Morgunblaðið - 02.10.1998, Side 58
58 FÖSTUDAGUR 2. OKTÓBER 1998
MORGUNBLAÐIÐ
Dýraglens
pessi k*ssa E%\ 06 aðbi »aS
MBÐ VEIÐIHAr, 1(3 GKÖMM flF,
Ljóska
Smáfólk
Segðu gríparanum að mér Hún segir mér að segja þér Hann svaraði ekki... „ðhóflega“ krúttlegur ...
finnist hann krúttlegur! að sér finnist þú krúttlegur!
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Hádegisskattur
í miðborginni
Frá Steingrími St.Th. Sigurðssyni:
„EINU sinni á dögunum, þegar
drottningin á Englandi var að borða
litla skattinn ...“
Pannig hefst gamansaga eftir
Jónas Hallgrímsson skáld. Skaut
henni upp í hugann, þegar skundað
var á salatbar við Pósthússtræti 13 í
gripsfæri frá Hótel Borg.
A undan sigldi drottningarleg
kona þöndum seglum. Hún var á
leið á salatbarinn hjá honum Eika
rallýkappa sem er þjálfaður í amer-
ísku líf- og orkukerfi í Flórída og á
U.S.Airport.
Morgunskattur var það raunar
ekki, sem á boðstólum var, heldur
ívið stærri skattur en ekki þungur
málsverður - sem sagt hádegis-
skattur. Hann reyndist heilsusam-
legur, en lostakenndur og minnti
mann á skyndiástir í stórri gleði-
borg.
Að borða sér til skemmtunar,
jafnframt til heilsubótar, er sko lítið
ævintýri, sem feykir burt hvers-
dagsleiða.
Allt lostæti var prófað frá a-z
eins og í gleðileik: Lauksúpa; litlar
kjötbollur í súrsætri sósu - og svo
kom sjálfur salatbarinn með þúsund
og eina tegund af góðgæti. Avextir
(margar tegundir); grænmeti í ótal
afbrigðum - ekki má gleyma síld-
inni og túnfiskinum, sem undir-
skráður er alltaf veikur fyrir.
Sjálfur vertinn eða sá, sem skap-
ar andrúmsloftið á „ristorante",
stóð þarna við skenkinn og fjar-
stýrði þessum ljúflega skatti, sem
fór svo vel í mann, að hann entist
það sem eftir lifði af deginum.
STEINGRÍMUR ST.TH.
SIGURÐSSON,
listamaður.
RANNVEIG Löve ásamt sonarsyni sínum, Guðmundi Löve,
dyggum stuðningsmanni SIBS.
Landssöfnun SÍBS
2.-4. október
Frá Rannveigu Löve:
í DAG er gamall og nýr baráttu-
dagur SÍBS. Hvort sem þú ert einn
af þeim sem notið hafa endurhæf-
ingar á Reykjalundi eða ekki,
þekkirðu sjálfsagt marga sem það
hafa gert. Margir hafa þurft að
bíða og bíða enn. Biðlistinn er of
langur. Við viljum bæta úr því. Pví
er brýn nauðsyn að búa svo í hag-
inn, að unnt sé að taka á móti sem
flestum af þeim, sem leita raun-
hæfrar endurhæfmgar á Reykja-
lundi.
Þess vegna fer SÍBS nú af stað
með landssöfnun til byggingar full-
komins íþróttahúss og þjálfunar-
sundlaugar með bestu aðstöðu jafnt
fyrir sjúklinga sem þjálfara. Við
treystum á aðstoð þína og framlag.
Þjóðin hefur aldrei brugðist SÍBS
og SÍBS hefur aldrei brugðist þjóð-
inni.
Styðjum sjúka til sjálfsbjargar!
Fyrir hönd Reykjavíkurdeildar
SÍBS.
RANNVEIG LÖVE,
félagi í Reykjavlkurdeild SÍBS.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt tii að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.