Morgunblaðið - 07.06.2000, Page 23

MORGUNBLAÐIÐ
MIÐVIKUDAGUR 7. JÚNÍ 2000 23
ERLENT
Stríðið í Tsjetsjníu heldur áfram
Maskhadov sagð-
ur hafa særst
Moskva. AFP, Reuters.
ASLAN Maskadov,
forseti útlagastjórnar-
innar í Tsjetsjeníu, er
sagður hafa særst í
árás rússneska hersins
á fimmtudag. Að sögn
Gennadís Trosjevs, yf-
irmanns rússneska
hersins í Tsjetsjeníu,
telja Rússar að Maska-
dov hafi særst í
sprengjuárás í Suður-
Tsjetsjeníu og hafi
einn lífvarða forsetans
látið lífið í árásinni.
Trosjev sagði að íbúar
í fjöllunum í suður-
hluta landsins hefðu
sagst hafa séð forsetann með sára-
bindi vafið um höfuð og brjóst.
í síðasta mánuði bárust fregnir af
því að einn helsti foringi tsjet-
sjenskra skæruliða, Sjamíl Basajev,
hefði látist í kjölfar þess að drep
kom í sár sem myndaðist er aflima
þurfti annan fót hans vegna skaða
sem hann hlaut í átökum við rúss-
neska herinn. Hvorki hefur þó tek-
ist að fá áreiðanlega staðfestingu á
frásögninni um meiðsl Maskadovs
né dauða Basajevs, að mati AFP-
fréttastofunnar.
Talið er að ef þessar fréttir eru á
rökum reistar megi
búast við því að mjög
muni draga úr bar-
áttuþreki skæruliða
sem enn berjast hat-
rammri baráttu við
rússneska herinn.
Rússar hafa aukið loft-
árásir sínar á stöðvar
skæruliða í Suður-
Tsjetsjeníu undanfarið
þrátt fyrir eldri yfir-
lýsingar þess efnis að
stríðinu væri nánast
lokið. Rússum virðist
ganga mjög illa að
uppræta þá andspyrnu
sem skæruliðar veita
enn og telja margir að það muni
ekki takast nema ráðist verði á
stöðvar þeirra sem sagðar eru vera
í nágrannaríkjum. Slíkt gæti þó orð-
ið til að breiða átökin út og draga
önnur lönd inn í stríðið. Það er póli-
tísk áhætta sem óvíst er að valdhaf-
ar í Moskvu séu reiðubúnir að taka.
Rússar halda því hins vegar fram
að aðeins um 1.500 Tsjetsjenar séu
enn að berjast en hingað til hefur
tala þeirra verið sögð á bilinu 2.500-
3.000. Aðeins 50 skæruliðar eru enn
í héraðshöfuðborginni Grosní, að
sögn Rússa.
Aslan Maskhadov
Lipponen áminnt-
ur fyrir brot
gegn stjórnarskrá
Helsinki. Morgnnblaðid.
PAAVO Lipponen forsætisráð-
herra Finna hefur verið áminntur
fyrir brot gegn stjórnarskrá lands-
ins. Áminninguna fékk Lipponen
fyrir að taka ákvörðun um þátt-
töku Finna í aðgerðum ESB-ríkja
gegn Austurríki í vetur.
Samkvæmt stjórnarskrá lands-
ins ætti Martti Ahtisaari Finn-
landsforseti að taka ákvörðun í
slíkum málum og var niðurstaða
skýrslu Paavo Nikula, lögkanslara
ríkisins, í þessu í máli ótvíræð.
Valdasvið forsætisráðherra nær
ekki yfir málefni sem varða sam-
skipti Finna við aðrar þjóðir. Hins
vegar telur Nikula að hér hafi ver-
ið um vinnuslys að ræða og ætlar
hann þess vegna ekki að kæra for-
sætisráðherra fyrir ríkisrétti.
Lipponen viðurkennir að hann
hafi gengið of langt. Hann segist
hins vegar segist ekki haft það í
huga þegar forsætisráðherra
Portúgals hringdi í janúar sl. Port-
úgal fer með formennsku í ESB og
heyra málefni varðandi stöðu
Finna í sambandinu undir forsæt-
isráðherra. í þetta skipti var aftur
á móti um sameiginlegar aðgerðir
ESB-ríkjanna að ræða en ekki að-
gerðir sambandsins sjálfs.
Refsiaðgerðir ESB-ríkjanna
gegn Austurríki vegna þátttöku
Frelsisflokks Jörgs Haiders í rík-
isstjórn landsins voru umtalsvert
deilumál í Finnlandi og fullyrtu
sumir að Lipponen hefði framið
valdarán með þvi að taka sér hlut-
verk forseta landsins. Lipponen
hefur hins vegar lagt áherslu á að
Ahtisaari hafi verið í útlöndum
þegar forsætisráðherra Portúgals
tók frumkvæði í málinu. í greinar-
gerð Nikula lögkanslara er þessi
skýring Lipponens ekki tekin að
fullu gild, en Nikula bendir þó
jafnframt á þá staðreynd að Aht-
isaari hafi hvorki mótmælt né
hafnað ákvörðuninni þegar hann
frétti af henni.
Fulltrúar stjórnarandstöðunnar
sögðust nýlega íhuga málshöfðun
gegn Lipponen.
Áfengismörk
0,2%o í
SAMÞYKKT hefur verið í
Óðalsþinginu, annarri deild
norska Stórþingsins, að áfengis-
magn í blóði ökumanna megi
ekki vera umfram 0,20 prómill
en það þýðir í raun, að enginn
getur leyft sér að taka eitt staup
eða eitt bjórglas án þess að eiga
á hættu að fara yfir þessi mörk.
Núgildandi mörk eru 0,50
prómill eins og víða, t.d. hér á
Islandi, en breytingin var sam-
þykkt með góðuin meirihluta og
voru aðeins þingmenn Hægri-
flokksins og Framfaraflokksins
andvígir henni.
Noregi
Tilgangurinn með nýju áfeng-
ismörkunum er að auka öryggi í
umferðinni en sumar kannanir,
sem, gerðar hafa verið í Noregi,
sýna, að allt að 40% þeirra, sem
látist hafa í umferðarslysum,
hafa verið undir áhrifum. Svíar
tóku upp þessi mörk, 0,20 próm-
ill, 1990 og á næstu árum fækk-
aði umferðarslysum um 4% og
dauðsföllum um 8%. Ekki er þó
ótvírætt samband þarna á milli
því að slysum fækkaði líka á
þessum tíma í öðrum norrænum
löndum þótt áfengismörkum
hefði ekki verið breytt.
Gæðamerki í
hljómtækjum
- hjá Japis
Brautarholti 2
JAPISS
Brautarholti 2 « Simi 580 0800