Morgunblaðið - 28.02.1997, Síða 60

MeWiiid
-setur brag á sérhvern dag!
MORGUNBLADID, KRINGLAN I, 103 REYKJAVÍK, SlMI 569 1100, SÍMBRÉF 569 1181,
PÓSTHÓLF 3040, NETFANG MBL(SCENTRUM.1S / AKUREYRI: KAUPVaNGSSTRÆTI 1
FÖSTUDAGUR 28. FEBRÚAR 1997
VERÐ í LAUSASÖLU 125 KR. MEÐ VSK
Hugmyndir vinnuveitenda um launabreytingar í viðræðum við ASÍ

11 % hækkun og lægstu
laun 70 þús. 1. jan. 1999
VINNUVEITENDUR hafa í við-
ræðum við landssambönd og verka-
lýðsfélög að undanförnu lýst sig
reiðubúna að nálgast kröfur þeirra
um hækkun dagvinnulauna, ef þau
fallast á að samið verði um aukinn
sveigjanleika á vinnutíma og breyt-
ingar á álagsgreiðslum til hækkun-
ar á dagvinnulaunum í aðalkjara-
samningi. Vinnuveitendur gera ekki
ráð fyrir að takist að semja um
viðbótarlaunahækkanir með hag-
ræðingu í fyrirtækjasamningum
vegna andstöðu innan verkalýðs-
hreyfingar.
Samkvæmt heimildum Morgun-
blaðsins felst í tilboðum vinnuveit-
enda að lægstu dagvinnutaxtar eft-
ir eitt ár í starfí, hjá starfsmönnum
sem eru eingöngu á taxtakaupi,
verði komnir upp í 70.000 kr. á
mánuði 1. janúar 1999, gegn því
að samið verði um sveigjanlegan
dagvinnutíma frá kl. 8 til 20 eða 7
til 19, þar sem það á við. Einnig
leggja vinnuveitendur til að yfir-
vinnuhlutfall lækki úr 1,0385 í 1%
af mánaðarlaunum fyrir dagvinnu,
sem færist inn í dagvinnutaxtana
til hækkunar. Þetta hefði í för með
sér að yfirvinna, sem víðast hvar
greiðist með 80% álagi á dagvinnu-
tímakaup myndi lækka í 70%.
3,5-3,85% árlegar
hækkanir
í hugmyndum vinnuveitenda
felst að samið yrði um almennar
launahækkanir í þremur áföngum.
Reiknað í prósentum myndu laun
hækka um 3,85% við undirritun
samninga. 1. janúar 1998 hækki
laun um 3,5% og 1. janúar 1999
hækki þau aftur um 3,5%. Vinnu-
veitendur eru þannig reiðubúnir að
fallast á tæplega 11% hækkun al-
mennra launa á samningstímanum
en lægstu dagvinnutaxtar myndu
til viðbótar hækka um 2-3%.
Vinnuveitendur leggja til að samn-
ingar gildi til 1. október eða 1.
nóvember árið 1999.
Rætt um aðferð við færslu
taxta að greiddu kaupi
Vinnuveitendur lögðu í gær fram
tillögur að reglum um hvernig færa
megi taxtakaup að greiddu kaupi á
fundi með _ formönnum landssam-
banda ASÍ. Formenn landssam-
bandanna ætla að svara tillögum
vinnuveitenda á fundi sem hefst kl.
14 í dag.
Samkomulag liggur fyrir um að-
ferð við að færa bónus fiskvinnslu-
fólks að greiddu kaupi en eftir
stendur ágreiningur um önnur
samningsbundin kaupaukakerfi og
hvernig farið verður með álags-
greiðslur sem samið hefur verið um
í einstaklingsbundnum ráðningar-
samningum. Einnig á að taka upp
umræðu í dag milli vinnuveitenda
og formanna landssambanda um
breytingar á hvíldartímareglum.
Vinnuveitendur óskuðu í gær eft-
ir því við Verzlunarmannafélag
Reykjavíkur að það kæmi að þeim
viðræðum sem standa yfir í hús-
næði ríkissáttasemjara. Óvíst er
hvort VR mun fallast á það en fé-
lagið gerir kröfu um 17% launa-
hækkun á þriggja ára samnings-
tíma og að samið verði um kjara-
bætur í starfsgreina- eða fyrir-
tækjasamningum.
■ Hvika ekki/6
“ Johansen
ræðir við
Davíð
DAVÍÐ Oddsson forsætisráð-
herra tók á móti Lars Emil
Johansen formanni grænlensku
landstjórnarinnar á Keflavíkur-
flugvelli í gærdag, í tilefni opin-
berrar heimsóknar, og átti fund
í stjórnarráðinu með formann-
inum síðdegis í gær. Forseti
—* Islands, Olafur Ragnar Gríms-
son, tekur á móti Johansen í
dag á Bessastöðum og síðar um
morguninn mun formaðurinn
eiga fund með Davíð Oddssyni
og Halldóri Asgrímssyni utan-
ríkisráðherra í Ráðherrabú-
staðnum. Heimsókninni lýkur
síðdegis á morgun.
■ Opinber heimsókn/6
Morgunblaðið/Golli
Hagnaður
Eimskips
532 m.kr.
EIMSKIPAFÉLAG íslands skilaði
532 milljóna króna hagnaði á síð-
asta ári. Afkoman var lakari en
áætlanir höfðu gert ráð fyrir, einkum
vegna harðrar samkeppni í flutning-
um og kostnaðarhækkana eriendis,
að því er segir í frétt frá félaginu.
Hagnaður ársins svarar til 4% af
veltu fyrirtækisins og er það 12%
samdráttur frá árinu 1995 þegar
hagnaður félagsins var 602 m.kr.
eða 6% af veltu.
Rekstrartekjur Eimskips og dótt-
urfélaga námu alls 11.961 milljón
króna á árinu 1996 og jukust um
26% milli ára.
Hörður Sigurgestsson, forstjóri
Eimskips, sagði í samtali við Morg-
unblaðið í gær að niðurstaðan væri
ekki viðunandi.
■ Hagnaður dróst saman/16
------»-♦-♦---
Tveggja leitað
við Botnssúlur
BJÖRGUNARSVEITIR hófu seint í
gærkvöldi leit að tveimur ungum
mönnum frá Akranesi sem orðið
höfðu viðskila við félaga sína á göngu
í Botnssúlum.
Níu manna hópur hafði farið saman
í skíðagöngu. Slæmt veður gerði um
tíma í gær. Sjö úr hópnum komu nið-
ur í Brynjudal en tveir skiluðu sér
ekki. Að sögn lögreglu er um að
ræða þaulvana og velbúna fjallamenn.
Undanfarahópar og beltabifreið
frá björgunarsveitum var farin á
staðinn um klukkan hálftólf í gær-
kvöldi en tvímenningarnir voru ekki
fundnir.
♦ ♦ ♦----
Strokufangi
handtekinn
LÖGREGLAN í Reykjavík handtók
í gærkvöldi 25 ára gamlan mann sem
strauk úr gæslu í Dómhúsinu í
Reykjavík fyrir um það bil 2 mán-
uðum. Maðurinn var að afplána
refsidóm en braut sér leið út úr
fangaherbergi Dómhússins. Maður-
inn var handtekinn í húsi við Vita-
stíg í gærkvöldi þegar lögreglan
gerði leit þar.
Erfðabreytt matvæli
óleyfileg hér á landi
STARFSMAÐUR verður ráðinn
til Hollustuverndar ríkisins á
næstunni til þess að hafa um-
sjón með framkvæmd laga um
erfðabreyttar lífverur sem sam-
þykkt voru á Alþingi í fyrra.
Einnig verður skipuð níu manna
ráðgjafarnefnd sem m.a. mun
taka afstöðu til leyfisveitinga,
rannsókna og starfsemi með
erfðabreyttar lifverur.
Með erfðatækni er unnt að
fiytja erfðaeiginleika milli
óskyldra lífvera; örvera, plantna
og dýra. Matvörur framleiddar
með slíkri tækni eru komnar á
markað m.a. í Bandaríkjunum
og Evrópu.
Sala á erfðabreyttum mat-
vælum hefur enn ekki verið
leyfð hér á landi, að sögn
Franklíns Georgssonar, for-
stöðumanns á rannsóknarstofu
Hollustuverndar ríkisins. „ís-
lensk stjórnvöld hafa ekki tekið
afstöðu til markaðssetningar og
innflutnings þar sem staðið hef-
ur á ákvörðunartöku um fram-
kvæmd slíks leyfis hjá löndum
EFTA innan EES.“ Franklín
telur þó ekki útilokað að hluti
af hráefni í samsettum matvæl-
um sem hér eru seld hafi verið
fenginn frá erfðabreyttum líf-
verum. Evrópusambandið sam-
þykkti nýlega reglugerð er tek-
ur meðal annars til merkinga á
erfðabreyttum matvörum.
Reglugerðin mun að fullu taka
gildi í árslok 1998 en enn sem
komið er hefur hún ekki verið
tekin til meðferðar hjá EES.
■ Bölvun/B2
Kviðdómur í New York dæmir Flugleiðir skaðabótaskyldar
Flugleiðir greiði 1.050
milljónir króna í bætur
KVIÐDÓMUR í héraðsdómstóli í
New York borg hefur dæmt Flug-
leiðir til að greiða um 1.050 milljón-
ir króna, 15 milljónir Bandaríkjadala
í skaðabætur. 10 milljónir dala, 700
m.kr., eiga að renna til Bandaríkja-
manns að nafni Fred A. Pittman og
5 milljónir dala, 350 m.kr., til Eliza-
beth Jane Pittmans, dóttur Freds
A. Pittmans og fyrrverandi eigin-
konu hans, Ernu Eyjólfsdóttur.
„Við erum verulega undrandi á
þessum upphæðum," sagði Sigurður
Helgason, forstjóri Flugleiða, við
Morgunblaðið í gær.
Niðurstaða kviðdómsins byggist á
því að starfsmenn Flugleiða hafi vís-
vitandi virt að vettugi farbannsúr-
skurð dómstóls í Flórída-fylki og
þrátt fyrir þann úrskurð tekið þátt
í að flytja Ernu og dætur hennar frá
Bandarikjunum til íslands þann 1.
maí 1992. Mæðgurnar búa hérlendis
og íslenskir dómstóiar hafa dæmt
Ernu forræði dætra sinna. Þrátt fyr-
ir að niðurstaða kviðdóms liggi fyrir
á dómari málsins eftir að fara yfir
hann og birta niðurstöður sínar.
Þeirra er að vænta eftir 8-10 vikur.
Mistök dómara
„Við erum vissir í okkar sök um
að dómarinn hafi gert mistök þegar
hann ræddi við kviðdómendur um
það til hvaða réttarreglna þeir þyrftu
að taka afstöðu til að komast að
niðurstöðu í málinu,“ sagði John F.
Schutty lögmaður Flugleiða og
tryggingafélags Flugleiða, sem kost-
ar málsvörnina og er ábyrgt fyrir
greiðslu skaðabótanna.
Réttlát niðurstaða
„Þetta var mjög réttlát og raunsæ
niðurstaða hjá kviðdómnum og ég á
fastlega von á að dómarinn stað-
festi hana,“ sagði Robert Erlanger,
lögmaður Freds A. Pittmans, við
Morgunblaðið í gær.
■ Dómarinn gerði mistök/4
■ Ekki endanleg niðurstaða/4
■ Býst við staðfestingu/4
■ Afdrifarík forræðisdeila/ll