Morgunblaðið - 06.09.1996, Blaðsíða 6
6 FÖSTUDAGUR 6. SEPTEMBER 1996
MORGUNBLAÐIÐ
FRÉTTIR
Morgunblaðið/Árni Sæberg
JÓN og Elíeser við vélina sem þeir munu fljúga til Korsíku.
Eitt lengsta flug einkaflugmanns hefst í dag
A lítilli flugvél til Korsíku
JÓN M. Haraldsson, 19 ára
einkafiugmaður, leggur í dag
af stað í eitt lengsta flug sem
einkafiugmaður hefur farið á
lítilli eins hreyfils flugvél frá
Islandi. Flogið verður héðan til
Korsíku en það eru um 4.000 km.
Flogið verður frá Reykjavík
um Hornafjörð, Hebridseyjar,
Lúxemborg og til Korsíku, sem
er skammt undan vesturströnd
Ítalíu. Norðurleiðin er sú sama
nema hvað komið verður við í
Köln í stað Lúxemborgar. Gert
er ráð fyrir að sjálft flugið taki
24-26 stundir á fjórum dögum
en að ferðin í heild taki um sex
til sjö daga, þar sem ráðgert
er að dvelja í tvo daga á Kor-
síku.
Elíeser til aðstoðar
Elíeser Jónsson, gamalreynd-
ur flugsljóri, verður Jóni til
aðstoðar í leiðangrinum. Flogið
verður á Aerospatiale Socata
TB20 Trinidad flugvél og rúm-
ar hún fimm farþega. Hún er
mjög hraðfleyg, nær um 350 km
hámarkshraða á klukkustund.
Vélin kom til landsins í byrjun
maí sl. og hafði þá verið flogið
í 20 klst. á vegum framleiðand-
ans.
„Ferðin leggst mjög vel í
mig,“ sagði Jón í samtali við
Morgunblaðið í gær. „Eg hlakka
til að takast á við þetta verk-
efni. Eg er búinn að hugsa um
ferð sem þessa í mörg ár og
setti niður punkt í ákveðnum
radíus á stað sem ég hafði aldr-
ei komið til áður og niðurstaðan
var Korsíka."
Undirbúningur fyrir ferðina
hófst í júní og fólst hann meðal
annars í að finna hentugustu
leiðina með tilliti til flughæðar
en mikil umferð er í háloftunum
á þessari leið. Sneitt verður hjá
Ölpunum, þar sem vélin er ekki
búin jafnþrýstibúnaði.
Davíð Oddsson um læknadeiluna
Læknum boðnar
sömu kjarabæt-
ur o g öðrum
FORSÆTISRAÐHERRA segir að
ríkið hafi boðið heilsugæslulæknum
að bæta kjör þeirra með sama hætti
og annarra launþega og aðferð
heilsugæslulækna við kjarabaráttu
sé ekki samkvæmt lögum.
Nú er komið á annan mánuð síðan
heilsugæslulæknar sögðu upp störf-
um hjá ríkinu og hafa samningavið-
ræður undir stjórn ríkissáttasemjara
engan árangur borið. Þegar Davíð
Oddsson forsætisráðherra var spurð-
ur hvort ríkisstjórnin yrði ekki með
einhvetjum hætti að beita sér fyrir
lausn þessarar deilu, svaraði hann
að ríkið væri að reyna að tryggja
sínum eigendum þjónustu, þ.e.a.s.
fólkinu í landinu.
„Það var ekki ríkið sem sagði
[heilsugæslulæknunum] upp, þetta
fólk sagði upp sjálft, það er vanda-
málið. Það er ákveðin aðferð í ís-
ienskum lögum sem tekur til þess
með hvaða hætti á að sinna kjara-
baráttu. Þessi leið sem læknarnir
völdu er ekki ein af þeim sem lögin
ákveða,“ sagði Davíð.
Davíð sagði að í öllum þeim plögg-
um, sem stjórnvöld hefðu fengið frá
heilsugæslulæknum, hefði hvergi
verið minnst á kjarasamning heldur
hefðu önnur atriði sögð vera ástæða
uppsagnanna. í þeim málum hefði
verið unnið en lítið væri gert með
það þrátt fyrir 5 mánaða vinnu.
„En svo eru menn gengnir út af
sínum vinnustað eftir 12 daga um-
ræðu um kjaramál. Þetta nær auð-
vitað ekki nokkurri átt,“ sagði Davíð.
Hann sagði að ríkið hefði lýst sig
samþykkt því að bæta kjör læknanna
með þeim hætti sem það hefði bætt
kjör annarra launþega sinna. „Eg
býst við að þjóðin telji það vera
þokkalegt útspil því það eru þau
kjör sem hún hefur fengið,“ sagði
Davíð.
ímyndun
I grein í Degi-Tímanum nýlega
fullyrðir Svavar Gestsson, þingmað-
ur Alþýðubandalags, að Davíð Odds-
son hafi alltaf verið á móti heilsu-
gæslunni í Reykjavík. Og ríkisstjórn-
in vilji ekki semja við lækna vegna
þess að ef læknadeilan haldi áfram
muni heilsugæslan í Reykjavík
hrynja og einkarekstur taki við. Þeg-
ar þetta var borið undir Davíð sagði
hann að það þyrfti mjög sterkt, en
ekki fijótt, ímyndunarafl til að kom-
ast að slíkri niðurstöðu.
Nýr fjárfestingarbanki
Hluti á markað?
DAVÍÐ Oddsson forsætisráðherra
segir að svo geti farið að einhver
hluti nýs fjárfestingarbanka verði
settur á einkamarkað strax við
stofnun bankans ef af verður.
Um er að ræða undirbúning að
sameiningu þriggja fjárfestingar-
lánasjóða í eigu ríkisins, Fiskveiða-
sjóðs, Iðnlánasjóðs og Iðnþróunar-
sjóðs í einn fjárfestingarbanka.
Davíð sagði að í áætlunum hefði
í upphafi verið gert ráð fyrir því að
nýi bankinn yrði í ríkiseigu til að
byija með. Allar líkur bentu til þess
að bankinn yrði síðan settur á mark-
að. Davíð sagði aðspurður að út af
fyrir sig væri ekki þörf á að slíkur
fjárfestingarbanki yrði yfirleitt í eigu
ríkisins en í fyrstu hugsun hefði
verið gert ráð fyrir því á meðan
bankinn væri að fóta sig.
„Ég geri ráð fyrir því að tiltölu-
lega fljótlega myndi því verða breytt.
En þetta mál er ekki útrætt og það
má vel vera að einhver hluti bank-
ans verði strax í upphafi settur á
einkamarkað; það er þó ekki afráð-
ið,“ sagði Davíð.
Mikil reiði innan Alþýðubandalagsins vegna ráðningar Einars Karls Haraldssonar
„Yinnubrögðin stuðla ekki
að samvinnu við aðra“
Ráðning Einars Karls Haraldssonar til Þingflokks jafnaðarmanna
hefur vakið mikla reiði innan Alþýðubandalagsins. Er litið svo á
að Einar eigi að „stunda mannaveiðar“ í Alþýðubandalaginu.
í grein Omars Friðrikssonar kemur fram að alvarlegir brestir
eru að koma fram í samskiptum stjómarandstöðuflokkanna.
Alþýðubandaiagsmenn ræddu
þær breytingar sem verða á Alþingi
við sameiningu þingflokka Alþýðu-
flokks og Þjóðvaka á þingflokks-
fundi í gær og um óvænta ráðningu
Einars Karls Haraldssonar, fyrrv.
framkvæmdastjóra flokksins, til
starfa fyrir hinn nýja þingflokk.
Voru höfð uppi hörð orð um viðskiln-
að Einars Karls og vinnubrögð for-
ystu Alþýðuflokksins og íjóðvaka,
skv. heimildum blaðsins.
Alþýðubandalagsmenn búa sig
undir hugsanleg átök við þingflokk
jafnaðarmanna um kosningu í emb-
ætti og nefndir þingsins þegar Al-
þingi kemur saman í næsta mánuði.
„Ef þeir ætla að gerast frekir og
neyta aflsmunar munum við leita
eftir þéttara samstarfi við Kvenna-
listann og setja þeim stólinn fyrir
dyrnar,“ sagði einn af þingmönnum
flokksins.
„Ég trúi því ekki að Einar Karl
vinni þannig að hann ráðist að ein-
staklingum í Alþýðubandalaginu.
Það sjá það allir að þessi
vinnubrögð hins nýja
þingflokks eru ekki
besta leiðin til að stuðla
að samvinnu við aðra
þingflokka. Ég óttast að
þetta geti haft þveröfug
áhrif. Ekki vegna þess
að við munum taka hlutina óstinnt
upp heldur vegna þess að þegar á
að vinna að einhveiju sameiginlega
þá er betra að taka sameiginlega
ákvörðun um það en að stilla mönn-
um upp við vegg. Ég held að ýmsir
upplifi það þannig," segir Svavar
Gestsson, þingflokksformaður Al-
þýðubandalagsins.
Einar Karl var framkvæmdastjóri
Alþýðubandalagsins og þingflokks-
ins en sagði starfi sínu
lausu í febrúar sl. vegna
ágreinings við Margréti
Frímannsdóttur, form-
ann flokksins. Hann
ætlar þó að vera áfram
flokksfélagi í Alþýðu-
bandalaginu. Einar var
á launaskrá til 1. september og var
við störf fram á sl. þriðjudag að
sögn alþýðubandalagsmanna. A
miðvikudag tilkynntu Jón Baldvin
Hannibalsson og Jóhanna Sigurðar-
dóttir Margréti um sameiningu þing-
flokkanna og að Einar Karl hefði
verið ráðinn til starfa fyrir hinn
nýja þingflokk. Þetta kom forystu-
mönnum Alþýðubandalagsins í opna
skjöldu.
„Fáheyrður atburður"
„Það gilda ýmis óskráð siðalögmál
á bak við tjöldin á milli stjórnmála-
manna og flokka. Þarna er farið út
fyrir þann ramma og þetta er fá-
heyrður atburður í samskiptum
stjórnmálasamtaka," sagði einn af
þingmönnum Alþýðubandalagsins
og bætti því við að reyndari stjórn-
málamenn væru alveg gáttaðir á
forystumönnum Alþýðuflokksins,
því þarna væri farið yfir mörkin í
heiðarlegum samskiptum.
Einar Karl segist hafa sagt starfi
framkvæmdastjóra lausu í febrúar
með sex mánaða uppsagnarfresti.
Síðari hluta uppsagnartímans hafi
hann lítið komið nálægt málum í
æðstu forystu Alþýðu-
bandalagsins, „og þess
vegna vissi ég lítið hvað
Margrét og Svavar
væru að hugsa, ef þau
voru þá mikið að
hugsa,“ segir hann.
Einar Karl sagði að
Alþýðubandalagið starfaði fyrir opn-
um tjöldum og byggi sér vitanlega
ekki yfir neinum leyndarmálum. „Ég
er sjálfstætt starfandi ráðgjafi sem
þingflokkur jafnaðarmanna gerir
samning við og flokksaðild mín hef-
ur ekkert komið til umræðu þar.
Verkefnið er skilgreint í erindisbréf-
inu. Önnur tengsl hef ég ekki. Verk-
efnið er fyrst og fremst hugmynda-
vinna og grasrótarstarf og er alls
ekki á þinglegum vettvangi," sagði
Einar Karl en hann mun ekki sitja
þingflokksfundi hins nýja þing-
flokks.
Stórt vandamál fyrir
Birtingu-Framsýn
Einar Karl er félagi í hinu samein-
aða alþýðubandalagsfélagi Birtingu-
Framsýn en þar stendur nú stjórnar-
kjör fyrir dyrum og hefur verið rætt
um að hann sæktist eftir kjöri. Sjálf-
ur segir hann það óvíst enda sé nú
komin upp ný staða.
Gísli Gunnarsson, einn af for-
svarsmönnum Birtingar á undan-
gengnum árum, telur að ráðning
Einars Karls til þingflokks jafnað-
armanna sé fyrst og fremst stórt
vandamál fyrir Birtingu-Framsýn,
miklu fremur en fyrir
Alþýðubandalagið sjálft.
„Það rær enginn á
tveimur bátum samtím-
is. Ég tel að Einar Karl
hafi farið yfir landa-
mærin. Hversu mikið
sem ég vil hafa Einar
Karl í mínum röðum verð ég að líta
svo á að hann hafi brotið þau lág-
markslandamæri sem hver flokkur
þarf að hafa. Mér þykir það leitt,"
segir Gísli.
„Það rær eng-
inn á tveimur
bátum sam-
tímis“
Búa sig undir
átök við kosn-
ingu í þing-
nefndir