Morgunblaðið - 24.04.1997, Side 14

14 FIMMTUDAGUR 24. APRÍL 1997
MORGUNBLAÐIÐ
AKUREYRI
Rándýr í Mývatnssveit
Fjölmenni á fróð-
legri ráðstefnu
Björk, Mývatnssveit.
RÁNDÝR í Mývatnssveit var heiti á
ráðstefnu er haldin var í Skjólbrekku
föstudaginn 18. apríl sl. Árni Einars-
son, Náttúrurannsóknarstöðinni við
Mývatn setti ráðstefnuna. Fyrsti
ræðumaður var Páll Hersteinsson,
prófessor við Háskóla íslands. Hann
talaði um íslenska refastofninn.
Karl Skírnisson, Tilraunastöðinni
á Keldum, ræddi um íslenska minka-
stofninn. Ingi Yngvason á Skútu-
stöðum talaði um minkaveiðar í
Mývatnssveit. Hann sagði að mink-
urinn hefði verið fluttur til íslands
árið 1931 en í Mývatnssveit hefði
hann komið 1955. Ingi hefur stund-
að minkaveiðar í Mývatnssveit frá
árinu 1976 með frábærum árangri
og unnið alis 1.300 minka.
Ásbjörn Dagbjartsson veiðistjóri
ræddi um stjórnun veiða. Árni Ein-
arsson gerði nokkrar athuganir á
veiðitölum. Róbert Arnar Stefáns-
son, Líffræðistofnun Háskóians,
sagði frá rannsóknum á minkum við
Sogið. Sigbjörn Gunnarsson, sveitar-
stjóri Skútustaðahrepps, ræddi hlut-
verk sveitarstjórna. Hann sagði m.a.
að fyrir nokkrum dögum hefði ráð-
herra ákveðið viðmiðunartaxta fyrir
refa- og minkaveiðar. Með breyting-
um sem þar eru gerðar munu út-
gjöld Skútustaðahrepps að óbreyttu
vaxa um 10-15% árlega. Þannig
mun Skútustaðahreppur veija nettó
um 1,3% af útgjöldum sínum 1997
til förgunar meindýra.
Að lokinni ræðu sveitarstjóra var
tekið kaffihié. Síðan var ráðstefn-
unni haldið áfram. Ólafur Karl Niels-
son, Náttúrufræðistofnun íslands,
ræddi um fálkann, talið er að ijúpan
sé aðalfæða hans. Arnór Þórir Sig-
fússon frá sömu stofnun talaði um
máva og Kristinn H. Skarphéðins-
son, einnig Náttúrufræðistofnun,
ræddi um hrafninn.
Ræðumenn sýndu jafnframt
myndir og glærur til að skýra mál
sitt, sem var hið fróðlegasta. Síðast
voru umræður og fyrirspurnir.
Brimbrot í
Borgarbíói
KVIKMYNDAKLÚBBUR Akur-
eyrar sýnir kvikmyndina Brimbrot
(Breaking the Waves) í dag fimmtu-
dag, og næstkomandi sunnudag,
27. apríl, kl. 17. Sýnt verður í Borg-
arbíói.
Kvikmyndin er eftir Lars von
Trier og hefur fengið mikið lof um
allan heim og hlaut m.a. nokkrar
óskarsverðlaunatilnefningar. Kvik-
myndaklúbburinn sýnir þessa mynd
í samstarfi við Kirkjulistaviku í
Akureyrarkirkju sem nú stendur
yfir.
Erna syngur
með Djasstríói
DJASSTRÍÓ Birgis Karlssonar leik-
ur á Café Olsen við Ráðhústorg
annað kvöld, föstudagskvöldið 25.
apríl, kl. 20.30. Sérstakur gestur
tríósins að þessu sinni verður Erna
H. Gunnarsdóttir söngkona.
Djasstríó Birgis Karlssonar skipa
auk Birgis, sem leikur á gítar, þeir
Stefán Ingólfsson á rafbassa og
Karl Petersen á trommur.
Lögin sem Erna syngur verða í
rólegri kantinum þannig að gestir
geta vænst þess að hafa það róman-
tískt. Aðgangseyrir er 500 krónur.
Fyrirlestur
um heilagan
Martein
ÓLAFUR Torfason flytur fyrirlestur
um dýrlinga og táknmál miðalda í
Safnaðarheimili Akureyrarkirkju að
kvöldi sumardagsins fyrsta en hann
hefst kl. 20.30.
Ólafur hefur skrifað þrjú verk sem
tengjast íslenskri miðaldasögu og
fjallar eitt þeirra um heilagan Mar-
tein frá Tours, en á Kirkjulistaviku
sýnir Þorgerður Sigurðardóttir tré-
ristur sem lýsa ævi dýrlingsins,
„postula" Frakklands, sem var bisk-
up í Tours á 4. öld. Tréristurnar eru
byggðar á refilsaumuðu íslensku alt-
arisklæði frá 14. til 16. öld, en þetta
er klæði kirkjunnar á Grenjaðarstað
í Suður-Þingeyjarsýslu. Sú kirkja var
helguð heilögum Marteini í kaþólsk-
um sið, en alls voru tíu kirkjur hér-
lendis helgaðar honum.
Morgunblaðið/Kristján
Kveikt í sinu
KVEIKT var í sinu í brekkunni
ofan við skautasvellið um hádeg-
isbil í gær. Slökkvilið Akureyrar
var kallað á vettvang og gekk
greiðlega að slökkva í sinunni.
Tómas Búi Böðvarsson slökkvi-
liðssljóri sagði að bannað væri að
kveikja í sinu innan bæjarmarka,
en undanþágur væri hægt að fá
vegna lögbýla. Það hefði enda
sýnt sig að sinubrunar hefðu ekki
jákvæð áhrif á gróður. Á hveiju
vori er slökkvilið kallað út vegna
sinubruna og ævinlega verða að
sögn Tómasar Búa einhverjar
skemmdir á gróðri.
Þeir sem verða uppvísir að því
að kveikja í sinu eru kærðir að
sögn slökkviliðssljóra og áskilur
slökkviliðið sér rétt til að krefja
brennuvarga um greiðslu fyrir
útkallið, en töluverð útgjöld verða
við hvert útkall sem bæjarbúar
þurfa að greiða.
Messur
GLERÁRKIRKJA: Skátaguðs-
þjónusta verður í kirkjunni
sumardaginn fyrsta og hefst
hún kl. 11. Bjarni Guðleifsson
flytur hugleiðingu. Skátar
ganga til kirkju frá Sunnuhlíð.
Allir velkomnir.
HJÁLPRÆÐISHERINN:
Hjálparflokkur kl. 20.30 á
fimmtudagskvöld. Við bjóðum
allar konur velkomnar. Fögn-
um sumri saman. Fióamarkað-
ur frá kl. 10 til 17 á föstudag,
25. apríl. Hjálpræðisherinn
óskar lesendum Morgunblaðs-
ins gleðilegs sumars.
LAUFÁSPRESTAKALL:
Fermingarguðsþjónusta í Sval-
barðskirkju sumardaginn
fyrsta kl. 11. Guðsþjónusta í
Grenivíkurkirkju sunnudaginn
27. apríl kl. 14. Komum í kirkju
og fögnum þar sumri og biðjum
fyrir góðri tíð. Kyrrðar- og
bænastund í Svalbarðskirkju
sunnudagskvöld kl. 21.

Sjávarútvegssjóður Islands
er nýr hlutabréfasjóður
sem fjárfestir í sjávarútvegi
og tengdum greinum.
Sölugengi sjóðsins
hefur hækkað um
18,5% frá áramótum
sem jafngildir
59% ávöxtun
miðað við eitt ár
t>eir físka sem róaí
Allar nánari upplýsingar veitir starfsfólk okkar
NORDURLANDS HF
Kaupvangsstræti 4 600 Akureyri Sími 462 4700 Fax 4611235
Morgunblaðið/Benjamín Baldursson
Sáning korns hafin
í Eyjafirði
Eyjafjarðarsveit. Morgunblaðið.
KORNRÆKT vex nú hröðum
skrefum í Eyjafirði og fjölgar
þeim bændum ört sem stunda
þessa búgrein. Hafa þeir nýlega
stofnað félag kornbænda við
Eyjafjörð og hlaut það nafnið
Akur.
I hlýindunum fyrr í mánuðinum
tók upp allan snjó á láglendi og
náði jörð að þiðna það vel að nú
eru um 25 sentimetrar niður á
klakann. Jónatan Hermannsson
tilraunastjóri á Korpu gatþess á
fundi sem hér var haldinn nýlega
að samkvæmt tilraunum kæmi
best út að sá korninu svo fljótt
sem auðið væri og helst fyrir
mánaðamót apríl-maí.
Benedikt Hjaltason bóndi á
Hrafnagili hóf sáningu í gær, síð-
asta vetrardag, en í fyrra byrjaði
hann á sama degi, 23. apríl sem
j>á bar upp á sumardaginn fyrsta.
Á myndinni er vinnumaður hans,
Víðir Ágústsson, að vinna við sán-
inguna.
Óskum viðskiptaviimin
og starfsfólki gleðilegs sumars.
Þökkum viðskiptin á liðninn árum.

Ciwr B > rfc ÍMtáaítt
ORfSARÁ