Morgunblaðið - 26.10.1995, Blaðsíða 1

Morgunblaðið - 26.10.1995, Blaðsíða 1
80 SIÐUR B/C/D tYðOllfclflfeÍfe STOFNAÐ 1913 244. TBL. 83. ARG. FIMMTUDAGUR 26. OKTOBER 1995 PRENTSMIÐJA MORGUNBLAÐSINS Spænska þingið fellir fjárlög Afall fyrir Felipe Gonzalez Madríd. Reuter. SPÆNSKA þingið hafnaði í gær fjárlögum stjórnarinnar fyrir næsta ár og segja fréttaskýrendur að þetta sé mesta áfall, sem Felipe Gonzalez hefur orðið fyrir á þrettán árum í forsætisráðherraembætti. Andstæðingum stjórnarinnar til hægri og vinstri tekst sjaldan að snúa bökum saman, en þeir tóku höndum saman í andstöðu við fjár- lagafrumvarpið. Stjórnarandstaðan vill að tafarlaust verði gengið til kosninga, en Gonzalez vill ekki boða til kosninga fyrr en Spánverjar láta af forsæti Evrópusambandsins í desember. Gonzalez fastur fyrir Gonzalez sagði í gær að hann myndi ekki víkja frá þeirri fyrirætl- an sinni að halda kosningar í mars. Helsti andstæðingur hans, Jose Maria Aznar, leiðtogi Alþýðufylk- ingarinnar (PP), sem telst hægri- miðflokkur, sagði að Gonzalez ætti nú ekki annars kost en að rjúfa þing. Pedro Solbes, fjármálaráðherra Spánar, skoraði á þingið að bera langtíma hagsmuni þjóðarinnar fyr- ir brjósti og samþykkja fjárlaga- frumvarpið, en allt kom fyrir ekki. Gonzalez hefur átt undir högg að sækja vegna ásakana um að hann hafi vitað af ólöglegri herferð á hendur grunuðum aðskilnaðar- sinnum Baska (ETA) og morðum á 27 mönnum á síðasta áratug. Þess er vænst að flokkur Aznars beri sigur úr býtum í næstu kosn- ingum, en Gonzalez er enn vinsæl- asti stjórnmálamaður Spánar. Reuter PALESTINUMENN í Jenín fögnuðu ákaflega þegar formlegur brottflutningur ísraelska herliðsins á Yesturbakkanum hófst í gær. Með honum lýkur hersetunni, sem staðið hefur í 28 ár. Jean Chretien ákallar íbúa í Quebec Verdun, Quebec. Reuter. JEAN Chretien, forsætisráðherra Kanada, leggur nú mikla áherslu á að koma í veg fyrir aðskilnað Qu- ebec-fylkis við Kanada og hefur skorað á kjósendur í fylkinu að hafna fullveldi þess í atkvæða- greiðslu, sem fram fer 30. október. Chretien sagði á þriðjudag að stjórn Kanada væri reiðubúin til þess að gera breytingar á stjórnar- skrá landsins til að koma til móts við væntingar hinna frðnskumæl- andi íbúa Quebec. „Við munum halda öllum leiðum til breytinga opnum," sagði Chreti- en í ræðu, sem hann hélt fyrir sjö þúsund stuðningsmenn áframhald- andi sambands við Kanada í Verd- un, útborg Montreal, stærstu borg- ar Quebec. „Við erum enn frönsk í Ameríku vegna þess að við héldum kyrru fýrir í Kanada. Við lifðum af vegna Kanada." Samkvæmt nýjustu skoðana- könnunum eru aðskilnaðarsinnar ívið fleiri en þeir sem vilja halda 28 ára hernámi Israela á Vesturbakkanum að ljúka Arafat spáir stofn- un ríkis eftir tvö ár Uppbygging í A-Berlín EFTIR sameiningu þýsku ríkj- anna hefur átt sér stað gífur- leg uppbygging í austurhlutan- um og í Austur-Berlín. Þar í borg er nú verið að brjóta nið- ur byggingu utanríkisráðu- Jenín, New York. Reuter. FYRSTU palestínsku lögreglumennirnir komu í gær til Jenín á vestur- bakka Jórdanar, fyrstu borgarinnar sem ísraelar láta af hendi samkvæmt samningi við Palestínumenn um stækkun sjálfstjórnarsvæðanna. Þar með sér fyrir endann á 28 ára hernámi ísraela á Vesturbakkanum utan Jeríkó. Hundruð Palestínumanna fögn- uðu fyrstu fimm lögreglumönnun- um og veifuðu og hrópuðu „ísrael nei, PLO já". Gert er ráð fyrir að um 1.000 palestínskir lögreglu- menn verði á Jenín-svæðinu, sem er byggt tæplega 200.000 Palest- ínumönnum. Yasser Arafat, leið- togi Frelsissamtaka Palestínu- manna, PLO, spáði því að palest- ínskt ríki yrði stofnað á Vestur- bakkanum innan tveggja ára. ísraelskir lögreglumenn létu lögreglustöðina í Jenín af hendi og hún verður í umsjón ísraelska hersins þar til palestínska lög- regluliðið tekur við henni um miðj- an næsta mánuð. Sakher Jazzar, 39 ára ökukennari, var ekki all- sendis ánægður með brotthvarf ísraelsku lögreglunnar. „Við sjáum engar breytingar, fólk bjóst við miklu meira en þessu. Hér hafa verið vandamál, stríð og dráp og við bjuggumst við fullu frelsi. Þetta ástand er samt betra en hernám." Reuter neytisins í tíð kommúnista en á lóðinni á að endurbyggja byggingarverkfraeðiháskóla, sem kenndur er við Karl-Fri- edrich Schinkel. í baksýn er dómkirkjan í Berlín. 450 þorp og fimm borgir Samkvæmt samningnum, sem undirritaður var í Washington 28. september, taka Palestínumenn við stjórn og löggæslu 450 þorpa á Vesturbakkanum og fimm borga auk Jenín - Betlehem, Nablus, Qalqilya, Ramallah og Tulkarm. ísraelskar öryggissveitir fara einn- ig frá hluta af Hebron. Arafat sagði í sjónvarpsviðtali í Bandaríkjunum í fyrrakvöld að hann teldi að palestínskt ríki yrði stofnað ekki síðar en eftir tvö ár. Hann kvaðst búast við að ríkið yrði sjálfstætt þótt hann útilokaði ekki að það yrði í ríkjabandalagi við Jórdaníu. Brottvísun mótmælt Palestínska sendinefndin hjá Sameinuðu þjóðunum mótifiælti í gær harðlega þeirri ákvörðun Ru- dolphs Giuliani, borgarstjóra New York, að láta vísa Yasser Arafat af sinfóníutónleikum á vegum borgarinnar fyrir þjóðarleiðtoga í fyrrakvöld í tilefni af 50 ára af- mæli Sameinuðu þjóðanna. Það hefur bandaríská utanríkis- ráðuneytið einnig gert og í yfirlýs- ingur þess sagði, að framkoman við Arafat væri óviðunandi. „Hann er leiðtogi Palestínu- manna og hefur átt í friðarviðræð- um við Israela. Hann á að njóta þeirrar gestrisni og virðingar, sem Palestínumenn verðskulda." sambandinu við Kanada, og þykir ógerningur að segja til um úrslit. Afleiðingar aðskilnaðar Komi til aðskilnaðar Quebec og Kanada getur það haft miklar og alvarlegar afleiðingar í för með sér, ekki aðeins fyrir efnalega af- komu Quebecbúa, heldur einnig fyrir framtíð þeirra 600.000 manna, sem þar búa og eiga ensku að móðurmáli. Búist er við, að þeir muni flýja burt í stórum hópum. Mikill uggur er einnig í fólki á öðrum frönskum málsvæðum utan Quebec en það er um ein milljón talsins. Óttast það, að franskri tungu og menningu verði ekki gert jafn hátt undir höfði og nú er gert segi Quebec skilið við Kanada. Þá segjast iridíánar í Quebec, sem eru aðeins 1% íbúa en gera tilkall til stórra svæða, aldrei munu sætta sig við aðskilnað. ¦ Eygja von/18 Major íhugar að tilnefna Breta Haag. Reuter. JOHN Major', forsætisráð- herra Bretlands, hefur skýrt Wim Kok, försætisráðherra HoIIands, frá því að breska stjórnin kunni að beita sér fyrir því að Breti taki við embætti framkvæmdastjóra Atlantshafsbandalagsins. Talsmaður hollensku stjórnarinnar sagði í gær að Major hefði ekki nefnt nein nöfn í þessu sambandi þegar hann hefði hringt í Kok á þriðjudag. Major hefði hins vegar sagt að ákvæði breska stjórnin að tilnefna ekki Breta myndi hún styðja Ruud Lubb- ers, fyrrverandi forsætisráð- herra Hollands, í embættið. Lubbers og Uffe Ellemann- Jensen, fyrrverandi utanríkis- ráðherra Danmerkur, eru taldir líklegastir til að taka við embættinu af WHly Claes. Beitir sér fyrir Lubbers Hollenska stjórnin hefur ekki enn lýst því yfir opinber- lega að hún vilji að Lubbers verði fyrir valinu en hefur beitt sér fyrir því á bak við tjöldin. Stjórnarerindrekar í Bruss- el búast ekki við að eftirmaður Claes verði skipaður á næstu vikum, þar sem menn séu staðráðnir í að vanda valið.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.