Morgunblaðið - 30.03.1999, Page 24

24 ÞRIÐJUDAGUR 30. MARZ 1999
UR VERINU
MORGUNBLAÐIÐ
Alþjóða hafrannsóknaráðið metur
fiskistofna í N-Atlantshafí
Staðan metin með
hliðsjon af sjálf-
bærri nýtingu
SJÁVARÚTVEGSRÁÐHERRAR
Norðurlanda hafa farið fram á það
við Alþjóða hafrannsóknaráðið að
það leggi mat á alla fískistofna í
Norður-Atlantshafi með hliðsjón
af því hvort þeir séu nýttir á sjálf-
bæran hátt. Von er á niðurstöðum
ráðsins á fyrrihluta næsta árs.
Þetta kom fram í ávarpi Þorsteins
Pálssonar, sjávarútvegsráðherra,
á aðalfundi Islenskra sjávarafurða
hf'. sl. föstudag.
I ávarpi sínu vék Þorsteinn m.a.
að kröfunni um umhverfismerk-
ingar á sjávarfangi. Sagðist hann
sannfærður um Islendingar verði á
komandi á árum að svara í ríkari
mæli kröfum neytenda um að veið-
um, vinnslu og sölu fiskafurða sé
stjórnað á grundvelli sjálfbærrar
þróunar. Þegar mat Alþjóða haf-
rannsóknaráðsins lægi fyrir hafi
fyrsta raunhæfa skrefið verið stig-
ið í að leggja grundvöil að um-
hverfismerkingum.
„I raun getum við þá, ásamt öðr-
um þjóðum, tekið forystu í þessum
efnum. Það er líka mikilvægt fyrir
okkur að leggja á erlendum vett-
vangi vaxandi áherslu á kröfuna
um fríverslun með fisk og afnám
ríkisstyrkja. Það er mikilvægt til
að knýja á um ábyrga fiskveiði-
stjórnun og eins að tryggja eðlileg
samkeppnisskilyrði. Við vitum að
ríkisstyrkir í sjávarútvegi eru
hvati til að veiða meira en góðu
hófi gegnir. Við vitum að fiski-
skipastóllinn í heiminum er miklu
stærri en fiskistofnarnir í raun
leyfa. Þess vegna er engin ástæða
til að styrkja menn til veiða eða til
að byggja fiskiskip. Til þess að
knýja á um þetta erum við um leið
að tryggja okkur betri samkeppn-
isstöðu á mörkuðunum."
Verði ekki á höndum þrýstihópa
eða stórfyrirtækja
Sagði Þorsteinn umhverfis-
merkingar hafa verið ræddar á er-
lendum vettvangi og íslensk
stjórnvöld meðal annars, ásamt
Norðurlandaþjóðunum, hafnað því
að stórfyrirtæki og þrýstihópar
geti sett mælikvarða í þessum efn-
um sem hætt væri á að geti leitt til
viðskiptahindranna. „Það er nauð-
synlegt að óháðir aðilar setji mæli-
kvarða, fyrst og fremst og ein-
vörðungu á líffræðilegum grund-
velli um það hvernig staðið skuli
að sjálfbærum veiðum og votti að
einstakar þjóðir stundi sínar veið-
ar með þeim hætti,“ sagði Þor-
steinn.
Aðalfundur 1999
Aöalfundur Tryggingamiðstöðvarinnar hf.
verður haldinn miðvikudaginn 14. apríl 1999
í Sunnusal. Hótel Söqu, Reykjavík oq
hefst kl. 15.00.
Dagskrá
1. Venjuleg aðalfundarstörf samkvæmt
samþykktum félagsins.
2. Tillögur um breytingar á samþykktum
félagsins:
Lagt er til að tekin verði upp í
samþykktir heimild til að hlutabréf
félaqsins verði qefin út með rafrænum
hætti.
Lagt er til að stjórn skipi sjö menn í
stað fimm og ekki verði kosnir
varamenn.
Lagt er til að hægt sé að breyta
samþykktum á félagsfundi þegar
mættir eru fulltrúar 50% atkvæða í
stað 75%.
3. Tillaga um heimild til kaupa á eigin
hlutabréfum.
4. Önnur mál, löglega upp borin.
Reikningarfélagsins og tillögur liggja frammi
á aðalskrifstofu hluthöfum til sýnis en verða
síðan afhentir ásamt fundargögnum til
hluthafa á fundarstað.
TRYGGINGA-
MIÐSTÖÐIN HF
Morgunblaðið/Ásdís
TOM Happynook, formaður Alþjóðasamtaka hvalveiðimanna, á róðstefnu um sjálfbærar hvalveiðar sem
haldin var hér á landi um helgina.
„Tel að íslendingar eigi
óhikað að hefja veiðar“
ÍSLENDINGAR munu hafa efna-
hagslegan ávinning af því að hefja
hvalveiðar að nýju, enda eru hótan-
ir um ýmiskonar efnahagsþvingan-
ir orðum auknar. Þetta er skoðun
formanns Alþjóðasamtaka hval-
veiðimanna en samtökin héldu ráð-
stefnu um sjálfbærar hvalveiðar
hér á landi um síðustu helgi.
Tom Happynook, formaður Al-
þjóðasamtaka hvalveiðimanna,
segir í samtali við Morgunblaðið
að megintilgangur ráðstefnunnar
sé að sýna íslensku þjóðinni stuðn-
ing í baráttu sinni fyrir því að
hefja hvalveiðar að nýju. Á ráð-
stefnunni séu fulltrúar 21 þjóðar
sem stundi hvalveiðar í einhverj-
um mæli. „Við viljum sýna íslend-
ingum að þeir eru ekki einir á báti
hvað hvalveiðar varðar. Stað-
reyndin er sú að Alþjóðahvalveiði-
ráðið hefur aðeins umsjón með um
4% hvalveiða í heiminum. Ráðið
hefur aðeins um hvalveiðar
stærstu ríkjanna að segja en víða í
heiminum eru stundaðar hvalveið-
ar meðal lítilla samfélaga eða þjóð-
arbrota. Það eru víða stundaðar
sjálfbærar hvalveiðar og þess
vegna viljum við sýna Islendingum
að þó þeir hefji veiðar verður kast-
ljósinu ekki beint sérstaklega að
þeim.“
Alþjóðleg ráð-
stefna í Reykjavík
um sjálfbærar
hvalveiðar
Á ráðstefnunni kom m.a. fram
að Færeyingar óttuðust mjög áhrif
hvalveiða á ferðamannaiðnað á
eyjunum og útflutning þaðan.
„Staðreyndin er hinsvegar sú að
ferðmannastraumur til Færeyja
hefur aukist, efnahagur þeirra er
að rétta úr kútnum og markaðir
þeirra fyrir sjávarafurðir hafa
stækkað. Hér á ráðstefnunni höfðu
Norðmenn sömu sögu að segja. Eg
tel því að hér sé um að ræða áróð-
ur sem andstæðingar hvalveiða
koma á framfæri í þeim tilgangi
einum að ala á ótta meðal lítilla
þjóða sem treysta að stærstum
hluta á útflutning sjávarafurða.
Ennfremur fer vaxandi áhugi al-
mennings á því að sjá með berum
augum hvernig þessar þjóðir
draga fram lífið og upplifa menn-
ingu þeirra. Fólk verður að skilja
að með hvalveiðum eru þessar
þjóðir að fæða sig og klæða. Ég tel
því að íslendingar eigi óhikað að
hefja hvalveiðar sem allra fyrst og
þeir þurfi ekki að hafa áhyggjur af
efnahagslegum áhrifum vegna
þeirra. Þvert á móti ættu hvalveið-
ar að styrkja efnahag landsins."
Alþj óðahvalveiðiráðið
er staðnað
Happynook segir að á ráðstefn-
unni sé lögð áhersla á umræður um
sjálfbærar hvalveiðar þar sem fólki
sé frjálst að tjá skoðanir sínar
hverjar sem þær kunna að vera,
ólíkt því sem gerist á samskonar
ráðstefnum Alþjóðahvalveiðiráðs-
ins. „Á fundum Alþjóðahafrann-
sóknaráðsins eru hvalveiðiþjóðum
settar ákveðnar skorður og þær
geta þannig ekki komið hagsmun-
um sínum á framfæri né er þar
vettvangur til að komast að sam-
komulagi sem þjónað gæti hags-
munum þeirra. Mín skoðun er því
sú að Alþjóðahvalveiðiráðið sé al-
gerlega staðnað. Þó að við viljum
alls ekki að Alþjóðasamtök hval-
veiðimanna leysi ráðið af hólmi á
nokkurn hátt, viljum við gefa fólki
kost á að ræða sjálfbærar hvalveið-
ar og skiptast á skoðunum og upp-
lýsingum hvaðanæva úr heiminum.
Það er nauðsynlegt ef við ætlum að
láta í okkur heyra á alþjóðavett-
vangi og til að upplýsa almenning,"
segir Happynook.
Þyrlusjóður styrkir
þyrlusveit LHG
Á KYNNINGARDEGI Stýrimannaskólans hefur
á undanförnum árum verið afhent framlag úr
Björgunarsjóði Stýrimannaskólans, Þyrlusjóði,
til kaupa á tækjum og búnaði fyrir þyrlusveit
LHG.
Björgunarsjóðurinn var stofnaður 16. apríl
1988 með fjárframlagi nemenda Stýrimanna-
skólans, en þeir höfðu fengið sölulaun fyrir að
selja merki Slysavarnafélags Islands.
Þetta var upphaf þeirrar miklu samstöðu um
„þjóðarátak til þyrlukaupa" sem birtist í gjöfum
fólks til sjóðsins, en þær lýsa einnig vilja al-
mennings í þyrlumálum. Þyrlusveitin hefur fyrir
löngu sannað gildi sitt og ágæti með björgun
sjómanna og annarra við hinar erfiðustu að-
stæður.
I hópi þeirra sem gefið hafa í sjóðinn eru ein-
staklingar, fyrirtæki, starfshópar, stéttarfélög,
stéttarsambönd, kvenfélög, slysavarnahópar og
skipsáhafnir svo einhverjir séu nefndir. Færi ég
öllum þessum aðilum bestu þakkir fyrir gjafir
þeirra og hlýhug til verkefnisins og vona að þeir
séu ánægðir með framvindu mála og hvernig
Ijármunum sjóðsins er ráðstafað.
Að þessu sinni er framlagið úr sjóðnum að
HAFSTEINN Hafsteinsson, forstjóri Landhelg-
isgæslunnar tekur við framlagi úr Þyrlusjóði
Stýrimannaskólans, 4,8 milljónum úr hendi
skólameistara skólans, Vilmundar Víðis Sig-
urðssonar.
upphæð 4,8 milljónir króna til kaupa á eftirfar-
andi tækjum:
1. Inmarsat Standard-C fyrir TF-SIF.
2. Siglingatöfiur fyrir TF-LÍF og TF-SIF.
3. Utkallsstöðvar fyrir áhafnir þyrlanna.
4. Slqávarpi til kennslu og kynningar á þyrlun-
um.
5. Hjálmar og vatnsheldar talstöðvar fyrir sig-
menn þyrlanna.
Sá búnaður og tæki sem hér um ræðir eykur
öryggi áhafna þyrlanna og allra þeirra sem
þjónustu þeirra njóta.
I
I
I
I
I
I
I