Morgunblaðið - 31.12.1997, Page 31

MORGUNBLAÐIÐ
MIÐVIKUDAGUR 31. DESEMBERÍ 1997 D 81
4-
.
.
Tilhneiging til þess að fá vissa sjúkdóma erfist milli kynslóða.
Hvernig og hvers vegna er ósvarað enn.
Svörin eru hér fyrir þá sem leita þeirra. Hvergi í heiminum er viðlíka áhugi og þekking
á ættfræði ög á íslandi. Erfðagreining ertil muna auðveldari á einstofna þjóð heldur
en margstofna. Heilbrigðisþjónustan hér á landi hefur lengi skarað fram úr. Á íslandi
eru því einstakar aðstæðurtil erfðafræðirannsókna.
Með hóprannsóknum í erfðafræði vinnum við að uppgötvun erfðavísa sem tengjast
sjúkdómum. Markmiðið er að hagnýta nýja þekkingu til þess að greina, meðhöndla
og lækna slíka sjúkdóma.
Við höfum á fyrsta starfsári okkar hafið rannsóknir á erfðavísum sem tengjast algengustu
sjúkdómum okkar tíma. Um eitt hundrað starfsmenn, flestir hámenntaðir ungir
vísindamenn, hafa lagt hart að sér við rannsóknarvinnu. Þegar hefur náðst góður
árangur og er það ekki síst að þakka áhuga íslenskra stjórnvalda, samvinnu við lækna
og góðfúsri þátttöku sjúklinga og fjölskyldna þeirra í rannsóknum.
Við þökkum þá aðstoð sem fjölmargir íslendingar hafa veitt fyrirtækinu. Hún er
mikilsvert framlag í þágu þess að fyrirbyggja og lækna sjúkdóma og lina þjáningar.
íslensk erfðagreining þakkar góðar móttökur
á íslandi og óskar landsmönnum árs og friðar!

GSP almannatenj$l