Morgunblaðið - 19.11.1997, Síða 25

MORGUNBLAÐIÐ
LISTIR
MIÐVIKUDAGUR 19. NÓVEMBER 1997 25
Helena Rubinstein
Allir vildu
þeir eiga hann
KVIKMYNPIR
Bíóhöllin
PABBADAGUR
„Father’s Day“ ★ ★
Leikstjóri Ivan Reitman. Handrits-
höfundar Lowell Ganz og Babaloo
Mandell, byggt á handritinu Los
Compéres e. Francis Veber. Kvik-
myndatökustjóri Stephen H. Burum.
Aðalleikendur Robin Williams, Billy
Cristal, Julia Louis-Dreyfuss, Nast-
assja Kinski, Charlie Hoffheimer, 98
mín. Bandarisk. Warner Bros.1997.
ÞEGAR táningurinn Scott
(Charlie Hoffheimer) fer á flakk
með rokkóðri stelpugálu eru góð
ráð dýr hjá Collette, móður hans
(Nastassja Kinski). Feðgunum
semur bölvanlega svo hún treystir
ekki manni sínum til að hafa uppá
strák. Hringir þess vegna í tvo
gamla kærasta frá skólaárunum í
Berkley á áttunda áratugnum, þá
Dale (Robin Williams) og Lawrence
(Billy Crystal), og segir hvorum
þeirra að hann sé faðirinn og send-
ir þá til leitar. Þótt þær fréttir ber-
ist seint bíta þeir á agnið.
Góðum kröftum er sóað í remb-
ing við að gera skemmtun úr slök-
um efnivið. Reyndar eru þeir Will-
iams og Crystal svo stórkostlegir
gleðigjafar báðir tveir og koma svo
mikið við sögu að myndin verður
aldrei beinlínis leiðinleg, en ekki
geislar af henni fjörið heldur. Hug-
myndin er góð, að etja saman
tveimur af bestu skemmtikröftum
kvikmyndanna, en gleymist að
mata þá á ærlegum línum. Williams
farnast ekki of vel í undarlegu hlut-
verki manns á barmi taugaáfalls
sem er þó af og til fjallbrattur,
Crystal gengur betur með sinn jarð-
bundna og húmorslausa lögfræð-
ing. Það hefði átt að leyfa þessum
körlum að leika lausum hala. í stað
þess reyna þeir Reitman (Ghost-
busters, Twins) og handritshöfund-
arnir Ganz og Mandell (City Slic-
kers, Splash) að gera úr þeim ósköp
lítið fyndnar eða spennandi, fallega
þenkjandi persónur sem setja fjöl-
skyldugildin á oddinn og allt verður
voða, voða huggulegt. Þessir þre-
menningar mega muna fífíl sinn
fegri og þeir Williams og Crystal
mega til með að gerast mun vand-
látari á hlutverkin. Nastassja Kinski
sem móðurmyndin og Charlie Hoff-
heimer í hlutverki stráksa eru hvorki
fugl né fískur. Það breytir heldur
engu að tveimur kunnum andlitum
bregður fyrir í örhlutverkum, Mel
Gibson og Patti D’Arbanville (sem
Cat Stevens söng til ástaróð hér í
eina tíð).
Sæbjörn Valdimarsson
Sjöundi fyrirlestur „Laxnessársins“ í Norræna húsinu
GALLAGRIPUR
KVIKMYNPIR
Bíóborgin
MARVIN’S ROOM ★ ★ ★
Leikstjóri: Jerru Zaks. Kvikmynda-
taka: Piotr Sobocinski. Handrit: Scott
McPherson. Byggt á leikriti hans.
Aðalhlutverk: Meryl Streep, Diane
Keaton, Leonardo DiCaprio, Gwen
Verdon, Hal Scardino, Hume Fonyn,
og Robert DeNiro. 98 mín. Banda-
rísk. Tribeca Productions. 1996.
„MARVIN’S Room“ býr yfir ein-
um grundvallargalla, en það eru þau
gamaldags skilaboð að kona verði
fyrst heil manneskja þegar hún setur
eigin metnað í annað sæti og lætur
aðra ganga fyrir. Þessu er komið til
skila með því að draga upp mynd
af tveimur ólíkum systrum, ein er
fórnfús hin er eigingjörn.
Það bjargar töluverðu fyrir mynd-
ina að sú sem á að vera eigingjörn,
Lee (Meryl Streep), er ekki gerð að
algjöru skrímsli, þökk sé að stórum
hluta túlkun Streep, og að Bessie
(Diane Keaton) er ekki algjör engill,
þótt hún komist næstum í dýrlinga-
tölu. Lee er stúlkan sem fór í burtu,
sem vildi frekar kanna heiminn og
setja gamlingja á elliheimili en að
sitja heima og útdeila pillum með
ástríkri hendi. Bessie sneri aftur til
föðurhúsa þegar óskað var eftir að-
stoð og gerði allt umvefjandi ást að
lífsstíl. Hún tekur að sér gamlingja,
sjúklinga, og vanstillt ungmenni.
Ég vonaði í lengstu lög að Lee
héldu sínu striki og léti ekki kúga
sig en „Marvin’s Room“ fylgir lög-
málum sápuópera og vasaklúta-
mynda og allt er gert til að undar-
strika að það er henni fyrir bestu
að hætta að vera broddgöltur tilfinn-
ingalega og vera ekki með þessa
sjálfstæðisáráttu. Þeir tilburðir hafa
ekki fært henni góða hluti, eins t.d
og elskandi eiginmann, og eldri son-
urinn, Hank (Leonardo DiCaprio),
er á geðveikrahæli að öllum líkindum
vegna þess hve illa Lee hefur staðið
sig í móðurhlutverkinu - hvílík skila-
boð!
Ef ég er svona óánægð með hug-
myndafræðina hvers vegna gef ég
„Marvin’s Room“ þijár stjörnur?
Þrátt fyrir ofangreinda galla verður
það ekki tekið frá myndinni að hún
virkar vel. Sagan er ágætlega sögð
og leikarahópurinn er pottþéttur.
Keaton og Streep vinna feikivel úr
sínum rullum og DiCaprio tekst
prýðilega með truflaða unglings-
drenginn Hank sem þráir ást og
skilning. Aukapersónur eins og Ro-
bert DeNiro í hlutverki Wally læknis
og Gwen Verdon sem sápuóperu-
sjúka frænkan Ruth hressa einnig
upp á myndina.
Utkoman er því fínasta tilfinn-
ingadrama þótt maður sé ósammála
skilaboðunum og velti fyrir sér
spurningum eins og á hveiju Bessie
hefur lifað síðustu tuttugu árin?
Heimavinnandi með tvö gamalmenni
á framfæri, hvaðan kom lifíbrauðið?
Anna Sveinbjarnardóttir
ÁHRIFARÍK „ANDLITSLYFTING“
ÁN SKURÐAÐGERÐAR
Úr bók í mynd
A 95. AMÆLISARI Halldórs Lax-
ness hefur verið efnt til umfjöllunar
um skáldið og verk hans á vegum
Vöku-Helga-
fells og Laxnes-
klúbbsins. Þar á
meðal er röð fyr-
irlestra í Nor-
ræna húsinu og
á fimmtudaginn,
20. nóvember,
heldur Guðný
Halldórsdóttir
Guðný Hall- kvikmynda-
dórsdóttir gerðarmaður
fyrirlestur sem
hún nefnir: Úr bók í mynd. Þar ijall-
ar hún um það hvernig er að gera
Guðný Halldórs-
dóttir ræðir um
gerð kvikmynda
eftir verkum Hall-
dórs Laxness
kvikmynd eftir verkum Halldórs
Laxness. Erindið hefst kl. 17.15 og
er öllum opið og aðgangur ókeypis.
Guðný Halldórsdóttir hefur leik-
stýrt einni bíómynd eftir skáldsögu
Nóbelsskáldsins, Kristnihaldi undir
Jökli, sem frumsýnd var 1988. Hún
vinnur nú að gerð kvikmyndar eftir
annarri sögu hans, Úngfrúnni góðu
og húsinu, en Guðný er sem kunn-
ugt er dóttir Halldórs Laxness. í
erindi sínu mun hún fjalla um gerð
þessara kvikmynda og sýna m.a.
dæmi úr Kristnihaldinu.
Guðný Halldórsdóttir lauk prófi
í almennri kvikmyndagerð frá
London International Filmschool
árið 1981 og liggja eftir hana fjöl-
mörg verk á því sviði. Hún skrifaði
m.a. handrit að kvikmyndunum
Skilaboð til Söndru, Stella í orlofi,
Karlakórinn Hekla og Silfur Egils.
Þá leikstýrði hún eins og áður seg-
ir kvikmyndinni Kristnihaldi undir
Jökli. Hún hlaut Lúbecker fílmulins-
una árið 1989.
FACE
SCULPTOR
MEÐ PRO-PHOSPHOR
Húðsnyrtivörur hafa aldrei komið í stað andlitslyftingar. En í
dag nálgumst við það með Face Sculptor serumi og
kremi.
Pro-Phosphor örvar náftúrulegan fosfór líkamans, til að styrkja
grunn húðarinnar. Samtímis strekkja mótandi efni á yfirborði
húðarinnar.
Arangur: Tafarlaus strekkjandi áhrif og dag frá degi verða
útlínur andlitsins afmarkaðri og skarpari og dregur úr línum og
hrukkum.
Útsölustaðir:
Andorra, Hafnarfirði; Arsól, Efstalandi; Brá, Laugavegi; Bylgjan Kópavogi;
Clara, Kringlunni; Snyrtivöruv. Glæsibæ; Hygea, Austurstræti; Sara,
Bankastræti; Libia, Mjódd; Sigurboginn Laugavegi; Mosfellsapótek;
Amaró, Akureyri; Bjarg, Akranesi; Hilma, Húsavík; Krisma, ísafirði; Ninja,
Vestmannaeyjum.
/
Við minnum HR
klúbbfélaga á að
afsláttarmiðarnir
gilda tii 20. nóvember.

Öelena
^LBINSTElN
^IPTOR
m,p«0Piiasfi*T«