Morgunblaðið - 09.05.1996, Síða 6

6 FIMMTUDAGUR 9. MAÍ 1996
MORGUNBLAÐIÐ
FRÉTTIR
Skoðanakönnun Gallups vegna forsetakjörs
44,3% nefna Ólaf
en 38% óákveðnir
Ný leiguflugvél á vegum Islandsflugs komin til landsins
NÝJA ATR42 leiguflugvélin kom til landsins i gær.
Fjölhæf vöru- og
farþegaflugvél
ÓLAFUR Ragnar Grímsson nýtur,
samkvæmt skoðanakönnun Gallups,
sem gerð var fyrir Ríkisútvarpið,
mests fylgis þeirra forsetaframbjóð-
enda, sem komnir eru fram. 38% eru
enn óákveðin en miðað við þá sem
afstöðu tóku, nýtur Ólafur Ragnar
71,2% fylgis, Guðrún Pétursdóttir
10,2%, Pétur Kr. Hafstein 9,4% og
Guðrún Agnarsdóttir 4,4%. Þessar
tölur reiknaði Ríkisútvarpið út og birti
í gærkveldi.
I síðustu könnun Gallups, sem
Morgunblaðið birti þriðjudaginn 2.
apríl, naut Ólafur Ragnar fylgis 40%
þeirrra sem afstöðu tóku, Guðrún
Pétursdóttir 23%, Guðrún Agnars-
dóttir 13% og Davíð Oddsson og Pálmi
Matthíasson mældust með 4% fylgi
hvor. Rúmlega helmingur aðspurðra
hafði ekki gert upp hug sinn.
1.200 manna slembiúrtak
Sé miðað við heildarúrtakið, 1200
manns, eru fylgistölur frambjóðenda
þannig að Ólafur Ragnar nýtur nú
44,3% fylgis, Guðrún Pétursdóttir
6,4%, Pétur Kr. Hafstein 5,9% og
Guðrún Agnarsdóttir 2,7%.
Könnunin fór fram 26. apríl til 7.
maí. Urtakið var 1.200 manns, valið
með slembiaðferð úr þjóðskrá. Óá-
kveðnir voru 38%.
Eftir að spurt hafði verið „Hver
vilt þú að verði næsti forseti ís-
lands?“ voru þeir sem nefndu ein-
hvei'n spurðir hver kæmi þar á eftir.
Næstum helmingur þeirra sem settu
Ólaf Ragnar í fyrsta sæti setti Guð-
rúnu Pétursdóttur í annað sæti en
fjórðungur þeirra nefndi Guðrúnu
Agnarsdóttur og tæplega 18% Pétur
Kr. Hafstein. Þeir sem tilnefna Guð-
rúnu Pétursdóttur fyrst nefna Ólaf
Ragnar sem næsta kost og 27% nefna
Pétur Kr. Hafstein. Um helmingur
þeirra sem nefna Pétur fyrst nefnir
Guðrúnu Pétursdóttur næst og um
þriðjungur Ólaf Ragnar. Þeir sem
völdu Guðrúnu Agnarsdóttur fyrst
skiptast nær eingöngu milli Guðrúnar
Pétursdóttur og Ólafs Ragnars.
-------------------
Fjölskyldu- og hús-
dýragarðurinn
Rekstrarfé-
lag stofnað
BORGARRÁÐ hefur samþykkt að
stofna rekstrarfélag um Fjölskyldu-
og húsdýragarðinn.
Samþykkt hefur verið að fela
þriggja manna starfshópi að und-
irbúa tilIÖgur um stofnun félagsins.
Verður leitast við að fá til samstarfs
fyrirtæki, félagasamtök og einstakl-
inga. Ennfremur verður kannað með
hvaða hætti starfsmenn geti orðið
þátttakendur í slíkum rekstri.
NÝ leiguflugvél á vegfum íslands-
flugs kom til landsins í gær.
Flugvélin er 46 sæta af gerðinni
ATR 42-300 og er að stærstum
hluta framleidd í Frakklandi en
einnig á Italíu. Hreyflar af gerð-
inni Pratt & Whitney eru fram-
leiddir í Kanada. ATR er algeng-
asta flugvélin í sínum stærðar-
flokki í heiminum að því er fram
kemur í upplýsingum frá íslands-
flugi. Flugvélin getur notað
stuttar flugbrautir og flogið án
millilendingar til flestra Evrópu-
landa, Eystrasaltslanda og
Kanada.
Flugvél Islandsflugs er sér-
staklega útbúin til vöru- og far-
þegaflutninga. Sérstök innrétt-
ing er fyrir hvort tveggja og
tekur aðeins eina og hálfa
klukkustund að skipta um inn-
réttingu. Flugvélina er hægt að
nota að hluta fyrir farþega og
hluta fyrir frakt.
Flugvélin tekur við fraktflugi
félagsins til Bretlands en þangað
hefur verið flogið fimm nætur í
viku fyrir DHL sl. tvö ár. Veru-
leg aukning hefur verið í flutn-
ingum hjá DHL og var orðin
brýn þörf á að auka flutnings-
getu til að sinna þeirra þörfum.
Um leið opnast möguleikar fyrir
aðra aðila að nota sér þessa þjón-
ustu og hefur nú þegar verið
samið við AEI (Air Express Int-
emational) sem er einn stærsti
miðlari í flugfrakt í heimi. Fyrir-
tækið hefur opnað skrifstofu á
íslandi í samvinnu við B.M. flutn-
inga.
Grænlandsflug í sumar
I sumar verður flugvélin not-
uð á daginn í farþegaflug til
Grænlands. Auk þess verður
hægt að leigja vélina fyrir ýmis
konar hópferðir innanlands og
utan. íslandsflug rekur sjö flug-
vélar 5,9,12 farþega og fjórar
19 farþega auk ATR flugvélar-
innar. Starfsmenn eru um 55,
velta síðasta árs 423 milljónir
og hafði aukist um 90 milljónir
frá árinu áður.
Stjórn og stj órnarandstaða deildu hart um frumvarp um réttindi og skyldur ríkisstarfsmanna
Nútímalegra rík-
iskerfi eða stríð
við stéttarfélögin?
„ Morgunblaðið/Ásdis
FJOLDI opinberra starfsmanna fylgdist með löngum umræðum
á Alþingi á þriðjudag um frumvarpið um réttindi og skyldur
ríkisstarfsmanna. Á myndinni era Sigríður Kristinsdóttir, fyrrv.,
formaður Starfsmannafélags ríkisstofnana og Reynir Ragnars-
son uppeldisfulltrúi.
SVAVAR Gestsson og Össur Skarphéðinsson ráða ráðum
sínum við umræður á Alþingi.
VILHJÁLMUR Egilsson mælti fyrir
breytingartillögum sem meirihluti
efnahags- og viðskiptanefndar
þingsins ber fram við frumvarpið
um réttindi og skyldur ríkisstarfs-
manna á Alþingi á þriðjudag. Um-
ræðurnar stóðu yfir í um níu klukku-
stundir og var þeim frestað kl. hálf
eitt um nóttina. Voru þá enn sjö
þingmenn á mælendaskrá.
Miklar breytingar
Vilhjálmur sagði að frumvarpið
hefði miklar breytingar í för með
sér, sem væri til þess fallnar að
gera ríkiskerfið nútímalegra og að
starfsmannahald ríkisins yrði betur
í takt við þau verkefni sem ríkinu
væri falið og þann árangur sem
menn vildu ná úr ríkisrekstrinum.
Meginbreytingarnar í frumvarp-
inu væru m.a. þær að forstöðumenn
ríkisstofnana gætu greitt starfs-
mönnum viðbótarlaun ofan á grunn-
laun. Æviráðning opinberra starfs-
manna yrði afnumin, ábyrgð for-
stöðumanna á fjárreiðum ríkisstofna
yrði aukin og allir embættismenn
myndu heyra undir kjaradóm eða
kjaranefnd.
Samkvæmt frumvarpinu fjölgar
embættismönnum ríkisins töluvert.
Meirihluti efnahags- og viðskipta-
nefndar leggur m.a. til að prestar
og prófastar ásamt ríkistollstjóra
bætist í hóp embættismanna en
starfsmenn Almannavarna og
Landshelgisgæslunnar ekki. Þá er
lagt til að lögreglumenn, tollverðir
og fangaverðir haldi samningsrétti
sínum þrátt fyrir að þeir verði emb-
ættismenn. Einnig er lagt til að ekki
verði heimilt að greiða embættis-
mönnum viðbótarlaun heldur verði
kjör þeirra alfarið ákveðin af kjara-
nefnd.
Reynir á sjálfstæði Alþingis
Stjórnarandstæðingar gagnrýndu
mjög harðlega að frumvarpið skyldi
ekki hafa verið dregið til baka eins
og verkalýðshreyfingin og stjórnar-
andstaðan hefur krafist.
Ögmundur Jónasson, Alþýðu-
bandalagi og formaður BSRB, sagði
að í málinu reyndi á sjálfstæði Al-
þingis. Tillögur frumvarpsins tækju
á samningsbundnum kjörum og
skertu kjör launafólks og málmet-
andi aðilar hefðu fært rök fyrir því
að frumvarpið bryti gegn stjórnar-
skrá og siðferðilega stæðist það eng-
an veginn. Þetta væri samdóma álit
allra samtaka á vinnumarkaði að
undanskyldu Vinnuveitendasam-
bandinu, Vinnumálasambandinu og
Verslunarráði, enda væru tillögur
frumvarpsins mjög í anda málflutn-
ings þeirra. Ögmundur skoraði á
Alþingi að láta ekki fulltrúa þessara
sjónarmiða segja sér fyrir verkum.
Ágúst Einarsson Þjóðvaka sagði
málið einkennast af því að ekkert
eðlilegt samráð hefði verið haft við
stéttarfélögin um gerð þess. Um-
sagnir stéttarfélaga væru allar á
einn veg. Að hafna frumvarpinu og
þeirri hugsun sem það lýsti. Ekkert
hefði verið gert með þessar umsagn-
ir og skoðanir stjórnarandstöðunnar
og því væri verið að stefna í stríð
við stéttarfélögin við næstu kjara-
samninga.
Steingrímur J. Sigfússon Alþýðu-
bandalagi sagði að ríkisstjórnin hefði
slitið samstarfi við verkalýðshreyf-
inguna og ákveðið að setja einhliða
leikreglur á vinnumarkaði. Sagði
hann fráleitt að setja löggjöf um
vinnumarkaðinn sem „grenjandi
ágreiningur" væri um í þjóðfélaginu.
Gagnrýndi Steingrímur einnig fjöl-
mörg efnisatriði frumvarpsins og
sagði það hrákasmíð. Veita ætti
starfsmönnum utan verkalýðsfélaga
sérstaka vernd og sagði hann að
ýmis ákvæði s.s. um launauppbætur
og árangur í starfi fæli í sér gnmd-
vallarbreytingu sem færði forstöðu-
mönnum viðkvæmt geðþóttavald.
Boðið upp á samráð
Friðrik Sophusson f|ármálaráð-
herra svaraði gagnrýni stjórnarand-
stæðinga. Sagði hann máiflutning
Steingríms ekki trúverðugan í ljósi
þess, að hann hefði sem ráðherra á
sínum tíma átt þátt í að afnema
með bráðabirgðaiögum kjarasamn-
ing BHMR.
Fjármálaráðherra sagði rangt að
ekki hefði verið reynt að hafa sam-
ráð við opinbera starfsmenn. „Það
hefur verið boðið upp á samráð í
þessu máli, hins vegar get ég ekki
stjórnað því, hvort menn vilja tala
við mig beint. Ef menn vilja frekar
gera það í gegnum nefndina, þá
gera menn það. Málið hefur tekið
breytingum í nefndinni, frá frum-
drögum til frumvarps og það hefur
verið tekið tillit til fjölmargra sjónar-
miða, þannig að ég held að menn
geti verið sæmilega sáttir við það,“
sagði Friðrik.
Jón Baldvin Hannibalsson Al-
þýðuflokki sagðist fagna yfirlýsingu
fjármálaráðherra og taldi nú ljóst
að ráðherra væri allur af vilja gerð-
ur að setjast að samningaborði og
væri skilyrðislaust reiðubúinn til við-
ræðna og samninga. Jón Baldvin
gagnrýndi bæði frumvarp fjármála-
ráðherra og stéttarfélagsfrumvarp
félagsmálaráðheira mjög harðlega í
ræðu sinni. Sagði hann framgöngu
ráðherra óskynsamlega og stjórnarl-
iðar yrðu að gera upp við sig hvort
þeir væru að kveikja neista sem
gæti orðið að óviðráðanlegu báli með
óbilgirni sinni. Ríkisstarfsmenn
myndu krefjast þess að fá bættan í
launum þann réttindamissi sem lög-
festing frumvarpsins hefði í för með
sér.
Kristín Ástgeirsdóttir Kvennalista
og formaður Félagsmálanefndar
sagði að þrír lögmenn, sem nefndin
hefði kailað fyrir sig vegna stéttarfé-
lagsfrumvarpsins, teldu það btjóta í
bága við alþjóðlega sáttmála í mun
fleiri atriðum en fram kæmi í áliti
Lagastofnunar. Taldi hún nauðsyn-
legt að kannað yrði hvort frumvarp-
ið um réttindi og skyldur ríkisstarfs-
manna stæðist gagnvart stjórnar-
skrá og alþjóðlegum sáttmálum.
„Verði þetta frumvarp samþykkt á
það eftir að hafa mjög alvarlegar
afleiðingar á vinnuanda hjá stofnun-
um ríkisins," sagði Kristín.
Umræðu um frumvarpið verður
haldið áfram á Alþingi í dag.