Morgunblaðið - 15.08.1996, Blaðsíða 19

MORGUNBLAÐIÐ
FIMMTUDAGUR 15. ÁGÚST 1996 19
ÚRVERINU
Tangi hf. frystir
loðnu fyrir Rússa
Fiskafliim stefnir í
tvær milljónir tonna
SUNNUBERG GK kom með 200
tonn af loðnu að landi til Vopna-
fjarðar um hádegisbilið í gær. Nær
allur aflinn var ísaður á miðunum
og gera á tilraunir með að frysta
loðnuna hjá Tanjga hf. fyrir Rúss-
landsmarkað. Ovanalegt er að
loðna sé fryst á þessum árstíma
en að undanförnu hefur dvalið
umboðsmaður rússnesks fyrirtæk-
is á Vopnafirði og hefur hann sýnt
áhuga á að kaupa af Vopnfirðing-
um frysta loðnu.
Friðrik Guðmundsson, fram-
kvæmdastjóri Tanga, segir að beð-
ið hafi verið eftir því að átan í loðn-
unni minnkaði, svo frysting gæti
hafist. Hann segir að það megi vel
frysta loðnu á þessum árstíma
enda sé það víða gert, en íslending-
ar hafi ekki viljað sinna þessum
markaði vegna lágs verðs en loðn-
an er seld til Rússlands þar sem
hún er bæði reykt og söltuð. Nú
hafi hinsvegar verið hagrætt í
kringum vinnsluna og hún gerð
ódýrari með auknum afköstum og
betri búnaði. Friðrik segir enn-
fremur að loðnufrystingin sé búbót
fyrir bæjarfélagið í heild. „Frysti-
húsið hjá okkur hefur verið lokað
í nokkurn tíma vegna hráefniss-
korts en nú höfum við kallað inn
um 25 manns í frystinguna. Þá er
bara að vona að það verði eitthvað
framhald á veiðunum," segir Frið-
rik.
Smá „peðrur“
við Kolbeinsey
Magnús Þorvaldsson, skipstjóri
á Sunnuberginu, segir að loðnan
sé stór og falleg og telur að hún
sé vel hæf til frystingar því hún
líti vel út enda aðeins um 13
klukkustunda sigling frá loðnumið-
unum til Vopnafjarðar. Hann segir
að lítið sé um að vera á loðnumið-
unum en flest skipin séu nú á litlu
svæði norðaustur af Kolbeinsey.
Þar hafi verið kastað á nokkrar
„peðrur“ en hann átti von á því
að þær yrðu ekki til skiptanna
þegar að skipunum færi að fjölga
á svæðinu. Gullberg VE fékk um
300 tonna kast á svæðinu í fyrra-
kvöld og er það langskársta kast
sem frést hafði af í gær.
FISKAFLI landsmanna nú í lok
fiskveiðiársins er meiri en nokkru
sinni fyrr. Frá því fyrsta septem-
ber 1995 til loka júlí ár hafa veiðzt
um 1,7 milljónir tonna innan land-
helginnar og rúmlega 221.000
tonn utan landhelgi. Síðustu tvö
árin var aflinn, þegar einn mánuð-
ur var eftir af fiskveiðiárinu 1,3
milljónir og 1,5 milljónir tonna.
Heildaraflinn þetta fiskveiðiár er
því farinn að nálgast tvær milljón-
ir tonna. Mestur afli á einu ári til
þessa er 1.752.256 tonn. Fyrstu 7
mánuði ársins er aflinn innan lög-
sögu og af úthafskarfa orðinn rúm-
lega 1,3 milljónir tonna og er það
um 300.000 tonnum meira en á
sama tíma síðustu þijú árin.
Sé litið á fiskveiðiárið, ræður
það mestu að loðnuaflinn er kom-
inn yfir eina milljón tonna, en svo
mikill hefur loðnuafii aldrei orðið
á einu ári, hvað þá 11 mánaða
tímabili. Loðnuafli á sama tíma
fiskveiðiársins í fyrra var 640.000
tonn og 862.000 tonn í hitteðfyrra.
Þorskafli nú er orðinn 160.000
tonn, tæpum 10.000 tonnum meiri
en í fyrra, en 25.000 tonnum minni
en 1994. Ýsuafli er nú um 50.000
tonn, heldur minni en tvö síðustu
fiskveiði ár á undan. Ufsaafli hefur
dregizt mikið saman. Nú hafa að-
eins veiðzt um 38.000 tonn, 58.000
tonn voru komin á land á sma tíma
1994. Karfaafli nú er um 74.000
tonn sem er um 10.000 tonnum
minna en í fyrra, en af úthafs-
karfa veiddust nú tæplega 48.000
tonn, tvöfalt meira en í fyrra, en
svipað og 1944.
Uthafsrækjuaflinn heldur áfram
að aukast og er nú um 61.000
tonn, sem er um 14.000 tonnum
meira en 1994. Þá er afli af inn-
fjarðarækju einnig í hámarki, um
11.600 tonn. Síldarafli er nú um
125.000 tonnm sen er svipað og
síðustu ár, en eins og áður segir
er iangmest aflaukning í loðnunni.
Rétt er að taka fram að afli utan
landhelgi er ekki talinn með í þess-
um tölum, nema úthafskarfi.
Staðan er svipuð, sem litið á
almanaksárið. Þorskafli hefur auk-
izt frá síðasta ári, en minna hefur
veiðzt af ýsu, ufsa, karfa og grá-
lúðu.
Meira hefur hins vegar veiðzt
af úthafskarfa og steinbít. Heildar-
botnfiskafli þetta tímabil er
305.000 tonn, sem er litlu meira
en í fyrra, en minna en 1994.
Rækjuafli er nokkru meiri nú,
humarafli hefur aukizt á ný og
skelveiði er svipuð. Síldarafli er
alls 20.000 tonn en var um 5.000
tonn á sama tíma í fyrra og loðnu-
aflinn var þegar orðinn um
960.000 tonn, sem er nærri því
það sama og mest hefur áður
veiðzt á einu ári.
Afli utan lögsögu fyrstu 7 mán-
uði ársins er 221.263 tonn. Mest
hefur veiðzt af síld, tæplega
165.000 tonn og af úthafskarfa
hafa veiðzt 45.500 tonn. Þá er
rækjuafli af Flæmska hattinum um
10.500 tonn og 600 tonn af Dohrn-
banka.
Sólbakur reynir
veiðar á rauðserk
SÓLBAKUR EA, skip Útgerðafé-
lags Akureyringa, er kominn á
mið suður af Flæmska hattinum
en ætlunin er að reyna veiðar á
rauðserk.
Sólbakur EA hefur verið á
rækjuveiðum Flæmska hattinum
síðan í apríl. Rækjan stendur á
þessum árstíma í skelskiptum og
segir Magnús Magnússon, út-
gerðastjóri ÚA, að Sólbakur muni
nota tækifærið á meðan til að
kanna hvort ástæða sé til að skoða
rauðserksveiðar nánar. Veiðisvæð-
ið er í um þriggja sólarhringa sigl-
ingu suður af Flæmingjagrunni
og hafa Rússar stundað rauðserks-
veiðar þar með góðum árangri.
Verðmætur fiskur
Magnús segir að rauðserkurinn
sé verðmætur fískur og allt að 40%
dýrari en karfi. Hann sé þó ekki
ósvipaður karfa, fari að langmestu
leyti á Japansmarkað líkt og karfi
og sé skorinn og unnin á mjög
svipaðan hátt. Því þurfi ekki að
gera neinar breytingar á vinnslu-
línu skipsins.
Heimkynni rauðserks eru eink-
um í vestanverðu Miðjarðarhafi
og Norðaustur Atlantshafi, mest
við Nýja-Skotland og allt norður
til Noregs. Rauðserkur er botn-
fiskur og veiðist 200-500 metra
dýpi.
beuRA Lip
☆ Bækur/plaköt
☆ Vitamín/Yucca
☆ Tarotspil/spil
Snyrtivörur
☆ Hugleiðslutónlist
er flutt á Laugaveg 45a
(La Cafe-húsið)
og verður þar til 20. október.
Opnunartími er kl. 10-18
og kl. 12 - 15 laugardaga.
Póstkröfuþjónusta.
Símar 551 4725 og 581 1380.
DÚNDUR- ÚTSALA!
HEFST í DAG - STENDUR í EINA VIKU
HAUSTVÖRUR, VETRARVÖRUR, SUMARVÖRUR
ÍÞRÓTTASKÓR, ÚLPUR, ÍÞRÓTTAGALLAR, SUNDFÖT, BUXUR, JAKKAR, PEYSUR, BOLIR, KULDASKÓR
A FRÁBÆRU VERÐI
ALLT AD 80% AFSLÁTTUR
S® UTILIF HH
GUESIBÆ • SÍMI 581 2922