Morgunblaðið - 29.12.1996, Blaðsíða 38

38 SUNNUDAGUR 29. DESEMBER 1996
MORGUNBLAÐIÐ
Dýraglens
Ljóska
Ferdinand
BRÉF
TIL BIAÐSINS
Kringlan 1 103 Reykjavík • Sími 569 1100 • Símbréf 569 1329
• Netfang: Iauga@mbl.is
Milljarðargjöfin
Frá Páli Jóhannessyni:
TIL HAMINGJU, íslenska þjóð,
með þá rausnarlegu gjöf sem LÍÚ
hefur ákveðið að gefa íslensku
þjóðinni. Stórmennin í LÍÚ hafa
loksins rétt úr sínu bogna baki
(eftir áralöng mögur ár) og hafa
ákveðið að gefa þjóðinni nýtt og
glæsilegt hafrannsóknarskip. Þeir
ætla að hrista fram úr erminni svo
sem einn milljarð sem á að fara í
smíði skipsins.
Á undanförnum árum hafa
þessir sömu menn undir forystu
Kristjáns Ragnarssonar rokið upp
til handa og fóta þegar að kjara-
samningum kemur, þá er nú held-
ur bágborið ástandið hjá LÍÚ.
Einnig hefur það færst í vöxt að
kvótinn sem er orðinn óopinber
eign útgerðarinnar, sem gerir það
að verkum að kvótabrask þrífst
sem aldrei fyrr öllum til óþurftar
nema þá kannski útgerðarmönn-
um. Til að fyrirbyggja allan mis-
skilning þá er hér ekki átt við
hagræðingu í veiðum heldur beina
kvótaleigu til að geta sent skipin
á framandi mið. Hvorki sjómenn
né fiskverkafólk hefur notið góðs
af slíku braski, peningarnir vegna
kvótaleigu á óveiddum fiski fara
beint í vasa útgerðarmannsins.
Svo segja menn að fiskurinn sé
þjóðareign, skrítið, ekki satt?
Já, þetta með að fiskurinn sé
þjóðareign er nú dálítið skrítið, því
að á sama tíma og útgerðarmaður-
inn hefur heimild til að leigja og
braska með þjóðareignina stinga
þeir gróðanum af kvótaleigunni í
vasann, síðan á allur almenningur
að trúa því að ekki sé svigrúm til
að láta útgerðina greiða auðlinda-
skatt.
Það er tvennt sem gerði það að
verkum að maður varð svolítið
tortrygginn þegar tilkynningin um
gjöfina fínu kom.
í fyrsta lagi vill meirihluti fólks
setja auðlindaskatt á útgerðina
þar sem fiskurinn er jú þjóðareign,
en það má útgerðin ekki heyra
minnst á, það sé ekki svigrúm til
slíkra verka. í öðru lagi eru sjó-
menn með lausa samninga um
áramótin eins og nær allt annað
launafólk.
Það skyldi þó ekki vera að út-
gerðin sé að kaupa sér frið, fá
fólk til að gleyma og hætta að
tala um auðlindaskattinn og hafa
síðan samúð með sér þegar þeir
segja við sjómenn, að ekki sé svig-
rúm til launahækkunar eða hag-
ræðingar í kjarsamningum.
Þetta með kjarasamningana, ef
LÍÚ sýnir sama ábyrgðarleysi í
komandi samningum og við þá
síðustu og vinnustöðvun verður
að veruleika, þá er útgerðin búin
að leggja sitt af mörkum (þetta
með skipið) og krefst lagasetninga
til að binda enda á vinnudeilur
hennar og sjómanna. Knstján
Ragnarsson og félagar í LÍÚ líta
nefnilega svo á, að vinnudeilur
þeirra við sjómenn eigi ávallt að
leysa með lögum, en ekki við
samningaborðið. Þeirra sjónarmið
eru að aðeins sjómenn eigi að gefa
eftir er vinnudeilur eru annarsveg-
ar, þeir virðast ekki gera sér grein
fyrir því að sjaldan veldur einn
þá tveir deila.
Vangaveltur af þessu tagi eru
ekki óeðlilegar í ljósi þess að á
sama tíma og útgerðin segir að
ekki sé sviggrúm til að setja auð-
lindaskattinn á þá ætla þeir að
gefa okkur rétt sisona einn milljarð
til að smíða skipið góða. Það kann
einhveijum að þykja undarlegt að
hægt sé að gefa frá sér eitt þúsund
milljónir, þegar þeir eru nýbúnir
að segja að engir séu peningamir
til. Nú er það auðvitað góðra gjalda
vert að færa þjóðinni þessa glæsi-
legu gjöf, en hver skyldi svo borga
þegar upp er staðið, það skyldu
þó ekki vera sjómenn og fiskverka-
fólk sem fá að borga brúsann?
Einnig má spytja sjálfan sig þeirr-
ar spurningar hvort útgerðin sé
ekki að viðurkenna með þessu að
nú sé einmitt svigrúm til að setja
auðlindaskattinn á.
Er ekki ríkisstjórnin líka alltaf
að tala um eitthvert góðæri, sem
reyndar enginn virðist taka eftir
nema þeir sjálfir, það á vafalaust
eftir að sýna sig í komandi samn-
ingum hjá hinum almenna laun-
þega.
PÁLL JÓHANNESSON, sjómaður,
Bröttuhlíð 8, Ákureyri.
Lög um fjöl-
eignarhús
Frá Einari Kristinssyni:
VIRÐULEGI félagsmálaráðherra
Páll Pétursson. Við lestur á „Lög
um fjöleignarhús," missi ég og
fleiri algerlega átta á því hvað hús
er. Merkir orðið hús:
a) Það sama og verið hefur,
þ.e.a.s. bygging með ákveðnu
götuheiti og húsnúmeri?
b) Er þyrping ósamstæðra húsa
sem tengjast, jafnvel við margar
götur, eitt hús?
1. Gildir a) eða b)?
2. Gildi b). Rýmar ekki verð á
góðu húsi ef það tengist vondu
húsi?
3. Gildi b). Eru lögin ekki árás
á eignarréttinn?
4. Eru ástæður eða forsendur
til nákvæmari skiptingar eignar
heldur en t.d. skiptingar árangurs
hjá nemendum í skólum (einkunn-
ir heilar tölur 1-10)?
Svar óskast.
EINAR KRISTINSSON,
Funafold 43, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskiiur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.