Morgunblaðið - 29.05.1998, Blaðsíða 4

4 FÖSTUDAGUR 29. MAÍ1998
MORGUNBLAÐIÐ
FRÉTTIR
Blönduós
D- og H-listi
stjórna
áfram
Mor^unblaðið.Blönduós.
Vinstri menn og óháðir, sem
mynda H-lista, og sjálfstæðis-
menn hafa ákveðið að halda
áfram meirihlutasamstarfí á
Blönduósi næstu fjögur árin.
Viðræður við bæjarstjórann
Skúla Þórðarson um að gegna
áfram störfum bæjarstjóra
standa yfir.
Pétur Arnar Péturson af H-
lista, sem verið hefur forseti
bæjarstjómar sl. fjögur ár,
verður formaður bæjarráðs en
Ágúst Þór Bragason af D-lista
mun gegna embætti forseta
bæjarstjómar en Ágúst var
formaður bæjarráðs. Ekki hef-
ur endanlega verið gengið frá
forystu í nefndum á vegum
bæjarins.
Kæra í Sveins-
staðahreppi
Urskurðar-
nefnd
skipuð
KRISTJÁN Þorkelsson, sýslu-
maður á Blönduósi, hefur skip-
að nefnd til að úrskurða um
kæm kosninga til sveitar-
stjórnar í Sveinsstaðahreppi.
Hana skipa Ólafur B. Ámason
hrl., Þorsteinn Hjaltason hdl.
og Erlingur Sigtryggsson
dómarafulltrúi.
Kæran barst sýslumanni síð-
astliðinn miðvikudag en kosn-
ingamar vom kærðar á þeirri
forsendu að talning hefði verið
ámælisverð. Yfirkjörstjóm
hefur samkvæmt lögum viku
frest frá því að kæra berst til
að koma sínum sjónarmiðum á
framfæri.
Nefndin sem sýslumaður
skipaði hefur síðan viku til að
kveða upp úrskurð sinn um
hvort talið verður á nýjan leik
eður ei. Það gæti því tekið allt
að tveimur vikum að komast að
niðurstöðu í þessu máli.
Morgunblaðið/Þorkell
BJARNI Jónsson listmálari sýnir teikninguna af minnisvarðanum, og Egill Ólafsson safnvörður
að Hnjóti og Ólafur Hannibalsson verkefnissljóri fylgjast með.
Minnisvarði um breska sjómenn
og björgunarafrek Islendinga
ana hefur einnig verið reistur á
Patreksfirði og verður hann
vígður á laugardag. Breska ríkis-
sjónvarpið BBC hefur sýnt minn-
ismerkinu mikinn áhuga og
verða fulltrúar þess meðal ann-
ars viðstaddir vígsluna á laugar-
daginn, en eins og áður hefur
komið fram komu upp nokkrar
deilur um hvar minnisvarðinn
ætti að standa. Ríkissljórn fs-
lands ákvað hins vegar að leggja
fé í minnisvarðann að Hnjóti og
sagði Egill Ólafsson að hanni
væri sáttur við þá Iausn, hún
væri ánægjuleg og þjóðinni til
sóma. Staðsetning minnisvarðans
á Hnjóti verður í sjónfæri við
slysstað Sargon þegar hann
strandaði við Hafnarmúla í Or-
lygshöfn fyrir 50 árum.
Undirstaða verksins verða sjö
steinar, og á hveijum steini verð-
ur skjöldur með nafni hvers tog-
ara og mönnunum sem voru í
áhöfninni. Alls verða þar nöfn
sex togara en auk þess verður
eitt spjald fyrir „óþekkta togar-
ann“, sem verður tákn fyrir alla
togara og sjómenn sem fórust á
þessum slóðum og ekki er vitað
um. Einnig er fyrirhugað að
koma fyrir skildi um björgunar-
sveitarmennina sem tóku þátt í
björgunarafrekunum.
í ÁR eru fimmtíu ár liðin frá
strandi breska togarans Sargon
við Hafnarmúla í Órlygshöfn. Af
því tilefni hefur ríkissljórn ís-
lands ákveðið að standa straum
af kostnaði við gerð minnisvarða
við sjóminjasafnið að Hnjóti í Ör-
Iygshöfn, sem gert er ráð fyrir
að verði afhjúpaður í september
nk.
Minnisvarðinn á í senn að
minna á beisklegan aldurtila
íjölda breskra togarasjómanna
hér við land á liðinni öld og jafn-
framt afrek íslenskra björgunar-
sveitarmanna sem iðulega hafa
hætt lífi sínu við björgun er-
lendra sem innlendra sjómanna
úr sjávarháska, að því er kemur
fram í fréttatilkynningu. Bjarni
Jónsson listmálari hefur gert
uppdrátt að gerð minnisvarðans
en vélsmiðjan Orri hf. í Mosfells-
bæ mun annast smíði hans. Ólaf-
ur Hannibalsson annast milli-
göngu utanríkisráðuneytisins og
framkvæmdaaðila um gerð
verksins.
Óþekkti togarinn
Egill Ólafsson safnvörður að
Hnjóti sagði á blaðamannafundi í
gær að hann hefði fengið hug-
myndina að minnisvarðanum ár-
ið 1996 og unnið að henni í sam-
anum sem reistur verður að
Hnjóti. Krossinn er tákn trúar-
innar og björgunarinnar og
umhverfis er öldótt hafið.
ráði við bæjarstjórnir Hull og
Grimsby og utanríkisráðuneytið.
Egill var staddur hér syðra sem
fulltrúi á 70 ára afmælisþingi
Slysavamafélags íslands sem
haldið verður í Sandgerði um
helgina. Minnisvarði um togar-
Verslunarskóli
Islands
Tvískiptar
einkunnir í
flórða bekk
Á LOKAPRÓFUM fjórða
bekkjar Verslunarskóla íslands
kom í ljós að óvenju hátt hlut-
fall nemenda féll eða þurfti að
taka endurtektarpróf, eða 62 af
224. Alls féll 31 og 31 til viðbót-
ar þarf að fara í endurtektar-
próf í júní og ágúst. Einnig kom
í ljós að í sama árgangi væri
mjög stór hópur með mjög háar
einkunnir. Þannig voru sex
nemendur með fyrstu ágætis-
einkunn og 18 nemendur með
meðaleinkunn yfir 8,5.
Fátt miðjufólk
í árganginum
Þorvarður Elíasson skóla-
stjóri Verslunarskóla íslands
sagði að árgangurinn væri tví-
skiptari en hann hefði nokkurn
tíma séð: „Það er nokkuð stór
hópur sem er að falla eða berj-
ast við fall, en svo er einnig
feikna stór hópur með býsna
háar einkunnir. I þessum ár-
gangi er fátt miðjufólk en það
kom í ljós um leið og árgangur-
inn byrjaði í 3. bekk. Milli 10 til
30 einstaklingar falla í hverjum
árgangi, svo það má segja að
fall hjá 31 einstaklingi í sama
árgangi sé í hámarki," sagði
Þorvarður þegar Morgunblaðið
spjallaði við hann í gær.
Þorvarður sagði að 3. bekkur
nú væri geysilega sterkur. Að-
eins um 10 manns hefðu fallið
þar, og aðrir 30 væru að fara í
endurtekt. Hann reiknar með
að árgangurinn verði fjölmenn-
asti 4. bekkur í sögu skólans.
Þorvarður sagðist hafa skýr-
ingu á dreifingu einkunnanna í
fjórða bekk, sem hann sagði
vera meira til gamans. Hann
sagði að í árgangi 4. bekkjar
væru mun fleiri piltar en stúlk-
ur svo í árganginn vantaði
stúlkur með miðlungspróf sem
hefðu af einhverjum ástæðum
ekki sótt um skólavist í Versl-
unarskólanum þetta árið. í ár-
ganginum eru 137 piltar og 87
stúlkur, sem er einstakt, en
vanalega er skiptingin jöfn.
Starfsmenn Ríkisútvarpsins samþykktu einróma harðorða ályktun á fjölmennum fundi í gær
Segja gagnrýni á
fréttastofur og frétta-
stjóra óréttmæta
STARFSMENN Ríkisútvarpsins
samþykktu einróma í gær ályktun á
fundi þar sem farið er hörðum orð-
un um gagnrýni á fréttastjóra og
ásakanir um hlutdrægni fréttastofu.
Fundurinn var mjög fjölmennur og
ríkti mikill einhugur á fundinum að
sögn Jóns Ásgeirs Sigurðssonar,
formanns samtaka starfsmanna
RÚV.
I ályktuninni kemur m.a. fram að
fundurinn „harmar órökstuddar
fullyrðingar Davíðs Oddssonar".
Einnig segir: „Dylgjur Gunnlaugs
Sævars Gunnlaugssonar formanns
útvarpsráðs í fjölmiðlum um póli-
tísk áhrif ættartengsla starfsmanna
Ríkisútvarpsins eru hreinn og beinn
atvinnurógur og lýsa einungis van-
þekkingu formannsins á starfi
fréttamanna."
Þegar leitað var álits Gunnlaugs
á þessum ummælum sagðist hann
halda við þá skoðun sína að tengsl
Helga H. Jónssonar væru mjög
óheppileg og til þess fallin að xýra
traust á fréttastofunni. Gunnlaugur
sagði enga aðra fréttamenn undir
þessa sök selda. „Það er enginn at-
vinnurógur fólginn í þessu, þessi
tengsl eru óheppileg, slík tengsl
þættu óheppileg í stjómsýslunni og
almennt í þjóðfélaginu. Það hlýtur
að mega heimfæra það upp á fjöl-
miðla. Ég minni á að þetta er ríkis-
fjölmiðill og ber þannig ríkari
skyldur en aðrir fjölmiðlar. Síðan
mun það koma í ljós og það er allt
annar handleggur hvort þessi
tengsl hafa haft áhrif.“
Málið í athugun
innan Ríkisútvarpsins
Sem stendur er málið til athugun-
ar innan veggja Ríkisútvarpsins og
segir Jón Ásgeir starfsmenn ekkert
hafa við það að athuga að fréttaum-
fjöllun verði skoðuð verði sú rann-
sókn gerð af alvöru, t.d. með því að
innihaldsgreina fréttir ríkisfjölmiðl-
anna. „Hins vegar finnst okkur
óeðlilegt að útvarpsstjóri skuli ekld
lýsa yfir skilyrðislausum stuðningi
við fréttastofumar. Hann á að sýna
samstarfsmönnum þá hollustu,“
sagði Jón Ásgeir en þessi skoðun
kemur fi'amí ályktuninni.
Markús Öm Antonsson útvarps-
stjóri sagði málið annars eðlis en að
það yrði afgreitt með yfirlýsingum
af þeim toga sem koma fram í álykt-
uninni. „Fréttamenn ríkisútvarps-
ins em greinilega mjög viðkvæmir
fyrir gagnrýni og menn verða að
temja sér að bregðast við með öðr-
um hætti. Ég var búinn að segja
þeim að það væri ekki um það að
ræða að ég snerist til varnar án
þess að efnisatriði yrðu könnuð nán-
ar.“ Markús sagði að það lægi fyrir
að gera athugun á því hvernig stað-
ið var að fréttaflutningi og grafast
fyrir um hver era gagnrýnisatriði.
„Ég vona að sú könnun sem ég
hyggst beita mér fyrir leiði það í Ijós
að ríldsútvarpið er traustur miðill."
Gunnlaugur Sævar Gunnlaugsson
formaður útvarpsráðs segir það
ekki réttmætt að gagnrýna hann
fyrir að hafa ekki komið með at-
hugasemdir um fréttastjóra fyrir
kosningar, það hafi ekki verið í sín-
um verkahring. Hins vegar sé ekki
rétt að engar athugasemdir hafi
verið gerðar. „Athugasemdunum
var komið á framfæri við frétta-
stjóra af hálfu framkvæmdastjóra
Sjónvarpsins sem spurði hann að
því hvort ekld væri rétt vegna þess-
ara tengsla að hann tæki sér frí.
Þannig að það er ekki rétt að það
hafi ekki verið gert. Hins vegar
hefði verið fráleitt af mér í miðri
kosningabaráttu að tala um það
enda era þetta slík tengsl að frétta-
stjóri hefði átt að finna það hjá
sjálfum sér að víkja.“
Þessi ummæli voru borin undir
útvarpsstjóra sem samþykkti að
hafa talað við framkvæmdastjóra
Sjónvarpins, Bjarna Guðmundsson,
og beðið hann að ræða við Helga.
„Eg nefndi það hvort það væri ekki
hægt að koma því fram í samtali við
Helga með tilliti til allra aðstæðna
að hann tæki sér frí þessa viku fyrir
kosningar. Maður þekkir þetta
þjóðfélag og það umtal sem er í
gangi í því. Það var ekki með tiliti til
stjómsýslulaga varðandi vanhæfi
manna að ég varpaði þessu fram.“
Markús segir þetta hafa komið fram
í samtali framkvæmdastjóra Sjón-
varpins og hans og hann geri ráð
fyrir að þessi skilaboð hafi komist á
milli manna.
Helgi kannast hins vegar ekki við
að hafa fengið þessi skilaboð. „Það
er rétt að framkvæmdastjóri Sjón-
varpsins kom að máli við mig og
spurði hvað ég teldi um trúverðug-
leika sjónvarpsins með tilliti til eig-
inkonu minnar og mágs míns. Eg
verð að viðurkenna að ég skildi ekki
spuminguna og síðan snerist þetta
upp í umræður um traust og hann
fullvissaði mig um að ég nyti trausts
hans ef ég skildi hann rétt. Ég kann-
ast ekki við að þess hafi verið farið á
leit að ég tæki mér svokallað hlé frá
störfum. Enda hefði ég ekki séð þá
frekar en nú nokkra minnstu
ástæðu til þess.
Bjami Guðmundsson fram-
kvæmdastjóri Sjónvarpins vildi ekki
tjá sig um efni samtalsins en vísaði í
fund útvarpsráðs síðastliðinn þriðju-
dag. „Ég sagði frá því þar að ég
ræddi það við Helga fyrir kosningar
hvort þessi margumræddu tengsl
hans væra heppileg með tilliti til
trúverðugleika fréttastofu Sjón-
varpsins. Ég taldi að hann mundi
skilja þessa ábendingu." Bjarni
sagði ennfremur að málið væri allt
til skoðunar innan Ríkisútvarpsins
og meðan svo væri teldi hann ekki
rétt að fjalla nánar um það.