Morgunblaðið - 26.05.1999, Blaðsíða 6

6 MIÐVIKUDAGUR 26. MAÍ 1999
MORGUNBLAÐIÐ
FRÉTTIR
Afrýjunarnefnd samkeppnismála staðfestir niðurstöðu samkeppnisráðs
Flugfélagið fær
ekki þriðju ferð
til Egilsstaða
ÁFRÝJUNARNEFND samkeppnismála
hefur staðfest það álit samkeppnisráðs að sú
ákvörðun Flugfélags Islands að setja upp
hádegisferð á leiðinni Reykjavík-Egilsstaðr
brjóti gegn 17. grein samkeppnislaga og hafi
því skaðleg áhrif á samkeppni. Nefndin telur
ekki að markaðurinn gæti tekið við þessu
aukna framboði án þess að samkeppni
raskaðist verulega. „Þeir hagsmunir sem
Flugfélag íslands hf. færir fram sem rétt-
lætingu á umræddri aðgerð [eru] mun minni
en þeir samkeppnislegu hagsmunir sem við
það færu forgörðum en verulegar líkur
þykja á því að við slíka aðgerð félli sam-
keppnisaðili út af markaðinum," segir í úr-
skurðinum.
Þegar innanlandsdeild Flugleiða hf. og
Flugfélag Norðurlands runnu saman í Flug-
félag íslands um mitt ár 1997 settu sam-
keppnisyfirvöld ýmis skilyrði fyrir samrun-
anum, m.a. um samþykki samkeppnisyfir-
valda við aukinni ferðatíðni til nokkurra
staða, þ.m.t. Egilsstaða næstu þrjú ár.
Flugfélag íslands hefur flogið kvölds og
morgna til Egilsstaða en íslandsflug farið
eina ferð um miðjan dag. í úrskurði áfrýjun-
arnefndar kemur fram að markaðshlutdeild
FÍ á flugleiðinni sé um 80%.
Flug um miðjan dag
Flugfélagið ákvað að bæta við þriðju ferð-
inni og fljúga einnig um miðjan dag en sam-
keppnisráð úrskurði að slíkt stríddi gegn 17.
grein samkeppnislaga og fæli í sér skaðleg
áhrif á samkeppni og stríddi einnig gegn
skilyrðum samkeppnisyfirvalda sem sett
voru við tilurð FÍ.
Þessa niðurstöðu staðfesti Áfrýjunarnefnd
samkeppnismála hvað varðar ákvæði 17.
greinarinnar í gær að lokinni stjálfstæðri
könnun á því hvort skilyrði hafi verið til
íhlutunar.
„Áfrýjunarnefndin telur eins og sam-
keppnisráð að markaðurinn sem hér skiptir
máli sé flugleiðin milli Reykjavíkur og Egils-
staða. Verður ekki fallist á að samgöngur á
landi geti komið að svo verulegu leyti í stað
flugsamgangna á umræddri flugleið að eðli-
legt sé að taka tillit til þeirra við skilgrein-
ingu markaðarins," segir í niðurstöðunni.
Ríkar kröfur til markaðs-
ráðandi fyrirtækis
„Sýnt hefur verið fram á að Flugfélag ís-
lands hf. hafi um 80% hlutdeild á umræddum
markaði. Engin önnur atriði veikja þá sam-
keppnisstöðu félagsins sem þessi markaðs-
hlutdeild veitir vísbendingar um. Flugfélag
íslands hf. er því í markaðsráðandi stöðu á
þeim markaði sem hér skiptir máli, þ.e. á
fiugleiðinni milli Reykjavíkur og Egilsstaða."
Þá segir að áfrýjunarnendin telji að gera
verði ríkar kröfur til FÍ sem markaðsráðandi
fyrirtækis að það aðhafist ekkert sem raskað
geti með óeðlilegum hætti þeirri samkeppni,
sem ríkir á markaðinum.
Flugfélagið hafi haldið því fram málstað
sínum til framdráttar að aukin sóknarfæri í
tengslum við uppbyggingu ferðaþjónustu á
Austurlandi og með nýjum valkostum í flugi
eða í tengslum við flug réttlættu fyrirætlan
fyrirtækisins; leitast væri við að fullnýta
flugflota félagsins og loks væru neikvæð
samkeppnisleg áhrif í lágmarki með brottfar-
artímum 2-3 tímum fyrr að deginum en í
ferðum Islandsflugs.
Samkeppnisaðili félli af markaðinum
Áfrýjunarnefnd segir gögn málsins engar
haldbærar vísbendingar gefa um að markað-
urinn geti tekið við aukningunni án þess að
samkeppni raskist verulega. „Áfrýjunar-
nefndin telur að athuganir Samkeppnisstofn-
unar sýni nægjanlega að viðbótarflug standi
ekki undir beinum rekstrarlegum kostnaði.
Einnig þykir sýnt að þeir hagsmunir sem
Flugfélag íslands hf. færir fram sem réttlæt-
ingu á umræddri aðgerð séu mun minni en
þeir samkeppnislegu hagsmunir sem við það
færu forgörðum en verulegar líkur þykja á
því að við slíka aðgerð félli samkeppnisaðili
út af markaðinum,“ segir í úrskurðinum þar
sem hin kærða ákvörðun samkeppnisráðs
var staðfest.
Með tóma vél að kvöldi
Jón Karl Ólafsson, framkvæmdastjóri
Flugfélags íslands, sagði að beiðnin um há-
degisflugið hafi verið tímabundin og ein-
göngu hafi verið gert ráð fyrir því að bæta
við flugi í mars og apríl. Þetta flug komi
sjálfkrafa inn í maí. „Við munum þvi í sjálfu
sér ekki bregðast á neinn hátt við þessari
niðurstöðu en okkur finnst þetta afskaplega
merkileg niðurstaða. Samkvæmt þessu er
Samkeppnisstofnun heimilt að meta markað-
inn þannig að flug kl. 13 sé í samkeppni við
flug sem er kl. 15,“ sagði Jón Karl.
Jón Karl segir að félaginu sé heimilt að
fljúga að meðaltali 5-6 sinnum á dag milli
Akureyrar og Reykjavíkur en ávallt einu
flugi meira frá Akureyri en Reykjavík. Af
þessum sökum sé eitt flug að kvöldi frá
Reykjavík að jafnaði með tómri flugvél nema
takist að leigja hana fyrir hópa. „Okkur
finnst ekki mikil hagkvæmni í þessu. Raunar
finnst mönnum þessar niðurstöður allar frek-
ar sérkennilegar," sagði Jón Karl.
Alfreð Þorsteinsson um 3% hækkun Landsvirkjunar
Kallar á hækkun
hjá Orkuveitunni
ALFREÐ Þorsteinsson, formaður
stjórnar Orkuveitu Reykjavíkur,
segir ljóst að 3% hækkun á heild-
söluverði raforku frá Landsvirkjun
kalli á tæplega 2% hækkun orku-
verðs hjá Órkuveitu Reykjavíkur og
líklega muni stofnunin hækka gjald-
skrá sína um 2-3%. Hann segir að
eftir eigi að ræða hve mikið Orku-
veita Reykjavíkur hækki verð sitt til
neytenda en í Morgunblaðinu á laug-
ardag sagði Guðmundur Þóroddsson
orkuveitustjóri að búast mætti við
3% hækkun til almennings.
„Það á alveg eftir að ræða þetta,
en mér þykir líklegt að þessi hækk-
un verði á bilinu 2-3%,“ sagði Alfreð.
„Sennilega er þörf á aðeins meiri
hækkun en vegna þessarar hækkun-
ar Landsvirkjunar.“
Þegar Landsvirkjun hækkaði
heildsöluverð rafmagni til almenn-
ingsveitna um 1,7% um áramótin
1998, beitti Alíreð sér fyrir því að
Rafmagnsveita Reykjavíkur tæki þá
hækkun á sig. Lækkaði raforkuverð
í borginni um 2% í upphafi árs 1998
þrátt fyrir hækkun Landsvirkjunar.
Alfreð var spurður að því hvort
horfur á 2-3% hækkun vegna 3%
hækkunar Landsvirkjunar nú þýddi
að verið væri að innheimta útgjöldin
vegna hækkunarþarfarinnar sem
fyrirtækið hefði tekið á sig í aðdrag-
anda borgarstjórnarkosninganna
1998. Hann sagði svo ekki vera; sér
væri til efs að hreyft hefði verið við
gjaldskrá Orkuveitu Reykjavíkur ef
þetta tilefni vegna hækkunar Lands-
virkjunar hefði ekki gefist.
„I raun og veru er ekki um að
ræða hækkanir umfram verðlags-
þróun heldur eingöngu vegna verð-
lagsþróunar. Auðvitað sér maður
fram á lækkandi raforkuverð með
aukinni samkeppni ef stjómvöld
standa við fyrirheit um það. Svigrúm
okkar til lækkunar á raforkuverði
helgast af því hvort okkur verður
leyft að fara í meiri orkuvinnslu en í
dag og framleiða fyrir eigin mark-
að,“ sagði Alfreð og vísaði þar til raf-
orkuvirkjunarinnar á Nesjavöllum.
Hann sagði að fengi Órkuveita
Reykjavíkur að sitja við sama borð
og Hitaveita Suðurnesja hvað varðar
framleiðslu á raforku fyrir eigin
markað yrði hægt að lækka gjald-
skrána um 20%.
1,1% hækkun raforku
til lýsingar
í stefnumörkun Landsvirkjunar
haustið 1997 var talað um óbreytt
raunverð raforku til aldamóta en
2-3% lækkun á ári á tímabilinu
2001-2010. Raforkuverð Landsvirkj-
unar til almenningsveita, sem nú
hækkar um 3% hækkaði síðast um
1,7% í upphafi árs 1998 en þar áður
um 3% í apríl 1997, Rósmundur
Guðnason, hjá Hagstofu íslands,
segir að áhrif 3% hækkunar á raf-
orkuverði til lýsingar vegi um það bil
0,005% í vísitölu neysluverðs.
Aðspurður um breytingar á þeim
kostnaðarliðum sem nú kalla á orku-
verðshækkanir sagði hann að miðað
við grunninn 100 í mars 1997 væri
vísitalan án húsnæðiskostnaðar nú
103,5 eða 3,5%. Rafmagn til lýsingar
hefði hækkað úr 100 í 101,1 eða um
1,1%.
Morgunblaðið/Þorkell
Þór Jes Þórisson, Ólafur Þ. Stephensen, Guðmundur Björnsson og
Anton Orn Kærnested, fulltrúar Landssímans, kynntu nýju síma-
skrána í Listasafni Islands í gær.
Breytt símaskrá
SÍMASKRÁ Landssúnans 1999 kom
út í gær. Skráin fæst afhent endur-
gjaldslaust í þjónustumiðstöðvum
Símans og á afgreiðslustöðum ís-
Iandspósts, þar er einnig tekið við
gömlum skrám til endurvinnslu.
Bryddað hefur verið upp á þeirri
nýbreytni að prýða forsíður síma-
skrárinnar listaverkum í eigu
Listasafns íslands, en Landssíminn
er aðalstyrktaraðili safnsins. Verk-
in Sæþoka og Sumamótt eftir
Gunnlaug Scheving skreyta forsíð-
urnar að þessu sinni.
Fleiri breytingar hafa verið
gerðar á útliti og efni símaskrár-
innar. Öllu upplagi hennar er til að
mynda skipt í tvö bindi, annað
geymir súnanúmer á höfuðborgar-
svæðinu en hitt númer á lands-
byggðinni. Þá er skráin prentuð
með nýju letri. Þessar breytingar
em, að sögn fulltrúa Landssímans,
í samræmi við óskir viðskiptavina,
símaskráin hafi einfaldlega verið
orðin of þung.
Súnanúmer þeirra viðskiptavina
Tals, sem óskað hafa eftir skrán-
ingu, birtast nú í fyrsta sinn í súna-
skrá Landssimans, einnig em í
skránni yfir 12.000 ný vef- og net-
föng einstaklinga og fyrirtækja.
Barcelona
24. maí - 7. júní
8. -12. júlí
Ítalía
10. -12. sept.
-ríoVö

Samvinnuferðir
Landsýn
Á verði fyrir Þigi
íslensk erfðagreining semur við Affymetrix
Markar skil í starfí IE
ÍSLENSK erfðagreining hefur samið
við bandaríska fyrirtækið Affymetrix
um afnot af svokölluðum GeneChip
hugbúnaði og tækni sem notuð er til
að lesa á hraðvirkan hátt tjáningu
gena og arfgerðir einstaklinga. Kári
Stefánsson, forstjóri íslenskrar
erfðagreiningar, segir þessa tækni
marka þáttaskil í starfsemi fyrirtæk-
isins.
Kári segir í fréttatilkynningu, sem
send hefur verið íslenskum og erlend-
um fjölmiðlum, að hann sé ánægður
með að samstarf fyrirtækjanna styrk-
ist og að það nái nú einnig til þess að
þróa fullkomnari tækni til að lesa eins
basa erfðabreytileika.
„Kísilflögutæknin ásamt einstakri
aðstöðu til að rannsaka erfðafræði
sjúkdóma á íslandi, veitir okkur tæki-
færi til að rannsaka tjáningu og
breytileika gena með árangursríkari
hætti en ella. Tæknin markar þátta-
skil í starfsemi Islenskrar erfðagrein-
ingar sem leitast markvisst við að
bæta tækjabúnað sem notaður er við
meingenaleit og arfgerðargreiningu."
Ein afkastamesta rannsóknar-
stofa í heimi
I fréttatilkynningunni segir að Is-
lensk erfðagreining rannsaki erfða-
fræði um 30 algengra sjúkdóma. Fyr-
irtækið ráði yfir einni afkastamestu
rannsóknarstofu í heimi á sviði arf-
gerðargreiningar.
Dr. Stephen P.A. Fodor, forstjóri
Afiymetrix, segir að starfsmenn Is-
lenskrar erfðagreiningar hafi gegnt
mikilvægu hlutverki í þeirri þróunar-
vinnu sem liggi að baki því að greina
á hraðvirkan hátt erfðamörk með kís-
ilflögutækni. Þeir hafí lagt fram
þekkingu á sviði arfgerðargreiningar
sem hafi reynst afar mikilvæg í smíði
nýs hugbúnaðar. Það sé jafnmikil-
vægt fyrir bæði fyrirtækin að styrkja
þróunarsamvinnu til að ná árangri í
að smíða hugbúnað sem geti
hvorttveggja í senn, greint tjáningu
gena og arfgerðir manna.