Morgunblaðið - 29.02.1996, Blaðsíða 43
MORGUNBLAÐIÐ
FIMMTUDAGUR 29. FEBRÚAR 1996 43
FJÖLMENNI var á borgarafundinum í Hvaleyrarskóla.
Almennur borgarafundur í
Hafnarfirði um fíkniefnamál
Lögreg’lan verði
sýnilegri í bænum
SAMTÖK foreldra við Hvaleyrar-
skóla og skólinn boðuðu 21. febr-
úar sl. til almenns borgarafundar
um fíknivandann. Fundurinn var
haldinn í Hvaleyrarskóla og sóttu
hann á annað hundrað manns. Á
fundinum voru flutt mörg, stutt
framsöguerindi þar sem foreldrar,
unglingar, lögregla og sérfræðing-
ar reifuðu málið frá ýmsum hlið-
um.
Fundurinn taldi brýnt að foreldr-
ar og íbúar í Hafnarfirði almennt
sýndu árverkni og samstöðu um
að berjast gegn þessum vágesti.
Einnig kom fram að stjórnvöld
þyrftu að bregðast hart við. Eftir-
farandi áskoranir voru samþykktar
á fundinum:
„Almennur borgarafundur,
haldinn í Hvaleyrarskóla í Hafn-
arfirði hinn 21. febrúar 1996,
skorar á sýslumannsembættið í
Hafnarfirði að sjá til þess að lög-
reglan verði sýnilegri í bænum
þ.e. að lögreglubílar aki reglulega
um hverfin á kvöldin og virki
þannig sem aðhald og stuðningur
við foreldra í því að standa við
útivistarreglur barna og ung-
linga. Einnig gerir fundurinn
kröfu um að lögreglan fylgist með
umferð í nágrenni skóla þannig
að fíkniefnasalar eigi ekki greiðan
aðgang að unglingum á skóla-
tíma.
Almennur borgarafundur, hald-
inn í Hvaleyrarskóla í Hafnarfirði
hinn 21. febrúar 1996, skorar á
fræðsluyfirvöld að stórauka
fræðslu um skaðsemi fíkniefna og
beina henni bæði til nemenda og
foreldra. Fundurinn telur að
fræðsla um skaðsemi fíkniefna
þurfi að vera lögboðin allt frá 5.
bekk grunnskóla.
Fundurinn gerir þá kröfu til við-
eigandi stjórnvalda að landið verði
betur varið fyrir innflutningi fíkni-
efna og að refsingar við innflutn-
ingi og dreifingu þessara efna
verði hertar.“
Saumastofan frum-
sýnd á Melum
Arnarneshreppur. Morgunblaöid.
LEIKDEILD Ungmennafélagsins
Skriðuhrepps í Hörgárdal frum-
sýnir í kvöld, fimmtudagskvöldið
29. febrúar, Saumastofu Kjartans
Ragnarssonar.
Leikstjóri er Aðalsteinn Berg-
dal, leikari hjá Leikfélagi Akur-
eyrar, og honum til aðstoðar er
Sesselja Ingólfsdóttir.
Saumastofan var frumflutt hjá
Leikfélagi Reykavíkur og fékk þá
strax fádæma góða aðsókn. Leik-
ritið byggist mikið upp á söngi,
glensi og gamni og leikur Birgir
Arason undir söngatriðum.
Að sögn Antons Þórissonar, eins
úr hópi 10-15 aðstoðarmanna,
kóm enginn annar til greina en
Aðalsteinn sem leikstjóri en hann
hafði áður gegnt því hlutverki þar
með ágætum.
Níu leikendur
Leikendur eru níu, sex konur á
saumastofunni, Kalla leikur Þórð-
ur Steindórsson, en hann hefur
ásamt Sesselju verið í fastahópi
leikara síðustu 25 ár. Félagið hef-
ur síðan 1967 fært upp verk að
minnsta kosti annað hvert ár.
Sýningar eru á Melum í Hörgár-
dal, önnur sýning verður sunnu-
daginn 3. mars. Leikmynd er
þannig gei’ð að möguleiki er að
sýna á öðrum stað en Melum.
FRÉTTIR
Ný félags-
miðstöð í
Hafnarfirði
NÝ félagsmiðstöð verður opnuð í
Hvaleyrarskóla, Akurholti 1,
fimmtudaginn 29. febrúar kl. 17.
Af því tilefni býður Æskulýðs- og
tómstundaráð Hafnarfjarðar fólki í
hverfinu að koma og þiggja veiting-
ar.
Ávörp flytja Ingvar Viktorsson,
bæjarstjóri, Guðmundur Árni
Tryggvason, formaður ÆTH, og
Helga Friðfinnsdóttir, skólastjóri.
Um kvöldið verður opið hús milli
kl. 20 og 22 fyrir ungmenni 13-16
ára þar sem Páll Óskar mun
skemmta. Aðgangur er ókeypis í
tilefni opnunarinnar.
Góuganga á
hlaupársdegi
í BYRJUN góu, fimmtudágin í 19.
viku vetrar, hlaupársdegi, stendur
Hafnargönguhópurinn fyrir göngu-
ferð úr Sundahöfn frá Sundakaffi
kl. 20.
Farið verður eins og kostur er
með ströndinni inn á Artúnshöfða.
í tilefni dagsins verður slegið á létta
strengi á leiðinni, kveikt lítið fjöru-
bál ef aðstæður leyfa og boðið upp
á kaffi og pönnukökur. Að því loknu
verður val um að ganga til baka
eða fara í rútu.
Fræðslufundi
LAUF frestað
FYRIRHUGAÐUR fræðslufundur
LAUF, Landssamtaka áhugafólks
um flogaveiki, sem vera átti í kvöld
kl. 20 er frestað vegna óviðráðan-
legra orsaka.
Nýskipan í
ríkisrekstri
FJÁRMÁLARÁÐUNEYTIÐ hefur
gefíð út bækling um Nýskipan í
ríkisrekstri, en það er samheiti yfir
þær umbætur sem stefnt er að í
rekstri ríkisins.
í stefnunni sem ríkisstjórnin
samþykkti nýlega að tillögu fjár-
málaráðherra segir m.a.: „Ríkis-
stjórn Davíðs Oddssonar hyggst
vinna að umbótastarfi í ríkisrekstr-
inum með tvö meginmarkmið að
leiðarljósi. Fyrra markmiðið er að
skipulag og starfsemi ríkisins sé
með þeim hætti að ríkið geti sinnt
skyldum sínum við borgarana á eins
hagkvæman, skjótvirkan og árang-
ursríkan hátt og kostur er. Síðara
markmiðið er að opinber þjónusta
sé svo skilvirk að hún gefi íslensk-
um fyrirtækjum forskot í vaxandi
alþjóðlegri samkeppni. „Einkunnar-
orð þessa umbótastarfs eru: Ein-
földun, ábyrgð og árangur.“
Stefnunni um nýskipan í ríkis-
rekstri er skipt upp í átta megin-
þætti: Ábyrgð og afrakstur, Endur-
skoðun á umfangi ríkisrekstrar,
Sjálfstæði og sveigjanleiki í starfs-
mannamálum, Betri upplýsingar
um fjármál ríkisins, Skilvirkari yfír-
stjórn, Skilvirkt eftirlitsstarf og
Hagnýting upplýsingatækni.
Vorhappdrætti
Flugbj örgunar-
sveitarinnar
FLUGBJÖRGUNARSVEITIN í
Reykjavík hefur hleypt af stokkun-
um nýju fjáröflunarverkefni sem er
Vorhappdrætti.
Happdrættismiðarnir hafa verið
sendir út til einstaklinga og fyrir-
tækja og vonast Flugbjörgunar-
sveitin eftir góðum undirtektum
almennings. Fjöldi góðra vinninga
er í boði. Dregið verður sumardag-
inn fyrsta, 25. apríl nk., og verða
vinningar auglýstir að drætti lokn-
um.
■ NÝLEGA voru vinningshöfum
í ferðaleik aiwa með Flugleiðum
afhentir ferðavinningar að upp-
hæð 50.000 kr. hver. Alls keyptu
416 manns aiwa hljómtæki fyrir
jólin og lentu þá sjálfkrafa í ferða-
pottinum. Á myndinni eru f.v.
Jóhannes Þórarinsson sölustjóri
hjá Radíóbæ og vinningshafarnir
Rúnar Hoffritz, Siginður Vil-
hjálmsdóttir, Gunnar Hannes-
son og Arnheiður Jónsdóttir.
EFRI röð f.v. Kristín Birgisdóttir, Jens Jensson, Ólafur J. Guðmunds-
son, Hrafnhildur Skúladóttir og Skúlína Jónsdóttir. Fyrir framan
standa Birna Jensdóttir og Silja Rán Arnarsdóttir.
■ NÝLEGA tók til starfa versl-
un sem sérhæfir sig í hnífum og
vinnufatnaði, Verslunin Stál og
hnífur, Grensásvegi 16,
Reykjavík. Eigendur verslunar-
innar eru Jens Jensson, Kristin
Birgisdóttir, Ólafur J. Guð-
mundsson og Hrafnhildur
Skúladóttir. Þau flytja inn vörur
■ DREGIÐ hefur verið í lukkuleik
Garnbúðarinnar Tinnu en hann
fór fram á Akureyri og nágrenni.
Verðlaunin voru garn í peysur,
kvöldverður fyrir tvo á Fiðlaranum
og áskriftir að prjónablaðinu Ýr.
Verðlaun hlutu Ásta Hrund
Jónsdóttir, Hrísalundi 16d, Guð-
rún Jóhannesdóttir, Skarðshlíð
25e, Ingunn Tryggvadóttir, Ytra-
Gili, Halldóra E. Ásgeirsdóttir,
Brekkutröð I, Jakobína Reynis-
dóttir, Dvergagili 13, Sigríður
Þorsteinsdóttir, Stapasíðu 13d,
Elín M. Stefánsdóttir, Skarðshlíð
9d, Anna Þ. Jónasdóttir, Austur-
byggð 6, Helga Jónsdóttir, Lög-
bergsgötu 1, og Svanhildur
Skúladóttir, Engimýri 14.
GUÐBJÖRG Rut Pálmadóttir og
Bergrós Kjartansdóttir hjá Garn-
búðinni Tinnu draga út heppna
vinningshafa.
■ EMIL Þórsson dró úr réttum
innsendum svörum í getraun Vöru-
happdrættis SÍBS sem birtist í
fylgiriti Morgunblaðsins 3. janúar
sl. Vinninginn Canon UC8HÍ mynd-
bandstökuvél hlaut: Þórhildur B.
Kristjánsdóttir, Ketilsbraut 5,
610 Húsavik.
beint frá framleiðanda í Dan-
mörk. Fatnaðurinn er frá Egro
og er i öllum stærðum, líka yfir-
stærðum. Hnífa eru þau aðallega
með frá Vangedal í Danmörku
og munu sinna sérstaklega mat-
vinnslufyrirtækjum, bæði fisk- og
kjötvinnslum.
■ VERSLUNIN Silkiblóm hef-
ur flutt starfsemi sína að Faxa-
feni 5. Verslunin hefur mikið
úrval af sérstökum blómum,
skreytingum og gjafavöru, hand-
unnin kerti, postulíns f°rminga-
styttur, fermingarhanska, hár-
skraut og servíettur til áprentun-
ar. Auk þessa er mikið úrval af
trjám og plöntum úr silki. Versl-
unin sérhæfir sig í og leigir út
brúðkaupsskreytingar á bíla, í
kirkjur og í veislusali. Verslunin
er opin frá kl. 10-18 virka daga
oglaugardaga kl. 11-16. Eigend-
ur Silkiblóma eru Guðrún H.
Waage og Hendrikka G. Waage.