Morgunblaðið - 14.08.1996, Blaðsíða 4

4 MIÐVIKUDAGUR 14. ÁGÚST 1996
MORGUNBLAÐIÐ
FRÉTTIR
Ríkisstjórnin ræddi alvarlega stöðu í heilsugæslumálum
Ályktanir vegna upp-
sagna heimilislækna
Sammngafundur í dag
Stöður heilsugæslulækna verða væntanlega auglýstar á fimmtudag
RÍKISSTJÓRNIN ræddi þá alvarlegu
stöðu_ sem komin er upp í heilsu-
gæslumálum á fundi sínum í gær.
Ingibjörg Pálmadóttir heilbrigðisráð-
herra segir að róðurinn þyngist dag
frá degi og það sé grundvallaratriði
að deiluaðilar setjist aftur að samn-
ingaborðinu. „Það gerist ekkert á
meðan menn tala ekki saman,“ sagði
hún.
Ríkissáttasemjari var í óformlegu
sambandi við aðila deilunnar í gær
og í gærkveldi var ákveðið að boða
deiluaðila til samningafundar klukk-
an 15 í dag.
Gætu þurft að rýma bústaði í
eigu ríkisins
Stöður þeirra heilsugæslulækna
s'em látið hafa af störfum verða
væntanlega auglýstar lausar til um-
sókna næstkomandi fimmtudag.
Heilsugæslustöðvarnar eiga lögum
samkvæmt að auglýsa þær stöður
sem losna en sl. mánudag bauðst
heilbrigðisráðuneytið til að auglýsa
allar stöðurnar í einu lagi fyrir stjórn-
ir heilsugæslustöðvanna.
Á fréttamannafundi sem fjármála-
ráðherra boðaði til í gær vegna
læknadeilunnar kom fram að nokkrir
tugir heilsugæslulækna sem sagt
hafa upp störfum eru búsettir í emb-
ættisbústöðum í eigu ríkisins. Fjár-
málaráðuneytið hefur ekki tekið af-
stöðu til þess hvort læknunum verður
gert að rýma húsnæðið en Friðrik
Sophusson fjármálaráðherra sagði
að um leið og ráðnir yrðu nýir heimil-
islæknar á viðkomandi stöðum hlytu
þeir sem fyrir væru að hverfa úr
bústöðunum.
Skipuleggja fjölgun
hjúkrunarfræðinga
„Við höfum haft daglega fundi hér
í ráðuneytinu og farið yfír stöðuna.
Núna er verið að skipuleggja fjölgun
hjúkrunarfræðinga til að hvíla þá
sem eru búnir að vera iengst, því
margir hafa verið að dag og nótt
þessa þrettán daga frá því að heilsu-
gæslulæknar hættu störfum. Það er
víða sem þarf að leysa þá hjúkrunar-
fræðinga af sem fyrir eru og er það
gert í samvinnu við Félag íslenskra
hjúkrunarfræðinga," sagði Ingibjörg
Pálmadóttir.
Hún sagði að þeir heimilislæknar
sem eru enn að störfum hefðu lagt
á sig margfalt álag og sjúkrahúsin
hefðu einnig staðið sig einstaklega
vel og aukið þjónustu sína. „Það er
allt gert til þess að forða neyðar-
ástandi. Þegar heilbrigðisstéttir hafa
farið í verkfall eða gengið út vegna
uppsagna eins og nú þá hafa þær
yfirleitt verið tilbúnar að taka þátt
í undirbúningi vegna neyðarþjón-
ustu. Ég vænti þess að Læknafélag-
ið muni koma sterklega inn í þetta
núna,“ sagði ráðherrann.
Um miðjan mánuðinn fækkar
væntanlega starfandi læknum enn
frekar því þann 15. ágúst taka upp-
sagnir héraðslækna gildi. Einn hér-
aðslæknir er í hvetju kjördæmi og
hafa þeiryfírumsjón með læknisþjón-
ustunni hver á sínu svæði. „Við eig-
um ekki annan kost en þann að ann-
að heilbrigðisstarfsfólk leggi meira
af mörkum en nokkru sinni fyrr,“
segir Ingibjörg.
Á fréttamannafundi í gær lagði
fjármálaráðherra mikla áherslu á að
fulltrúar Læknafélags íslands gengju
á ný til viðræðna við ríkið um samn-
ing til áramóta á sama grundvelli
og samið hefði verið um við aðra og
tíminn til áramóta yrði notaður til
að ræða breytingar á launakerfí
þeirra. Hann sagði ekki koma til
greina að einn angi úr stóru félagi
fengi miklu meiri iaunahækkanir en
aðrir hópar. Hins vegar kæmu ýmsar
tilfærslur tekna þeirra til greina.
Morgunblaðið/Sigurgeir
Landsfund-
urinn stend-
ur áfram
LANDSFUNDI Félags íslenskra
heimilislækna sem átti að ljúka í
gær verður haldið áfram um ótil-
tekinn tíma, að sögn Gunnars Inga
Gunnarssonar, formanns samn-
inganefndar Læknafélags íslands.
Samþykkt var ályktun á fund-
inum þar sem segir að heimilis-
læknar sem sagt hafa upp störfum
muni ekki koma til starfa við heil-
sugæsluna fyrr en viðunandi
samningar hafa náðst. „Við höfum
rætt stöðu heilsugæslunnar og
áform heilbrigðisráðherra varð-
andi heilbrigðisþjónustu utan
sjúkrahúsa næstu árin eins og þau
komu fram í stefnuyfirlýsingunni
í byijun júlí. Einnig hefur verið
rætt um ábyrgð og stjórnsýslu
innan heilsugæslunnar,“ sagði
hann.
Heilbrigð-
isþjónust-
unni stefnt
í voða
STJÓRNIR heilsugæslustöðva og
sveitarstjórnir hafa sent frá sér
ályktanir vegna ástandsins sem
skapast hefur vegna uppsagna heil-
sugæslulækna. í samþykkt stjórnar
Sambands sveitarfélaga í Austur-
landskjördæmi er tekið undir með
þeim sem telja neyðarástand ríkja
í heilbrigðisþjónustu á landinu.
„Sérstaklega gildir þetta um
svæði þar sem starfsvettvangur
læknanna hefur verið í einmenn-
ingshéruðum og á heilsugæslu-
stöðvum og því ekki við núverandi
aðstæður í önnur hús að venda um
læknisaðstoð í heimabyggð."
Hvetur stjórn SSA málsaðila að
leita leiða hið fyrsta til að ná fram
samningum. „Eru stjórnvöld og
samninganefnd lækna hvött til að
gera allt, er í þeirra valdi stendur,
til að liðka fyrir því að samkomulag
náist,“ segir í ályktun Sambands
sveitarfélaga í Austurlandskjör-
dæmi.
Auglýsingar á stöðum lækna
leysa ekki vandann
„Sjórn Heilsugæslustöðvarinnar
á Akureyri lýsir þungum áhyggjum
af því alvarlega ástandi sem skap- •
ast hefur í heilbrigðisþjónustu á i
þjónustusvæði HAK, eftir að upp-
sagnir heilsugæslulækna tóku gildi.
Ljóst er að grunnheilbrigðisþjón-
ustu skjólstæðinga HAK er stefnt
í voða og því hvetur stjórnin samn-
inganefnd ríkisins og samninga-
nefnd Félags heimilislækna til þess
að ganga frá samningum hið
fyrsta,“ segir í tilkynningu frá
stjórn HAK.
„Eins og málum er nú háttað )
telur stjórn HAK auglýsingu á |
stöðum heilsugæslulækna ekki
fela í sér lausn á þeim bráðavanda
sem skjólstæðingar og starfsmenn
heilsugæslustöðvarinnar standa
nú frammi fyrir,“ segir þar enn-
fremur.
Forskot á réttimar?
Tómstundabændur í Eyjum tóku
forskot á sæluna um helgina og
smöluðu fé sínu í réttir vestast á
Haugasvæðinu, suðaustur af Eld-
felli. Erindið var þó ekki að
smala lömbum í réttir til slátrun-
ar heldur var kominn tími á rún-
ingar, sem venjulega er lokið í
júlí. Umhverfi réttanna á Hauga-
svæðinu er tilkomumikið og í
baksýn sést í tvo kletta, Litla-
Stakk og Stóra-Stakk, og fjærst
ber í Litlhöfða. Víkin ber síðan
nafnið Stakkabót.
Andlát
ANNA CRONIN
ANNA Cronin, hús-
móðir í London, lést á
Hammersmith sjúkra-
húsinu í London mánu-
daginn 12. ágúst sl.,
72 ára að aldri.
Anna fæddist í
Reykjavík 7. apríl árið
1924. Bjarnfríður
móðir hennar lést þeg-
ar hún var þriggja
vikna gömul, og kom
faðir hennar, Jakob
Sigurðsson, henni þá í
fóstur til hjónanna
Jakobínu Jónasdóttur
húsmóður og Jóhanns
Arasonar verkamanns.
Anna lauk unglingaprófí frá
Austurbæjarskóla og fór eftir það
út á vinnumarkaðinn. Anna giftist
James Cronin árið 1944, og fluttu
þau hjónin til London árið 1950.
Börn þeirra eru Jakob-
ína, Jóhanna, John,
Benedikt, Erling,
George og Philip.
Anna hóf árið 1967
að aðstoða íslenska
sjúklinga sem komu til
London til að leita sér
lækninga. Frá 1974 til
1984 starfaði Anna
fyrir heilbrigðisráðu-
neytið og Trygginga-
stofnun ríkisins við að
taka á móti íslenskum
sjúklingum og að-
standendum þeirra og
veita þeim aðstoð í
London.
Fyrir störf sín hlaut Anna ridd-
arakross hinnar íslensku Fálkaorðu
árið 1982, og árið 1984 var hún
sæmd heiðursmerki Rauða kross
íslands.
Borgarráð samþykkir tillögu um sölu eigna
Samráð við ríkið um sölu '
á 30% hlut í SKÝRR hf.
BORGARRÁÐ hefur samþykkt til-
lögu um að leitað verði samráðs við
ríkið um sölu á allt að 30% hluta-
bréfa í SKÝRR hf. og að borgin
selji hæstbjóðanda eignarhlut sinn
í Pípugerð Reykjavíkur hf. ef viðun-
andi verðtilboð fæst. Jafnframt var
samþykkt að hefja undirbúning að
stofnun hlutafélags um rekstur
Malbikunarstöðvar og Gijótnáms
og að hlutafélagið verði í eigu borg-
arsjóðs. Þá var samþykkt að fram
fari rekstrarúttekt á Trésmiðju
Reykjavíkur og birgðastöð.
Sala í september
Tillagan gerir ráð fyrir að
Reykjavíkurborg og Rafmagnsveita
Reykjavíkur bjóði sameiginlega til
sölu 15% hlutafjár í SKÝRR hf. og
ríkið önnur 15%. Leitað verði til-
boða verðbréfafyrirtækja í að ann-
ast ráðgjöf og umsjón með sölu
bréfanna. Þá verði starfsmönnum
SKÝRR gert kleift að festa sér hlut
í félaginu á hagstæðum kjörum.
Gert er ráð fyrir sölu á 95% hluta-
bréfa í Pípugerðinni og að samráð
verði höfð við Aflvaka hf., sem á
5% hlutafjár. Jafnframt að leitað
verði tilboða verðbréfafyrirtækja í
ráðgjöf og umsjón með sölu bréf-
anna fyrir ágústlok þannig að sala
geti hafíst í september. Tekið er
fram að ekki sé tekin afstaða til
tillagna sérfræðihópsins að svo
stöddu um Ferðaþjónustu fatlaðra
og Húsatryggingar Reykjavíkur.
Endurtekning
í bókun borgarráðsfulltrúa Sjálf-
stæðisflokks við afgreiðslu tillög-
unnar segir að flestar hugmyndir í
þessari einkavæðingarskýrslu séu
endurtekning á undirbúningsvinnu
sem hófst í tíð sjálfstæðismanna á
síðasta kjörtímabili og fulltrúar
vinstri fokkanna mótmæltu þá
harðlega. Sinnaskiptin séu því fagn-
aðarefni. Við undirbúning að sölu
fyrirtækjanna sé mikilvægt að hug-
að verði að samkeppnisstöðu á
markaðinum þannig að möguleg
sala þýði ekki aukin útgjöld fyrir
borgina þegar til lengri tíma er litið.
Tekið er fram að sjálfstæðismenn
séu ekki samþykkir tillögu undir-
búningsnefndar um sölu á Ferða-
þjónustu fatlaðra.
í bókun Reykjavíkurlistans segir
að tillögumar, sem samþykktar
hafi verið samhljóða, séu í samræmi ,
við stefnu sem mörkuð var í fjár-
hagsáætlun Reykjavíkurborgar fyr-
ir árið 1996. Þar hafi verið gert ráð |
fýrir 300 milljóna króna tekjum
borgarsjóðs af sölu eigna. Meðal
þeirra eigna sem til greina kom að
selja voru Pípugerðin, SKÝRR hf.,
Malbikunarstöðin, Gijótnám og
Trésmiðja Reykjavíkur. Það hafí
jafnframt verið yfirlýst stefna
Reykjavíkurlistans að bæta fjár-
hagsstöðu borgarinnar og auka •
hagkvæmni og ráðdeild í rekstri.
I samþykkt borgarráðs sé ekki
verið að taka afstöðu til breytinga I
á rekstri Ferðaþjónustu fatlaðra og
Húsatrygginga Reykjavíkur. Þá
segir: „Fráleitt er að líkja þeirri
skýrslu sem hér hefur verið lögð
fram við „leyniskýrslu“ þá sem
hafði verið á þeirra vegum á síð-
asta kjörtímabili. Sú leyniskýrsla
kom ekki fram fyrr en á þessu kjör-
tímabili og hefur því sú vinna engan i
veginn nýst innan borgarkerfisins.
Þess vegna var henni heldur ekki
mótmælt harðlega af fulltrúum þá-
verandi minnihluta.“