Morgunblaðið - 15.11.1997, Blaðsíða 20

20 LAUGARDAGUR 15. NÓVEMBER 1997
ERLENT
MORGUNBLAÐIÐ
UR VERIIMU
Morgunblaðið/Ágúst Blöndal
BEITIR NK landaði síld í Neskaupstað í gær, en þangað barst þá bæði síld og loðna.
Síldinni „smalað" úti
af Borgarfirði eystri
Francophonie
láti meira til sín
taka í heiminum
Hanoi. Reuters.
SJÖUNDI leiðtogafundur samtaka
frönskumælandi þjóða, La Franco-
phonie, var settur í Hanoi í gær og
leiðtogarnir hvöttu til þess að þess-
um laustengdu samtökum yrði
breytt í pólitískt afl sem léti meira
til sín taka á alþjóðavettvangi.
„Sameiginleg barátta okkar mun
gera okkur kleift að afstýra hætt-
unni á því að til verði heimur þar
sem mælt mál, hugsun og sköpun
er steypt í sama móc,“ sagði Jacques
Chirac, forseti Frakklands, við setn-
ingarathöfnina. „Frá þessari stundu
mun Francophonie hafa eina rödd
og eina ásjónu."
Chirac sagði að til að koma í veg
fyrir að þjóðir heims töluðu aðeins
eitt tungumál, ensku, þyrfti m.a. að
tryggja málafiölbreytni á alnetinu.
Hann sagði að franska stjórnin hefði
því ákveðið að leggja 20 milljónir
franka, andvirði 240 milljóna króna,
í sérstakan sjóð sem ætlað er að
hefja frönskuna til vegs og virðingar
á netinu.
49 ríki eiga aðild að samtökunum
og þijú til viðbótar, Pólland, Albanía
og Makedonía, eru með áheyrnar-
fulltrúa. íbúar aðildarríkjanna eru
alls 450 milljónir, en þar af nota
aðeins um 160 milljónir frönsku sem
fyrsta eða annað tungumál.
Víetnamar gagnrýndir
Jean Chretien, forsætisráðherra
Kanada, var á meðal ræðumannanna
og hvatti samtökin til að láta meira
til sín taka á alþjóðavettvangi, m.a.
með því að koma í veg fyrir átök
og efla lýðræðið. Hann skoraði enn-
fremur á öll aðildarríkin að sam-
þykkja bann við jarðsprengjum, sem
Kanadamenn hafa beitt sér fyrir.
Chretien sagði við blaðamenn síð-
ar um daginn að ekki væri búist við
því að Víetnamar yrðu á meðal um
100 þjóða sem hyggjast undirrita
samning um bann við jarðsprengjum
í Ottawa í næsta mánuði.
Mannréttindahreyfingin Human
Rights Watch gagnrýndi nokkur
aðildarríki samtakanna fyrir að vilja
ekki gangast undir samninginn og
nefndi Búlgaríu, Egyptaland, Laos,
Líbanon, Marokkó og Túnis.
Mannréttindahreyfíngin beindi þó
einkum spjótum sínum að Víetnam,
sem hún sagði á meðal ijögurra ríkja
í heiminum sem flyttu enn út jarð-
sprengjur. „Afstaða Víetnama er lít-
ilsvirðing við mannkynið."
Brezki Verkamannaflokkurinn
Nótaskipin fengu afla í fyrsta sinn í hálfan mánuð
NOKKUR síldveiði var í fyrrinótt
úti af Borgarfirði eystra og var það
í fyrsta sinn í hálfan mánuð, sem
eitthvað fæst í nót. Lóðuðu bátam-
ir á síldina á slæmum botni og tóku
þá nokkrir sig saman um að reka
hana yfir á betri botn með hljóð-
bylgjunum frá asdiki og dýptarmæl-
um. Virtist það takast vel og síldin
færði sig yfir á svæði þar sem nóta-
bátarnir gátu athafnað sig. Síldin
fyrir austan hefur hagað sér allt
öðruvísi á þessu hausti en síðustu
ár og raunar virðist vera miklu
minna af henni.
Ekki svipur hjá sjón
Magnús Þorvaldsson, skipstjóri á
Sunnubergi GK, tók þátt í því í
fyrrinótt að smala síldinni yfir á
betri botn en hann segist þó ekki
vilja fullyrða, að smalamennskan
hafi skipt sköpum í þessu sam-
bandi. Segir hann það hugsanlegt,
að síldin hafi sjálf verið á ferðinni
þótt vel geti verið, að hávaðinn
hafi eitthvað hjálpað til. Segir
Magnús, að síldarmagnið nú sé
ekki svipur hjá sjón og miklu minna
en verið hafi síðustu haust.
Síld og loðna í Neskaupstað
Til Neskaupstaðar komu nokkur
skip með síld og loðnu í gær. Grind-
víkingur GK var með 150 tonn af
síld, Þorsteinn EA 250 tonn, Beitir
NK 200 tonn, Háberg GK 70 tonn
og 100 tonn af loðnu og Þórshamar
GK með 100 tonn af loðnu. Beitir
og Þorsteinn eru með troll en hinir
með nót. Loðnan fékkst fyrir norðan
Langanes en þar var bræla og fóru
skipin þá austur fyrir.
A Vopnafírði landaði Sunnuberg
GK 370 tonnum af síld, sem fékkst
eins og annar síldarafli úti af Borg-
arfirði, og á Seyðisfirði landaði
Arnþór EA 200 tonnum og Dagfari
GK 20. Átti sú síld að fara til flokk-
unar og frystingar. Hjá SR-mjöli á
Seyðisfirði hefur til þessa verið
landað beint um 3.000 tonnum af
síld.
Til Borgeyjar á Höfn kom Húna-
röst SF með 230 tonn, sem hún
fékk í troll. Var það fyrsti síldarafl-
inn, sem þangað kemur í hálfan
mánuð. Hafa menn þau orð um
ástandið, að það sé hrein hörmung
enda vantar mikið upp í samninga.
Fékk smásíld við Eldey
Alltaf verður eitthvað vart við
síld fyrir Vesturlandinu og einhver
skip hafa reynt þar fyrir sér. Fyrir
tveimur nóttum fann Antares VE
ágæta lóðningu við Eldey en þegar
nótin var dregin kom í ljós, að að-
eins var um að ræða smásíld, sem
var sleppt aftur. Antares var í gær
í Vestmannaeyjahöfn að taka troll
og ætlaði austur fyrir.
!
TILKYNNING UM UTBOÐ MARKAÐSVERÐBRÉFA
HLUTABRÉF í
SNÆFELLINGI HF.
Heildarnafnverð nýs hlutafjár: Kr. 100.000.000.-
Sölugeng á útgáfudegii: 1,40
Forkaupsréttartímabil: 14. - 28. nóvember 1997.
Almennt sölutímabil: 1. - 8. desember 1997.
Umsjón með útboði: Landsbréfhf.
Útboðslýsing ofangreindra hlutabréfa
liggur frammi hjá Landsbréfum hf. og á skrifstofii Snæfellings hf..
|I
%mmuNGi//r
, LANDSBREF HF.
7y/it, hv ~
Suðurlandsbraut 24, 108 Reykjavík, sími 535 2000, bréfasími 535 2001, landsbref.is.
LÖGGILT VERÐBRÉFAFYRIRTÆKI, AÐILIA0 VERÐBRÉFAÞINGIÍSLANDS.

yýx^txýw^^xxxýwxýwý^w^cwý^wk^ýy-x-x-x-wx-x^v:-:-:-:-:-:-:-:'

Enn vandræði
vegna greiðslna
Lundúnum. Reuters.
BREZKI Verkamannaflokkurinn
virtist í gær ekki enn hafa bitið úr
nálinni með vandræði sem deilur um
fjárstuðning til flokkssjóðsins frá
forystumanni Formúlu 1-kappakst-
ursins hefur bakað honum.
Bernie Ecclestone, sem hefur
flesta þræði rekstursins á Formúlu
1 í hendi sér, sagðist í gær vilja að
Verkamannaflokkurinn héldi milljón
pundum, 117 milljónum króna, sem
hann hafði greitt í flokkssjóðinn.
Hann neitaði því ennfremur að hafa
boðið flokknum aðra greiðslu síðar.
Talsmenn Verkamannaflokksins
hafa staðið í ströngu þessa viku í
kjölfar þess að ríkisstjórn Tony Bla-
irs ákvað að veita Formúlu 1 tíma-
bundna undanþágu frá banni við
tóbaksauglýsingum. Stjórnmála-
skýrendur lýstu vikuna þá verstu
sem Blair hefði átt í embætti frá
því hann tók við stjómartaumunum
fyrir hálfu ári. Flestir sökuðu hann
um um einfeldni fremur en spillingu.
Ecclestone segist hafa beðið Sir
Patrick Neill, sem veitir sérstakri
þingskipaðri nefnd forstöðu, sem
hefur það hlutverk að fylgjast með
siðferði í opinberu lífi Bretlands, að
endurskoða ráðgjöf sína um að
Verkamannaflokknum beri að skila
fénu frá honum. Með því vill Eccles-
tone veijast því að vera borið á brýn
að hafa „keypt“ sér áhrif á ákvarð-
anir ríkisstjórnarinnar.
Engin ný greiðslutilboð
Til að svara fullyrðingu Eccleston-
es um að hann hafi ekki boðið
flokknum nýja greiðslu sagði einn
talsmaður flokksins að það hefðu
átt sér stað viðræður milli aðstoðar-
manna Ecclestones og starfsmanna
skrifstofu Verkamannaflokksins
„um möguleikann á frekari fjár-
stuðningi", en þessar viðræður hefðu
eingöngu verið á könnunarstigi.
iiéii
Skipholti 50b -105 - Reykjavík
S. 55100 90
FASTEIGNASALA