Morgunblaðið - 01.10.1999, Blaðsíða 10

10 FÖSTUDAGUR 1. OKTÓBER 1999
MORGUNBLAÐIÐ
FRÉTTIR
Samstarf Islands og Kan-
ada um kvikmyndagerð
Morgunblaðið/JEG
Hrönn Kristinsdóttir frá íslensku kvikmyndasamsteypunni, Ágúst
Guðmundsson leikstjóri og Þorfinnur Ómarsson framkvæmdastjóri
Kvikmyndasjóðs Islands voru meðal þeirra sem tóku þátt í ráðstefnu
um samstarf Norðurlanda og Kanada á sviði kvikmyndagerðar.
„NORÐURLÖNDIN og Kanada
eiga vel saman þegar kemur að
kvikmyndaframleiðslu. Við eigum
margt sameiginlegt, bæði varðandi
innihald kvikmynda og fjármögnun.
Við vissum það ekki fyrirfram og
þetta er mjög jákvæð niðurstaða“
sagði Jan Miller að lokinni ráð-
stefnu sem haldin var á Atlantic
kvikmyndahátíðinni í Halifax í síð-
ustu viku.
Tiigangur ráðstefnunnar var að
leiða saman kvikmyndaframleið-
endur frá Kanada og Norðurlönd-
unum með það að markmiði að
koma á samstarfsverkefnum milli
landanna.
Hópur íslenskra kvikmyndagerð-
armanna tók þátt í ráðstefnunni og
voru þeir á einu máli um að góður
grundvöllur sé fyrir samstarfi ís-
Iands og Kanada á sviði kvikmynda-
gerðar.
Þorfinnur Ómarsson fram-
kvæmdastjóri Kvikmyndasjóðs Is-
lands sagði að íslenskar kvikmyndir
hefðu um langt árabil verið háðar
erlendu fjármagni og vart væri gerð
sú íslensk kvikmynd í fullri lengd
sem ekki hefði nokkra erlenda með-
framleiðendur.
„Það að opna dymar hingað til
vesturs hlýtur að þýða að við getum
fjármagnað myndir okkar betur og
með fjölbreyttari hætti en hingað
til, og það er mjög mikilvægt,“ sagði
Þorfinnur.
„Það eru nú þegar komin drög að
samvinnu um einhverjar myndir og
það hafa verið gerðar heimilda-
myndir í samvinnu íslands og
Kanada. Það er stutt síðan sam-
starfssamningur var undirritaður
milli landanna sem auðveldar með-
framleiðslu. Það að við erum komin
þetta langt á veg í samstarfinu sýn-
ir að það er vilji frá báðum aðilum
að vinna enn meira saman.“
„Þeir íslensku kvikmyndafram-
leiðendur sem hingað komu voru
með góð verkefni í farteskinu. Þetta
er byrjun á samstarfi sem á vonandi
eftir að blómstra" sagði Jan Miller
sem skipulagði ráðstefnuna. „Island
er ekki nema fjóra tíma í burtu frá
Halifax og það er ein af ástæðum
fyrir góðum samstarfsmöguleik-
um.“
„Það er mikil eftirspum eftir góð-
um kvikmyndum hér í Kanada eins
og öðrum löndum. Að vísu búa ekki
nema um þrjátíu milljónir í Kanada
en hér er góður markaður fyrir
meira en Hollywood-myndir. Mynd-
ir eins og Cold Fever eftir Friðrik
Þór Friðriksson hafa náð mikilli út-
breiðslu hér. Það er mikill áhugi á
því að fá fleiri íslenskar myndir á
þessa hátíð á næsta ári. Ég hef rætt
við Kvikmyndasjóð íslands um það
og vonandi tekst okkur að láta það
verða að veruleika. Dansinn eftir
Ágúst Guðmundsson var sýnd á
þessari hátíð og hún fékk mjög góð-
ar móttökur. Góðar myndir komast
alltaf áfram,“ sagði Jan.
Morgunblaðið/Golli
Vann ferð
í Notting Hill-
leik á mbl.is
GÍFURLEGA góð þátttaka var í
Notting Hill-leik á Netinu en um
10.000 innsendingar bárust. Hafa
yfir 52.000 manns séð myndina
hér á landi. Dregið hefur verið í
Notting Hill-leiknum sem
Morgunblaðið á Netinu stóð að
ásamt Háskólabíói, Nýja bíói,
Laugarásbíói, Vero Moda, Max
Factor, Hard Rock, Adidas, Coca
Cola, Stjörnupoppi og Mónó.
Leikurinn var í tilefni
frumsýningar á kvikmyndinni
Notting Hill og gekk út á að
svara spurningum á Netinu.
Vinningar í Ieiknum voru
íjölmargir. Aðalvinninginn ásamt
miðum á myndina hlaut Helga
Benediktsdóttir (t.h.) sem á
myndinni er í faðmi Vilhjálms
Sifredi, markaðsfulltrúa
Háskólabíós, eftir viðtöku
gjafabréfs upp á ferð til
Lundúna.
Morgunblaðið/Þorkell
Fundargestir fylgdust áhugasamir með umræðum um stofnun tækniháskóla.
Stofnun tækniháskóla rædd á opnum fundi
Verkfræðideild vill ræða
við Samtök iðnaðarins
Björn Bjarnason menntamálaráðherra sagði
ágreininginn sem ríkti um stofnun tæknihá-
skóla alvarlegan.
STOFNUN tækniháskóla var
rædd á opnum fundi í gær-
morgun, en ekki ríkir sátt um
hvemig staðið skuli að rekstri
skólans. Fram kom þó á fund-
inum að á deildarráðsfundi
verkfræðideildar var nýlega
samþykkt að rætt yrði við
Samtök iðnaðarins um rekstur
skólans.
Námsbrautir, staðsetning
og rekstrarform tækniháskól-
ans voru tekin fyrir á fundin-
um í gær. Frummælendur
voru Sigurður Brynjólfsson,
prófessor við Háskóla Islands,
Bjarni Thoroddsen, tækni-
fræðingur og framkvæmda-
stjóri hjá Stálverktaki, og
Björn Bjamason menntamála-
ráðhema.
í máli Sigurðar kom fram
að margt væri sameiginlegt
með tæknifræði- og verkfræðinámi.
Hagræðing fælist í því í að sam-
keyra þessar námsbrautir að ein-
hverju leyti og staðsetja tæknihá-
skólann á lóð Háskólans.
Bjami taldi slíkt hins vegar fela í
sér hættu á miðjumoði fyrir báðar
námsbrautir, jafnframt því sem
hætt væri við að tæknifræðinámið
liði fyrir samkeyrsluna. Þá minnti
hann á að ekki mætti gleyma frum-
greinanámi því sem nú er kennt við
Tækniskólann.
Menntamálaráherra sagði
ágreininginn sem ríkti um
stofnun skólans alvarlegan.
Samkeyrsla vissra faga fæli í
sér töluverða hagræðingu og
ekki kæmi til greina að kljúfa
verkfræðideOd frá Háskólan-
um. Hann hvatti menn tO að
komast að sameiginlegri nið-
urstöðu og sagðist nú bíða
nánari útfærslu Samtaka iðn-
aðarins á hvemig þau geti
hugsað sér að koma að tækni-
námi og tækniháskóla. En tO
greina komi að Samtök iðnað-
arins taki yfir rekstur Tækni-
skólans og komi námi þar yfir
á háskólastig.
Davíð Lúðvíksson, sem hef-
ur ásamt fleirum unnið að til-
lögum Samtaka iðnaðarins að
stofnun tækniháskóla sem
séreignastofnunnar, svaraði
ráðherra og sagði að þessa
stundina stæðu yfir viðræður við
Háskóla Islands og eins hefðu menn
hug á að hefja viðræður við Við-
skiptaháskólann um rekstur tækni-
háskóla. Svar myndi berast
menntamálaráðuneytinu að þeim
loknum.
Slökkviliðsmenn á Keflavrkurflugvelli
Urskurði kaup-
skrárnefndar
mótmælt
SLÖKKVILIÐSMENN á Keflavík-
urflugvelli mótmæla harðlega nýj-
um úrskurði Kaupskrárnefndar
varnarsvæða og lýsa vantrausti á
störfum hennar í ályktun sem fund-
ur í deOd Landssambands slökkvi-
liðs- og sjúkraflutningamanna á
Keflavíkurflugvelli samþykkti í gær.
Kaupskrárnefnd varnarsvæða
hefur það verk með höndum að úr-
skurða um launahækkanir tO handa
íslenskum starfsmönnum Banda-
ríkjahers. DeOan snýst um greiðslu
reykköfunarálags á árabilinu 1991-
1997, en árið 1991 fengu slökkvi-
liðsmenn í Reykjavík inn í samn-
inga sérstakar greiðslur vegna
reykköfunar og töldu slökkviliðs-
menn á Keflavíkurflugvelli að bæri
að úrskurða þeim sambærilegt
álag, samkvæmt upplýsingum Guð-
mundar Vignis Óskarssonar, for-
manns Landssambands slökkviliðs-
og sjúkraflutningamanna. Kaup-
skrárnefnd hafnaði því hins vegar í
tveimur úrskurðum, sem að end-
ingu voru kærðir til Hæstaréttar, á
þeirri forsendu að það væri inni-
falið í 25% álagi á grunnlaun sem
slökkviliðsmenn á Keflavíkurflug-
velli sömdu um vegna sérstakra
verka meðal annars við forvarnir
árið 1987, að sögn Guðmundar
Vignis. Reykköfunarálagið kom inn
í laun slökkviliðsmanna á Keflavík-
urflugvelli í úrskurði kaupskrár-
nefndar árið 1997, en krafa þeirra
er að fá það frá því það kom inn í
samninga slökkviliðsmanna í
Reykjavík. Því hafnaði kaupskrár-
nefnd í úrskurði sínum nú.
í ályktun fundar slökkviliðs-
manna á Keflavíkurflugvelli er það
einnig átalið að fulltrúi launamanna
í kaupskrárnefnd hafi neitað að
mæta á fund með slökkviliðsmönn-
um til þess að rökstyðja afstöðuna.
„Þrátt fyrir að Hæstiréttur hafi
fallist á sjónarmið Landssambands-
ins og fellt úr gildi tvo fyrri úr-
skurði kaupskrárnefndar í sama
máli endurtekur nefndin sömu af-
stöðu með þriðja úrskurði sínum í
stað þess að stuðla að sátt í mál-
inu,“ segir síðan.
Einhliða rofín sátt
Þá segir að með úrskurðinum
hafi nefndin einhliða rofið sátt um
það starfsfyrirkomulag sem gilt
hafi hjá slökkviliðinu á Keflavíkur-
flugvelli m.a. um aukastörf og síð-
ast var undirritað með samkomu-
lagi 1987 af aðilum. „Slökkviliðs-
menn hafa lagt mikinn metnað í
störf sín og nýverið hlotið því tO
staðfestingar æðstu viðurkenningu
allra slökkviliða starfandi á vegum
Bandaríkjahers fyrir árangursríkt
forvarnastarf á þjónustusvæðinu. í
stað þess að leggja jákvætt mat á
slíka starfsþætti er forsenda þess-
arar sérstöðu hvergi getið í úr-
skurði kaupskrárnefndar heldur
þvert á móti má sldlja af úrskurðin-
um að fleiri eldar á þjónustusvæði
viðmiðunarhóps megi telja þeim
síðarnefnda sérstaklega til tekna,“
segir síðan.
Jafnframt samþykkir fundurinn
að skoðað verði hvort hætta beri
aukastörfum náist ekki sátt í mál-
inu, en forsenda þess er það mat
fundarins að með úrskurði sínum
hafi kaupskrárnefnd einhliða rift
samkomulaginu um starfsfyrir-
komulag frá 1987.
Guðmundur Vignir sagði að
Landssambandið tæki undir þá af-
stöðu sem kæmi fram í ályktun
fundar deildarinnar á Keflavíkur-
flugvelli í þessum efnum. Lands-
sambandið væri að láta skoða stöðu
sína lögfræðilega og yrðu næstu
skref í málinu ákveðin í því Ijósi.
Niðurstaða kaupskrárnefndar sé
óviðunandi og þeir muni ekki sætta
sig við hana. Ná þurfi sátt í málinu,
en óljóst sé hver standa eigi fyrir
því.