Morgunblaðið - 06.09.1996, Blaðsíða 8
8 FÖSTUDAGUR 6. SEPTEMBER 1996
MORGUNBLAÐIÐ
FRÉTTIR
ÉG vil Camillu, ég vil krúnunna, ég vil Camillu, ég vil . . .
Nýtt 164 herbergja hótel við Borgartún
A að vera helmingi ódýr-
ara en sambærileg hótel
BORGARTÚN 32, sem hýsa mun hið nýja Hótel Heklu.
í APRÍL á næsta ári verður opnað
nýtt 164 herbergja hótel við Borg-
artún 32 í Reykjavík. Þetta er ný-
bygging sem reist er á sama stað
og skemmtistaðurinn Klúbburinn
stóð áður.
Ætlunin er að bjóða gistingu á
helmingi lægra verði en á öðrum
sambærilegum hótelum á Íslandi.
Hótel Hekla á það að heita og verð-
ur hið fimmta í keðju svokallaðra
Lykilhótela. Framkvæmdastjóri
þeirra er Jón Ragnarsson, en hann
á hótelin ásamt fjölskyidu sinni.
Jón segir að lægra verð skýrist
af því að herbergi á hótelinu verði
minni en venja er hér á landi, en
þó með öllum þægindum. Hann tel-
ur að með þessu fyrirkomulagi verði
unnt að ná til ferðamanna sem
annars kæmu ekki til íslands vegna
þess hve verðlag er hátt.
Lykilhótel leigja húsið af eignar-
haldsfélagi. Upprunalega var húsið
byggt undir skrifstofur og verslanir
en hefur staðið autt síðan byggingu
lauk. Alls munu framkvæmdir við
að breyta því í hótel kosta um 380
milljónir króna.
Jón hefur verið viðloðandi rekstur
Hótels Valhallar frá árinu 1963
ásamt fjölskyldu sinni. Árið 1989
keyptu þau Hótel Örk í Hveragerði
og hafa síðan bætt við rekstri Hót-
els Norðurlands á Akureyri. Síðast-
liðin tvö ár hafa þau einnig séð um
rekstur á Hótel Garði.
Breytt form á þingsetningu undirbúið
Stefnuræða forsætisráð-
herra á þingsetningardegi
FORSÆTISNEFND Alþingis hefur
samþykkt tiliögur um breytingar á
þingsetningu sem gera meðal ann-
ars ráð fyrir því að forsætisráðherra
flytji stefnuræðu sína á þingsetning-
arfundinum. Þingflokkar hafa til-
lögumar nú til meðferðar.
Ólafur G. Einarsson, forseti Al-
þingis, segir að tillögurnar miði
meðal annars að því að setja ákveðn-
ari blæ á þingsetningarathöfnina
sjálfa. Lagt væri til að forsætisráð-
herra flytti stefnuræðu sína eftir
að forsetar Alþingis hafa verið
kjörnir á þingsetningarfundinum 1.
október. Umræður um stefnuræð-
una verði síðan kvöldið eftir og þeim
útvarpað og sjónvarpað að venju.
Tillögurnar gera einnig ráð fyrir
að útvarpsumræðurnar verði styttri
og líflegri en verið hefur. Ræðu-
tíminn verði 10 mínútur í fyrstu
umferð fyrir ræðumenn annarra
flokka en Sjálfstæðisflokks þar sem
forsætisráðherra hafi þegar nýtt
ræðutíma flokks síns með stefnu-
ræðunni sjálfri. En forsætisráð-
herra hafi rétt til að veita 2 mín-
útna langt andsvar einu sinni við
hverri ræðu og ræðumaðurinn fái
jafnlangan tíma til svara. Þá verði
ræðutíminn í annarri og þriðju
umferð 5 mínútur á hvern flokk.
„Þessi tillaga er sett fram í þeirri
von og raunar vissu að þetta muni
koma okkur út úr klemmunni sem
við höfum verið í með umræðuna
um stefnuræðuna. Sú umræða hefur
verið of löng og ég hef ekki trú á
að það sé mikið hlustað á hana,“
sagði Ólafur.
Þingflokkar hafa fengið tillögum-
ar til meðferðar en Ólafur sagði að
þessar breytingar yrðu ekki gerðar
nema breið samstaða næðist um þær
milli þingflokkanna þar sem um
væri að ræða afbrigði frá þingsköp-
um.
Námskeið fyrir reykvískar athafnakonur
Styrkja konur
sem stjórnendur
á nýjan hátt
Hulda Ólafsdóttir
AVEGUM Reykja-
víkurborgar er að
byija námskeið
fyrir reykvískar athafna-
konur sem hafa áhuga á
að hrinda eigin viðskipta-
hugmynd í framkvæmd.
Hulda Ólafsdóttir átti hug-
myndina að námskeiðinu
„Brautargengi - frá hug-
mynd til veruleika".
- Hver varð kveikjan að
námskeiðinu?
„Þessi hugmynd kvikn-
aði í framhaldi af sam-
starfi mínu við Hansínu
B. Einarsdóttur fram-
kvæmdastjóra, en hún hef-
ur unnið mikið að atvinnu-
sköpun kvenna, ekki síst á
landsbyggðinni. Hún á því
mikið í hugmyndinni sem
einnig er byggð á reynslu
frá landsbyggðinni og erlendri
reynslu af svipuðum verkefnum.
Borgin var að leita allra ieiða til
að hafa áhrif á atvinnuástandið
í borginni. Þá var m.a. skoðuð
sérstaða kvenna á atvinnuleysis-
skrá en þær eru yfirleitt lengur
á skrá en karlar. Því var ákveð-
ið fjölga atvinnutækifærum
kvenna, ekki með skammtíma-
lausnum, heldur gera eitthvað
varanlegt. Markmiðið með nám-
skeiðinu er að styrkja konur sem
stjórnendur, auka þekkingu og
ábyrgð þeirra í fyrirtækjaum-
hverfi, fjölga störfum í borginni
og treysta þau sem fyrir eru.
Einhverra hluta vegna eiga kon-
ur erfiðara uppdráttar í við-
skiptalífinu, þær eru yfirleitt
ekki tilbúnar til að taka mikla
áhættu í viðskiptum ásamt því
að konur virðast fá minni fyrir-
greiðslu í bankakerfinu en karl-
ar.“
- Hvert er fyrirkomulag nám-
skeiðsins?
„Námskeiðið tekur tvö ár og
hefst í október nk. en umsóknar-
fresturinn rennur út 20. septem-
ber. Fyrra árið hittist hópurinn
vikulega eftir hádegi á miðviku-
dögum. Gert er ráð fyrir 27 fund-
um á fyrsta ári sem lýkur i júní
1997. Seinna árið er gert ráð
fyrir 8 mánaðarlegum fundum
og lýkur námskeiðinu í apríl
1998.
Fyrra árið verður meginá-
herslan á fyrirlestra um rekstur
og stjórnun fyrirtækja, verk-
efnavinnu og fyrirtækjaheim-
sóknir. Skoðuð verða vandamál
sem koma upp í daglegum
rekstri og viðskiptum, þau skil-
greind og leitað lausna. Seinna
árið vinna þátttakend-
ur að framkvæmd eig-
in viðskiptahugmynd-
ar undir handleiðslu
ráðgjafa hjá Atvinnu-
og ferðamálastofu
Reykjavíkurborgar. Á mánaðar-
legu fundunum geta þátttakend-
urnir borið saman bækur sínar
og ýmsar stofnanir og félaga-
samtök sem þjóna atvinnulífinu
verða heimsótt.“
- Er námskeiðið opið öllum
konum?
„Skilyrði fyrir þátttöku er að
hafa vel útfærða hugmynd að
atvinnuskapandi verkefni eða
stunda atvinnuskapandi rekstur.
Hugmyndin eða reksturinn þurfa
að falla að markmiðum nám-
skeiðsins því námskeiðið er ekki
►Hulcla Ólafsdóttir er 43 ára.
Hún varð stúdent frá Mennta-
skólanum á Akureyri árið 1973
og útskrifaðist sem sjúkra-
þjálfari frá sjúkraþjálfunarhá-
skóla í Bergen í Noregi 1980.
Hulda hefur starfað sem
sjúkraþjálfari hjá Vinnueftir-
liti ríkisins frá 1988 en áður
var hún sjúkraþjálfari á Borg-
arspítalanum og Droplaugar-
stöðum. Hulda er varaborgar-
fulltrúi fyrir R-listann og situr
í atvinnumálanefnd, fræðslu-
ráði og sljórn Vinnuskóla
Reykjavíkur. Hún er gift Stef-
áni Stefánssyni og eiga þau
þijú börn.
ætlað til hugmyndaleitar heldur
til þess að vinna úr hugmyndum
sem þátttakendur hafa. Töluverð
vinna fylgir námskeiðinu og kon-
urnar verða að vera tilbúnar til
að geta eytt allt að 10 klukku-
stundum á viku í verkefnið. Þátt-
takendur verða að vera búsettir
í Reykjavík eða stunda eigin at-
vinnurekstur í borginni.
Við reiknum með því að fá
sterkar og reynslumiklar konur
í gegnum námskeiðið sem eiga
eftir að auka atvinnutækifæri í
borginni.
„Brautargengi - frá hugmynd
til veruleika" er tilraunaverkefni
og mjög mikilvægt að fá reynslu
í gegnum þessar konur um hver
eru helstu vandamál íslenskra
kvenna sem eru að byggja upp
fyrirtæki og reyna þá að læra
af því og hvernig Reykjavíkur-
borg getur komið til móts við
þær.“
- Hvert eiga áhugasamar
konur að snúa sér?
„Þær konur sem
hafa áhuga á að sækja
um þátttöku í nám-
skeiðinu, „Brautar-
gengi - frá hugmynd
til veruleilca“, geta
nálgast umsóknar-
eyðublöð á skrifstofu Atvinnu-
og ferðamálastofu Reykjavíkur-
borgar í Aðalstræti 6. Guðbjörg
Pétursdóttir hjá Iðntæknistofn-
un er verkefnisstjóri námskeiðs-
ins. og hún veitir allar nánari
upplýsingar ásamt Ingibjörgu
Tómasdóttur, ráðgjafa á At-
vinnu- og ferðamálastofu
Reykjavíkurborgar. Þátttöku-
gjaldið er 35 þúsund krónur sem
greiðist við skráningu. Ráðgjöf,
kennsla, námsgögn, matur og
kaffi eru innifalin í gjaldinu."
Eiga erfiðara
uppdráttar í
viðskiptum
I
í
)
I