Morgunblaðið - 02.10.1998, Page 20

20 FÖSTUDAGUR 2. OKTÓBER 1998
MORGUNBLAÐIÐ
LANDIÐ
Morgunblaðið/Hörður Daviðsson
SR. SIGURJÓN Einarsson flutti kveðjumessu sína fyrir nokkru.
Prófastur kveður eftir
35 ára þjónustu
Kirkjubæjarklaustri - Fjölmenni
var við messu að Prestbakka á
Síðu nú fyrr í þessum mánuði en
þá var kveðjumessa sr. Sigurjóns
Einarssonar. Hann lætur nú af
störfum eftir 35 ára langa þjón-
ustu. Það er raunar ekki óalgengt
að prestar séu lengi við þjónustu í
sókninni því það kom fram í ræðu
Siguijóns að á nærri 100 ára
tímabili hafa aðeins fjórir prestar
starfað þar. I ræðu sinni rifjaði
Siguijón upp ýmsa merka atburði
á ferlinum auk þess að segja frá
fyrstu minningum sínum af heim-
sóknum í Prestbakka- og Kálfa-
fellssókn.
Að messu lokinni buðu sóknar-
nefndirnar upp á kirkjukaffí að
gömlum sið og var veislan haldin
á Hótel Kirkjubæjarklaustri. Þar
fluttu ávörp fulltrúar sóknanna,
kirkjukórs Prestbakkakirkju og
hreppsnefndar Skaftárhrepps en
um leið og sr. Siguijón var kvadd-
ur var verið að kveðja konu hans
frú Jónu Þorsteinsdóttur sem líka
lætur af störfum eftir meira en 30
ára starf hjá sveitarfélaginu. Hún
var fyrst kennari í mörg ár en síð-
an bókasafnsvörður við Héraðs-
og skólabókasafnið á Klaustri.
í ávörpunum kom fram að þau
hjón hafa víða komið við sögu í
uppbyggingu í samfélaginu. Þau
settu á stofn unglingaskóla á
Klaustri og Sigurjón var einn
helsti hvatamaður að byggingu
Kirkjubæjarskóla svo og Minning-
arkapellu sr. Jóns Steingrímsson-
ar auk þess að vera oddviti
Kirkjubæjarhrepps um nokkurt
skeið og starf að ýmsum málefn-
um á vegum sveitarfélagsins.
Jóna var fyrsta konan sem sæti
átti í hreppsnefnd á þessu svæði.
Auk ýmissa mála sem hún Iét til
sín taka þar var hún hvatamaður
að byggingu heilsugæslustöðvar á
Klaustri. Hún skipulagði bóka-
safnið frá grunni og tók virkan
þátt í félagsskap kvenfélaga í hér-
aðinu.
Sóknir, sveitarfélög og kór af-
hentu þeim hjónum gjöf að skiln-
aði. Gjöfín er ferð á Islendinga-
slóðir í Kanada á næsta ári.
Heilsustofnun NLFÍ í Hveragerði
Samstarfssamning-
ur við Evrópusam-
band heilsustofnana
Selfossi - Á dögunum var undir-
ritaður í Heilsustofnun NLFÍ í
Hveragerði samstarfssamningur
á milli stofnunarinnar og Evrópu-
sambands heUsustofnana, Eui'-
opean Spas Assoeiation. Samning-
inn undirrituðu Árni Gunnarsson,
framkvæmdastjóri HNLFI, og
dr. Cristoph Kirshner, forseti
Evrópusambandsins.
Að sögn Árna hefur Heilsu-
stofnun um nokkurt skeið leitað
eftir aðild að þessum Evrópu-
samtökum. Óskert aðild að sam-
tökunum kemur þó ekki til
greina á meðan Island hefur ekki
fulla aðild að Evi-ópusamband-
inu. Samningur þessi opnar ýms-
ar nýjar leiðir inn í Evrópusam-
bandið og getur orðið mikilvægur
til öflunar upplýsinga og sér-
fræðiþekkingar og veitir hugsan-
lega aðgang að fjármagni til upp-
byggingar og nýiTa verkefna.
MORGUNBLAÐIÐ/SIG. FANNAR
DR. CRISTOPH Kirshner og Árni Gunnarsson framkvæmda-
sljóri undirrita samninginn.
Bj örgunartæki
á Stöðvarfjörð
Stöðvarfírði - Nú í vikunni afhenti
Rauðakrossdeildin á Stöðvarfirði
slökkviliði staðarins tækjabíl ásamt
Lúkas-björgunarklippum til af-
nota.
Bifreiðin er fyrrverandi sjúkra-
bifreið, Chevrolet Suburban, ár-
gerð 1981. Björgunarklippumar
eru tæki af fullkomnustu gerð og
kosta u.þ.b. 1,3 milljónir króna.
Tæki þessi notast til björgunar á
fólki úr bifreiðum sem lent hafa í
alvarlegum umferðaróhöppum og
nýtast einnig til annarra björgun-
arstarfa. Tækin eru því kærkomin
inn á þetta svæði hér á sunnan-
verðum Austfjörðum.
Rauðakrossdeildin á Stöðvarfirði
var stofnuð 1981 og var aðaltil-
gangur deildarinnar þá að reka
sjúkrabíl fyrir Stöðvarfjörð. Nú á
síðustu árum hafa orðið breytingar
á fyrirkomulagi sjúkraflutninga og
er Stöðvarfirði nú þjónað frá Fá-
skrúðsfirði. Rauðakrossdeildin hef-
ur því fundið sér ný markmið til
góðra verka og þakkar Slökkvilið
Stöðvarfjarðar deildinni fyrir frá-
bært framtak.
Morgunblaðið/Bjarni Gíslason
FRÁ afhendingu björgunartækjanna.
PMBR

Morgunblaðið/Sigurður Sigmundsson
#1®®
WSmm
Akranesveita
Tjón vegna bilunar
í spennujafnara
Ný brú á
Andalæk
Hrunamannahreppi - Nú er verið
að byggja nýja brú á Andalæk í
Biskupstungum hjá Dalsmynni í
stað gömlu brúarinnar, sem er
einbreið.
Það eru JÁ-verktakar á Sel-
fossi sem byggja þessa nýju 18
metra löngu brú og er kostnaður
um 11 milljónir kr. Verklok eru
nú í haust. Vörubflstjórafélagið
Mjölnir á Selfossi vinnur samtím-
is að vegagerð frá títhlíð að
Múla, en félagið átti lægsta tilboð
í verkið, 26,5 millj. kr. Verður
vegurinn fullgerður í júlí á næsta
ári. Þá verður komið bundið slit-
lag á hinn íjölfarna veg að Gull-
fossi og Geysi með hlíðunum frá
Laugarvatni.
VEGNA bilunar í spennujafnara á
háspennu í aðveitustöð í eigu Anda-
kflsárvirkjunar hjá Akranesveitu, var
of há spenna á kerfi veitunnar á
Akranesi í rúma klukkustund að
morgni miðvikudags. Hátt í hundrað
tilkynningar um tjón hafa borist veit-
unni.
„Það varð bilun hjá okkur í að-
veitustöðinni, sem olli því að það fór
of há spenna inn á netið í bænum og
til okkar viðskiptavina,“ sagði Magn-
ús Oddsson, rafveitustjóri. „Við vit-
um ekki ennþá í hverju bilunin er
fólgin en ég tel það nokkuð Ijóst sam-
kvæmt okkar reglugerð að veitan sé
ekki skaðabótaskyld. I reglugerð er
tekið fram að verði spennuhækkun
vegna bilana þá sé veitan ekki skaða-
bótaskyld. Við vitum að okkar góðu
viðskiptavinir urðu bæði fyrir ónæði
og tjóni og erum við ásamt trygg-
ingafélagi okkar að skoða hvað sé
rétt að gera í stöðunni.“
Magnús sagðist ekki vita hversu
mikið tjón varð en tilkynningar hefðu
borist frá hátt í hundrað aðilum. Tjón
varð nær eingöngu á heimilistækjum
aðallega örbylgjuofnum, örbylgju-
loftnetum og símum.