Morgunblaðið - 25.06.1997, Qupperneq 16

16 MIÐVIKUDAGUR 25. JÚNÍ 1997
MORGUNBLAÐIÐ
VIÐSKIPTI
Lagt til að ríkið
selji sinn hlut í
Bifreiðaskoðun
FRAMKVÆMDANEFND ríkisins
um einkavæðingu ákvað á fundi
sínum í gær að leggja til við dóms-
málaráðherra að allur hlutur ríkis-
ins í Bifreiðaskoðun íslands verði
seldur í dreifðri sölu til almennings
síðar í sumar með svipuðum hætti
og þegar hlutur ríkisins var seldur
í Lyfjaversluninni og Jarðborunum.
Um er að ræða 44,6% hlutabréfa
í félaginu sem nýverið sameinaðist
þremur minnifyrirtækjum.
Að sögn Skarphéðins Berg
Steinarssonar, deildarstjóra í fjár-
málaráðuneytinu og ritara fram-
kvæmdanefndar um einkavæð-
ingu, hefur engin ákvörðun verið
tekin um sölu Áburðarverksmiðj-
unnar en eins og fram hefur kom-
ið hafnaði ríkið þeim tilboðum sem
bárust í verksmiðjuna. „Nefndin
hefur bæði í þessari viku og þeirri
síðustu verið að fjalla um þá kosti
sem eru í stöðunni og innan henn-
ar og hjá ráðgjöfum hafa nokkur
atriði verið skoðuð og gerum við
Bætt af-
koma hjá
Sparisjóði
Bolung-
arvíkur
HAGNAÐUR eftir skatta hjá Spari-
sjóði Bolungarvíkur nam 40 milljón-
um króna í fyrra samanborið við
32 milljónir árið áður. Arðsemi eig-
in fjár nam 11,8% árið 1996. Heild-
arinnlán að meðtalinni verðbréfa-
útgáfu námu 1260 milljónum króna
og höfðu aukist um 15,4%. Heildar-
útlán námu í árslok 1376 milljónir
króna og höfðu aukist um 31%. í
lok ársins var eigið fé sparisjóðsins
378 milljónir króna og hafði aukist
um 11,6%.
Á aðalfundi Sparisjóðs Bolungar-
víkur sem haldinn var þann 7. maí
sl. í Bolungarvík kom meðal annars
fram í ræðu Benedikts Bjarnason-
ar, stjórnarformanns, að rekstraraf-
koma sparisjóðsins hafí verið mjög
góð á árinu og að bætt afkoma
stafaði af meiri umsvifum á öllum
sviðum.
„Hagstætt ár er að baki hjá
Sparisjóði Bolungarvíkur og allar
stærðir bæði í rekstri og efnahag
hafa þróast á mjög hagstæðan hátt.
Útlán til sjávarútvegs eru nú 55%
heildarútlána, en sparisjóðurinn
fjármagnar nær allt atvinnulíf á
Suðureyri og Bolungarvík. Þrátt
fyrir mikla erfíðleika á starfssvæði
sjóðsins hin síðari ár, er eiginfjár-
staða sparisjóðsins ein sú besta af
peningastofnunum eða 30,3% en
samkvæmt lögum má hlutfallið ekki
vera lægra en 8%,“ segir Benedikt
Bjarnason.
í frétt frá sparisjóðnum kemur
fram að aukin samkeppni á fjár-
málamarkaði hafi leitt til minni
vaxtamunar, lækkunar á útláns-
vöxtum og hækkunar vaxta á inn-
lánum og verðbréfum. Af þeim sök-
um hefur verið unnið að aukinni
hagræðingu og meiri sjálfvirkni í
starfseminni. A sl. ári var settur
upp hraðbanki í Sparisjóðnum sem
er einn þáttur í þessu ferli.
Á aðalfundinum var stjórn spari-
sjóðsins endurkjörin en hana skipa
Benedikt Bjamason formaður,
Finnbogi Jakobsson, Gestur Krist-
insson varaformaður, Ólafur Bene-
diktsson og Örn Jóhannsson. Spari-
sjóðsstjóri Sparisjóðs Bolungarvík-
ur er Sólberg Jónsson.
ráð fyrir því að öðru hvorum meg-
in við helgina verði málin farin
að skýrast."
Að sögn Skarphéðins var enn-
fremur ákveðið á fundi einkavæð-
inganefndar að fela Landsbréfum
hf. að annast sölu á hlutabréfum
ríkisins í íslenska járnblendifélag-
inu. Um er að ræða sölu á 26,5%
hlut í félaginu þannig að eftir
söluna mun hlutur ríkisins í ís-
lenska járnblendifélaginu verða
12% en ríkið á 38,5% hlut eftir
að norska fyrirtækið Elkem ASA
skrifaði sig fyrir allri hlutaíjár-
aukningu félagsins _og eignaðist
þar með 51% hlut í íslenska járn-
blendifélaginu.
Skarphéðinn segir að rætt hafi
verið um að selja bréfin í septem-
ber næstkomandi en engin
ákvörðun hafi verið tekin þar að
lútandi. Eins verði ekki tiikynnt
strax hvernig að sölunni verði
staðið en farið verði að tillögum
Landsbréfa í þeim málefnum.
Kælismiðjan Frost
og Samey sameinast
SKRIFAÐ hefur verið undir sam-
komulag um sameiningu Kælismiðj-
unnar Frost hf. og Sameyjar ehf.
Við sameininguna fá hluthafar í
Samey rúmlega 18% af hlutafé í
sameiginlegu félagi. Samanlögð
velta fyrirtækjanna nam 682,7
milljónum króna á síðasta ári og
nam hagnaður af starfsemi þeirra
25,8 milljónum króna eða 3,8% af
veltu, en gert er ráð fyrir að velta
félaganna verði yfir 800 milljónir
króna á þessu ári.
Að sögn Óskars Þórðarsonar,
framkvæmdastjóra Kælismiðjunnar
Frosts, mun sameiningin taka gildi
um næstu mánaðamót en fyrst um
sinn verða fyrirtækin rekin sam-
hliða. „Eftir sameininguna mun
rafmagns- og iðnstýrideil félagsins
starfa undir nafni Sameyjar, sem
áfram verður til húsa á Granda-
garði 11, en ekki hefur verið tekin
ákvörðun um hvert verði nafn hins
sameiginlega félags."
í frétt kemur fram að Kælismiðj-
an Frost er stærsta fyrirtækið á
íslandi í kæli- og frystikerfum og
starfa hjá félaginu um 60 starfs-
menn. Velta Kælismiðjunnar Frosts
á árinu 1996 var 535,1 milljón
króna og hagnaður ársins nam 17,5
milljónum króna. Félagið er meðal
annars umboðs- og þjónustuaðili
Sabroe-samsteypunnar og selur
heildarlausnir í kæli- og frystikerf-
um. „Kælismiðjan Frost hefur í
auknum mæli hannað og framleitt
lausfrysta, plöntufrysta, ísverk-
smiðjur, sjókælikerfi, þrýstihylki
o.fl. Markmið félagsins er að skapa
sem öflugast félag á þessu sviði og
stefnir að stóraukinni sölu á fram-
leiðsluvörum sínum á erlendum
mörkuðum, en styrkur félagsins.
felst í þeirri reynslu sem það hefur
öðlast í þjpnustu við fiskvinnslu og
útgerð á íslandi.“
Stefnt að skráningu
á Verðbréfaþingi
Óskar segir að félagið sé eina
fýrirtækið á sínu sviði sem er skráð
á Opna tilboðsmarkaðnum og stefnt
sé að skráningu hins sameinaða
félags á Verðbréfaþingi íslands í
framtíðinni.
í fréttinni kemur ennfremur fram
STJÓRN Umhverfissjóðs verslunarinnar er skipuð þeim Bjarna Finnssyni, formanni, Óskari Magnús-
syni og Sigurði A. Sigurðssyni.
Um 100 aðilar sóttu um styrk til Umhverfissjóðs verslunarinnar
21,4 milljónum króna
úthlutað til 24 aðila
UMHVERFISSJÓÐUR verslunar-
innar úthlutaði 21,4 milljónum
króna til 24 aðila víðsvegar um
landið síðastliðinn laugardag en
úthlutunin fór fram á fræðslusetri
Landvemdar að Alviðru í Árnes-
sýslu. Verkefnin ná meðal annars
til skógræktar, ferðamennsku,
uppgræðslu, fræðslu og fugla-
vemdar.
Nærri 100 umsóknir bámst til
sjóðsins og nam samanlögð upp-
hæð umsókna 106 milljónum
króna. Umhverfissjóður verslunar-
innar fær tekjur af sölu plastburð-
arpoka í verslunum en merki á
haldi hvers poka segir til um hvort
verslunin greiðir í sjóðinn eða ekki.
í dag greiða á milli 160 og 170
verslanir um land allt í sjóðinn.
Stofnaðilar Umhverfissjóðs versl-
unarinnar eru Hagkaup, Kaup-
mannasamtök íslands og Samtök
samvinnuverslana.
Hæsta styrkinn úr Umhverfis-
sjóði verslunarinnar að þessu sinni
fékk Húsgull á Húsavík að fjárhæð
5 milljónir en það félag vinnur að
uppgræðslu k Hólasandi. Skóg-
ræktarfélag íslands fær 4 milljónir
króna til uppbyggingar skógrækt-
ar hjá aðildarfélögum sínum um
allt Iand. Landvernd fær 2 milljón-
ir til uppbyggingar fræðsluseturs-
ins Alviðru í Grímsnesi. Ferðaþjón-
ustan í Þórsmörk hlýtur eina millj-
ón til að lagfæra og byggja upp
göngustíga á milli Húsadals og
Langadals. Ólafur Amalds fær 800
þúsund vegna útgáfu bæklingsins
„Að lesa landið“. Skógræktarfélag
Eyfirðinga fær 800 þúsund til
skógræktar og friðunar. Fjalla-
ferðir, Stafafelli í Lóni, fá 770
þúsund krónur til að byggja upp
gönguleiðir og útivistarsvæði fyrir
ferðamenn. Umhverfis- og útivist-
arfélag Hafnarfjarðar fær 750
þúsund til að gera gönguleiðakort
og merkja gönguleiðir. Ferðamála-
samtök Vestfjarða fá 650 þúsund
til merkinga á gönguleiðum á Vest-
fjörðum. SÁA hlýtur 627 þúsund
til skógræktar í landi Staðarfells
í Dalasýslu.
Styrkur til að gera mynd um
erni
Þá fékk Ferðafélag íslands 600
þúsund til að bæta umgengni og
umhirðu á gönguleiðinni Land-
mannalaugar-Þórsmörk. Skóg-
ræktarfélag Garðabæjar fær 600
þúsund vegna útivistarsvæðis í
Sandhlíð ofan Kjóavalla. Magnús
Magnússon hlýtur hálfa milljón til
að gera heimildarmynd um íslenska
haföminn. Skógræktarfélag Stykk-
ishólms fær hálfa milljón tií að
grisja skóg í landi félagsins og gera
gönguleiðir. Skógræktarfélag
Kópavogs fær hálfa milljón til að
setja upp fræðsluskilti. Ungmenna-
félag Islands fær hálfa milljón til
skógræktar í Þrastarskógi. Sumar-
heimili templara fær hálfa milljón
vegna skógræktar í Galtalækjar-
skógi, en aðrir fengu lægri styrki.
að Samey ehf. sé öflugt rafmagns-
og raftæknifyrirtæki með trausta
ijárhagsstöðu en hjá fyrirtækinu
starfi 18 starfsmenn. Velta félags-
ins nam 147,6 milljónum króna á
árinu 1996 og varð 8,3 milljóna
króna hagnaður eftir skatta af
starfsemi félagsins.
„Samey hefur séð um mest allan
rafmagnsbúnað fyrir Kælismiðjuna
Frost hf. þ. á m. á stýrikerfum
fyrir frystivélar, sjálfvirkt af-
greiðslukerfi fyrir ísstöðvar, af-
bræðslukerfi með vog á ísvélar ofl.
Samey er m.a. umboðsaðili fyrir
raftöfluframleiðandann Cubic í
Danmörku. Önnur umboð sem Sam-
ey hefur er Control Techniques
hraðabreytar, General Electric-
Fanuc iðntölvur ásamt Citect skjá-
myndakerfí. Þessir framleiðendur
eru meðal þriggja stærstu á sínu
sviði í heiminum."
Þróunarverkefni
á hátæknisviði
Sameiginlega hafa fýrirtækin
unnið að stórum verkefnum og má
þar nefna uppbyggingu á frysti- og
rafbúnaði í hið nýja frystihús Síld-
arvinnslunnar á Neskaupstað og í
frystigeymslu Eimskips í Reykjavík.
Meðal verkefna sem félögin eru að
vinna að um þessar mundir eru sjó-
kælikerfi fyrir loðnuskipin Börk NK
og Jón Kjartansson SU, búnað í
kælismiðju SÍF í Hafnarfirði og
frystigeymslu Samskipa í Reykja-
vík.
Að sögn Óskars eru fyrirtækin
sameiginlega að vinna að þróunar-
verkefni á sviði hátækni þar sem
möguleikar stjórnbúnaðar, alnets
og skjástýrikerfis verða nýttir til
fulls í kæli- og frystikerfum. „Út-
búið verður kerfi þar sem algjörlega
verður vikið frá hefðbundinni
stjórnun og kælikerfi og farið í al-
tæka tölvustjórnun þar sem allar
aðgerðir til stjórnunar á kælikerfinu
verða miðaðar við veiðar, magn í
tönkum o.fl. Þessi lausn mun nýt-
ast bæði í landi og á sjó og auka
nýtingu og gæði afurða. Fyrirhugað
er að setja fyrsta kerfið upp í Berki
NK í tengslum við sjókælikerfi sem
félögin munu setja í skipið."
♦ ♦ ♦
Húsaleiga
hækkar um
5,5%
VÍSITALA byggingarkostnaðar
eftir verðlagi um miðjan júní, sem
gildir fýrir júlí, reyndist vera 223,6
stig sem er hækkun um 0,2% frá
maímánuði samkvæmt útreikning-
um Hagstofu íslands. Samsvarandi
vísitala miðuð við eldri grunn er
715 stig.
Síðastliðna tólf mánuði hefur
vísitalan hækkað um 6,5% en und-
anfarna þijá mánuði hefur vísitala
byggingarkostnaðar hækkað um
2,1%, sem jafngildir 8,7% verðbólgu
á ári.
Hagstofan hefur einnig reiknað
Iaunavísitölu miðað við meðallaun
í maí 1997. Er vísitalan 156,7 stig
og hækkar um 1,7% frá fyrra mán-
uði. Samsvarandi launavísitala, sem
gildir við útreikning greiðslumarks
fasteignaveðlána, er 3.427 stig í
júlí 1997.
Leiga fyrir íbúðarhúsnæði og
atvinnuhúsnæði, sem samkvæmt
samningum fylgir vísitölu hús-
næðiskostnaðar eða breytingum
meðallauna, hækkar um 5,5% frá
og með 1. júlí 1997. Leiga í júlí
hækkar því um 5,5% og helst þann-
ig næstu tvo mánuði, þ.e. í ágúst
og september, að því er fram kem-
ur í frétt frá Hagstofu íslands.