sumaropnun leikskóla
kostar 3,3 milljónir
I FJARHAGSAÆTLUN leikskóla-
deildar fyrir næsta ár er gert ráð
fyrir að^llir leikskólar bæjarins
verði opnir næsta sumar og segir
í bókun nefndarinnar að það sé að
tilmælum bæjarráðs. Beinn launa-
kostnaður sem af sumaropnuninni
hljótist sé um 3,3 milljónir króna.
Á fundi bæjarstjórar Akureyrar
í gær vakti Sigríður Stefánsdóttir,
Alþýðubandalagi, athygli á því að
bæjarráð hefði aldrei beint þeim
tilmælum til leikskólanefndar að
hafa alla leikskóla bæjarins opna
allt næsta sumar. Um misskilning
væri að ræða og tók Sigfríður Þor-
steinsdóttir, forseti bæjarstjórnar,
undir það. Lagði Sigríður til að
málinu yrði vísað til bæjarráðs til
frekari umfjöllunar.
Viltn hafa það
svart/hvítteðaílit?
HP Desk Jet bleksprautuprentarar
HP 850C kr. 58.900
HP 12000 kr. 97.000
HP lfiOOC kr. 149.900
kr. 54.900 iw'tt
kr. 169.900
IIP 5P
H1‘ 4M Plus
kr. 115.500
kr. 234.000
Whpl HEWLETT
mL'nM packard
Viðurkenndur
söluaðili
Þjónusia og ábyrgö
BOÐEIND
Við erum í Mörkinni 6. Sími 588 2061 . Fax 588 2062