Morgunblaðið - 25.03.1997, Page 50

50 ÞRIÐJUDAGUR 25. MARZ 1997
MORGUNBLAÐIÐ
BRÉF
TIL BLADSINS
HtflWU, lAODi. HVB&ViG, J ÓEMU/Z yiCftOÆ. NUNAf' t > í k/Nsóié 1 J VEN7UL EGA |
Í2 rc^
Grettir
Kringlan 1103 Reykjavík # Sími 569 1100 • Símbréf 569 1329
• Netfang: lauga@mbl.is
Byggjum upp
náttúruvæna
stóriðju
Tommi og Jenni
Ferdinand
Frá Helga K. Hjálmssyni.
EFTIR hádegi laugardaginn 22.
þ.m. hlustaði ég á ágætan þátt sem
til var stofnað af JC og umhverfis-
ráðuneytinu og var jafnframt út-
varpað. Hafi allir aðilar bestu þakk-
ir fyrir framtakið.
Þáttur þessi fjallaði um mengun-
armál og stóriðju. Þarna voru marg-
ar spumingar fram bornar og um-
hverfis og landbúnaðarráðherra sat
m.a. fyrir svörum. Allar spumingar
og næstum öll umræða snerist um
stóriðju í formi mengunarvaldandi
verksmiðja, svo sem álvera og járn-
blendiverksmiðja. Það var líkast því
að ekki væru til margir kostir varð-
andi þessi mál. Það var að vísu
nefnd ágæt hugmynd um vetnis-
framleiðslu, sem orkugjafa fyrir
skipaflota okkar, en þetta átti að
gerast í tengslum við þá mengunar-
valdandi stóriðju, sem nú er stöðugt
einblínt á.
Ég saknaði þess að enginn skyldi
varpa fram þeirri spumingu til
umhverfís- og landbúnaðarráð-
herra, hvort ekki væri skynsam-
legra að nýta þá orku, sem við emm
að framleiða og munum framleiða,
til matvælaskapandi stóriðju t. d. í
formi framleiðslu á hverskonar af-
urðum, sem hægt er að framleiða
í gróðurhúsum við ljós og varma,
svo og tilbúnum réttum úr fiski og
lambakjöti. Þama er um algjörlega
mengunarlausa framleiðslu að ræða
og stóriðju ef við kjósum að kalla
hana svo. Er ekki skynsamlegra að
stefna á náttúrvæna framleiðslu.
Framleiðslu á náttúruvænum afurð-
um, sem heiminn hungrar eftir.
Byggja upp orðstír íslands sem
mengunarlauss lands og ganga þar
fram fyrir skjöldu, frekar en að
halda áfram þeirri stefnu sem nú
er viðhöfð, að það sé aðeins hægt
að selja útlendum fyrirtækjum og
sóðalegri stóriðju ódýrt rafmagn.
Af hveiju nýtum við ekki þessa
orku til matvælaframleiðslu og
sköpum okkur nafn á þeim vett-
vangi. Ef leita þarf eftir fjármagni,
þá eru fjölmargir aðilar og fjárfest-
ar vafalítið tilbúnir til þess að leggja
fram fjármagn í þessu skyni. Það
eru ekki mörg ár síðan erlent stór-
fyrirtæki í framleiðslu tilbúinna
rétta úr fiskafurðum vildi fjárfesta
hér á íslandi. Vegna skammsýni
og embættismannahroka gekk það
gullna tækifæri okkur úr greipum.
Þetta fyrirtæki sneri sér til frænda
okkar í Noregi og fékk þar allt
aðrar viðtökur og svör en hér á
landi. Það leið aðeins hálft .ár þar
til þeir voru komnir þar í fulla fram-
leiðslu.
Látum þetta ekki henda okkur
aftur.
HELGIK. HJÁLMSSON,
viðskiptafræðingur, Garðabæ.
„Borgaraleg ferming
byggir upp siðferðis-
kennd ungmenna
án trúarafstöðu“
Frá Hope Knútsson og
Þyrí Valdimarsdóttur:
FERMING barna er stór stund í
lífi hverrar fjölskyldu. Æ stærri
hópur ungmenna kýs að fermast
án kirkjulegrar leiðsagnar. Sið-
mennt, félag um borgaralegar at-
hafnir, hefur haldið utan um
fræðslustundir fyrir ungmenni sem
huga að borgaralegri fermingu.
Fyrirlesarar koma víða að úr
þjóðfélaginu og fjalla um hugtökin
mannréttindi, frelsi og ábyrgð og
taka fyrir atriði eins og ákvörðun-
artöku, gildi lífs, fjölskylduna,
mannleg samskipti, tilfinningar,
tjáningu, jafnrétti og forvarnir um
vímuefni.
Foreldrar taka þátt í skipulagn-
ingu fermingarathafnarinnar. At-
höfnin þykir mjög hátíðleg, falleg
og persónuleg þar sem ungmenni
eru virkir þátttakendur. Nú í ár eru
53 ungmenni sem munu fermast
borgaralega í Reykjavík og á Akur-
eyri. Þetta er umtalsverð aukning
frá árinu í fyrra en borgaraleg
ferming hófst fyrir 9 árum og nú
þegar hafa 200 ungmenni látið
ferma sig borgaralega.
Morgunblaðið ákvað að fjalla
ekki um borgaralegar fermingar í
ár í 40 blaðsíðna fermingarblaði og
þótti foreldrum og aðstandendum
fermingabarnanna það miður. Hér
er verið að mismuna ungmennum
stórlega vegna trúarlegrar afstöðu.
Borgaraleg ferming er annar val-
kostur við kirkjulega fermingu og
er ekki síður merkileg. Borgaraleg
ferming hefur öðlast sess í ís-
lenskri menningu og hana ber að
virða sem merkilega stund í lífi
ungmenna. Borgaraleg ferming
verðskuldar heiðarlega umfjöllun í
stærsta dagblaði landsmanna.
HOPE KNÚTSSON,
formaður Siðmenntar.
ÞYRÍ VALDIMARSDÓTTIR,
varaformaður Siðmenntar.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt tii að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.