Morgunblaðið - 29.02.1996, Blaðsíða 4
MORGUNBLAÐIÐ
4 FIMMTUDAGUR 29. FEBRÚAR 199(5
FRETTIR
Biðlauna-
málinu
áfrýjað
RÍKISLÖGMAÐUR hefur áfrýjað
til Hæstaréttar dómi Héraðsdóms
Reykjavíkur um biðlaunarétt
starfsmanna Síldarverksmiðja rík-
isins eftir að fyrirtækinu var breytt
í hlutafélag, SR-mjöl hf.
Bragi Gunnarsson, lögfræðing-
ur í íjármálaráðuneytinu, segir að
dómurinn hafi komist að þeirri
niðurstöðu að ákvæði umræddra
laga frá Alþingi um niðurfellingu
biðlaunaréttar stæðust ekki.
Fjármálaráðuneytið væri á ann-
arri skoðun og þar sem málið
væri mikilvægt væri talið eðlilegt
að fá um það niðurstöðu Hæsta-
réttar.
Morgunblaðið/Árni Sæberg
Kíkt í bækur
UNGIR sem aldnir hafa undanfarna daga lagt leið sína reyfarakaup að sögn. Nú líður að lokum bókamarkað-
á bókamarkaðinn í Perlunni. Hafa margir gert þar arins, en síðasti dagur hans verður á sunnudaginn.
Leikhusráð LR fjallar um ályktun félagsfundar í dag
Starfandi formaður LR segir
ráðið bundið af ályktun
LEIKHÚSRÁÐ Leikfélags Reykja-
víkur kemur til fundar í dag, en
félagsfundur LR samþykkti í fyrra-
kvöld ályktun þess efnis að leikhús-
stjóra beri að leggja ráðningar og
uppsagnir fastráðinna starfsmanna
fyrir ráðið til samþykktar. Ráðið
mun taka afstöðu til ályktunar
fundarins, en starfandi formaður
LR kveðst líta svo á að ráðið sé
bundið af henni.
Aðspurður kvaðst Viðar Eggerts-
son leikhússtjóri ekki vilja tjá sig
um hvort möguleiki væri á að hann
yrði að afturkalla þær uppsagnir
sem tilkynnt hefur verið um. Fund-
ur ráðsins muni leiða það í ljós.
Breyttar forsendur
Viðar kveðst ekki vera búinn að
taka formlega afstöðu til ályktunar
fundarins og þess möguleika að
hann þurfi að bera ákvarðanir sínar
undir ráðið. „Þetta eru óneitanlega
breyttar forsendur og ég er nú að
skoða stöðuna í þessu sambandi.
Ályktunin verður tekin fyrir og þá
skýrast málin,“ segir Viðar.
Leikhússtjóri á sæti í ráðinu,
ásamt Örnólfi Thorssyni, fulltrúa
borgarstjóra, Sigurði Karlssyni,
starfandi formanni LR sem er vara-
maður Kjartans Ragnarssonar í
ráðinu, Kristjáni Franklín Magnúss,
sem er varamaður Sigrúnar Eddu
Björnsdóttur, og Þorsteini Gunnars-
syni. Kjartan Ragnarsson, formað-
ur LR, er nú við störf í Svíþjóð og
er samkvæmt heimildum Morgun-
blaðsins ekki væntanlegur til lands-
ins fyrr en um mánaðamótin
apríl/maí.
Sigurður Karlsson kveðst telja
ljóst að ráðið sé bundið af ályktun
meirihluta félagsfundar LR og því
beri að fara eftir henni. „Ályktunin
segir að það eigi að bera uppsagnir
undir leikhúsráðið og samkvæmt
henni munum við skoða uppsagnir
leikhússtjóra til þessa,“ segir Sig-
urður.
Óvissuástand
Aðspurður hvort hann telji koma
til greina að afturkalla uppsagnirn-
ar, kveðst Sigurður ætla að gera
grein fyrir afstöðu sinni á fundi
ráðsins.
Sigurður hefur sjálfur sagt stöðu
sinni hjá LR lausri, vegna „þess
óvissuástands sem núna ríkir hjá
félaginu og vegna þeirrar umræðu
sem fram hefur farið um uppsagn-
ir,“ segir hann. „Ég taldi það henta
mér og kannski félaginu líka að
hafa lausan samning.“ Sigurður
segir að uppsögnin tengist ekki
endilega ákvörðun ráðsins í dag,
en hvort hann muni endurskoða
hana sé óljóst því of snemmt sé að
segja til um hvað hann geri í fram-
haldi af fundinum.
Sigurður kvaðst ekki vilja tjá sig
um fullyrðingar þess efnis, að leik-
hússtjóri íhugi að segja af sér, verði
uppsagnimar afturkallaðar af ráð-
inu. „Menn sem ráða sig í vinnu
einhvers staðar verða náttúrulega
að lúta þeim reglum sem þar gilda
og LR er ekki ólíkt öðrum vinnustöð-
um að því leyti. En þarna er um
óorðna hluti að ræða og ég er löngu
órðinn uppgefínn á að reyna að spá
fyrir urn hvað gerist," segir hann.
Samningur við
sérfræðing-a
Afsláttur
21 millj-
ón í fyrra
SÉRFRÆÐILÆKNAR fram-
kvæmdu sem svarar um 160
þúsund fleiri einingum á síð-
asta át'i en samningur Trygg-
ingastofnunar ríkisins og sér-
fræðinga kvað á um. I sam-
ræmi við ákvæði samningsins
veittu þeir afslátt af þessum
umframeiningum og nam hann
um 21 milljón króna. Ekki et'
búið að greiða nema hluta af
reikningum frá læknum frá
þessu ári þar sem nýr samning-
ur hefur ekki verið gerður.
Samningur Tryggingastofn-
unar og sérfræðinga gerði ráð
fyrir að Tryggingastofnun
keypti um 8 milljónir eininga.
Einingar eru mælikvat'ði á
læknisverk og kostar hver ein-
ing um 135 krónur. Samning-
urinn gerir ráð fyrir að ef sér-
fræðingar fara fram úr 8 millj-
ón einingum veiti þeir afslátt
fyrir það sem umfram er. Á
seinasta ári unnu þeir sem
svarar um 2% fleiri einingum
en samningurinn kveður á um.
í krónum talið er þetta um 21
milljón króna og þá upphæð
fá sét'fræðingar ekki greidda.
Kristján Guðjónsson, deild-
arstjóri sjúkratryggingadeildar
Tryggingastofnunar, sagði að
þar sem ekki hefði verið gerður
nýt' samningur á þessu ári
hefði Tryggingastofnun aðeins
greitt upp í reikninga frá sér-
fræðingum. Fullnaðargreiðsla
yrði ekki innt af hendi l'yrr en
nýr samningur hefði verið
gerðut'.
Ekkert hefur heldur verið
greitt fyrir rannsóknir sem
gerðar hafa verið í segulóm-
tæki Læknisfræðilegrar mynd-
greiningat' hf. í Domus Meðiea.
Búið er að gera um 400 rann-
sóknir í tækinu síðan það var
tekið í notkun.
Konumar snúa sér
á ný til siðanefndar
Tölvunefnd krefur Stígamót skýringa
KONURNAR þrjár, sem borið hafa
hr. Ólaf Skúlason biskup sökum,
telja að hann hafi I sjónvarpsviðtali
í fyrrakvöld vitnað í trúnaðarupp-
lýsingar, sem þær hafi gefið stjórn
og siðanefnd Prestafélags íslands.
Hafa þær sent siðanefndinni erindi
af því tilefni.
Konurnar þtjár sendu í fyrrinótt
frá sér eftirfarandi fréttatilkynn-
ingu vegna ummæla biskups um
þær í Dagsljósi Ríkissjónvarpsins í
fyrrakvöld:
„Upphaf þessa máls er að við
snerum okkur til stjórnar Prestafé-
lags íslands og siðanefndar þess til
að koma á framfæri upplýsingum
um kynferðisofbeldi/áreitni sem við
á sínum tíma sættum af hendi nú-
verandi biskups, svo og samskiptum
við hann í framhaldi af þeim. Við
gerðum þetta með það í huga að
þessar stofnanir kirkjunnar mundu
fjalla um og bregðast við erindum
okkar á ábyrgan hátt. Við viljum
taka skýrt fram að upphaf íjöl-
miðlaumræðu um þessi mál var
hvorki að okkar frum-
kvæði né ósk.
Þrátt fyrir að siða-
nefnd prestafélagsins
hafi með afgreiðslu
sinni, 26. 2. sl., skýlt sér
á bak við eigin reglur og
þannig komið sér hjá að taka á
málinu, höfum við ákveðið, enn einu
sinni, að snúa okkur til umræddrar
nefndar með umkvartanir. Erindi
okkar til siðanefndar nú ér að fá
umsögn hennar um hlut biskups
vegna þess trúnaðarbrests, sem
opinberaðist í áðurnefndu viðtali
þar sem biskup vitnaði í trúnaðar-
upplýsingar, sem við gáf'um stjórn
Prestafélagsins og siðanefnd á sín-
um tíma.
Það væri okkur að sjálfsögðu
næst skapi að nota sömu aðferðir
og biskup leyfði sér að beita okkur,
þ.e. að koma fram í fjölmiðlum með
eigin útgáfu af þeim atburðum, sem
áttu sér stað og snerta okkur. Við
höfum hins vegar, að sinni, valið
þá leið sem að okkar mati er sæm-
andi, að gefa stofnunum kirkjunnar
enn á ný færi á að afgreiða þetta
mál á viðunandi hátt, bæði gagn-
vart okkur og þjóðkirkju landsins.
Beri þessi tilraun okk-
ar ekki skjótan árangur
munum við sjá okkur til-
neyddar til að skýra þjóð-
inni frá þv'í í smáatriðum
um hvaða ávirðingar er
að ræða í þessu máli og
hlut biskups í þeim.“
Konurnar rita nöfn sín undir til-
kynninguna en óska þess að þau
verði ekki birt.
Úlfar Guðmundsson, f'orniaður
siðanefndar Prestafélags íslands,
vildi ekki tjá sig í gær um hvort
eða hvenær nefndin taiki erindi
kvennanna þriggja til umfjöllunar.
Tölvunef'nd hel'ur sent Guðrúnu
Jónsdóttur, starfskonu Stígamóta,
bréf þar sem hún er beðin um að
gera grein fyrir þeim reglum sem
Stígamót hafa sett sér um nafn-
leynd. Þetta er gert í kjölfar um-
mæla sem hún viðhafði í fjölmiðlum
um að þtjár konur hefðu leitað að-
stoðar Stígamóta vegna áreitni
biskups íslands við þær.
Sigrún Jóhannsdóttir, ritari
tölvunefndar, staðfesti í gær að
nefndin hefði sent Guðrúnu bréfið
í fyrradag. Hún sagði að nefndin
hefði fyrir tveimur árum gert at-
hugun á meðferð persónuupplýs-
inga hjá Stígamótum. Af þeirri
könnun hefði ekki mátt annað ráða
en að nafnleyndar væri gætt og því
hefði nefndarmönnum þótt þessi
umfjöllun í fjölmiðlum núna vera
tilefni til að kanna hvort samtökin
hefðu breytt um stefnu í nafnleynd-
armálum. Svo virtist sem Guðrún
hefði gefið fjölmiðlum upplýsingar
sem hún hefði fengið vitneskju um
í starfinu fyrir samtökin.
I bréfinu segir að með vísan til
framangreinds sé „hér með lagl
fyrir yður að skýra tafarlaust um-
ra*tt misra-mi og gera glögga grein
fyrir jtví hvaða reglur samtökin
hafi sett sér um nafnleynd. Jafn-
framt er þess óskað að þér gerið
grein fyrir því hvort þér teljið það
vera í verkahring Stígamóta að
upplýsa opinberlega um nöfn
meintra fremjenda refsiverðra
brota.“ Síðan er vakin athygli á
ákvæðum laga um skráningu og
meðferð persónuupplýsinga.
Sigrún sagði að nefndin væri
ekki búin að kveða upp neinn dóm
yfir einum eða öðrum í þessu máli.
Það misræmi, sem áður er getið,
hefði hins vegar þótt gefa ástæðu
til að kanna málið.
Guðrún Jónsdóttir
sagðist í samtali við
Morgunblaðið í gær-
kvöldi ekki hafa komist
til að skrifa Tölvunefnd
bréf og sér fyndist sjálf-
gefið að gera nefndinni grein fyrir
svarinu áður en hún færi með það
í fjölmiðla.
Möguleiki á að höfða
meiðyrðamál
Ólafur Skúlason sagði í gáör að
sú niðurstaða ríkissaksóknara að
(tkki va-ri gtundvöllur til opinberrar
rannsóknar á tilurð og sannleiks-
gildi ásakana á hendur biskupi hefði
orðið sér mikil vonbrigði. Hann
sagðist þó enn eiga þann möguleika
að vísa málinu sem meiðyrðamáli
til embættis ríkissaksóknara. Hann
væri ekki búinn að taka afstöðu til
þess og myndi ekki gera það fyrr
en eftir að hafa ráðfært sig við lög-
mann sinn.
Biskup sagði að ekki hefði verið
úrskurðað í Langholtskirkjudeilunni
í gær eins og til stóð. Því hefði
verið frestað fram yfir næstú helgi.
í dag hefst kirkjuráðsfundur og
lýkur honutn á morgun. Kirkjuráð
er æðsta stofnun kirkjunnar, kjörið
af kirkjuþingi. Á þriðjudag, mið-
vikudag og fimmtudag í næstu viku
hittast síðan allir 16 prófastar
landsins og báðir vígslubiskupar
með biskupi.
Úrsagnir úr þjóðkirkju
Stjórn Prestafélags íslands kom
saman til fundar í gærkvöldi til að
ræða hinar meintu ávirðingar á
hendur hr. Ólafi Skúlasyni. Fund-
inum var ekki lokið þeg-
ar blaðið fór í prentun.
Morgunblaðinu barst
í gær nafnlaust bréf frá
hópi kvenna sem hefur
sagt sig úr Þjóðkirkj-
unni. Með bréfinu er
eyðublað stílað á Hagstofu Íslands
og er það tilkynning um breytingu
trúfélags. Konurnar segjast gera
þetta „vegna þess að okkut- ofbýður
framkonta kirkjunnar í garð þeirra
þriggja kvenna, sem kvartað hafa
undan kynferðislegri áreitni bisk-
ups.“ Fram kemur að bréfið sé sent
til fjölmennra vinnustaða og sam-
taka.
Niðurstaða
saksóknara
olli biskupi
vonbrigðum
Stjórn
Prestafélags-
ins kemur
saman
-
\
|
\
I
I
s
8
,
!
|
«