Morgunblaðið - 04.11.1995, Blaðsíða 2
2 LAUGARDAGUR 4. NÓVEMBER 1995
FRETTIR
MORGUNBLAÐIÐ
„ , „ Morgunblaðið/Helgi Olafsson
LONDUNARHUSIÐ er ónýtt, að mati Arna Sörenssonar, verksmiðjustjóra SR-mjöls. Ákveðið hefur
verið að gera við það til bráðabirgða svo að hægt verði að taka á móti loðnu á Raufarhöfn.
Mikið Ijón varð á löndunarhúsi SR-mjöls á Raufarhöfn
Skip sigldi inn
í löndunarhúsið
MILLJÓNATJÓN varð á Raufar-
höfn snemma í gærmcrgun þegar
flutningaskipið Haukur sigldi á
löndunarhús SR-mjöls. Skipið stór-
skemmdi bryggjuna, sem húsið
stendur á, og fór yfir 3 metra inn
í húsið. Ámi Sörensson verksmiðju-
stjóri sagði að tjónið væri mikið,
ekki síst þar sem það kæmi á sama
tíma og loðna væri farin að veiðast.
Haukur, sem er í eigu skipafé-
lagsins Ness hf., var að koma til
Raufarhafnar til að lesta loðnumjöi
frá síðustu vertíð. Gírskiptibúnaður
skipsins bilaði þannig að ekki tókst
að koma því í bakkgír. Skipið sigldi
utan í háfnarbryggjuna og áfram á
löndunarhús SR-mjöls.
Fór marga metra inn í húsið
Árni sagði að löndunarhúsið væri
ónýtt. Skipið hefði gengið 3-4 metra
inn í hliðina á því niður við gólf.
Stefni skipsins hefði numið við
mæni hússins og gengið eina sex
metra inn í þakið. Húsið er 12
metra langt stálgrindarhús og sagði
Ámi að grindin væri öll gengin til.
Tvær stálsperrur hefðu undist upp
og jámklæðning á húsinu væri
meira og minna ónýt.
Enginn var við vinnu í húsinu
þegar óhappið varð kl. 7:30 í gær.
Ámi sagði líklegt að manntjón hefði
orðið ef menn hefðu verið mættir
til vinnu. Daginn áður hefðu tveir
menn verið að undirbúa loðnulönd-
un einmitt á þeim stað þar sem
skipið sigldi inn í húsið. Þeir voru
að blanda saman nitrat og formal-
ín, en efnunum er blandað í loðnuna
ef geyma þarf hana lengi. Tankar
með efninu skemmdust og lak eitt-
hvað af því í sjóinn. Mikil ólykt er
af formalíninu og menn, sem unnu
að hreinsun úr húsinu í gær, unnu
með grímur fyrir vitunum. Ámi
sagði þetta óhapp koma á afar
slæmum tíma. Loðna væri farin að
veiðast og það yrði tugmilljóna tjón
ef óhappið yrði til þess að ekki yrði
hægt að taka í móti henni. Hann
sagði að hreinsun og viðgerð á
húsinu hefði hafist strax í gær eft-
ir að tryggingafélag SR-mjöls hefði
gefið leyfi til að hefja viðgerð. Ámi
sagði að stefnt væri að því að gera
við húsið til bráðabirgða þannig að
loðnulöndun gæti hafist um eða
eftir helgi. Tveir járnsmiðir frá
Siglufirði komu í gær til að hjálpa
við _ endurreisnarstarfið.
Árni sagði að mikið af tækjum
í löndunarhúsinu hefði skemmst og
eyðilagst. Hann sagðist þó gera sér
vonir um að löndurnartækin væru
ekki mikið skemmd. Rafmagns-
lagnir í húsinu hefðu skemmst mik-
ið.
Bláfjöll
Gjaldskrá
hækkar
um allt að
14,3%
DAGKORT barna í skíðalyfturnar í
Bláfjöllum hækka um 14,3% eða úr
350 krónum í 400 krónur, sam-
kvæmt samþykkt Bláíjallanefndar.
Árskort fullorðinna kosta 10.800
krónur og hækka um 8% og árskort
barna kosta 4.900 krónur og hækka
um 4,3% samkvæmt gjaldskrá fyrir
Bláfjöll árið 1996.
Að sögn Ómars Einarssonar,
framkvæmdastjóra íþrótta- og tóm-
stundaráðs, hefdr gjaldskráin verið
óbreytt frá 1993. Um leið og gjald-
skráin hækkaði væri þjónusta við
skíðafólk aukin og bætt.
Dagkort fullorðinna hækka um
11,1% og kosta 1.000 kr. eftir hækk-
un, en kostuðu áður 900 kr. Hálft
kort fullorðinna hækkar um 6,7%
og kostar 800 kr., í stað 750 áður.
Hálft kort bama hækkar ekki og
kostar áfram 300 kr. Æfingakort
hækka um 7,1% og kosta 4.500 kr.
eftir hækkun, í stað 4.200 og æf-
ingakort 8 ára og yngri ko'sta 1.800.
Ókeypis fyrir ellilífeyrisþega
Ellilífeyrisþegar greiða ekki að-
gang að lyftum og ekki er greiddur
aðgangur að byrjendalyftum. Börn
á aldrinum 5-16 ára greiða barna-
gjald en börn að fimm ára aldri
greiða ekki aðgang að lyftum.
Þá var samþykkt að opnunartími
í Bláfjöllum verði þannig að alla
virka daga verður opið frá kl. 10-22,
en um helgar og á frídöguní verður
opið frá kl. 10-18.
Þórarinn V. Þórarinsson, framkvæmdastjóri Vinnuveitendasambands íslands
Gildar ástæður eru til að
breyta verði á matvælum
Forseti ASÍ segir betra að ná kaup-
máttaraukningu með lækkun verðlags
en með mikilli hækkun launa
ÞÓRARINN V. Þórarinsson, fram-
kvæmdastjóri Vinnuveitendasam-
bands íslands, segir að við skerum
okkur úr öðrum þjóðum hvað mat-
vælaverð snertir og full efni séu til
að stuðla að breytingum á þeim regl-
um sem lúti að framleiðslu, innflutn-
ingi og sölu matvæla hér á landi.
Aðspurður hvort aðilar vinnu-
markaðarins hafi sammælst um að
setja fram kröfur til stjórnvalda um
breytingar í þessum efnum segir
hann að þetta hafi ekki verið rætt
við verkalýðshreyfinguna, en hann
telji að áherslur samtakanna séu
ekki ólíkar í þessum efnum.
Benedikt Davíðsson, forseti Al-
þýðusambands íslands, segir að þetta
hafi ekki verið rætt milli samningsað-
ila enda hafi aðilar ekki fundað enn-
þá. Forystumenn verkalýðsfélaga
hafi hins vegar rætt það sín á milli
að betra væri að ná fram kaupmátt-
araukningu með lækkun verðlags
heldur en með mikilli hækkun launa,
þar sem í síðamefnda tilvikinu væri
sú áhætta tekin að hækkuninni yrði
velt út í verðlagið.
Þórarir.n sagði í samtali við Morg-
unblaðið að Vinnuveitendasamband-
ið hefði strax í haust snúið sér til
stjórnvalda og lýst yfir miklum
áhyggjum út af þróun matvælaverðs.
„Við lýstum því þar að við teldum
ástæðu til að ætla að tollígildin sem
ákveðin voru í tengslum við GATT-
lagasetninguna og raunar sá fram-
kvæmdaferill allur saman væri þar
nokkur skýring á. Við hÖfum kallað
eftir endurmati og endurskoðun á
þessum reglum og við kölluðum
raunar eftir því að samkeppnislög-
málin fái þrifist í meira mæli á inn-
lendum matvælamarkaði heldur en
gerist í dag.
Við erum þeirrar skoðunar að við
skerum okkur kannski hvað mest frá
því sem gerist með öðrum þjóðum í
matvælaverði og því séu full efni til
þess að stuðla að breytingum á þeim
reglum sem lúta bæði að framleiðslu
og sölu matvæla og þar með talið
innflutningi, þannig að verðlag hér
geti sveigst meira til þess sem gerist
í nálægum löndum," sagði Þórarinn.
Hann sagði að VSÍ hefði átt mjög
gott samstarf við bændasamtökin og
landbúnaðarráðuneytið á vettvangi
sjö manna nefndar, sem hefði borið
góðan árangur og verið gæfusamt á
sínum tíma. Bændur og ríkisvald
hefðu kosið að slíta þessu samstarfi,
en það breytti engu um það að verk-
efnið stæði eftir, að skapa skilyrði
fyrir lækkun matvælaverðs hér inn-
anlands.
„Um þetta höfum við átt samstarf
við verkalýðshreyfinguna og ég hygg
að áherslur okkar séu ekki ólíkar í
þessp efni,“ sagði Þórarinn.
Hann sagði að málið hefði ekki
verið rætt frekar, en aðspurður hvort
þetta gæti að hans mati verið þáttur
í því að lægja þær öldur sem hefðu
risið í þjóðfélaginu að undanförnu
sagði hann að allar aðgerðir sem
miðuðu með trúverðugum hætti að
því að bæta hér kaupmátt og kjör
hlytu að gera það.
Maður
fórst í
bruna
FIMMTÍU og fjögurra ára mað-
ur, Kjartan Karlsson, til heimil-
is að Ránarstíg 8 á Sauðár-
króki, lést eftir að eldur kom
upp á heimili hans í fyrradag.
Hann hlaut alvarleg brunasár
og var fluttur með sjúkraflugi
til Reykjavíkur, þar sem hann
lést á sjúkrahúsi seint í fyrra-
kvöld.
Lögreglan á Sauðárkróki
fékk tilkynningu um eldinn um
klukkan 4 í fyrradag. Þegar að
var komið var sofandi maður
inni í húsinu. Hann var strax
fluttur á sjúkrahúsið á Sauðár-
króki og þaðan með sjúkraflugi
til Reykjavíkur.
Lítill eldur var í húsinu og
gekk greiðlega að slökkva
hann. Talið er að eldurinn hafi
kviknað út frá sígarettuglóð.
Kjartan Karlsson lætur eftir
sig tvo uppkomna syni.
Sjóðsstjórn
fyrir Sam-
hug í verki
SKIPUÐ hefur verið sjóðsstjórn
vegna landssöfnunarinnar
Samhugur í verki sem stendur
yfir að tilhlutan fjölmiðla á ís-
landi, Pósts og síma, Hjálpar-
stofnunar kirkjunnar og Rauða
kross íslands.
Eftirtaldir aðilar skipa sjóðs-
stjómina: Hörður Einarsson,
hæstaréttarlögmaður, tilnefnd-
ur af hálfu forsætisráðuneytis-
ins, Jónas Þórisson, fram-
kvæmdastjóri Hjálparstofnunar
kirkjunnar, sr. Pálmi Matthías-
son, tilnefndur af fjölmiðlum,
Sigrún Árnadóttir, fram-
kvæmdastjóri Rauða kross ís-
tands og Ægir E. Hafberg,
sparisjóðsstjóri, Flateyri, til-
nefndur af sveitarstjórn Flat-
eyrar.
Söfnunarstjórn bendir á að
fram til nóvemberloka verður
tekið á móti framlögum til söfn-
unarinnar inn á bankareikning
nr. 1183-26-800 í Sparisjóði
Önundarfjarðar á Flateyri.
Hægt er að leggja inn á reikn-
inginn í öllum bönkum, spari-
sjóðum og pósthúsum á landinu.
Félagsdómur
skipaður
Urskurður
um miðjan
mánuðinn
STEFNT er að því að þingfesta
í Félagsdómi mál Vinnuveit-
endasambands íslands gegn
Verkalýðsfélaginu Baldri á
ísafírði nk. þriðjudag. Ekki er
búist við að dómur verði kveð-
inn upp í málinu fyrir en um
miðjan mánuðinn.
Nýlega var skipað í Félags-
dóm til næstu þriggja ára. Auð-
ur Þorbergsdóttir verður forseti
dómsins. Aðrir fulltrúar Hæsta-
réttar verða Gylfi Knudsen og
Ingibjörg Benediktsdóttir. Full-
trúi VSI í dómnum er Valgeir
Pálsson lögfræðingur. Fulltrúi
ASÍ er Vilhjálmur H. Vilhjálms-
son lögfræðingur. Guðmundur
Skaftason lögfræðingur situr í
dómnum tilnefndur af fjármála-
ráðuneytinu, Gísli Gíslason bæj-
arstjóri tilnefndur af Sambandi
íslenskra sveitarfélaga, Sigurð-
ur Tómas Magnússon lögfræð-
ingur tilnefndur af BHMR og
Eiríkur Helgason tilnefndur af
BSRB.