Morgunblaðið - 12.06.1997, Side 26

26 FIMMTUDAGUR 12. JÚNÍ 1997
MORGUNBLAÐIÐ
LISTIR
Útilistaverk Kristins Hrafnssonar við Borgarleikhúsið
Borgarráð hefur samþykkt að
setja verkið upp en fé vantar
SAMÞYKKT borgarráðs frá árinu
1991 þess efnis að útilistaverk Krist-
ins Hrafnssonar myndhöggvara,
„Vatnsauga", verði sett upp við Borg-
arleikhúsið er í gildi, því er fyrirhug-
aður staður og ráðstafanir hafa verið
gerðar varðandi lagnir að því úr Borg-
arleikhúsinu. Þetta upplýsir Jón
Bjömsson, framkvæmdastjóri menn-
ingar-, uppeldis- og félagsmála hjá
Reykjavíkurborg, en tæpur áratugur
er síðan „Vatnsaugað" varð hlut-
skarpast í verðlaunasamkeppni borg-
arinnar um útilistaverk við Borgar-
leikhúsið.
Á hinn bóginn bendir Jón á að enn
hafí ekki verið veitt fé til gerðar lista-
verksins á fjárhagsáætlun borgarinn-
ar en samkvæmt mjög grófri kostnað-
aráætlun listamannsins frá árinu
1989 var kostnaður við gerð verksins
og uppsetningu hálf tólfta milljón
króna.
Að sögn Jóns er engra skuldbind-
inga getið í auglýsingu Innkaupa-
stofnunar Reykjavíkurborgar um
samkeppnina árið 1987, hvorki um
að verkið verði sett upp né hvenær
það yrði gert.
Annað dæmi um verðlaunasam-
keppni á vegum borgarinnar sem
ekki hefur verið fylgt eftir er sam-
keppni sem ferðamálanefnd efndi til
árið 1987 um gerð minjagripa sem
tengja mættu Reykjavíkurborg og
Höfða. Var hún haldin í tilefni af því
að eitt ár var liðið frá stórveldafundi
sovéskra og bandarískra ráðamanna
í Reykjavík. Nítján þátttakendur skil-
uðu inn 26 tillögum en fyrir valinu
varð hugmynd Gríms Marinós Stein-
dórssonar, „Upphaf friðar".
Dýr og óhentugur
Samkvæmt upplýsingum þáverandi
starfsmanns ferðamálanefndar, Ólafs
Jónssonar, var fallið frá framleiðslu
á minjagripnum þar sem hann reynd-
ist dýr og óhentugur til ijöldafram-
leiðslu.
Fram kemur í auglýsingu um sam-
keppnina að höfundum þeirra tillagna
sem hljóta verðlaun verði falin endan-
leg gerð þeirra til fjöldaframleiðslu.
Ennfremur kemur fram að ferðamála-
nefnd áskilji sér rétt til fjöldafram-
leiðslu á verðlaunatillögunum með
þeim takmörkunum sem lög um höf-
undarrétt setja.
Að sögn Helgu Jónsdóttur borgar-
ritara er í fundargerð ferðamála-
nefndar frá 3. nóvember 1987 lögð
fram niðurstaða í samkepninni og
ákveðið að skoða betur lagalega hlið
málsins áður en til framleiðslu kem-
ur. {fundargerð ferðamálanefndar frá
18. desember er, að sögn Helgu,
rætt um framleiðslu á minjagrip úr
samkeppninni en málinu frestað.
„Eftir þetta er ekki að sjá að málið
sé tekið fyrir.“
Helga leggur áherslu á að sam-
keppnin var um gerð minjagrips en
ekki útilistaverks. „Listamaðurinn
hefur sjálfur sett fram þá hugmynd
að stækka myndina og setja hana upp
fyrir framan Höfða. Þeirri hugmynd
hefur verið hafnað, meðal annars með
formlegri afgreiðslu umhverfísmála-
ráðs hinn 4. ágúst 1993. Sú af-
greiðsla var staðfest í bréfí frá borg-
arstjóra dagsettu 2. maí 1996. Þar
kemur fram að aldrei hafí verið ætlun-
in að stækka gripinn og koma honum
fyrir við Höfða. Einnig er bent á að
þar standi nú þegar verk eftir Sigur-
jón Ólafsson einn af merkustu mynd-
höggvurum þjóðarinnar."
Að sögn Helgu var verðlaunagripn-
um komið fyrir í móttökuherbergi
borgarstjóra þar sem gestir sem
þangað koma geti notið hans.
Breyt-
ingar á
stjórn LR
ÞRÍR starfsmenn Leikfélags
Reykjavíkur hlutu kosningu í
stjórn og varastjórn félagsins
á aðalfundi þess á dögunum.
Þeir eru Hlín Agnarsdóttir sem
kjörin var i embætti ritara,
Þórhallur Gunnarsson sem
kjörinn var í embætti vara-
formanns og Jóhanna Jónas
sem hlaut kosningu í embætti
vararitara.
Varamenn sitja
stjórnarfundi
Þá var samþykkt breyting-
artillaga við 9. grein félagslag-
anna þess efnis að varamenn
í stjórn leikfélagsins eigi rétt
á að sitja alla stjórnarfundi og
hafa þar tillögurétt. Var tillag-
an borin fram af nýkjörnum
varamönnum, Þórhalli og Jó-
hönnu.
Islensk kvikmyndagerð
Fjórar frumsýn-
ingar á árinu
ENGIN íslensk kvikmynd hefur verið
frumsýnd síðan Djöflaeyja Friðriks
Þórs Friðrikssonar var frumsýnd í
október síðastliðnum. Nú fer hins
vegar þessi langa bið að verða á
enda þvi að frumsýndar verða fjórar
íslenskar kvikmyndir í fullri lengd á
þessu ári samkvæmt upplýsingum
frá Kvikmyndasjóði íslands.
Blossi í leikstjóm Júlíusar Kemps
kemur í kvikmyndahús í byijun ág-
úst en með aðalhlutverk í henni fara
Páll Banine, Þóra Dungal og Finnur
Jóhannesson. Myndin ijallar um hina
svokölluðu X-kynslóð. Kvikmynd
Einars Heimissonar, María, verður
einnig tekin til sýninga í ágúst en
þar fer þýska leikkonan, Barbara
Auer, með aðalhlutverkið. Myndin
ijallar um það þegar þýskar konur
fluttu hingað til lands eftir stríð í
leit að betra lífí. Gert er ráð fyrir
því að Perlur og svín eftir Óskar
Jónasson verði fmmsýnd í október
en þar fara Ólafía Hrönn Jónsdóttir,
Jóhann Sigurðarson og Ólafur Darri
Ólafsson með aðalhlutverkin. Óskar
fjallar hér um bakgarðastríð í Þing-
holtunum. Að endingu er búist við
því að jóiamyndin verði Stikkfrí eftir
Ara Kristinsson en dóttir leikstjór-
ans, Bergljót Aradóttir, fer með að-
alhlutverk hennar. Um er að ræða
fjölskyldu- og gamanmynd sem fjall-
ar um sýn tíu ára stelpu á heimilislíf-
ið á tímum raðkvænis. Þess má auk
þess geta að finnsk-íslenska heim-
ildamyndin, Undirdjúp íslands, verð-
ur fmmsýnd í Háskólabíói 16. júní.
Fjöldi mynda er og í burðarliðnum.
Hilmar Oddsson byrjar tökur á
spennumyndinni Sporlaust á þessu
ári en framleiðendumir em þeir sömu
og á Tárí úr steini. Sveinbjöm I.
Baldvinsson skrifar handritið en
myndin fyallar um ungt fólk í Reykja-
vík sem situr uppi með lík sem eng-
in veit hvaðan kom. Ágúst Guð-
mundsson hefur tökur á kvikmynd-
inni Dansinum í september en hún
er gerð eftir smásögu Williams
Heinesens og gerist í Færeyjum.
Hjá fyrirtæki Friðriks Þórs Frið-
rikssonar, fslensku kvikmyndasam-
steypunni, er í bígerð að gera enska
útgáfu af Börnum nittúrunnar. Þar
er einnig verið að skrifa kvikmynda-
handrit upp úr skáldsögu Einars Más
Guðmundssonar, Englum alheims-
ins. Samsteypan á í samvinnu við
Hrafn Gunnlaugsson um gerð kvik-
myndarinnar Myrkrahöföinginn sem
byggð er á Píslarsögu Jóns Magnús-
sonar og dönsku myndarinnar Vild-
spor sem fjallar um ferðalag danskra
ungmenna um ísland.
MENNTAMÁLARÁÐHERRA B,jörn Bjarnason ásamt styrkþegum. Katrín Hall listdansstjóri ís-
lenska dansflokksins, Hörður Áskelsson framkvæmdastjóri Kirkjulistahátíðar í Reykjavík, Þor-
steinn frá Hamri Ijóðskáld, Hilmar Jensson djassgítarleikari, Stefán S. Stefánsson saxófónleikari
og Tómas R. Einarsson kontrabassaleikari.
Sex heiðursstyrkir SPRON
BJÖRN Bjamason, menntamálaráð-
herra afhenti sex aðilum heiðurs-
styrki, samtals 2,6 milljónir króna úr
Menningar- og styrktarsjóði SPRON
við hátíðlega athöfn í listasafni Sigur-
jóns Ólafssonar í gær. Er þetta jafn-
framt i fyrsta skipti sem úthlutað er
úr sjóðnum. íslenski dansflokkurinn
fékk hæsta styrkinn, eina milljón
króna og sagði Katrín Hall, listdans-
stjóri dansflokksins að styrkurinn
hefði komið á óvart. „Mér fínnst fyrst
og fremst mikilvægt að framlag ís-
lenska dansflokksins sé metið og einn-
ig sú viðurkenning sem felst í styrkn-
um. Allir í dansflokknum hafa lagt
sitt af mörkum til að gera leikárið
spennandi og ég túlka heiðursrtyrkinn
á þá lund að við séum á réttri braut."
Kirkjulistahátíð í Reykjavík fékk
500 þúsund krónur og einnig Þor-
steinn frá Hamri ljóðskáld. Hann
sagði að heiðursstyrkurinn væri
óvæntur glaðningur og kæmi á óvart.
„Þetta kemur sér vel og það er af
hinu góða að einkafyrirtæki styrki
menningarleg málefni", sagði Þor-
steinn.
Þrír djasstónlistarmenn fengu 200
þúsund krónur hver, þeir Stefán S.
Stefánsson saxófónleikari, Hilmar
Jensson djassgítarleikari og Tómas
R. Einarson kontrabassaleikari. Stef-
án gaf út einheijaplötu á síðasta ári
og hefur tekið þátt í ýmsum öðrum
verkefnum á sviði djassins. „Þetta
er óvænt ánægja vegna þess að þetta
er í fyrsta skipti sem einkaaðili styrk-
ir djasslistamenn á þennan hátt,“
sagði Stefán. Hilmar Jensson djass-
gítarleikari sagðist vilja trúa því að
stýrkurinn væri viðurkenning á
„harkinu", því djasstónlist væri ekki
beinlínis til þess fallin til að fítna af.
„Það er greinilega verið að hjálpa
okkur að halda uppi buxunum. Eg
hyggst veija fjárhæðinni til að hljóð-
rita aðra plötu, því þetta er eitt af
fáum tækifærum sem maður fær til
að eiga í það fjármagn.“ Tómas R.
Einarsson tók undir með þeim Stef-
áni og Hilmari. „Ég hef komið ná-
lægt sex plötum og sjaldan er slegist
um afurðimar en við trúum á þetta
og eftir þennan styrk trúum við því
líka að dómnefndin hafí viljað að
þessu yrði haldið áfram.
habitat
K R I N G L U N N I