Morgunblaðið - 05.12.1995, Blaðsíða 28

28 ÞRIÐJUDAGUR 5. DESEMBER 1995
MORGUNBLAÐIÐ
LISTIR
Kaffileikhúsið
Bergþór, Erlingur og
Caput á leikhúskvöldi
H FSgi'*, > 1
QllÉKfi «’ Viff; 4
ÞRIÐJU tónleikar í
tónleikaröð Kaffileik-
hússins sem helguð er
íslenskri leikhústónlist
verður miðvikudaginn
6. desember.
Það er Jón Ásgeirs-
son tónskáld sem
kynna mun sína eigin
leikhústónlist og fé-
lagar úr Caput-hópn-
um ásamt Bergþóri
Pálssyni söngvara,
Erlingi Gíslasyni leik-
ara og söngkonunum
Guðrúnu Jóhönnu
Jónsdóttur og Öldu
Ingibergsdóttur flytja
Jón
Ásgeirsson
úrval hennar.
Tónleikarnir hefjast
kl. 21, húsið opnað kl.
20. Miðaverð er 1000
krónur.
Verkin sem flutt
verður tónlist úr eru;
Skera eða ekki skera
eftir Jamm og Jæja
(Jónas Árnason og Jón
Ásgeirsson). Fóstur-
mold eftir Guðmund
Steinsson, leikstjóri
Kristbjörg Kjeld. Úr
leikritum sem unnin
voru úr skáidsögum
Halldórs Laxness. Hús
skáldsins, leikgerð
Sveinn Einarsson, leikstjóri Ey-
vindur Erlendsson. Höll sumar-
landsins, leikgerð Kjartan Ragn-
arsson, leikstjóri Stefán Baldurs-
son.
Flytjendur ásamt Jóni eru;
Guðni Franzson klarinett og söng-
ur, Richard Korn kontrabassi. Pét-
ur Grétarsson slagverk, Daníel
Þorsteinsson píanó og söngur,
Bergþór Pálsson söngur, Erlingur
Gíslason söngur, Guðrún Jóhanna
Jónsdóttir söngur og Alda Ingi-
bergsdóttir söngur.
„Tilgangurinn með þessum leik-
hústónlistarkvöldum er að gefa
tónskáldum tækifæri til að kynna
verk sín og um leið leikhús- og
Caput - hópurinn
tónlistarunnendum tækifæri til
þess að hlýða á hluta af allri þeirri
yndislegu leikhústónlist sem við
íslendingar eigum sem alltof sjald-
an heyrist“, segir í kynningu frá
Kaffileikhúsinu.
ÚR Tári úr steini.
Góð aðsókn að Tárinu
og Benjamín dúfu
FIMMTÁN þúsund manns hafa nú
séð kvikmynd Hilmars Oddssonar,
Tár úr steini, en hún var frumsýnd
15. september síðastliðinn. Kvik-
mynd Gísla Snæs Erlingssonar, Benj-
amín dúfa, var frumsýnd 9. nóvem-
ber og hafa um 8.000 séð hana.
Að sögn Karls Ottós Schiöth hjá
Stjörnubíói er þetta góð aðsókn að
myndunum en samt ekki metaðsókn.
„Eg býst við að á milli 15.-20.000
áhorfendur muni sækja þessar mynd-
ir. Til samanburðar má geta að Böm
náttúrunnar sáu 30.000 manns en
hún var sýnd í hálft annað ár.“
Karl sagði ekki ákveðið hvað
myndirnar verði sýndar lengi, það
ráðist algjörlega af aðsókn.
TÓNLEIKAR
í Háskólabíói fimmtudaginn 7. des. kl. 20.00
SINFÓNÍUHLJÓMSVEIT ÍSLANDS
ásamt
i einleikurunum:
Zbigniew Dubik, fiðla
Richard Taíkowsky, celló
Daði Kolbeinsson, óbó
°g
Rúnar Vilbergsson, fagott
JosefHaydn: Sinfonia Concertante
Richard Strauss: Tod und Verklarung
SINFÓNÍUHLJÓMSVEIT ÍSLANDS (&\
Háskólabíói vib Hagatorg, sími 562 2255
MIÐASALA Á SKRIFSTOFU HLJÓMSVEITARINNAR OC VIÐ INNGANCINN
*
Utlending-
arnir yrkja
FIMM innflytjendur í Danmörku
hlutu nýlega verðlaun í ljóðasam-
keppni sem danska flóttamanna-
hjálpin og Brendums-forlagið í
Kaupmannahöfn efndu til. Hefur
forlagið gefið út bækur fimmmenn-
inganna, sem eru frá Tælandi,
Bosníu, írak, Póllandi og Chile auk
þess sem þeim voru veittar viður-
kenningar. í dómi Thomasar
Bredsdorff í Politiken segir hann
útlendu skáldin auka fjölbreytni í
dönskum skáldskap auk þess sem
þau slái á ýmsa fordóma.
Alls tóku 247 manns þátt í sam-
keppninni. Sá sem hlaut fyrstu
verðlaun er Bosníumaðurinn Mu-
stafa Cico Arnautovic. Eru ljóð
hans prentuð á dönsku og Serbó-
króatísku. Arnatautovic flúði stríð-
iði í heimalandi sínu og býr nú í
fljótandi flóttamannabúðum í Kaup-
mannahafnahöfn, fetju sem hýsir
bosníska flóttamenn og kölluð hefur
verið „Flotel Europa“.
Áður en stríðið brast á í Bosníu
hafði Arnautovic sent frá sér nokkr-
ar ljóðabækur. Að mati Bredsdorff
eru ljóð hans þau ljóðrænustu, ef
svo má að orði komast. í þeim sé
mikið um ilm grassins, spor stjarn-
anna, steina sem falli í vatn. Best
takist honum upp þegar hann lýsi
reynslu sinni eftir flóttann.
Ajintana Kuna Mogensen er 27
tælensk kona, gift Dana. Hún hefur
búið í Danmörku í fjögur ár og
semur á dönsku. Verk hennar þykja
minna á texta barnabóka. Þau séu
einföld og grípandi, hún notar nær
engin lýsingarorð eða aukasetning-
ar. Mogensen dregur upp smá-
myndir af lífinu í litlu tælensku
þorpi og svo breytingunni sem verð-
ur á lífi hennar þegar hún flytur
til stórborgarinnar Bankok.
Grzegorz Wróblewski er jafnaldri
Mogensen, 27 ára. Hann fæddist í
Póllandi en hefur búið í Danmörku
í áratug. Wróblewski þykir búa yfir
mestum hæfileikum fimmmenning-
anna að mati Politiken en hann
yrkir um lífið í Danmörku, hvort
heldur er á Norðurbrú eða í Valby.
Nágrönnunum, hinum drykkfellda
Christiansen og flóttamönnum af
ýmsu þjóðerni.
Jamal Jumá fæddist í írak 1954.
Hann býr nú í Danmörku en samdi
verkin sem nú hafa verið gefin út,
á meðan á Persaflóastríðinu stóð.
Það er jafnframt yrkisefni hans.
Julio Belmar er aldursforseti
hópsins, fæddur árið 1954 í Chile.
Hann flýði einræðisstjórn Pinochets
árið 1976 og settist að í Dan-
mörku. „Ég er ekki héðan, og varla
þaðan, ég á aðeins ræturnar sem
tengja mig þessari plánetu,“ segir
hann. Og talar þar fyrir munn hinna
fjögurra, sem hvert á sinn hátt lýsa
rótleysi þess sem hefur orðið að
flýja heimahagana.
y'
r
“-jt
m m :
Fylltu út þennan miöa ocj þú gætir fengið
i fallegt íslenskt jólatré aö gjöf frá
Skógræktinni og Skeljungi.
„ Dregiö veröur I 5. desember.
Hringt veröur í liina heppnu.
Staöur
Hvaöa umhverfisátak styrkir Skeljungur?
Skilaflu miðanum á Shellstöð fyrir 11. desember. Skógrækt meðSkeljungi
Áskorun til
ríkisstjórn-
arinnar
TÓNLISTARUNNENDUR fyrir
hönd Tónlistarráðs Islands afhentu
Birni Bjarnasyni, menntamálaráð-
herra áskorun til ríkisstjórnar ís-
lands sl. laugardag, þar sem lögð
er áhersla á nauðsyn þess að byggt
verði tónlistarhús í Reykjavík.
Áskorunin er svohljóðandi:
„Tónlistarunnendur saman komnir
á Austurvelli þann 2. desember
1995, vilja leggja áherslu á nauð-
syn þess að byggt verði tónlistar-
hús í Reykjavík og jafnframt lýsa
stuðningi sínum við menntamála-
ráðherra vegna áhuga hans á mál-
inu. Heildarsamtök tónlistarmanna
á Islandi skora á ríkisstjórnina að
taka ákvörðun hið allra fyrsta um
byggingu tónlistarhúss.“
----» » ♦---
„Viðhorf“
góðar stelp-
ur/slæmar
konur
„VIÐHORF“ góðar stelpur/slæm-
ar konur er yfirskriftin á síðustu
sýningu Nýlistasafnsins í ár. Sext-
án amerískar konur, allar mynd-
listarmenn og meðlimir í Artemis-
ia gallery í Chicagoborg eiga verk
á sýningunni; L.L. Balmuth, Bar-
bara Blades, Sonja Carlborg,
Diane Cox, Mary Ellen Croteau,
Carolynn Desch, Anita Jung, Nan
Kornfield, Louise McKissick,
Sungmi Naylor, Carol Padberg,
Andrea Polli, Carrie Seid, Elaine
Scheer, Susan Sensemann og
Mala Setaram.
Sýningin er samvinna Nýlista-
safnsins við Artemisia Gallery í
Chicago. Opnuð var sýning á sjö
verkum íslenskra myndlistar-
manna í Artemisia gallery í nóvem-
ber. Þetta er í fyrsta skipti sem
Nýlistasafnið á í samstarfi við sýn-
ingarhús vestanhafs, en sýningin
er styrkt af Menningarmálanefnd
Reykjavíkurborgar, Menningar-
stofnun Bandaríkjanna og Hafnar-
borg, menningar og listastofnun
Hafnarfjarðar.
í tengslum við sýningun heldur
Marie Ellen Croteau fyrirlestur í
Nýlistasafninu í kvöld kl. 20.30.
Sýningunni lýkur 17. desember
og er opin daglega frá kl. 14-18.