Morgunblaðið - 30.01.1997, Blaðsíða 15

MORGUNBLAÐIÐ
FIMMTUDAGUR 30. JANÚAR 1997 15
LANDIÐ
NEYTENDUR
Hitaveita Suðurnesja
Orkuver stækkað
út í Bláa lónið
Grindavík - Fyrirhuguð stækkun
orkuvers Hitaveitu Suðurnesja
mun að öllum líkindum fara út í
Bláa lónið samkvæmt hugmyndum
að staðsetningu sem forstjóri HS
kynnti nýlega á stjómarfundi.
Að sögn Júlíusar Jónssonar for-
stjóra HS samþykkti stjórn hita-
veitunnar í maí 1995 að heija und-
irbúning að aukinni rafmagns-
framleiðslu. Hefur á þeim tíma sem
liðinn er verið unnið að hönnun
stækkunarinnar, sem gengur undir
nafninu Orkuver 5. Þar verða unn-
in 30 MW af rafmagni og 240
sekúndulítrar af heitu vatni. Þörf
er á að endurnýja Orkuver 1, sem
framleiðir 150 sekúndulítra af
heitu vatni en eftir 20 ár verður
það orðið úrelt.
3 milljarða
kostnaður
Nýja orkuverið verður 1.500
fermetrar að grannfleti, fyrir utan
kæliturna, og kostar 3 milljarða
króna. Heppilegasta staðsetningin
er talin út í Bláa lónið frá Orku-
veri 1, þannig að nokkur hluti lóns-
ins fari undir mannvirkið. Reisa
verður garð þvert yfir lónið til að
þurrka norðurhluta þess upp, áður
en hægt er að hefja jarðvegsvinnu.
Bláa lónið er einn vinsælasti
ferðamannastaður á Islandi og
hefur staðið til að færa það vegna
þess að stækkun raforkuversins
gat orðið í náinni framtíð. Nú ber
stækkunina bráðar að en menn
ætluðu, að sögn Júlíusar Jónsson-
ar.
Á áðurnefndum stjórnarfundi
kynnti Júlíus könnun tæknimanna
á gufuhverflum til raforkufram-
leiðslu, en talið er heppilegt, með
tilliti til kostnaðar, að reikna frek-
ar með einum 30 MW hverfli en
tveimur 15 MW. Þá veitti stjórnin
forstjóranum heimild til að leita til
nokkurra arkitekta eftir hugmynd-
um að útliti nýja orkuversins.

Morgunblaðið/Kristinn Benediktsson
SÉÐ yfir Bláa lónið í Svartsengi. í bakgrunni
er fjallið Þorbörn og Grindavík.
Bliki EA nýr togari útgerðarfyrirtækisins BGB
Heldur til rækju-
veiða í næsta mánuði
TOGARINN Bliki EA 12 heldur til
rækjuveiða upp úr miðjum næsta
mánuði, eftir skoðun og andlitslyft-
ingu hjá Slippstöðinni hf. á Akur-
eyri. Bliki er systurskip Júlíusar
Havsteen ÞH á Húsavík og er rúm
400 tonn að stærð. Togarinn sem
er í eigu útgerðarfyrirtækisins BGB
á Árskógssandi, var keyptur frá
Grænlandi og er hann vel útbúinn
til rækjuveiða. Blika er ætlað að
leysa af hólmi minna skip fyrirtæk-
isins með sama nafni og skrásetn-
ingarnúmeri.
Þórir Matthíasson, fram-
kvæmdastjóri BGB, segir að Bliki
hafi farið í gegnum skoðun hjá
Slippstöðinni fyrir hina grænlensku
seljendur, enda sé skipið enn í
þeirra höndum. „í framhaldi af
þeirri skoðun þurfum við að gera
ýmsar endurbætur samkvæmt ís-
lenskum kröfum og ganga þannig
frá málum að skipið komist undir
íslepskan fána.“
Útgerðarfélagið Bliki á Dalvík
og G. Ben. á Árskógssandi samein-
uðust nýlega undir merki BGB og
Morgunblaðið/Kristján
BLIKI EA nýr togari útgerðarfyrirtækisins BGB er í skoðun
og andlitslyftingu hjá Slippstöðinni á Akureyri. Stefnt er að
því að skipið haldi til rækjuveiða upp úr miðjum febrúar.
segir Þórir að enn sé unnið að ýms- um en stefnt er að því að selja skip-
um málum í tengslum við þá sam- ið og standa yfir viðræður við Norð-
einingu. Gamli Bliki er á rækjuveið- menn um hugsanleg kaup á því.
Morgunblaðið/Kristinn
Bóiius
20-30% afsláttur
af ungnautakjöti
í DAG, fimmtudag, hefst útsala á
ungnautakjöti í Bónus. Um er að
ræða 10 til 12 tonn af kjöti og
nemur afslátturinn 20-30%. Að
sögn Jóns Ásgeirs Jóhannessonar
hjá Bónus er meðal annars á til-
boði hakk, snitzel, gúllas, ham-
borgarar og nautahryggvöðvar
(fillet). _
Jón Ásgeir segir að ungnauta-
hryggvöðvi hafi verið á 1.425
krónur kílóið en kosti á útsölunni
1.099 krónur. Þá er venjulegt verð
á nautasnitzel 1.058 krónur en er
núna 799 krónur. Ungnautahakk
var áður á 669 krónur kílóið en
fer í 549 krónur kílóið.
Jón Ásgeir segir vaxandi titr-
ing á kjötmarkaði ástæðu þess
að kjötið býðst núna á lækkuðu
verði og segir að um þessar mund-
ir sé offramboð á flestum kjötteg-
undum. Hann býst við að kjöt-
birgðirnar endist fram yfir helgi
og segist jafnvel búast við álíka
tilboðum á öðrum kjöttegundum
á næstunni.
- Hvaðan kemur þetta kjöt?
„Þetta er ungnautakjöt frá góð-
um sláturleyfishafa."
IMýtt
Pítsur með
ostafyllingu
HAFIN er sala á pítsum með osta-
fyllingu í kantinum hjá Pizza Hut
á Hótel Esju. Pítsurnar eru öðru-
vísi en venjulegar pítsur að því
leyti að kantur þeirra er fylltur
með mozzarella osti og síðan er
kanturinn úðaður með hvítlauk.
Pítsan sjálf er að auki nýjung þar
sem hún er þunn og með nýrri
kryddaðri tómatblöndu. Pítsurnar
eru seldar í einni stærð, fyrir 3-4.