Morgunblaðið - 09.03.1999, Síða 32

32 ÞRIÐJUDAGUR 9. MARZ 1999
MORGUNBLAÐIÐ
MORGUNBLAÐIÐ
ÞRIÐJUDAGUR 9. MARZ 1999 33

STOFNAÐ 1913
ÚTGEFANDl: Árvakur hf., Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.
ÁTAKALÍNUR
MÓTAST
A TAKALINURNAR í kosningabaráttunni, sem framund-
iXan er, byrjuðu að mótast í eldhúsdagsumræðunum í gær-
kvöldi. Björn Bjarnason menntamálaráðherra, sem var aðal-
ræðumaður Sjálfstæðisflokksins í umræðunum, sló tóninn af
hálfu flokksins með því að fullyrða að valið stæði á milli lækk-
andi skatta, sem sjálfstæðismenn mundu beita sér fyrir, og
hækkandi skatta, ef Samfylkingin kæmist til valda, sem hefði
lagt fram kosningastefnuskrá, sem mundi kosta 40-60 millj-
arða króna. Ráðherrann, sem lengi hefur verið einn helzti
talsmaður Sjálfstæðisflokksins í utanríldsmálum, gaf einnig til
kynna að Samfylkingunni væri ekki að treysta í þeim mála-
flokki.
Halldór Asgrímsson utanríkisráðhen-a, sem á undir högg
að sækja vegna veikrar stöðu Framsóknarflokksins í skoðana-
könnunum, lagði áherzlu á að flokkur sinn væri miðjuflokkur.
Hann lýsti þeirri athyglisverðu skoðun, sem margir munu
geta tekið undir, að svigrúm til kjarabóta á næstu árum eigi
fremur að nota til að bæta kjör öryrkja og aldraðra heldur en
til almennra skattalækkana. Það er lofsvert en jafnframt væri
æskilegt að flokkurinn sýndi hug sinn í verki nú við lok þessa
kjörtímabils með leiðréttingu á því hróplega ranglæti í mál-
efnum öryrkja, að þeim sé refsað íyrir að lifa spart eins og
Morgunblaðið hefur ítrekað vakið athygli á að undanförnu.
Valdið í þeim efnum er í höndum tryggingaráðherra Fram-
sóknarflokksins og það ranglæti er hægt að þurrka út með
einni breytingu á reglugerð, sem mun kosta ríkissjóð lítið.
Talsmenn Samfylkingarinnar voru greinilega sigumssir en
Jóhanna Sigurðardóttir kann að hafa gert örlagarík mistök í
ræðu sinni þegar hún lýsti þeirri skoðun að niðurstaða skoð-
anakannana að undanfórnu jafngilti kröfu um að Samíylkingin
leiði næstu ríkisstjórn. Hafí Samfylkingin áhuga á samstarfí
við Framsóknarflokkinn í næstu ríkisstjórn er ekki ólíklegt að
þessi krafa útiloki slíkt samstarf. Hafí Samfylkingin áhuga á
samstarfl við Sjálfstæðisflokk er ekki hægt að sjá með hvaða
rökum vinstra bandalagið gæti sett fram slíka kröfu. Hvers
konar ríkisstjórn ætlar Samfylkingin þá að leiða?
Umræðurnar sýndu einnig að töluverður metingur á eftir
að verða á milli flokkanna um stöðu kvenna í þeirra röðum.
Arnbjörg Sveinsdóttir, alþingismaður Sjálfstæðisflokks fyrir
Austurlandskjördæmi, hélt því fram að konum í þingflokki
Sjálfstæðisflokks mundi fjölga um fjórar á næsta kjörtímabili
á sama tíma og þeim mundi fækka um þrjár í þingflokki Sam-
fylkingar. Siv Friðleifsdóttir, þingmaður Framsóknarflokks í
Reykjaneskjördæmi, hampaði því að konur mundu leiða fram-
boðslista flokksins í þremur kjördæmum.
Margir þingmenn véku að stjómkerfí fískveiða í ræðum sín-
um og allir lögðu þeir áherzlu á, með einum eða öðrum hætti,
að núverandi kerfí væri til endurskoðunar. Sú staðreynd sýnir
að þeim er ljóst að þjóðin mun ekki sætta sig við óbreytt kerfí
og jafnframt að fiskveiðistjórnin verður eitt helzta mál kosn-
ingabaráttunnar. Fram að þessu hafa stuðningsmenn óbreytts
kerfís kvartað undan því að andstæðingar kerfisins kæmu
ekki fram með útfærðar tillögur um breytingar. Nú er ekki
lengur hægt að halda því fram. Hópur áhugamanna um auð-
lindamál hefur lagt fram ítarlegar tillögur um breytingar á
kerfínu og það hefur hinn nýi flokkur Sverris Hennannsson-
ar, Frjálslyndi flokkurinn, einnig gert. Það er þess vegna
hægt að ræða um breytingar á fískveiðistjórnun í kosninga-
baráttunni á grundvelli fyrirliggjandi tillagna. Hitt er svo
annað mál, að þeir sem leggja slíkar tillögur fram eiga áreið-
anlega eftir að kynnast því að þótt andstaðan sé hörð við nú-
verandi kerfi er erfiðara að móta tillögur sem víðtæk sam-
staða getur orðið um.
Eldhúsdagsumræðurnar leiddu einnig í ljós að landsbyggð-
armálin verða mjög til umræðu í kosningabaráttunni. Það er
skiljanlegt í ljósi þess vonleysis og allt að því örvæntingar,
sem ríkir víða á landsbyggðinni um framtíðina. En vonandi
falla þingmenn og frambjóðendur ekki í þá gryfju að bjóða
kjósendum á landsbyggðinni gull og græna skóga í formi fjár-
framlaga úr ríkissjóði. Þau fjárframlög eru ekkert betri þótt
þau séu veitt til landsbyggðarinnar undir nýjum formerkjum.
Málefni hálendisins og umhverfismál voni minna til um-
ræðu í eldhúsdagsumræðunum en búast hefði mátt við. Það
breytir þó ekki því að sá málaflokkur verður ofarlega á blaði
eins og menntamálaráðherra benti raunar á í ræðu sinni og
stjómmálaflokkarnir verða krafðir sagna um það hvaða stefnu
þeir hyggjast fylgja fram á þeim vettvangi.
Kosningabaráttan verður háð við gjörbreyttar aðstæður frá
því sem verið hefur. Það skapar bæði meiri spennu og um leið
meiri óvissu.
Smuguviðræðurnar hafa verið langar og flóknar
í NOKKUR skipti sló í brýnu milli norsku strandgæslunnar og íslensku togaranna. Hér reynir norskt varðskip að klippa á togvíra Hágangs II.
Þrjú ár tók að koma
viðræðum aftur á skrið
Halldór Ásgrímsson utanríkisráðherra segir
að það hafí verið sitt mat að Smugusamningar
myndu ekki nást í vetur, en viðræður hafí hins
s
vegar komist á góðan skrið. Stjómvöld á Is-
landi og í Noregi hafí þá tekið um það ákvörð-
un að ljúka málinu. Egill Ólafsson kynnti sér
aðdraganda samkomulagsins um Smuguna.
JÓHANN Sigurjónsson, formað-
ur samninganefndar Islands í
viðræðunum um Smuguna,
sagði að mikil og flókin vinna
lægi að baki rammasamkomulaginu um
Smuguna sem náðist í Bodö í Noregi í
síðustu viku. Hann sagði að þriggja ára
vinna hefði legið að baki þeim samn-
ingsdrögum sem hafnað var vorið 1996
og tæp þrjú ár hefði tekið að koma við-
ræðum aftur á skrið. Deiluaðilum hefði
verið Ijóst að tækjust samningar ekki í
þessari lotu gætu liðið nokkur ár þang-
að til samningar næðust.
Þegar slitnaði upp úr viðræðum
milli Islands, Noregs og Rússlands
um Smuguna í júní 1996 lágu á borð-
inu drög að samningum um að Island
fengi kvóta í Barentshafi gegn
nokkrum veiðiheimildum Norðmanna
og Rússa í íslenskri lögsögu. Eftir
mikið þóf slitnaði upp úr viðræðum
samningsaðila.
Viðræður milli landanna lágu að
mestu niðri í langan tíma eftir viðræðu-
slitin. I desember 1997 var haldinn
formlegur fundur deiluaðila í Moskvu.
Á fundinum reyndu samningamenn að
nálgast málið með nýjum hætti. Utan-
i'íkisráðherrar íslands og Noregs
ræddu síðar um deiluna á fundum, m.a.
í apríl í fyrra. Auk þess var haft virkt
samráð við rússnesk stjómvöld, m.a.
við Prímakov, þáverandi utanrOásráð-
herra Rússlands. Akveðið
var á þessum fundi að setja
aukinn kraft í viðræðurnar.
Jóhann Sigurjónsson
sagði að viðræður fulltrúa
þjóðanna hefðu svo komist
á verulegan skrið sl. haust. Unnið
hefði verið að útfærslu á fyrirliggjandi
hugmyndum á þremur fundum þá um
haustið.
Pólitísk ákvörðun tekin
um að semja
Á fundi Halldórs Ásgrímssonar ut-
anríkisráðherra og Knuts Vollebæk,
utanríkisráðherra Noregs, hér á landi
um miðjan febrúar í tengslum við fund
utanríkisráðherra N orðurlandanna
kom Smugudeilan enn og aftur til um-
ræðu. Segja má að á fundinum hafi
ráðherrarnir, fyrir hönd ríkisstjórna
sinna, tekið ákvörðun um að reyna að
semja og ljúka málinu. Fyrir lá vilji af
hálfu Rússa til hins sama. Þá lágu fyr-
ir frá samninganefndum landanna
hugmyndir að lausn helstu ágreinings-
efna.
„Það má segja að útlínur að sam-
komulagi hafi þróast á þessum samn-
ingafundum sem voru haldnir fyrir
áramót. En málið snýst um hvenær
stjórnvöld í þessum þremur löndum
ákveða að taka lokaskí'efið, þ.e.a.s. að
semja. Það er það sem þarf að koma til
svo samningar takist. Eg held að þessi
vilji hafi verið að þróast í kringum ára-
mótin og síðan núna í byrjun árs,“
sagði Jóhann.
Þriggja daga fundur
embættismanna
Á ráðherrafundunum var ákveðið að
efna til formlegra funda milli þjóðanna
þriggja í Bodö í Noregi. Embættis-
menn landanna funduðu um málið á
þriðjudag, miðvikudag og fimmtudag í
síðustu viku. Af hálfu Islands tóku þátt
í viðræðnum Jóhann Sigurjónsson,
formaður íslensku samninganefndar-
innar, Tómas Heiðar, Eiður
Guðnason, fyrir hönd utan-
ríkisráðuneytisins, Amór
Halldórsson og Snorri Rún-
ar Pálmason, fyrir hönd
sjávarútvegsráðuneytisins
og Albert Jónsson, skrifstofustjóri í
forsætisráðuneytinu. Kristinn Árna-
son, sendiherra íslands í Noregi, tók
einnig þátt í viðræðunum.
í lok viðræðnanna hittu formenn
samninganefndanna Halldór, Vollebæk
og Vasily Stredin varautanríkisráð-
herra Rússlands þar sem ákveðið vai'
að skrifa undir viljayfirlýsingu um að
gengið yrði frá samningum á grundvelli
fyrirliggjandi rammasamkomulags. í
yfirlýsingunni fólst jafnframt, að geng-
ið yi’ði til viðræðna um viðauka samn-
ingsins í Moskvu síðar í mánuðinum.
„Almennt má segja að það hafi verið
góður andi í þessum viðræðum. Við
vorum þarna að fjalla um snúna hluti
sem þarfnast yfirlegu og skilnings af
hálfu allra. Það kom fram eindreginn
vilji allra aðila að ljúka málinu," sagði
Jóhann þegar hann var spurður hvort
viðræðurnar hefðu verið erfiðar.
Jóhann sagði stefnt að þvi að ganga
frá öllum lausum endum í Moskvu
undir lok þessa mánaðar. Jóhann
sagðist vera bjartsýnn á að samkomu-
lag tækist um þau atriði sem enn væru
ófrágengin. Hann sagði að það væru
fyi'st og fremst ákveðin mál milli Is-
lands og Rússlands sem ekki hefði
unnist tími til að ganga frá. í meginat-
riðum lægi fyrir samkomulag um þær
veiðiheimildir sem Norðmenn fengju
hér við land.
Jóhann sagði að í viðræðunum hefði
verið tekist á um þjóðréttarleg ágrein-
ingsefni landanna auk aflaheimilda.
Grundvöllui' að lausn málsins hefði ver-
ið að færa veiðamar úr Smugunni inn í
lögsögu þessara ríkja. Með því væru ís-
lendingar að lýsa því yfir að þeir væru
tilbúnir að taka ábyrgð á stjórn veið-
anna á svæðinu, sagði Jóhann.
Taldi ekki að málið
myndi leysast í vetur
Halldór Ásgrímsson utanríkisráð-
herra sagði að skriður hefði komist á
Smuguviðræðurnar á síðasta ári.
„Fundur um þetta mál, sem haldinn
var í tengslum við fund utanríkisráð-
heira Norðurlandanna, skilaði veru-
legum árangri og síðan fór þetta að
ganga.
Við höfðum ekki haft trú á því að
það tækist að ljúka viðræðum á þess-
um vetri, en þegar málið var komið á
þennan skrið var tekin sú afstaða,
bæði af norsku og íslensku
ríkisstjórninni, að ljúka
þessu. Rússar hafa verið
mjög áhugasamir í gegnum
tíðina að koma þessu máli
út af borðinu," sagði Hall-
dór.
Halldór kvaðst telja að það væri
orðin almenn samstaða um það í öllum
þessum löndum að það væri tímabært
að ljúka þessu máli, en þó þannig að
allir aðilii' gætu lifað við lausnina og
haft fullan sóma af henni.
Halldór sagði að af hálfu Norð-
manna hefði alltaf verið áhugi á að
tengja lausn Smugumálsins við Sval-
bai'ðasamninginn. Islendingar hefðu
alla tíð hafnað þvi að tengja þessi mál
saman og niðurstaðan hefði orðið að
halda þessum tveimur málum aðskild-
um.
Blendin viðbrögð en flestir
fagna samkomulaginu
Viðbrögð í Noregi við samningum
um veiðar Islendinga í Barentshafi
hafa verið blendin. Flestir fagna því
að samningar skuli hafa tekist. I leið-
ara Stavanger Aftenblad er því fagn-
að að þessi þrjú nágrannalönd séu
hætt að deila um þetta mál. Deilur
landanna hafi verið bitrar og eitrað
samskipti þeirra. Samkomulag þjóð-
anna sé sigur fyrir samskipti þeirra
og sigur fyrir fiskinn sem um var
deilt.
Blaðið hefur eftir Audun Marák,
talsmanni samtaka norskra útgerðar-
manna, að fram til þessa hafi Islend-
ingar haft þá afstöðu að hafna viðræð-
um um Smuguveiðarnar vegna þess að
þeir hafi talið sig geta veitt meira án
samkomulags um veiðai'nar. Islend-
ingar kjósi núna að ganga til viðræðna
við Norðmenn og Rússa vegna þess að
Smuguveiðamar skili ekki lengur
hagnaði.
John Kristen Skogan, sérfræðingur
um norsk utanríkismál, segir í sam-
tali við Stavanger Aftenblad, að Is-
land hafi borið mest úr býtum í samn-
ingum um Smuguna. Haft er eftir
honum að þær veiðiheimildir sem
Norðmenn og Rússar fái innan ís-
lenskrar Iögsögu séu léttvægar og
einungis um þær samið til að fela að
Island hafi sigrað í stríðinu um Smug-
una. Hann segir að það hafi fyrst og
fremst verið efnahagslegar aðstæður
á Islandi sem hafi gert það að verkum
að samningar náðust núna. Skogan
tekur þó fram að það sé fagnaðarefni
að þessi leiðinlega deila sé úr sög-
unni.
I netútgáfu Aftenposten
er því haldið fram að skýr-
ingin á því að samningar
hafi tekist um Smuguna
liggi ekki síst í því að Hall-
dór Ásgrímsson og Knut
Vollebæk hafi persónulega beitt sér af
krafti til lausnar á deilunni. Haft er
eftir Vollebæk að hann sé mjög
ánægður með að samkomulag hafi tek-
ist. Deilan hafi haft mjög slæm áhrif á
samskipti landanna. Ráðherrann sagði
eftir undirritun viljayfirlýsingarinnai':
„Enginn hefur tapað. Vinskapur þjóð-
anna hefur sigrað.“
+
Skriður komst
á málin á síð-
asta ári
Viðbrögð í
Noregi hafa
verið blendin
Stígamót opna vefsíðu í tilefni níu ára afmælis samtakanna og kynna ársskýrslu samtakanna'
80% þolenda
kynferðisof-
beldis 15 ára
og yngri
SAMTÖKIN Stígamót opnuðu vef-
síðu í tilefni af níu ára afmæli sam-
takanna í gær og vilja með því móti
greiða aðgang fólks að þjónustu
Stígamóta. Auk vefsíðunnar var opn-
uð ókeypis símaþjónusta í sama til-
gangi og ársskýrsla samtakanna var
kynnt. Ingibjörg Sólrún Gísladóttir
borgarstjóri opnaði vefsíðuna form-
lega í gær en samtökin héldu upp á
afmælið með ýmsu móti.
Ný mál sem komu inn á borð
Stígamóta voru 178 árið 1998, en frá
stofnun Stígamóta árið 1990 og til
ársloka 1998 hafa 2.598 einstaklingar
leitað aðstoðar í fyrsta skipti. Konur
voru í miklum meirihluta þein'a sem
leituðu til samtakanna í fyrra, eða
96% og er það svipað hlutfall kynja
og fyrri ár. 63% leituðu til Stígamóta
vegna sifjaspellsmála og 23% vegna
nauðgunarmála.
Sifjaspell stendur yfir í
1-5 ár í 56% tilfella
í 80% tilfella voru þolendur 15 ára
og yngri þegar ofbeldið átti sér stað.
Bergrún Sigurðardóttir starfskona
Stígamóta sagði að ungur aldur
þolenda kynferðisofbeldis væri mikið
áhyggjuefni. „Það er einnig alvarlegt
að börn sem fyrir þessu verða búa
við langvarandi kynferðisofbeldi því
tölumar sýna að slíkt á sér sjaldnast
stað í aðeins eitt skipti. í 56% tilfella
stóðu sifjaspellin í 1-5 ár,“ sagði
Bergrún.
Þrátt fyrir ungan aldur meiri-
hluta þeirra sem verða fyrir kyn-
ferðisofbeldi er 50% þolenda á aldr-
inum 20-40 ára þegar þeir leita til
Stígamóta í fyrsta sinn. „Þetta sýnir
okkur hvað mörgum reynist erfitt
að leita sér aðstoðar í fyrsta sinn og
hversu lengi afleiðingarnar vara.
Afleiðingarnar vara eins lengi og
við þegjum," sagði Bergrún. Benti
hún á að erfiðustu afleiðingar kyn-
ferðisofbeldis væru sektarkennd,
skömm og léleg sjálfsmynd en það
væri skoðun milli 86,5% og 89,3%
þolenda.
Vilja ná til
landsbyggðarfólks
Ofbeldismenn eru mun fleiri en
þolendur kynferðisofbeldis og benda
tölur til þess að sömu einstaklingar
ei-u beittir kynferðisofbeldi af fleiri
en einum ofbeldismanni. 4.064 of-
beldismenn hafa beitt þá 2.598
þolendur sem leitað hafa aðstoðar
Stígamóta kynferðisofbeldi.
Stígamót vilja efla þjónustu sína
og þá sérstaklega meðal landsbyggð-
arfólks sem óneitanlega getur orðið
fyrir mjög miklum kostnaði vegna
langra símtala og ferðalaga. I gær
tóku Stígamót í notkun 800 númerið:
800 68 68 sem gerir fólki hvar sem er

Morgunblaðið/RAX
INGIBJORG Sólrún Gísladóttir, borgarstjóri í Reykjavík, opnaði netsíðu
Stígamóta á afmælisdegi samtakanna í gær en Bergrún Sigurðardóttir
starfskona Stígamóta, fylgist með. Slóðin er www.stigamot.is.
Samanburður á aldri þolenda þegar leitað
er aðstoðar til Stígamóta og aldur þeirra
þegar ofbeldið er framið
70 %---------------------------------
60
50
40
30 -
20
10
ára
62,4%
I l Leitað til Stígamóta
II: M l mm I : IWSJI I,——. lr——, I I I—n
5-10 11-15 1 6-19 20-29 30-39 40-49 50-59 60ára
ára ára ára ára ára ára ára og eldri

á landinu kleift að vera í reglulegu
sambandi að kostnaðarlausu. Einnig
var opnuð vefsíða þar sem finna má
á einum stað eitt mesta magn upp-
lýsinga um kynferðislegt ofbeldi á
Islandi og ráðgjöf þar að lútandi.
Netfang Stígamóta er stigamot@is-
holf.is.
Utanríkisráðuneytið fær útgáfubækur Árnastofnunar að gjöf
Hundruð
handrita enn
erlendis
Morgunblaðið/Þorkell
HELGI Ágústsson ráðuneytisstjóri utanríkisráðuneytisins, Halldór Ás-
grímsson utanríkisráðherra og Sigurgeir Steingrímsson aðstoðarfor-
stöðumaður Stofnunar Árna Magnússonar við afhendingu útgáfubóka
stofnunarinnar í gær.
STOFNUN Árna Magnússonar af-
henti utanríkisráðuneytinu í gær allar
fáanlegar útgáfubækur sínar og for-
vera síns, Handritastofnunar, frá
upphafi, eða árinu 1958, í þakklætis-
skyni fyrir framlag íslenska sendi-
ráðsins í Danmörku til endurheimtar
handritanna. Halldór Ásgrímsson ut-
anríkisráðherra veitti bókunum við-
töku og eru þær 57 talsins, en tvær
útgáfubækur eru uppseldar.
„Hugmyndin er sú að þessar bæk-
ur verði aðgengilegar í sendiráðinu í
Danmörku, þannig að sendiheiTa á
hverjum tíma eigi aðgang að þeim og
geti bent á þessar bækur og það starf
sem sprottið hefur í tengslum við af-
hendingu handritanna," segir Sigur-
geir Steingii'msson aðstoðarforstöðu-
maður Stofnunar Árna Magnússonar.
Eitt merkasta mál á sviði
utanríkisstjórnmála
Hinn 19. júní 1997 lauk formlega
afhendingu íslenski-a handrita úr
dönskum söfnum, með því að rektor
Kaupmannahafnarskóla afhenti rekt-
or Háskóla Islands tvö síðustu hand-
ritin sem til Islands komu úr Árna-
safni í Kaupmannahöfn.
„Handritamálið er eitt merkasta
utanríkispólitískt mál sem íslending-
ar hafa starfað að á þessari öld og
leitt til farsælla lykta og stendur það
gjarnan efst á blaði eða fremst í bók
þegar fjallað er um deilur þjóða um
menningararf sinn og lausn slíkra
mála. Það á sess við hlið landhelgis-
málanna sem við Islendingar rákum
með góðum árangri. Hvortveggja
málin eru vitnisburður um einbeitni
og einurð lítillar þjóðar sem sótti rétt
sinn í greipar annarra og stærri
þjóða.
En við megum aldrei gleyma því,
að í handritamálinu var við vinaþjóð
að eiga sem gætt hafði bóka okkar af
trúmennsku og sem sýndi mikið ör-
læti og stórhug við frágang þeirra
þegar að því að þeim var skilað aft-
ur,“ sagði Sigurgeir við afhendingu
bókanna við látlausa athöfn í utanrík-
isráðuneytinu í gær.
Hann benti á að þótt handritamál-
inu væri lokið væru ekki öll íslensk
handrit komin aftur heim. Því mætti
heldur ekki gleyma að með samkomu-
lagi Dana og íslendinga um skiptingu
handritasafns Árna Magnússonar
hefði verið sundrað í tvo staði
merkasta og stærsta safni íslenskra
miðaldahandrita sem til hefur verið.
„Enn eru hundruð íslenskra hand-
rita í Árnasafni og Konungsbókhlöðu
í Kaupmannahöfn. í söfnum í Svíþjóð
eru allnokkrar af merkustu miðalda-
bókum Islands og merkileg íslensk
handrit eru í söfnum á Bretlandseyj-
um, Hollandi, Þýskalandi og víðar.
Þessi handrit verða aldrei fengin aft-
ur heim á forsendum handritamáls-
ins. En með samningum, samvinnu og
hagnýtingu nýjustu tæki væri hægt,
að komast langt í því að skapa ein-
stakt safn elstu íslenskra heimilda,"
sagði hann.
Nýtt stafrænt
„handritamál“
Sigurgeir gat þess að Árnastofnun í
Reykjavík og Ái’nastofnun í Kaup-
mannahöfn væru nú þegar með í at-
hugun og undirbúningi að endursam-
eina handritasafn Árna Magnússonar
með stafrænum hætti, það er að segja
með stafrænni myndatöku og skrán-
ingu handritanna sem gerð yrði að-
gengileg á veraldarvefnum undir
sameiginlegum hatti stofnanna
beggja.
Einnig mætti með samningum __
leita eftir því við erlend söfn sem
varðveita íslensk handrit að íslend-
ingar fengju frá þeim stafrænar
myndir af þessum handritium og
heimild til að leggja þær inn í gagna-
banka Árnastofnunar, þar sem þær
myndu nýtast við rannsóknir ís-
lenskrar menningararfleifðar. Þetta
væri hið nýja handritamál sem verið
gæti að utanríkisráðuneytið yrði beð-
ið um að reka í náinni framtíð, þar
sem sendiherrar íslenska ríkisins
yrðu í fararbroddi.
Halldór Ásgrímsson utanríkisráð-
herra veitti bókunum viðtöku, en all-
ar tengjast þær handritunum ís-
lensku og forbókmenntum okkar með
einum eða öðrum hætti. Ráðherra
tók undir það sjónarmið að endur-
heimt handritanna hefði verið eitt
mikilvægasta utanríkismál sem ís-
lendingar hafa fengist við á þessari
öld.