Morgunblaðið - 18.05.2000, Síða 16

16 FIMMTUDAGUR 18. MAÍ 2000
MORGUNBLAÐIÐ
LANDIÐ
Fimmtán búfræðingar voru útskrifaðir frá Hvanneyri í Borgarfirði um síðustu helgi
Morgunblaðið/Davíð Pétursson
títskriftarnemendur frá Landbúnaðarháskólanum á Hvanneyri.
Morgunblaðið/Davíð Pétursson
Magnús B. Jónsson rektor tók við minningarsjóðnum frá gefendum.
Fyrstu skólaslit
Landbúnaðarhá-
skólans á Hvanneyri
Grund - Skólaslit bændadeildar
Landbúnaðarháskólans fóru fram í
matsal skólans á Hvanneyri hinn 12.
maí sl. að viðstöddu fjölmenni.
Fimmtán búfræðingar voru útskrif-
aðir.
I yfirgripsmikilli skólaslitaræðu
sagði Magnús B. Jónsson rektor
meðal annars að síðastliðið
skólaár hefði mótast mjög af þeim
breytinginum, sem urðu á starfsum-
hverfi skólans með nýjum bú-
fræðslulögum. Hið nýja fyrirkomu-
lag hefði haft í för með sér
margvíslegar breytingar á skóla-
starfinu og umgjörð þess. Nokkurn
tíma tæki að koma því á og móta nýtt
skipulag og temja sér ný vinnu-
brögð.
Síðan sagði Magnús: „Við erum nú
að kynna nýja kennsluskrá fyrir
skólann og það eru boðnar fram
þrjár námsbrautir í háskólanámi og
þær skipulagðar sem þriggja til fjög-
urra ára nám. Hér er í fyrsta lagi um
að ræða námsbraut í búfræði sem er
byggð á grunni búvísindadeildar-
námsins, sem skólinn hefur boðið
fram í áratugi.
Þá er námsbraut í landnýtingu,
sem tekur fyrir skipulag landnýting-
ar í dreifbýli, með áherslu á aðferðir
við nýtingu og umhirðu úthaga og er
ætlað að veita undirstöðu fyrir sér-
hæfingu á sviðum úthagafræða,
landvörslu, landgræðslu og skóg-
ræktar.
Þriðja námsbrautin er einnig
tengd hinum nýju verkefnum sem
snúa að dreifbýlinu og við höfum
kosið að kalla hana Umhverfisskipu-
lag. Þar er lögð áhersla á umfjöllun
um náttúi-u landsins og félagslegar
aðstæður og miðað að því að nem-
endur geti þróað og mótað búsetu-
landslag út frá fagurfræðilegum og
öðrum umhverfstengdum sjónar-
miðum.
Þegar ég var að útskrifast frá
Hvanneyri fyrir fjörutíu árum voru
skilaboðin sem við fengum skýr og
einföld. Ræktið meira, framleiðið
meira, þá mun ykkur vel farnast.
Línurnar voru mjög skýrar og ein-
faldar. Því miður ef til vill of einfald-
ar. Nú eru skilaboðin margbrotnari
og mér virðist á stundum eins og
tónninn sé ekki alltaf hreinn. Afætu-
talið og ómagaumræðan fer þó dvin-
andi og stundum heyrist að á Islandi
séu dugandi bændur og öflugar
byggðir.
Búvörusamningarnir, skógrækt-
ar- og landbótaáætlanirnar og fleiri
verkefni eru með þeim hætti, að
framtak einstaklingsins getur notið
sín í því umhverfi sem þar er skapað
og hugkvæmni og búhyggja skilar
sér til réttra aðila.
Þrátt fyrir þetta heyrast enn þær
raddir að hinn samfélagslegi stuðn-
ingur sé einungis stuðningur við
bændur og hluti af tekjutryggingu
þeiiTa. Það hefur ekki alltaf farið
mikið fyrir andsvörum við þessum
sjónarmiðum. Það gladdi mig því
þegar landbúnaðarráðherra sagði
umbúðalaust í sjónvarpsþætti nú á
dögunum, að þessi stuðningur væri
stuðningur samfélagsins við byggð-
irnar til þess að skapa þar möguleika
til ölfugs samfélags og aðeins degi
síðar heyri ég formann Bændasam-
takanna hafa uppi sams konar um-
fjöllun um þessi efni. Stuðningur
samfélagsins til verkefna, sem tengj-
ast landbúnaði hefur allt aðra skír-
skotun ef hann er skoðaður í þessu
samhengi en ekki því sem oftast er,
að þar sé aðeins um tekjutryggingu
bænda að ræða,“ sagði Magnús.
84 nemendur
innritaðir
Á þessu skólaári hafa 84 nemend-
ur innritast hér til náms. Af þeim
hafa 36 nemendur verið innritaðir í
reglulegt nám við bændadeildir skól-
ans og 24 í fjarnám í búfræði og 16 í
búvísindadeild. Af nemendum
bændadeilda var 21 innritaður í 1.
bekk á haustönn og luku 19 nemend-
ur prófum. Síðan hafa 9 nemendur
innritast til námsdvalar nú í vetur og
er allmikið spurst fyrir um búfræði-
námið. 15 nemendur voru innritaðir í
2. bekk. Af 24 nemendum sem innrit-
uðust í fjamámið gengu 17 upp til
prófa, sem nú standa yfir.
Brautskráðir voru 15 búfræðing-
ar, eða allir sem hófu nám í II. bekk
sl. haust.
Bestum árangri náðu: 1. Sigurjón
Þorsteinsson 9,5,2. Sigurður Þ. Guð-
mundsson 8,7 og 3. Hallfríður Ólafs-
dóttir 8,5. Niðurstöður prófa voru
þessar: 1 ágætiseink.: 1, I. eink.: 9,
II. eink.: 4 og III. eink.: 1.
Allir nemendur fengu ilmbjörk frá
skólanum að gjöf, sem þeir gróður-
setja væntanlega á heimaslóðum sín-
um. Mörg fyrirtæki og stofnanir
veittu viðurkenningar fyrir náms-
ái-angur og framkomu og kom helm-
ingur af öllum viðurkenningum og
verðlaunum í hlut dúxins Sigurjóns
Þorsteinssonar.
Blikastaðasjóður
Að lokinni verðlaunaafhendingu
bað Magnús Sigsteinsson frá Blika-
stöðum um orðið. Erindi hans var að
afhenda með formlegum hætti minn-
ingarsjóð, sem faðir hans, Sigsteinn
Pálsson og fjölskylda hans, höfðu
stofnað til minningar um eiginkonu
Sigsteins, Helgu J. Magnúsdóttur á
Blikastöðum svo og hjónin Magnús
Þorláksson og KristínuJósafatsdótt-
ur, fyrrverandi ábúendur á Blikast-
öðum.
Magnús Þorláksson hafði búið á
Vesturhópshólum í V-Húnavatns-
sýslu, en eftir að hafa misst eigin-
konu og tvö ung börn undi sér hann
ekki lengur fyrir norðan og keypti
Blikastaði árið 1908 og fluttist þang-
að með tveim dætrum sínum. Seinni
kona Magnúsar var Kristín Jósa-
fatsdóttir.
Er Magnús keypti Blikastaði var
það skráð lélegasta kotið í Mosfells-
sveit, húsakostur afburða lélegur og
landið aðallega blautar forarmýrar.
Magnús lést 1942 og stóð búskapur
þeirra Sigsteins og Helgu frá því ári
til ársins 1970 er kúabúskap var
hætt. Þá voru Blikastaðir orðnir eitt
af stórbýlum landsins og glæsilegt
höfuðból.
Stofnframlag sjóðsins er 10 millj-
ónir króna. I þriðju grein skipulags-
skrárinnar segir svo um markmið og
tilgang gefenda. „Hlutverk sjóðsins
er að styrkja nemendur sem lokið
hafa háskólanámi frá Landbúnaðar-
háskólanum á Hvanneyri til fram-
haldsnáms erlendis eða til rann-
sókna í landbúnaðarvísindum, eftir
því sem stjórn sjóðsins ákveður.
Einnig er stjórn sjóðsins heimilt að
verðlauna nemendur Landbúnaðar-
háskólans fyrir framúrskarandi
árangur á burtfararprófi. Styrkveit-
ingar fari fram í júnímánuði og um-
sóknir um styrki skulu hafa borist
stjórn sjóðsins fyrir 1. júní ár hvert.“
Er rektor hafði mótekið þessa
glæsilegu minningargjöf var skólan-
um slitið og gestir settust að veislu-
borði í boði Landbúnaðarháskólans.
Skeifukeppnin tókst vel
Fjölmenni var að vanda við
Skeifukeppnina á Hvanneyri og
tókst framkvæmd með miklum
ágætum. Skeifuhafi ársins er Hall-
fríður Olafsdóttir frá Víðidalstungu,
sem hlaut hina eftirsóttu Morgun-
blaðsskeifu. Hún hlaut einnig ásetu-
verðlaunin og samnemendur hennar
völdu hana hirði vetrarins og fyrir
það fékk hún Eiðfaxabikarinn. Fáir
nemendur tóku þátt í skeifukeppn-
inni.
Morgunblaðið/Steinunn Ósk
Konur fjölmenntu á stofnfund Verslunarmannafélags Suðurlands.
Verslunarmenn
á Suðurlandi
sameinast
Stofnfundur nýs sameinaðs stéttar-
félags allra verslunarmanna í Ár-
nes-, Rangárvalla- og Vestur-
Skaftafellssýslu var haldinn á Hlíð-
arenda, Hvolsvelli sl. mánudag.
Hið nýja félag, Verslunarmanna-
félag Suðurlands, er stofnað með
sameiningu Verslunarmannafélags
Árnessýslu og Verslunarmannafé-
lags Rangárvallasýslu en samein-
ing var samþykkt á aðalfundum
beggja félaganna í vor.
Að mati Ingibjargar R. Guð-
mundsdóttur, formanns Landssam-
bands íslenzkra verzlunarmanna, á
þetta nýja félag eftir að styrkja
stöðu félagsmanna á Suðurlandi.
Hún sagðist telja að verslunarmenn
á landsbyggðinni þyrftu að sameina
meira krafta sína. Verslunarmenn
á Austurlandi væru búnir að sam-
einast í eitt félag og nú ætti þessi
sameining sér stað á Suðurlandi.
Hún sagðist gera sér vonir um að
fleiri skref yrðu stigin í þessa átt á
komandi árum.
Félagsmenn f þessu nýja Verslun-
armannafélagi verða tæplega 600.
Á stofnfundinum var kosin sjö
manna stjórn og formaður er Gunn-
ar Kristmundsson, áður formaður
Verslunarmannafélags Árnessýslu,
og Kristján Hálfdánarson, áður for-
maður Verslunarmannafélags
Rangárvallasýslu.
Markmiðið með stofnun samein-
aðs félags er fyrst og fremst að efla
samstöðu og starf að hagsmuna-
málum verslunarmanna á öllu Suð-
urlandi.