Morgunblaðið - 08.09.1998, Síða 47

MORGUNBLAÐIÐ
MINNINGAR
ÞRIÐJUDAGUR 8. SEPTEMBER 1998 47*+
ÞORDIS
EIRÍKSDÓTTIR
+ Þórdís Eiríks-
dóttir fæddist á
Gunnarsstöðum í
Skeggjastaða-
hreppi, Norður-
Múlasýslu 28. sept-
ember 1926. Hún
lést á Sjúkrahúsi
Reykjavíkur að
morgni 2. septem-
ber siðastliðins.
Foreldrar Þórdísar
voru Eiríkur Jak-
obsson og Judit
Friðfinnsdóttir.
Hún ólst upp hjá
móðurbróður sín-
um, Jóni Friðfinnssyni og konu
hans, Guðmundu K. Guðjóns-
dóttur. Systkini Þórdísar eru:
Jakob, f. 1923, Ólafur, f. 1925,
d. 1997, Kristján, f. 1929, Jón
G., f. 1931, Eiríkur, f. 1933,
Kristrún, f. 1935, Þórhallur, f.
1938 og Gunnþór, f. 1939. Þór-
dís hóf búskap 1945 með Krist-
vini Kristinssyni, f. 13.6. 1926,
d. 23.1. 1983. Kristvin starfaði
sem verkamaður og var síðustu
árin verkstjóri hjá bæjarútgerð
Reykjavíkur. Móðir hans var
Dagmar Friðriksdóttir.
Börn Þórdísar og
Kristvins eru: 1) Guð-
mundur, f. 24.12.
1946, maki er Vilborg
Guðlaugsdóttir. Þau
eiga tvo syni. 2) Dag-
mar, f. 18.1. 1949, d.
17.5. 1970. 3) Ómar, f.
9.5. 1950, maki er
Emma Blomsterberg
og eiga þau tvær
dætur, einn son og
fjögur barnabörn. 4)
Auðbjörg, f. 7.1.
1954, maki er Einar
Björnsson. Auðbjörg
á tvær dætur og tvö
barnabörn. Einar á eina dóttur.
5) Eiríkur Vignir, f. 17.4. 1957,
maki er Anna Dóra Gunnarsdótt-
ir og þau eiga tvær dætur. 6)
Stefán Ilalldór, f. 15.5. 1958,
maki er Ása Árnadóttir og eiga
þau einn son og eina dóttur. 7)
Þórhallur, f. 16.12. 1960, maki er
Hafdís Magnúsdóttir og eiga þau
eina dóttur og einn son. Þórhall-
ur á að auki eina dóttur úr fyrri
sambúð. 8) Svanur, f. 21.8. 1962,
maki er Valgerður Garðarsdóttir
og eiga þau þrjá syni. Þórdís og
Kristvin létu að auki fjögur börn
í fóstur. Þau eru: 1) Þóra Ottós-
dóttir, f. 1951, maki er Örn
Hauksson og eiga þau einn son.
2) Jón Ingi Cæcarsson, f. 1952,
maki er Guðrún Gunnarsdóttir
og eiga þau tvo syni. Jón Ingi á
að auki eina dóttur úr fyrri
sambúð. 3) Guðni Sigurmunds-
son, f. 1954, maki er Edda
Sveinbjörnsdóttir og eiga þau
einn son og eina dóttur. 4) Aðal-
steinn Gunnarsson, f. 1963,
maki er Hildur Mósesdóttir og
eiga þau þijár dætur. Hildur á
að auki eina dóttur úr fyrri
sambúð.
Þórdís lauk barnaskólaprófi á
Skeggjastöðum 14 ára. 15 ára
gömul fór hún á Hallormsstað
og starfaði þar sem vinnukona
á hóteli. Síðan fór hún á Reyð-
arfjörð og starfaði þar á hóteli.
Hún vann ýmis störf þar til hún
flutti til Reykjavíkur og fór í
vist til Halldórs Halldórssonar
og Stefaníu Þorsteinsdóttur,
sem hún svo hélt sambandi við
alla tíð síðan. Árið 1945 kynnt-
ist Þórdís Kristvini, sem síðar
varð eiginmaður hennar. Hún
stundaði ýmis störf ásamt hús-
móðurstarfinu eins og ræsting-
ar og einnig fór hún sem kokk-
ur á síldarbáta.
Útför Þórdísar fer fram í dag
frá Fossvogskirkju og hefst at-
höfnin klukkan 13.30. Jarðsett
verður í Fossvogskirkjugarði.
Ertu horfin? Ertu dáin?
Er nú lokuð glaða bráin?
Angurs horfi ég út í bláinn,
autt er rúra og stofan þín,
elskulega mamma mín.
Gesturinn með grimma Ijáinn
glöggt hefúr unnið verkin sin.
Ég hef þinni leiðsögn lotið,
líka þinnar ástar notið.
Finn, hvað allt er beiskt og brotið,
burt er víkur aðstoð þín
elsku góða mamma mín. -
Allt sem gott ég hefi hlotið,
hefir eflst við ráðin þín.
Þó skal ekki víla og vola,
veröld þótt oss bijóti í mola.
Starfa, hjálpa, þjóna, þola,
það var alltaf hugsun þín,
elsku góða mamma mín. -
Og úr rústum kaldra kola
kveiktirðu skærast blysin þín.
Flýg ég heim úr Qarlægðinni,
fylgi þér í hinsta sinni,
krýp með þökk að kistu þinni,
kyssi í anda sporin þín,
elsku góða mamma mín. -
Okkur seinna í eilífðinni
eilíft ljós frá Guði skín.
(Árni Helgason.)
Hún mamma er dáin, mamma,
konan sem fæddi okkur í þennan
heim og kom okkur öllum til manns,
hefur lagt aftur augun sín í hinsta
sinn og lokið sinu verki hér á jörð.
í hjai’ta okkar bama hennar og
barnabarna hvílir sorg og tregi. En
það var ekki í hennar anda að við
ættum að leggjast í sorg og volæði,
heldur bera höfuðið hátt og horfa
fram á veginn og minnast hennar
með gleði og bros á vör. Lífið heldur
áfram.
Líf mömmu okkar var ekki alltaf
léttvægt. Að eiga stóran hóp barna
er mikið og kröfuhart starf. Það
fékk hún að reyna og stóð sig með
prýði. Hún lifði fyrir allan hópinn
sinn og gerði allt sem hún gat til að
styðja okkur og leiðbeina í hverju
því sem við tókum okkur fyrir hend-
ur. Aumingjahátt þoldi hún aldrei,
stóð sjálf alltaf eins og klettur í
hafsins ólgusjó og vildi að aðrir
gerðu hið sama. En ef fólk átti erfitt
eða bágt var hún fyrst allra til að
rétta því hjálparhönd. Bóngóð var
hún með afbrigðum og mátti hún
ekkert aumt sjá. Margir töldu hana
með harða og þykka skel, og
kannski var hún með einhvers kon-
ar skel sökum harðrar lífsbaráttu,
en ef vel var að gáð, þá var það ekki,
er á reyndi. En innstu tilfinningar
og sorgir bar hún ekki á torg, bar
þær í hljóði og hafði aðeins fyrir sig.
Þegar við urðum eldri, hafði hún
gaman af að rifja upp gamla daga
við okkur, og sagði hún okkur ótal
sögur og atvik sem hún hafði lifað.
Það var indælt að sitja með henni
og hlusta þegar hún sagði frá. Til að
mynda sagði hún okkur frá því að
þegar hún var ung stúlka fór hún til
sjós á síldarbátum og vann þar
hörðum höndum. Það hefur eflaust
verið fátítt í þá daga að ung stúlka
færi til sjós á síld. En þannig var
mamma, dugleg og kröfuhörð á
sjálfa sig. Á sjónum eignaðist hún
marga góða vini sem hún og pabbi
héldu tryggð við alla tíð.
Það verður erfitt fyrir okkur,
börnin hennar, barnabörn og barna-
barnabörn að koma á Lambastekk 4
og engin mamma og amma þar.
Heimili hennar hefur alltaf verið
áningarstaður okkar, þar sem við
systkinin höfum hist, og börnin okk-
ar líka. Heimsóknirnar til hennar
hafa tengt okkur saman alla tíð, það
hittust allir og oft var margt um
manninn. Alltaf tók hún á móti okk-
ur, gaf okkur kaffi og spjallaði við
fólkið sitt þótt heilsan væri ekki
alltaf í lagi. Við viljum þakka
mömmu og ömmu að lokum fyrir
allt sem hún hefur gefið okkur og
gert fyrir okkur í þessu lífi. Við er-
um þakklát að hafa átt hana að.
Við börnin hennar viljum koma
fram þakklæti til Kristjáns, sem bjó
hjá henni um árabil, og Arnórs, sem
bjó hjá henni seinustu árin. Þeir
voru henni afar hjartfólgnir og voru
henni meira sem synir. Hún var
ætíð glöð og ánægð fyrir hjálpsemi
þeirra og fannst mikið öryggi að
hafa þá á heimili sínu. Hafið innileg-
ar þakkir fyrir. Síðan viljum við
þakka nágrannakonum hennar og
vinkonum, Maddý og Guggu fyrir
áratuga vináttu. Það verður tómlegt
þegar eina af vinkonunum vantar í
hópinn, því þær hittust nánast á
hverjum einasta degi í um 30 ár.
Að lokum viljum við svo sérstak-
lega þakka Einari, tengdasyni
hennar, allt það sem hann hefur
gert fyrir hana. Það var ekki til sá
tími sem hann gat ekki gefið henni,
hvort sem það var í veikindum
hennar, keyra hana í hárgi’eiðslu,
fara með hana um bæinrí í búðir og
margt fleira. Beðinn eða óbeðinn,
hann gaf sér alltaf tíma fjTÍr hana.
Hún var afar háð honum og hann
var henni afar kær. Hafðu þakkir
fyrir, Einar.
Elsku mamma og amma. Við
þökkum þér fyrir allt. Guð geymi
þig-
Þín
börn, barnabörn og
barnabarnaböm.
Elsku amma. Það er erfitt að trúa
því að ekki sé hægt að koma við hjá
þér upp á Lambó lengur, eins og við
höfum alltaf getað gert. Sem börn
passaðir þú okkur mikið og
eiginlega áttum við okkar annað
heimili hjá þér. Oft sátum við og
spjölluðum og þá gastu þulið upp
fyrir okkur gamlar vísur og sögur
frá því þú varst ung enda varstu
snillingur í að muna svoleiðis hluti.
Alltaf varstu dugleg að láta okkur
krakkana borða vel, og ósjaldan
hlóðum við í okkur nokkrum pylsum
sem var réttur hússins í þá daga.
Okkur eru minnisstæðar ferðirnar
með þér upp í Breiðholtskjör þar
sem þú keyptir oft eitthvað gott
handa okkur. Skipulögð varstu líka
og hreinlát enda var hver dagur
vikunnar frátekinn til að þrífa
ákveðna króka og kima
Lambastekksins.
Alltaf lifnaði yfir þér þegar nær
dró jólum. Jólin voru þinn tími þar
sem við nutum samvista við þig. Þér
fannst gaman að gleðja okkur og
ávallt var setið fram á nótt og
spjallað og hlegið.
Þú varst líka mikill næturhrafn
og oft hringdirðu seint á kvöldin og
spjallaðir við okkur um heima og
geima.
Einu sinni fórum við saman á
Bakkafjörð þegar ég (íris) var lítil
og fyrir mig var það eins og að
ferðast heimshorna á milli, en þú
gerðir þér lítið fyrir og lagðir þig á
flugvellinum á Egilsstöðum,
sallaróleg yfir öllu saman. Margar
góðar stundir áttum við á
Bakkafirði þar sem þú elskaðir að
vera hjá Nonna og Soffíu. Þú
minntist alltaf þessarar ferðar
okkar og talaðir um hana allt fram á
þína síðustu daga.
Alltaf varstu tilbúin að hjálpa til
ef eitthvað bjátaði á, enda tókst þú
ekki annað í mál en að ég (Dagga),
Simmi og Thelma Dögg byggjum
hjá þér meðan við biðum eftir
íbúðinni okkar. Þolinmóð sastu
klukkutímum saman og teiknaðir
Óla prik á kvöldin með Thelmu
Dögg og hún talar enn um það í
dag.
Kallið er komið,
komin er nú stundin,
vinaskilnaðai’ viðkvæm stund.
Vinimirkveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyinr liðna tíð.
Margs er að minnast,
margseraðsakna.
Guð þeni tregatárin stríð.
(V. Briem.)
Elsku amma. Við þökkum þér
fyrir allar góðu minningarnar og
stuðninginn sem við höfum fengið
frá þér í gegnum allt okkar líf og
kveðjum þig með þessum orðum.
Dagmar og íris.
t
Elskuleg móðir okkar,
MARGRÉT INGIMARSDÓTTIR,
Háaleitisbraut 28,
Reykjavík,
verður jarðsungin frá Grensáskirkju miðvikudaginn 9. september
kl. 13.30.
Halldór Ingi Hallgrímsson,
Ásmundur Hallgrímsson,
Gunnar Hallgrímsson,
Margrét Hallgrfmsdóttir.
t
Elskulegur sonur okkar og bróðir,
RAGNAR SMÁRASON,
Vesturási 30,
Reykjavík,
verður jarðsunginn frá Fossvogskirkju
miðvikudaginn 9. september kl. 13.30.
Nanna Kristín Magnúsdóttir, Smári Emilsson,
Edda Ósk Smáradóttir.
t
Við þökkum hjartanlega auðsýnda samúð og
hlýhug við andlát og útför konu minnar,
móður, tengdamóður, ömmu og langömmu,
UNNAR E. MELSTED,
Hrafnhólum 6,
Reykjavfk.
Sérstakar þakkir fær starfsfólk Heimahjúkr-
unar í Efra Breiðholti og á deild B-4 á Sjúkra-
húsi Reykjavíkur fyrir umönnun og hlýju.
Gunnar Melsted,
Eyjólfur Melsted, Adelheid Melsted,
Guðrún E. Melsted, Hjálmar Gunnarsson,
Ólína Melsted, Guðmundur Jónsson,
Auður M. Westergárd, Kristian Westergárd,
Erna Melsted Ásmundur Guðjónsson,
Steinunn Melsted,
Ólafur Jónsson,
Unnur Melsted, Guðmundur B. Albertsson,
Þóra Melsted, Þórður Sturluson,
barnabörn og barnabarnabörn.
t
Þökkum af alhug auðsýnda samúð og hlýhug
við andlát og útför móður okkar, tengda-
móður, ömmu og langömmu,
JÓRUNNAR BACHMANN,
Dvalarheimili aldraðra,
Borgarnesi,
áður Egilsgötu 15,
Borgarnesi,
Sérstakar þakkir fær starfsfólk Dvalarheimilis
aldraðra, Borgarnesi, og starfsfólk E-deildar Sjúkrahúss Akraness.
Sigríður Bachmann,
Haukur Bachmann, Kristfn Einarsdóttir,
Guðmundur Bachmann, Gerða Arnleif Sigursteinsdóttir,
Halla Bachmann Ólafsdóttir, Þorsteinn Magnússon,
Kristín Ingibjörg Geirsdóttir, Guðgeir Eyjólfsson,
Geir, Sigurður Örn, Unnar Þór, Ingólfur Theódór
og barnabarnabörn.
t
Þökkum af alhug þá hlýju og vinsemd sem
okkur hefur verið sýnd vegna fráfalls
MARGRÉTARLEÓSDÓTTUR,
Hafnarstræti 7,
ísafirði.
Sérstakar þakkir viljum við færa starfsfólki á
Fjórðungssjúkrahúsinu ísafirði.
Jóhann Júlíusson,
Kristján G. Jóhannsson, Inga S. Ólafsdóttir,
Leó Jóhannsson, Erika Jóhannsson,
Jónína Högnadóttir, Birkir Þorsteinsson,
barnabörn og barnabarnabörn.