Morgunblaðið - 14.08.1996, Blaðsíða 7

MORGUNBLAÐIÐ
MIÐVIKUDAGUR 14. ÁGÚST 1996 7
Athugasemd
frá landlækni
FRETTIR
*
Istravel hefur hætt rekstri
Nokkrir tugir eru
strandaglópar
Samgönguráðuneytið semur við
Flugleiðir um heimflutning
Heimir Karlsson
ráðinn sjónvarps-
sljóri Stöðvar 3
FERÐASKRIFSTOFAN ístravel
lagði í fyrradag inn ferðaskrif-
stofuleyfi sitt í samgönguráðu-
neytið og hefur ferðaskrifstofan
hætt rekstri. Ljóst er að ferða-
skrifstofan getur ekki staðið við
áætlanir sínar um flug á milli ís-
lands og Hollands og hefur öllu
flugi á hennar vegum verið af-
lýst. Flugfélagið Transavia annað-
ist leiguflug fyrir ferðaskrifstof-
una.
Að sögn Helga Jóhannessonar,
lögfræðings í samgönguráðuneyt-
inu, hefur ráðuneytið gert sam-
komulag við Flugleiðir um að ann-
ast heimflutning farþega, sem eru
erlendis á hennar vegum og heim-
flutning íslendinga sem búsettir
eru erlendis eða erlendra ferða-
manna, sem staddir eru hér á landi
á hennar vegum.
Ekki vitað hve mikið hefur
verið selt í ófarnar ferðir
„Við erum að vinna í því að
koma fólki heim sem eru stranda-
glópar," segir Helgi. Hann kveðst
enn ekki hafa nákvæma tölu um
hve strandaglóparnir eru margir
en segir þá skipta tugum. „Þetta
fólk á bókað far á mismunandi tím-
um. Við erum núna fyrst og fremst
að hugsa um hópinn sem er að
koma heim til íslands annað kvöld
[í kvöld] og hópinn sem fer út á
fimmtudagsmorgun. “
Helgi kveðst heldur ekki hafa
fengið upplýsingar um hvort búið
sé að selja mikið í ferðir fram í
tímann. Hann segir að trygginga-
féð sem lagt sé fram þegar ferða-
skrifstofuleyfi er veitt, 6 milljónir
kr., verði nýtt til að standa straum
af kostnaði við heimflutning og
endurgreiðslu á fyrirframgreiddum
farmiðum. Það fari síðan eftir
umfangi farmiðasölunnar hvort
tryggingaféð hrekkur til svo að
allir viðskiptavinir ístravels fái
endurgreiddar að fullu skuldbind-
ingar sínar. Hann segir að ef það
nægi ekki verði greitt af fénu hlut-
fallslega til allra jafnt.
Enginn aðdragandi
Að sögn Helga var ferðaskrif-
stofuleyfið lagt inn fyrirvaralaust
og segir hann að enginn aðdrag-
andi hafi verið að því. Aðspurður
segir hann að við venjubundið
eftirlit ráðuneytisins hafi ekkert
komið í ljós sem hafi getað bent
til j>ess að rekstur stöðvaðist.
I fréttatilkynningu frá sam-
gönguráðuneytinu segir að farþeg-
ar sem eigi gilda farmiða heim til
sín séu beðnir um að hafa samband
við söluskrifstofu Flugleiða í
Reykjavík eða í Amsterdam.
HEIMIR Karlsson, fyrrverandi
frétta- og dagskrárgerðarmaður af
Sjónvarpinu og Stöð 2, hefur verið
ráðinn nýr sjónvarpsstjóri Stöðvar
þtjú. Ulfar Steindórsson, núverandi
sjónvarpsstjóri, mun taka við starfi
framkvæmdastjóra sölufyrirtækis
Sölusambands íslenskra fiskfram-
leiðenda í Barcelona á Spáni.
Heimir rekur nú innflutnings- og
dreifingarfyrirtæki í Englandi en
hafði áður starfað að sjónvarpsmál-
um í níu ár. „Á þessum tíma hef
ég auðvitað mótað ákveðnar skoð-
anir um það hvernig sjónvarp eigi
að vera og það verður spennandi
að sjá hvernig þær eiga við á Stöð
3. Það er þó varla von á neinum
stórvægilegum breytingum eftir að
ég tek við.“
Heimir hefur starfað fyrir Stöð
3 frá upphafi, við útvegun dag-
skrárefnis í Englandi, og sem ráð-
gjafi. Hann segist hafa mikla trú á
rekstri hennar. „Ég hef fundið já-
kvæðan meðbyr með Stöð 3 hjá
öllum þeim sem ég hef talað við
hér á landi. Mér finnst mikill heiður
fylgja því að vera boðið þetta starf.
Svo er ekki því að neita að alltaf
kemur upp í mér fiðringur þegar
rætt er um sjónvarp. Þetta er sér-
stakur heimur og það er erfitt að
yfirgefa hann.“
Ulfar Steindórsson hættir störf-
um hjá Stöð 3 um miðjan septem-
ber en Heimir mun taka við um
áramót. Fram að því mun stjórn
íslenska sjónvarpsins hf., eiganda
Úlfar Heimir
Steindórsson Karlsson
Stöðvar 3, sjá um reksturinn í nánu
samstarfi við Heimi.
Ymislegl hefði
mátt fara betur
Úlfar segir að starfslok hans séu
í sátt og samlyndi við stjórn fyrir-
tækisins. „Ég hef verið að ræða
þetta við þá um nokkurt skeið. Það
er ekki óeðlilegt að nýr maður taki
við nú þegar breytingar verða gerð-
ar á stöðinni. Það er ýmislegt sem
hefði mátt fara betur á starfstíma
mínum. Ég tel að varðandi dag-
skrána og það sem snýr að henni
hafi markmiðin náðst, en tæknimál-
in hafa óneitanlega verið að stríða
okkur. Það er margt spennandi að
gerast í íslenska fjölmiðlaheiminum
núna, en ég er ekki viss um að
þetta sé starfssvið sem henti mér.“
Úlfar segir að seint í gærdag
hafi verið gengið frá því að hann
tæki við starfi framkvæmdastjóra
sölufyrirtækis Sölusambands ís-
lenskra fiskframleiðenda í Barce-
lona.
Ennum
sann-
leikann
MORGUNBLAÐINU hefur borist
eftirfarandi athugasemd frá Ólafi
Ólafssyni landlækni:
„Vegna greinar Guðmundar
Karls Snæbjörnssonar í blaði yðar
þann 8. eða 9. ágúst sl. óskar land-
læknir eftir birtingu eftirfarandi
atriða.
1. Guðmundur Karl Snæbjörnsson
tilkynnti landlæknisembættinu um
meinta áfengisnotkun heilbrigðis-
starfsmanns.
2. Eftir að hafa sannreynt sann-
leiksgildi þessa var viðkomandi
heilbrigðisstarfsmaður kallaður úr
starfi og gekkst undir meðferð og
eftirmeðferð.
3. Síðar hóf þessi starfsmaður
störf að nýju, en þar sem illa tókst
til hvarf hann aftur úr starfi.
4. Nær undantekningarlaust berst
embættinu vitneskja um áfengis-
eða lyfjamisnotkun frá öðrum heil-
brigðisstarfsmönnum. Enginn
þeirra sem hefur komið vitneskju
um framangreind atriði til land-
læknis hefur kvartað yfir vinnu-
brögðum embættisins.
5. Greinarhöfundi, Guðmundi
Karli Snæbjörnssyni, var vísað úr
héraði af ráðherra af allt öðrum
ástæðum, en þeim sem hér um
ræðir.“
Virðingarfyllst,
Olafur Ólafsson,
landlæknir.
Laguna. 5 dyra fólksbíll og skutbfll.
Laguna. Fyrir þá sem kunna að
meta glæsileika^ fágun og gæði
Staðalbúnaðurinn er ríkulegur :
• 2.0 1 vél með beinni innspýtingu.
• 115hestöfl.
• hækkanlegt bflstjórasæti með stillanlegum
stuðningi við mjóhrygg.
• strekkjari á öryggisbeltum.
• öryggisbitar í hurðum.
• rafdrifnar rúður.
• fjarstýrðar samlæsingar með þjófavörn.
útvarp og kassettutæki með fjarstýringu
og 6 hátölurum.
þokuljós að aftan og framan.
höfuðpúðar í aftursæti.
kortaljós við framsæti.
litað gler.
Laguna kostar aðeins frá 1.798.000 kr.
Listinn yfir staðalbúnaðinn er lengri og enn er ótalinn
sá aukabúnaður sem hægt er að fá til viðbótar.
RENAULT
FER Á KOSTUM
ÁRMÚIA13
SÍMI: 568 1200
BEINN SlMI: 553 1236