Morgunblaðið - 30.09.1998, Page 23

MORGUNB LAÐIÐ
LISTIR
MIÐVIKUDAGUR 30. SEPTEMBER 1998 23
TONLEIKUM Veronicu Oster-
hammer var vel tekið í
Ingj aldshólskirkj u.
Tónleikar
í Ingjalds-
hólskirkju
Morgunblaðið. Hellissandur.
VERONICA Osterhammer á
Brimilsvöllum hélt sína fyrstu op-
inberu tónleika í safnaðarheimili
Ingjaldshólskirkju sunnudaginn
20. september sl. Undirleikari á pí-
anó var Krystyna Cortes. Húsfyll-
ir var á tónleikunum.
Á efnisskrá tónleikanna voru
m.a. lög eftir Pergolesi, Brahms,
Gluck og Rossini. Þá söng Veron-
ica nokkur íslensk þjóðlög og lög
eftir Árna Thorsteinsson og Kari
Ó. Runólfsson og fór jafnfallega
með þau öll.
Veronica Osterhammer er 25
ára gömul en hefur verið búsett á
Islandi sl. fjögur ár. Veronica er
þýsk að uppruna, fædd í Traum-
stein í Bæjaralandi en talar lýta-
lausa íslensku. Hún hóf lítilsháttar
söngnám í Þýskalandi áður en hún
hélt til Islands. Eftir að hún kom
hingað til lands hefur hún stundað
söngnám hjá Sieglinde Kahmann
við Söngskólann í Reykjavík og
náð góðum árangri á skömmum
tíma. Fréttaritari gat ekki annað
heyrt en hér væri á ferð og í upp-
siglingu mikil söngkona sem gæti
átt eftir að ná langt í list sinni.
Undanfarin fjögur ár hefur Ver-
onica búið á Brimilsvöllum í Fróð-
árhreppi og rekið þar hrossabú
ásamt manni sínum og var það
áhuginn á íslenska hestinum sem
dró hana upphaflega til íslands.
Tónleikarnir tókust framúrskar-
andi vel. Þær vonir manna, að
safnaðarheimilið á Ingjaldshóli
ætti eftir að verða menningarauki
fyrir byggðina og lyftistöng í
menningarlegu tilliti hafa nú þegar
ræst og hefur það mikið verið not-
að síðan það var vígt sl. haust.
Nýjar bækur
• „RING of Seasons“ er eftir
Terry G. Lacy. í bókinni fléttar
höfundurinn saman frásögn af dag-
legu lífi í íslensku samfélagi sam-
tímans og yfír-
gripsmikilli lýs-
ingu á jarðfræði,
sögu, trúarlífí,
stjórnmálum og
menningu þjóð-
arinnar frá upp-
hafi byggðar.
Höfundi tekst
einnig að flétta
saman sjónar-
þorni á mannlíf á
íslandi séð með
augum útlendings
og þess sem hér þekkir vel til og
veita þannig dýpri innsýn í líf og til-
veru Islendinga en gengur og ger-
ist, segir í fréttatilkynningu.
Enn fremur segir að frásögn
Terry G. Lacy sé tilvalið kynning-
arrit fyrir alla þá sem hyggjast
heimsækja ísland, kynna sér það úr
íjarlægð eða þá íslendinga sem
vilja skoða landið sitt frá nýju sjón-
arhorni.
Höfundurinn er frá Bandaríkjun-
um, en hún hefur verið búsett hér á
landi um árabil.
Utgefandi er Háskólaútgáfan og
er unnin í samvinnu við bókaútgáfu
Michigan-háskóla. Bókin er 297 bls.
og kostar kr. 3.882. Háskólaútgáfan
sér um dreifmgu.
Terry G.
Lacy
Morgunblaðið/Ólafur Jens
Kristinn fær góða dóma í Classical Guitar
KRISTINN H. Árnason gítarleikari
fær lofsamlega dóma í hinu virta
breska gítarriti Classical Guitar fyr-
ir geislaplötu sína Norðurljós. Krist-
inn leikur þar verk eftir Sor og
Ponce og segir gagnrýnandinn, Paul
Fowles, augljóst að hann sé með allt
á hreinu, bæði tækni og taktfestu.
„Ef þessi líflega geislaplata endur-
speglar leik Kristins í raun og veru,
Kristinn
Árnason
þá er aðeins tíma-
spursmál hvenær
ótvíræðir hæfíleik-
ar hans hljóta þá
viðurkenningu sem
þeir eiga skilið."
Fowles hælir
Kristni mjög fyrir
flutning á verkum
Ponce - segir túlk-
unina hreina og beina og leyfa sam-
þjöppuðum en um leið hugmynda-
ríkum tónsmíðum hans að tala sínu
eigin máli.
Fowles er ekki jafnmikill aðdá-
andi Sors, sérstaklega Sónötu op.
25, en tekur fram að snyrtilegur og
hæverskur flutningur Kristins dragi
fram hið besta í þessu útblásna og
tíðindalitla verki.

NÝTTUÞÉR
DREIFINGARSTYRK
MORGRNRLADSINS
Innskot er auglýsinga- og kynningarefni sem er dreift með
Morgunblaðinu. Með innskoti er hægt að ná til mikils fjölda fólks
í einu á öruggan og hagkvæman hátt og nýta þannig dreifingarstyrk
Morgunblaðsins um land allt. Efni af ýmsu tagi er hægt
að stinga inn í blaðið og jafnframt er hægt að velja það
dreifingarsvæði sem hentar hverju sinni.
Morgunblaðið er mest lesna dagblað á íslandi og samkvæmt
fjölmiðlakönnunum lesa 60% þjóðarinnar blaðið að
meðaltali á hverjum degi og 71% íbúa
höfuðborgarsvæðisins. Morgunblaðið er eina dagblaðið
í Upplagseftirliti og samkvæmt síðustu mælingu er
meðaltalssalan á dag 53.198 eintök.
Hafðu samband við auglýsingadeild Morgunblaðsins í síma 569 1111
og fáðu nánari upplýsingar um þá möguleika sem þér standa til
boða með innskoti í Morgunblaðið.
AUGLÝSINGADEILD
Sími: 569 1111 • Bréfasími: 569 1110 • Netfang: augl@mbl.is