Morgunblaðið - 25.03.1997, Blaðsíða 14

14 ÞRIÐJUDAGUR 25. MARZ 1997
MORGUNBLAÐIÐ
4
AKUREYRI
Lögreglan á Akureyri
Tvær líkamsárásir
og fimm innbrot
TVÆR líkamsárásir voru tilkynntar
til lögreglu aðfaranótt laugardag.
Önnur varð í miðbænum en hin í
heimahúsi. Um minniháttar meiðsli
var að ræða í öðru tilvikinu en við-
beinsbrot í hinu.
Sparibaukum
stolið
Fimm þjófnaðarmái voru kærð
til lögreglu. Farið var inn í hús á
brekkunni og þaðan stolið tveimur
sparibaukum sem fullir voru af
smámynt. Einnig var farið inn í hús
á Eyrinni og stolið átta þúsund
krónum í peningum úr peninga-
kassa. Þá var tilkynnt um tvö inn-
brot, annað í endurhæfmgastöðina
við Skógarlund þar sem litlar
skemmdir voru unnar og líklega
engu stolið, hitt var í íbúðarhús á
brekkunni en þar var einnig litlu
stolið. Þá var einnig tilkynnt um
tilraun til innbrots í leikskólann
Iðavelli við Gránufélagsgötu.
Þeir sem geta gefið upplýsingar
um þessi innbrot eru vinsamlegast
beðnir að hafa samband við lögregl-
una á Akureyri.
Að undanförnu hefur einnig bor-
ið nokkuð á ijársvikamálum, en
þtjú slík komu til kasta lögreglu.
Um er að ræða fólk sem stingur
af frá ógreiddum reikningum, svo
sem á hótelum og fyrir akstur í
leigubílum.
Verkefni vegna farþegabryggju
Tilboð langt undir áætlun
TVÖ tilboð bárust í dýpkun, bygg-
ingu gijótgarðs og landveggjar fyrir
farþegabryggju við Torfunef á Akur-
eyri, en þau voru opnuð í gær. Bæði
tilboðin voru langt undir kostnaðará-
ætlun.
Arnarfell átti lægra tilboðið,
1.662.697 sem er 40,5% af áætluð-
um kostnaði en tilboð frá GV-gröfum
var að upphæð 2.195.246 kr. sem
er 53,5% af kostnaðaráætlun, sem
var 4.103.269 kr.
Innifalið í verkinu er að vinna og
flokka gijót í Krossanesnámu, aka
þvi að garðstæðinu og byggja gijót-
garð, en áætlað er að efnismagn i
garðinn verði um 1.900 rúmmetrar.
Þá þarf að dýpka innan garðsins í 3
metra. Þessu verkefni á að vera lok-
ið eigi síðar en 10. maí næstkomandi.
Morgunblaðið/Kristján
Stálu trefli af snjókarli
UNGMENNI við skál á Akureyri
stóðust ekki þá freistingu aðfara-
nótt laugardags að príla upp 6-7
metra háan snjókarl sem reistur
var á Ráðhústorginu og ræna 13
metra löngum trefli sem hann bar
um hálsinn.
Trefillinn er gerður úr grófu
efni og segldúk og vöfðu ung-
menninn trefilinn af karli og
höfðu á brott með sér. Lögreglu-
menn á eftirlitsferð um miðbæinn
veittu því athygli skömmu seinna
að karlinn var kuldalegri en hann
átti að sér enda helsta skjólflíkin
horfin.
Eftir stutta leit kom þýfið í
leitirnar, og höfðu sökudólgarnir
og fleiri vegfarendur á
næturgöltri strengt trefilinn á
milli sín. Lögreglan lagði hald á
hann en þótti torvelt að draga
einhvern til ábyrgðar fyrir
verknaðinn, enda margir með
hönd á þýfinu.
Trefillinn var vafinn um háls
snjókarlsins að nýju í gær, en
tölur sem prýddu hann voru
skemmdar þessa sömu nótt og var
ekki búið að sauma þær á karlinn
aftur þegar krakkarnir á
Ieikskólanum Flúðum iitu á
Snæfinn snjókarl i gærmorgun.
Maður handtekinn
á hóteli með kókaín
ÞRJÚ fíkniefnamál komu til kasta
rannsóknardeildar lögreglunnar á
Akureyri á laugardag og í einu
þeirra fundust 2 grömm af kókaíni
við leit á hóteli í bænum. Einn
maður var handtekinn á staðnum
og var honum sleppt að lokinni
yfirheyrslu.
Á laugardagsmorgun barst lög-
reglunni vitneskja um fíkniefna-
notkun í húsi á Brekkunni og á
vettvangi fundust fjórar hasspípur.
Við nánari leit fann hasshundurinn
Jens 4 grömm af hassi sem voru
vel falin í húsinu. Einn maður var
handtekinn í tengslum við málið
og var honum sleppt að lokinni
yfirheyrslu.
Bindur vonir við hasshundinn
Daníel Snorrason, lögreglufull-
trúi er farinn að nota hasshundinn
Jens við fíkniefnaleit en hann hef-
ur verið að þjálfa hundinn til slíks
brúks í rúmt ár. Þetta er hins veg-
ar í fyrsta skipti sem Jens finnur
fíkniefni í raunverulegu máli.
Sagðist Daníel ánægður með
frammistöððu hundsins og bindur
hann miklar vonir við hann við
fíkniefnaleit í framtíðinni.
Á laugardagskvöld var lögregla
kvödd að veitingahúsi í bænum en
á kvennasnyrtingu hússins fundust
blóðugar sprautur og leikur grunur
á að þær hafi verið notaðar í sam-
bandi við fíkniefnaneyslu. Málið
er óupplýst en í rannsókn.
Þá var lögreglan kvödd í hús í
miðbænum sl. miðvikudagskvöld,
vegna hávaða. Þar fundust sprautur
og ýmislegt fleira sem benti til fíkni-
efnaneyslu. Við húsleit fannst tölu-
vert af lyíjum sem annar tveggja
aðila sem komu við sögu hafði náð
frá læknum. Tveir menn voru hand-
teknir og var þeim sleppt að loknum
yfírheyrslum daginn eftir.
Morgunblaðið/Kristján
ÞÓRARINN B. Jónsson, umboðsmaður Sjóvá-Almennra á Akur-
eyri, og Guðríður Eiríksdóttir, formaður safnaðarsljórnar Akur-
eyrarkirkju, takast í hendur. Á milli þeirra standa prestarnir
séra Birgir Snæbjörnsson og Svavar Alfreð Jónsson.
FORD ECONOliNE 350 XLT
árg. 1992
U^fýðlilgði' áBllasöÍU KeflavíkUr,
s. 421 4444 / 8931832, hs. 421 3443, Gisli.
7,3 diesel, ný 44"
DC, extra low
millikassi, 4:88
drif, loftlæstur
framan + aftan,
aukatankur,
12 manna
Clubwagon o.fl.
Frábær listi fuilur af glæsilegum vorfatnaói
Afgreiðslutími frá aóeins 3 dögum!
Kr. 490. -
Andlát
SIGVALDIÞORLEIFSSON
SIGVALDI Þorleifsson
útgerðarmaður í Ólafs-
firði lést á Fjórðungs-
sjúkrahúsinu á Akur-
eyri 20. mars síðastiið-
inn. Hann fæddist í
Stóragerði í Óslandshlíð
í Skagafirði 8. janúar
1915.
Foreldrar hans voru
Þorleifur Rögnvaldsson
úr Fljótum og Guðrún
Sigurðardóttir frá
Upsaströnd. Systkini
Sigvalda voru Jónína,
Rögnvaldur, Sigrún
Anna og Unnur en þau
eru öll látin.
Sigvaldi kvæntist Sigríði Gunn-
laugsdóttur árið 1938. Börn þeirra
eru Gunnar Þór, framkvæmdastjóri,
Egill, verslunarmaður, og Þorleifur
Rúnar, framkvæmdastjóri.
Sigvaldi stundaði nám við Alþýðu-
skólann að Laugum og sótti vél-
stjóranámskeið á Akureyri. Hann
hóf sjósókn ungur og aðeins 15 ára
að aldri keypti hann ásamt Jóni Sig-
urpálssyni sinn fyrsta bát. Hann tók
þátt í stofnun nokkurra útgerðarfé-
laga í Ólafsfirði, Sævalds, Þrists og
hlutafélags um kaup á togaranum
Norðlendingi. Útgerðarfélagið Sæ-
berg stofnaði hann
ásamt fleiri útgerðar-
mönnum í Ólafsfirði
árið 1972. Árið 1990
keypti félagið Hrað-
frystihús Ólafsíjarðar,
Hráðfrystihús Magnús-
ar Gamalíelssonar og
togarann Ólaf bekk.
Fyrir um tveimur árum
eignaðist félagið togar-
ann' Hvannaberg, en
Sæberg er eitt öflug-
asta útgerðarfélag í
Ólafsfirði. Sigvaldi átti
einnig stóran þátt í
uppbyggingu fisk-
vinnslu í Ólafsfirði.
Sigvaldi rak ásamt fleirum félag
sem annaðist flutninga milli Ólafs-
íjarðar og Reykjavíkur. Hann stofn-
aði Netaverkstæði Ólafsfjarðar og
var einn af frumkvöðlum að stofnun
verslunarinnar Valbergs.
Sigvaldi sat í bæjarstjórn Ólafs-
fjarðar, var kosinn árið 1954 og sat
þar óslitið til ársins 1970. Hann átti
sæti í nefndum á vegum bæjarins.
Hann var stofnfélagi íþróttafélags-
ins Leifturs árið 1931 og var í fyrsta
knattspyrnuliði þess. Hann var einn-
ig stofnfélagi Rótarýklúbbs Ólafs-
ijarðar 1955.
Kirkju gefið
öryggiskerfi
SJÓVÁ-Almennar og umboðið á
Akureyri hafa gefið öryggiskerfí í
Akureyrarkirkju og safnaðarheimili
kirkjunnar. Uppsetningu búnaðarins
er lokið og var hann afhentur form-
lega að lokinni föstuguðsþjónustu í
síðustu viku.
Eins og kunnugt er var framið
innbrot í Akureyrarkirkju í lok nóv-
ember á sl. ári og miklar skemmdir
■ unnar á orgeli, altaristöflu og ýmsum
kirkjumunun.
Guðríður Eiríksdóttir, formaður
safnaðarstjórnar, sagði við afhend-
inguna að mikið hafi gengið á og
því ekki annað fært en að tryggja
kirkjuna betur, þrátt fyrir bænir og
blessunarorð sem þar eru sögð. Hún
sagði stuðning Sjóvá-Almennra því
afar mikilvægan.
.. ♦ ♦ ♦------
Ungbarnanudd á
mömmumorgni
DÝRLEIF Skjóldal flytur fyrirlestur
um ungbarnanudd á mömmumorgni
í Safnaðarheimili Akureyrarkirkju á
morgun, miðvikudaginn 26. mars frá
ki. 10 til 12. Börnin hafa aðgang
að leikföngum og bókum. Gengið
er inn um Kapelludyrnar.
I
i
i
)
i
i
L