Morgunblaðið - 06.09.1996, Blaðsíða 4
4 FÖSTUDAGUR 6. SEPTEMBER 1996
MORGUNBLAÐIÐ
FRÉTTIR
Samstarf íslenskra og japanskra vísindamanna á sviði augnrannsókna
Augu 1.100 Reyk-
víkinga 50 ára og
eldri rannsökuð
Morgunblaðið/Kristinn
EINN af japönsku vísindamönnunum tekur sneiðmynd af auga
eins islensku þátttakendanna.
VIÐAMIKIL rannsókn á áhrifum
útfjólublárrar geislunar á augu fer
nú fram hér á landi í samvinnu jap-
anskra og íslenskra vísindamanna
á sviði augnlækninga. Áætlaður
kostnaður við rannsóknina er tæp-
lega 18 milljónir og bera Japanar
um 80% kostnaðarins.
Eitt af öflugustu fyrirtækjum
Japans í framleiðslu augntækjabún-
aðar, Nidek Co, er styrktaraðili að
verkefninu og lánar í því skyni þijú
tölvusneiðmyndatæki, sem hvert
kostar um tólf milljónir króna. Að-
eins eitt slíkt tæki er til á Norður-
löndunum, í Stokkhólmi.
Rannsóknin fer fram á augndeild
Sjúkrahúss Reykjavíkur á Landa-
koti og í henni taka þátt sjö Japan-
ar og hátt í tuttugu íslendingar,
bæði augnlæknar, hjúkrunarfræð-
ingar og aðstoðarfólk.
Leitað að áhættuþáttum
Augu um 1.100 Reykvíkinga 50
ára og eldri verða rannsökuð mjög
nákvæmlega með tilliti til þeirra
þriggja augnsjúkdóma sem oftast
valda alvarlegri sjónskerðingu og
biindu hjá þessum aldurshópi en það
eru skýmyndun á augasteini, gláka
og ellihrörnun í augnbotnum. í
spurningalista sem lagður er fyrir
þátttakendur í rannsókninni í því
skyni að leita að áhættuþáttum er
grennsiast fyrir um almenna lífs-
hætti, fæðuval og venjur gagnvart
sól og ljósalömpum.
„Það sem við erum fyrst og
fremst að gera er að reyna að átta
okkur á dreifingu og eðli þessara
þriggja meginsjúkdóma og hinsveg-
ar að leita að forvörnum til að koma
í veg fyrir þá,“ segir Friðbert Jónas-
son, yfirlæknir augndeildar Sjúkra-
húss Reykjavíkur á Landakoti.
Sakaðir
um hótanir
og ofbeldi
ÞRÍR karlmenn af austurlenskum
uppruna voru handteknir í gærdag
eftir að maður nokkur tilkynnti að
hafa orðið fyrir ofbeldi og hótunum
af þeirra hálfu. Þessir menn hafa
verið í fréttum að undanförnu vegna
svipaðra mála.
Tilkynning um atburðinn barst til
lögreglu um klukkan tíu í gærmorg-
un og fundust mennirnir þrír akandi
um á bifreið á Bústaðavegi skömmu
síðar og voru færðir til yfirheyrslu.
Sá sem tilkynnti um meintar hót-
anir í sinn garð kom í kjölfarið á
lögreglustöð og lagði fram kæru á
hendur þeim. Ekki er ljóst hvaða
ástæður mennirnir tiltaka fyrir at-
hæfí sínu, en að mati lögreglu eru
viðbrögð þess sem lagði fram kæru
hárrétt.
Einn þremenninganna, ökumað-
urinn, var grunaður um að vera
undir áhrifum lyfja og var færður
til blóðsýnistöku á slysadeild.
Rigning
tefur upp-
skerustörf
ÚTLIT er fyrir mjög góða kart-
öfluuppskeru á Suðurlandi.
Uppskerustörf hafa tafist vegna
rigninga.
Heimir Hafsteinsson, kart-
öflubóndi í Smáratúni í
Þykkvabæ og oddviti Djúpár-
hrepps, segir að margir bændur
hafi byijað að taka upp af full-
um krafti í síðustu viku ágúst-
mánaðar. „Það var orðið full-
sprottið og ekki eftir neinu að
bíða,“ segir Heimir. Menn hafi
fengið nokkra ágæta daga áður
en hann fór að rigna en fáir þó
komist verulega áleiðis með
störfin. Heimir segir að erfitt
sé að keyra upptökuvélarnar í
blautum görðum og það fari illa
með tæki og kartöflur.
Of snemmt að örvænta
Það stefnir í góða uppskeru
í Þykkvabænum, að sögn Heim-
is. Hann vill þó ekki nefna nein-
ar tölur og segir of snemmt að
spá metuppskeru. Heimir segir
að menn séu frekar rólegar enn-
þá, ekki sé það áliðið hausts.
Bendir hann á að í fyrrahaust
hafi bændur beðið eftir sprettu
og ekki byijað að taka upp fyrr
en undir miðjan september.
Kartöflubændur nota rigning-
ardagana tii að afgreiða pantan-
ir, þar sem þær eru fyrirliggj-
andi, og vinna í haginn fyrir
uppskerustörfin. „Annars verð-
ur maður bara að fylgjast með
veðurspá og vona það besta. Hér
ræður enginn við veðurguðina,
ekki frekar en annars staðar,"
segir Heimir.
-----» ♦ ♦----
Dýrum bún-
aði stolið
VERÐMÆTUM ljósmyndabúnaði
var stolið úr bifreið í fyrrinótt.
Eigandi ökutækisins hafði lagt
því á horni Ljósvallagötu og Hring-
brautar og einhvern tímann eftir
klukkan þrjú í fyrrinótt var brotist
inn I bifreiðina. Stolið var stórum
þrífót og myndvélatösku með vél-
um, linsum og fleiri búnaði.
Rannsóknarlögreglan hefur
þjófnaðinn til rannsóknar, en óskað
er eftir vitnum af atburðinum eða
ef vegfarendur hafí séð til þjófsins
rogast með þessar byrðar.
HEIMIR Hafsteinsson lítur yfir stæður af kartöflusekkjum sem komnir eru í hús í Smáratúni.
Morgunblaðið/RAX
Islensk
hross í
danska
ljónskjafta
VINSÆLDIR og útbreiðsla ís-
lenska hestsins hefur aukist jafnt
og þétt og öðru hvoru vinnast
nýir markaðir.
í danska tímaritinu „Tölt“ sem
Dönsku íslandshestasamtökin
gefa út segir að á síðasta hálfa
ári hafi Danir flutt inn 30 tonn
af íslensku hrossakjöti. Ekki svo
að skilja að Danir sjálfír séu eins
hrifnir af íslensku hrossakjöti og
Japanir sem keyptu um 200 tonn
í fyrra til nota á veitingahúsum,
heldur eru það danskir dýragarð-
ar sem keyptu kjötið. Starfsmenn
garðanna hafa fundið út að ljón-
in, sérstaklega, eru vitlaus í hrátt,
íslenskt hrossakjöt.
Skiptar skoðanir um seinkanir strætisvagna ,
Segja forstjórann !
spilla samstöðu
SIGURBJÖRN Halldórsson, trún-
aðarmaður hjá vagnstjórum SVR,
segir að forystumenn fyrirtækisins
séu að reyna að spilla samstöðu
starfsmanna með því að ræða sér-
staklega við ákveðna trúnaðar-
menn. Lilja Ólafsdóttir, forstjóri
SVR, hafnar þeim ásökunum. Tveir
trúnaðarmenn af fjórum hafa verið
kallaðir á fund til Lilju Ólafsdóttur
forstjóra, annar í gær en hinn í
fyrradag.
Tvennum sögum fer af því hvern-
ig umferð strætisvagna gangi. Sig-
urbjörn segir að tengingar á skipti-
stöðvym gangi ekki upp og að vagn-
arnir séu mikið á eftir áætlun. Bald-
ur Guðmundsson, varðstjóri í stjórn-
stöð SVR, segir að leiðakerfið gangi
vel. Seinkanir hafi orðið á sumum
leiðum en þær séu eðlilegar á anna-
tíma. Einum vagni hefur verið bætt
við á leið. sex vegna mikilla seink-
ana í gær.
Áætlun um aðgerðir til
Sigurbjörn segir að vagnstjórar
keyri á eðlilegum hraða og séu ekki
með neinar aðgerðir til að tefja
umferðina. Hins vegar sé til áætlun
um aðgerðir sem hægt verði að
gripa til með skömmum fyrirvara.
Morgunblaðið hefur fréttir af því
að margir vagnstjórar leggi sér-
staklega upp úr því að fara ekki
yfir löglegan hámarkshraða og gefi I
sér tíma til að afgreiða kort til við- |
skiptavina áður en lagt er af stað k
frá biðstöð. Áður afgreiddu þeir ‘
kortin á meðan vagninn var á ferð.