Morgunblaðið - 06.09.1996, Blaðsíða 40
40 FÖSTUDAGUR 6. SEPTEMBER 1996
MORGUNBLAÐIÐ
Dýraglens
Grettir
Tommi og Jenni
BREF
TIL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: Iauga@mbl.is
Athyglisverður knatt-
spyrnuleikur framundan
Frá Tómasi Jónssyni:
YFIRLÝSING fyrirliða ÍBV í Morg-
unblaðinu þriðjudaginn 27.8. hefur
vakið mikla athygli í röðum knatt-
spyrnuáhugamanna. Þar segir
Hlynur Stefánsson orðrétt á síðu
4B: „Nú verða Eyjamenn að halda
með Skagamönnum það sem eftir
er af íslandsmótinu, því ef ÍA verð-
ur íslandsmeistari kemst ÍBV í
Evrópukeppni bikarhafa".
Þessi yfirlýsing fyrirliðans, sem
væntanlega er gefin fyrir hönd leik-
manna liðsins og þeirra sem að lið-
inu standa, gerir væntanlegan leik
ÍBV og ÍA, sem fyrirhugaður er í
Vestmannaeyjum í 17. og næst síð-
ustu umferð íslandsmótsins þann
21. september nk., afar áhugaverð-
an fyrir alla knattspyrnuáhuga-
menn.
Þetta er í fyrsta skipti, sem mig
rekur minni til, að fram fer leikur
í 1. deild karla þar sem leikmenn
beggja liða, og þeir sem að þeim
standa, halda með öðru liðinu. Sam-
hljóma kór Vestmannaeyinga og
aðkominna Skagamanna á eftir að
hljóma um Heimaey: „Áfram
Skagamenn" og fleira í þeim dúr.
Mjög líklegt er að Vestmannaeying-
ar skilji hvítu liðshúfurnar sínar
eftir heima þegar á völlinn verður
farið og leiti jafnvel að einhveiju
gulu í fataskápnum.
Ef helstu keppinautar Skaga-
manna ná að tapa 2 stigum til við-
bótar áður en að þessum leik kem-
ur og ÍA heldur sínu striki, geta
allir fallist í faðma í Eyjum og sam-
fagnað, ÍA íslandsmeistaratitlinum
og sigri í leiknum og Eyjamenn
Evrópusætinu og tapi í leiknum.
Athugandi er fyrir stuðlastjóra
íslenskra getrauna og Lengjunnar
að þetta er fyrsti leikurinn á Lengj-
unni þar sem allir halda með öðru
liðinu, líka leikmenn beggja liða og
hljótum við því að sjá netstuðul á
sigur ÍBV í leiknum sem einungis
gæti orðið að veruleika fyrir algera
slysni, gegn vilja leikmanna beggja
liða.
Við þá sem ætla sér að sjá þenn-
an eftirtektarverða leik segi ég:
„Góða skemmtun!"
TÓMAS JÓNSSON, Dvergabakka 24,
Reykjavík.
Hvað er dans?
Frá Unni Arngrímsdóttur:
NÚ ERU danskennarar að dusta
rykið af dansskónum og dansskól-
arnir að hefja starfsemi sína. Það
sem fram fer í dansskólum borgar-
innar er mikið og gott starf sem
er þroskandi kennsla fyrir alla, þar
sem áhersla er lögð á markvissa
kennslu í hagnýtum dönsum. Frá
alda öðli hefur maðurinn dansað.
Frumdansinn er frá villimanninum
sem dansaði eftir trumbuslætti fyr-
ir og eftir veiðiferðir og enn aðrir
dýrkuðu guði sína með hreyfingum
og dansi.
Börn eiga að læra að dans. Það
er eðli barnsins að þurfa að hreyfa
sig og tjá sig og allir þurfa útrás
í einhverri mynd undir seiðandi tón-
list.
Mín skoðun er sú að þeir sem
fara á mis við tónlistar- eða dans-
nám missa af miklu hvað varðar
innri tilfinningu og tjáningu.
Eitt er alveg á hreinu og marg-
sannað að sá sem kann að hlusta
og tjá sig í dansi eftir ákveðnum
reglum er betur settur í þjóðfélag-
inu hvað varðar öryggi í framkomu
og er sterkari á svellinu varðandi
freistingar á vímuefnum.
Foreldrar, ég skora á ykkur að
hvetja börnin að fara í dansskóla
þar sem faglærðir danskennarar
byggja upp kennsluna miðað við
þroska barnsins. Þetta er fyrir-
byggjandi nám sem skilar sér fyrr
eða síðar þegar freistingar verða á
veginum.
Danskunnátta kemur fram í
ýmsum myndum hvað varðar feg-
urð, innri þörf og snertingu. Börn
verða miklu frjálsari og öruggari í
allri umgengni við aðra og kemur
danskennslan þeim til góða um alla
framtíð.
Hvetjum börnin okkar í dans
strax í dag.
Foreldrar, komið með börnunum
ykkar og lærið að dansa með þeim.
Góð og skemmtileg fjölskyldu-
skemmtun.
UNNUR ARNGRÍMSDÓTTIR,
danskennari.
Hvað skal segja? 5
Væri rétt að segja: Þeim líst vel á hvort annað?
Rétt væri: Þeim list vel hvoru á annað.
Tveim(ur) mönnum líst vel hvorum á annan.
Þrem(ur) mönnum líst vel hverjum á annan.
Tveim(ur) konum líst vel hvorri á aðra.
Þrem(ur) konum líst vel hverri á aðra.
Tveim(ur) börnum líst vel hvoru á annað.
Þrem(ur) börnum líst vel hveiju á annað.
Mörgu fólki líst vel hveiju á annað.
Næst verða fleiri dæmi um notkun fornafna.
Hæ, fiskur! Látt’ana ekki gabba Þegiðu, Magga... Hún er að reyna Fiskar hlaupa ekki, Magga...
þig! Það er öngull á endanum á að ná þér! Hlauptu á meðan þú Hundar busla!
þessari línu! getur!
Allt efni sem birtist i Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.