Morgunblaðið - 25.07.1999, Blaðsíða 8

8 SUNNUDAGUR 25. JÚLÍ 1999
FRETTIR
MORGUNBLAÐIÐ
Sjálfstæðismenn krefja Helga Hjörvar
skýringa vegna fargjaldahækkunar S.V.R.
Nú er öldin önnur, Guðlaugur minn. „Svona gera menn ekki“ heyrir gamla tímanum til.
Mottóið okkar er: „Svona gerir R-listinn.“
GLAÐBEITTUR veiðimaður
með tvo væna laxa af Vatna-
svæði Lýsu á Snæfellsnesi.
Vantar
lax víða
nyrðra
MIÐFJARÐARÁ er einna frískust
ánna íýrir norðan þessa dagana og
þó er veiðin þar nokkuð frá því sem
var í fyrra. Að vísu er veiðin ekki
miklu lakari, en menn sjá allmiklu
minna af laxi nú heldur en þá, að
sögn Erlings Arnarsonar leiðsögu-
manns sem þekkir vel til við ána og
hefur verið allmikið á bökkum henn-
ar í sumar. Milli 370 og 380 laxar
voru komnir úr ánni í vikulok og að
sögn Erlings var þá holl nýfarið úr
ánni með aðeins 40 laxa. „Pó var
töluvert af góðum veiðimönnum í
hópnum. Auk þess var aðeins um
OLYMPUS
TTTiICTT
jla 8 • Sími S3Ö 2800
www.ormsson.i8
CAMEDIA C
STAFRÆN OG FILMULAUS
helmingur aflans nýgenginn, en ætti
að vera 80 til 90% á þessum tíma.
Það er einfaldlega minna af laxi en í
fýrra,“ sagði Erlingur.
Kjósin lífleg
Um 700 laxar eru komnir úr Laxá
í Kjós og þar er líflegt þessa dagana
að sögn Ásgeirs Heiðars, leigutaka
árinnar. „Það datt aðeins niður tak-
an í mestu sólinni, en þetta er allt að
hressast aftur og það er óhætt að
tala um mikinn lax í ánni og það eru
alltaf að bætast við göngur, bæði
smáar og stórar,“ bætti Ásgeir við.
Lélegt í Fljótunum
Léleg veiði hefur verið í Fljótaá í
Fljótum það sem af er að sögn Sig-
urðar Hafliðasonar á Siglufirði á
föstudaginn. Sagði Sigurður mjög
mikið vatn hafa hamlað mjög veið-
um, en það væri þó vart einhlít skýr-
ing, tveggja ára laxinn, sem menn
höfðu vænst í meira magni, hefði
brugðist. „Það komu hér 282 laxar á
land í fyrra, mest smálax og því von-
uðum við að göngur stærri laxins
yrðu í betra lagi í sumar, en það hef-
ur ekki gengið eftir. Það eru varla
komnir fleiri en tíu laxar á land það
sem af er vertíð,“ sagði Sigurður.
Hann sagði einnig að sjóbleikjuveiði
hefði verið mun lakari heldur en oft-
ast áður.
Fyrir skemmstu heyrðist að um 15
laxar væru komnir úr Flókadalsá í
Fljótum sem er alls ekki slæm staða.
Flóka er mun lakari laxveiðiá heldur
en Fljótaá og því óalgengt að hún
skarti hærri tölu heldur en Fljótaá.
Bleikjuveiðin hefur einnig verið betri
í Flóku, en þó vantar enn kraft í hana.
Gott á Vatnasvæði Lýsu
„Það eru komnir 30 til 40 laxar á
land sem við vitum um og margir
hafa einnig fengið góða silungsveiði á
svæðinu,“ sagði Símon Sigurmonsson
á Görðum í Staðarsveit á föstudag-
inn, en hann selur veiðileyfi í Vatna-
svæði Lýsu á Snæfellsnesi. Laxarnir
hafa veiðst víða á svæðinu, í Króká,
við gömlu brú og víðar. Veiðst hafa
allt að 14 punda laxar í sumar.
Hér og þar...
Hinn 20. júlí voru komnir 20 laxar
á land úr Krossá á Skarðsströnd og
á fostudaginn bárust þær fréttir að
fyrstu laxarnir væru komnir á land
úr Geirlandsá, tveir, 10 og 12 punda.
Þá er sjóbirtingur byrjaður að
veiðast í Grenlæk ofan Flóðs, þeir
fyrstu veiddust fyrir fáum dögum.
Valdir garðar skoðaðir í dag
Fjölbreytni
leitað
IDAG klukkan 14 hefst
garðaskoðun hjá
Garðyrkjufélagi Is-
lands. Skoðaðir verða
fjórir einkagarðar, Grasa-
garður Reykjavíkur og
Ræktunarstöð Reykjavík-
urborgar. Það er Garð-
yrkjufélagið sem stendur
fyrir þessari garðaskoð-
un, sem er árlegur við-
burður og hefur svo verið
frá 1967. Kristinn H. Þor-
steinsson er formaður
Garðyrkjufélags Islands.
Hvaða gagn skyldi hann
telja vera að garðaskoð-
uninni?
Tilgangurinn er að gefa
félagsmönnum og öðrum
áhugasömum tækifæri á
að skoða garða hvers ann-
ars og þannig efla sam-
skiptin milli félagsmanna
og fræðast. Aðalkosturinn við
garðaskoðun er sá að fólk fær
hugmyndir um m.a. byggingu
garða, plöntutegundir og annað
varðandi garðyrkjulistina. Það
ber að hafa í huga að skrúðgarð-
yrkja er allt í senn, list, hagnýt
vísindi og handverk.
- Hvernig eru þessir garðar
valdir?
Stjórnarmenn fara um og
skoða garða. Það sem verið er
að leita eftir er fjölbreytni. Við
leitum t.d. að görðum þar sem
garðeigendur geta státað sig af
mörgum tegundum. í öðrum til-
vikum geta garðamir verið teg-
undafáir en haft eitthvað við sig,
t.d. notalegheit eða gott skipu-
lag. Svona mætti lengi telja.
-En Grasagarðurinn - hvað
er verið að skoða þar?
Tilgangur grasagarða er að
fræða menn og efla skilning
þeirra á mikilvægi gróðurs.
Einnig að varðveita plöntur og
plöntusöfn, ekki síst þær plönt-
ur sem hætta er á að verði út-
rýmt. Grasagarður er lifandi
safn undir berum himni. Þar
eru saman komnar þúsundir
plantna.
-Er hægt að fá þær plöntur
keyptar sem sýndar eru í grasa-
görðum?
Grasagarður Reykjavíkur sel-
ur ekki plöntur, hins vegar er
hægt að fá hluta af þeim plönt-
um sem eru til sýnis í Grasa-
garðinum keyptar í gróðrar-
stöðvum. í ár ætlar Garðyrkju-
félagið að setja upp fjölda skilta
við valdar plöntur með fróðleg-
um upplýsingum sem birst hafa
í Morgunblaðinu í þættinum;
Blóm vikunnar. Þetta er einn
þáttur af því sem skoðað verður
en síðar verða skiltin tekin nið-
ur. Það er því kjörið fyrir al-
menning að skoða Gra-
sagarðinn núna meðan
þessi skilti eru uppi og
hann í háblóma.
-Hvað á að skoða í
Itæktunarstöð Reykjavíkur-
borgar?
Þar eru framleidd tré, runnar
og sumarblóm íýrir Reykjavík-
urborg. Almenningur getur hins
vegar ekki keypt neitt þarna. í
Ræktunarstöðinni verða líka til
matjurtir þær sem ræktaðar eru
í skólagörðum borgarinnar.
- Veitið þið leiðbeiningar á
staðnum um hvernig heppilegt
er að rækta hina og þessa
plöntutegundina?
Við verðum með fólk niðri í
Grasagarði og í Ræktunarstöð-
inni ásamt starfsfólki á þessum
stöðum og munum svara góðfús-
Kristinn H. Þorsteinsson
►Kristinn H. Þorsteinsson er
fæddur lO.júní 1956 íReykja-
vík. Hann lauk prófi í húsa-
smíði 1977 og garðyrkjufræð-
ingur varð hann 1984. Hann
hefur starfað m.a. hjá Vita- og
hafnamálum, hjá Skógræktar-
félagi Reykjavíkur, Rafmagns-
veitu Reykjavíkur og nú hjá
Orkuveitu Reykjavíkur. Auk
þess er Kristinn stundakennari
hjá Garðyrkjuskóla ríkisins og
vinnur að endurmenntun garð-
yrkjufræðinga og við fræðslu
til áhugamanna. Maki Kristins
er Auður Jónsdóttir garðyrkju-
fræðingur og eiga þau saman-
lagd; fjögar börn.
Fólk fær
hugmyndir!
lega öllum spurningum sem upp
koma um allt sem lýtur að
gróðri og ræktun. í einkagörð-
unum verða það eigendur sjálfir
sem taka á móti gestum í dag.
-Hvaða einkagarðar eru til
sýnis þetta ár?
í Arbæ verða opnir garðar í
Vorsabæ 11, Hlaðbæ 18 og Fa-
grabæ 19. Þá er opinn garðurinn
á Laugarásvegi 31. Þess má
geta að síðasttaldi garðurinn
tengist gönguleið sem við hjá
Garðyrkjufélaginu erum búin að
teikna upp á kort sem allir geta
fengið afhent í Grasagarðinum
eða Ræktunarstöð Reykjavíkur-
borgar.
- Hvað er merkilegt við þessa
gönguleið?
Á þessari gönguleið er spenn-
andi að „spá í“ garðana sem
gengið er framhjá. Það er að
skoða plöntur, innkeyrslu,
skipulag og annað. Götumar
sem um ræðir eru Sunnuvegur
og Laugarásvegur og síðan
------ verður gengið til baka
framhjá Þvottalaugun-
um og inn í nýja hluta
Grasagarðsins. Þetta er
stutt en áhugaverð
gönguleið.
-Eru venjulega margir sem
koma í þessar garðaskoðanir?
Já, á undanfornum árum hafa
að jafnaði um sjö hundruð
manns tekið þátt í garðaskoðun
ár hvert.
- Fer þessi ágangur ekkert
illa með garðana sem skoðaðir
eru?
Það fer dálítið eftir veðri en
reynslan er sú að garðaskoðarar
sýna umhverfi sínu mikla virð-
ingu sem hefur orðið til þess að
garðeigendur eru fúsir til að
leyfa garðaskoðun hjá sér jafn-
vel oftar en einu sinni.