Morgunblaðið - 14.03.1996, Blaðsíða 36

MORGUNBLAÐIÐ
36 FIMMTUDAGUR 14. MARZ 1996
Músíktilraunir
Peg
►FRÁ Selfossi kemur hljómsveitin Peg sem skipuð
er Sigurði Þór Magnússyni, Magnúsi Árna Kristins-
syni og Þórhalli Reyni Stefánssyni. Sigurður leikur
á gítar og syngur, Magnús á bassa og Þórhallur á
trommur. Þeir félagar, allir á sextánda árinu, leika
öðruvísi og frumlegt fönkkryddað íslenskt rokk.
Gazogen
►ÚR Reykjavík er ræflarokksveitin Gazogen. Hana
skipa Hlynur Magnússon söngvari og gítarleikari,
Baldur Björnsson gítarleikari og bakraddasöngvari,
Halldór Valgeirsson yfirgítarleikari, Friðjón V.
Gunnarsson trommuleikari og Sindri Traustason
bassaleikari. Þeir félagar eru allir á tuttugasta árinu.
Gaur
►ÚR Garðabæ kemur hljómsveitin Gaur sem skip-
uð er Agnari E. K. Hansen, gítarleikara og söngv-
ara, Frosta Jóni Runólfssyni trommuleikara og
Ragnari Frey Magnússyni bassaleikara. Meðalaldur
þeirra er rúm fimmtán ár og tónlistin er einfalt
pönkrokk.
Hlj óms veitakeppni
Tónabæjar
________í kvöld hefst í Tónabæ______________
hljómsveitakeppni bílskúrssveita
sem kallast Músíktilraunir.
Arni Matthíasson segir frá
tilraununum, sem eru þær
flórtándu í röðinni.
MÚSÍKTILRAUNIR Tónabæjar, hljómsveitakeppni bíl-
skúrssveita hvaðanæva af landinu, hefjast í fjórtánda
sinn í kvöld, en þá gefst óreyndum hljómsveitum færi á
að keppa sín á milli um hljóðverstíma sem eru hljómsveit-
um dýrmætir, því allar stefna þær að því að koma tón-
list sinni á plast. Aðal Músíktilrauna er að allar sveitirn-
ar verða að leika frumsamin lög og keppnin er því fyrst
og fremst í frumleika, þó fími í hljóðfæraleik og sviðs-
framkoma skipti eðlilega miklu máli. Það er athygli vert
fyrir þá sem syngja á ensku að enskumælandi hljómsveit-
ir hafa almennt átt erfitt uppdráttar í tilraununum til
þessa, hvort sem það er til marks um skort á frumleika
eða viðhorf áheyrenda og dómnefndar.
Áheyrendur velja sigursveitir hvers kvölds, en ef sér-
stakri dómnefnd líst sem svo á hún möguleika að hleypa
hljómsveit áfram sem ekki hefur hlotið náð fyrir eyrum
áheyrenda. Það hefur gerst að hljómsveit sem þannig
komst áfram hafí endað á verðlaunapalli, en ekki undan-
farin ár. Úrslitakvöldið gilda atkvæði dómnefndar síðan
70% á móti atkvæðum áheyrenda til að tryggja að það
sé ekki bara vinafjöld sem ráði úrslitum.
Jöfn dreifing
Undanfarin ár hefur nokkuð borið á hljómsveitum
utan af landi; það er eins og þær séu betur vakandi og
fljótari að taka við sér, en að þessu sinni er dreifingin
nokkuð jöfn yfír landið. Af höfuðborgarsvæðinu eru flest-
ar sveitimar, sautján og tvær að auki úr Mosfellsbæ.
Frá ísafirði kemur ein sveit, ein frá Sauðárkróki, ein frá
Siglufírði, tvær frá Akureyri, ein frá Austfjörðum, ein
frá Selfossi, ein úr Þorlákshöfn, tvær úr Keflavík og ein
úr Njarðvíkunum. Sé enn rýnt í skráningarpappíra má
sjá að ein kvennahljómsveit tekur þátt að þessu sinni
og ein sem er skipuð stúlkum að mestu, en síðast þegar
kvennahljómsveit tók þátt, Kolrassa krókríðandi, valtaði
hún yfír strákana og sigraði með nokkrum yfirburðum.
Tilraunasveitunum hefur haldist misjafnlega á sigur-
laununum; dæmi eru um að hvorki hafi heyrst hósti né
stuna frá sigursveitum framar, en fyrir aðrar hafa tilraun-
irnar verið mikil lyftistöng. Þannig leika sem gestasveit-
ir á þessum Músíktilraunum þijár sigursveitir tilraunanna
sem allar eiga það sameiginlegt að hafa komist vel áfram;
Kolrössur sigruðu 1992, hafa sent frá sér tvær breiðskíf-
ur og sú þriðja, sem gefín verður út víða um heim, er
væntanleg. Maus sigraði 1994 og leikur sem gestasveit
þriðja tilraunakvöldið, en fyrir síðustu jól gaf Maus út
aðra breiðskífu sína. Sigursveit síðasta árs, Botleðja, er
sennilega vinsælasta rokksveit landsins eftir breiðskífu
sína Drullumall, sem sveitin hljóðritaði fyrir sigurlaunin.
Þessar sveitir eiga allar það sameiginlegt að hafa komið
vel undirbúnar til leiks, vel æfðar og ákveðnar, og segja
má að þær hafí sigrað með nokkrum yfírburðum. Ef til
við er einhver slík sveit að gera sig klára, leikur jafnvel
í kvöld, og til mikils er að vinna.
Úr ýmsum áttum
Gestasveitir
í kvöld leika sjö hljómsveitir úr ýmsum áttum ólíkar
gerðir tónlistar; allt frá pönki í popp og reyndar virðist
fjölbreytnin meiri um þessar mundir en oft áður og hef-
ur sífellt aukist frá þvi dauðarokkið var allsráðandi fyrir
nokkrum árum, en rokkkyns tónlist er þó í meirihluta
sem vonlegt er, ekki síst í ljósi vinsælda erlendra rokk-
sveita undanfarin misseri. Einnig taka þátt að þessu sinni
techno-sveitir og á eflaust eftir að aukast á næstu árum
því danstónlistin er geysivinsæl og á eins mikið erindi í
tilraunimar og hver önnur tónlist.
Sigurlaun Músíktilrauna eru 25 hljóðverstímar í Stúdíó
Sýrlandi, helsta hljóðveri landsins, 2. verðlaun eru 25
tímar í Gtjótnámunni og 3. verðlaun eru 20 tímar í Stúdíó
Hljóðhamri. Athylisverðasta hljómsveitin að mati dóm-
nefndar fær svo 20 hljóðverstíma í Stúdíó Hellinum og
sigursveit hvers kvölds fær að auki tíu tíma frá Stúdíói
Hellinum. Til viðbótar við þetta fær besti gítarleikari til-
raunanna að mati dómnefndar gítar frá Hljóðfærabúð
Steina, besti söngvarinn Shure hljóðnema frá Tónabúð-
inni á Akureyri, besti bassaleikarinn úttekt frá Skífunni
í Hljóðfærahúsi Reykjavíkur og besti trommuleikarinn
úttekt frá Samspili. Ónnur verðlaun gefa Hard Rock
Café, Pizzahúsið, Paul Bernburg, Rín og Japís. Fjölmarg-
ir aðrir leggja tilraununum lið og má nefna að Flugleið-
ir veita ríflegan afslátt af fargjöldum til að jafna að-
stöðu hljómsveitanna.
Ljósmynd/Björg Sveinsdóttir
Ikveikja
►MEÐAL hljómsveita úr Hafnarfirði að þessu sinni
er íkveikja sem leikur pönkað rokk, Sveitina skipa
Hannes Berg Þórarinsson bassaleikari. Jón Gunnar
Kristjánsson trommuleikari, og Þór Óskarsson og
Ásbjörn Leví gítarleikarar. Meðalaldur þeirra er
rúm sautján ár.
Sigursveit síðustu tilrauna, hafnfírska rokktríóið Botn-
leðja, leikur sem gestasveit í kvöld, fyrsta tilraunakvöld-
ið, og hyggst víst leika ný lög. Maus leikur annað tilrauna-
kvöldið, 21. mars, og einnig ný lög í bland við eldri.
Þriðja tilraunakvöldið, 22. mars, leikur enn sigursveit
úr Músíktilraunum, Korassa krókríðandi. Fjórða og síð-
asta tilraunakvöldið, 28. mars, leikur svo fönksveitin
Funkstrasse. Úrslitakvöldið, sem verður 29. mars, leikur
Unun, en þess má geta að viðstaddir verða útsendarar
erlendra útgáfufyrirtækja sem hug hafa á að gera við
sveitina útgáfusamning.
Sílikon
►DÚETTINN Sílikon er úr Reykjavík og leikur
techno-tónlist. Dúettinn skipa Einar Johnson og
Örnólfur Thorlacius; Einar Ieikur á hljóðsmala og
Örnólfur á hljóðgervil og hljóðsmala. Einar er á
19. aldursári, en Örnólfur 17.
The Paranormal
►THE Paranormal heitir kvintett úr Mosfellsbæ. Hann skipa Bóas Hallgríms-
son söngvari, Bjöm Stefánsson trommuleikari, Ari P. Arnaldsson og Þórður
Illugi Bjarnason gítarleikarar og Þórður Þórðarson bassaleikari. Þeir félagar
leika rokk í þyngri kantinum og eru allir á sextánda árinu.
Spírandi baunir
► SPÍRANDI baunir em
Hannes Þór Baldursson
söngvari, Þórarinn Elv-
ar bassaleikari, Pétur
Einarsson gitarleikaro
og Aðalsteinn Ólafsson
trommuleikari.