Morgunblaðið - 10.08.2000, Blaðsíða 6

6 FIMMTUDAGUR 10. ÁGÚST 2000
MORGUNBLAÐIÐ
FRÉTTIR
Neytendasamtökin hyggjast skoða mál óánægðra farþega vegna Boeing 737-300 vélar fslandsflugs
Hætt við opnun veitingastaðar í Austurstræti 8-10
Ferðamönnum
fjölgar um 19%
FYRSTU sjö mánuði ársins hafa
186.789 erlendir ferðamenn kom-
ið til landsins miðað við 156.935 á
sama tíma í fyrra, samkvæmt
upplýsingum ferðamálaráðs.
Aukningin er um 19%.
Erlendir ferðamenn hér á landi
í júlí voru 59.634 miðað við 50.929
í júlí í fyrra og er aukningin milli
ára um 17%.
Flestir komu frá Þýskalandi,
eða 10.685 og síðan frá Bretlandi
7.504. Frá Bandaríkjunum komu
6.773, Danmörku 5.301, Frakk-
landi 5.179, Svíþjóð 3.832, Noregi
2.826, Sviss 2.752, Ítalíu 2.541,
Hollandi 2.236, Austurríki 1.477
og Finnlandi 1.477.
Fjölgun ferðamanna fyrstu
þrjá mánuði ársins var um 33,5%
miðað við sama tíma í fyrra.
Fjölgunin samræmist því markm-
iðum um að fjölga ferðamönnum
utan háannatíma.
Helstu markaðssvæðin sem
lögð er áhersla á eru meginland
Evrópu, Þýskaland og þýskumæl-
andi lönd, Holland, Norðurlönd,
Bandaríki Norður-Ameríku og
Kanada, Bretland og Frakkland.
Jarðskjálfti á
Reykj aneshrygg
JARÐSKJALFTI, sem mældist 5
stig á Richter, varð í fyrradag
klukkan 15:57 á Reykjaneshrygg,
um 250 km suðvestur af Islandi.
Fjórir eftirskjálftar hafa fylgt í
kjölfarið, flestir um 3 stig á Richter.
Jarðskjálftar eru nokkuð algeng-
ir á þessu svæði en sá sem varð í
fyrradag var þó í stærra lagi. Hann
fannst m.a. á mælum á Islandi og
Bretlandi.
Ragnar Stefánsson, jarðeðlis-
fræðingur hjá Veðurstofunni, segir
að sjómenn gætu hafa orðið skjálft-
ans varir. Jarðskjálftabylgjur berist
þó illa í sjó og því þurfi skip að vera
mjög nálægt upptökum jarðskjálfta
til að menn finni fyrir þeim. Þá sé
eins og skipið verði fyrir höggi.
Ragnar segir mögulegt að
skjálftavirkninni hafi fylgt lítið neð-
ansjávareldgos, en mælar Veður-
stofunnar sýna þó enga eldvirkni á
þessu svæði. Hann segir samt sem
áður ástæðu til að láta sjófarendur
vita af þessum jarðhræringum ef
ske kynni að gosið hafi neðansjávar.
Sjómenn verða helst varir við neð-
ansjávareldgos ef þeir draga veiðar-
færi yfir gosstöðvar. Hér við land
hafa háhitasvæði neðansjávar ein-
mitt uppgvötast þegar net eða flot-
holt hafa bráðnað við að vera dregin
yfir jarðhitasvæðin.
þriðjudag á Reykjanes-
hrygg, sá stærsti að
styrkleika 5 á Richter
30°
yyg
Hatton-
Rockall
svœðið
Jarðskjálftar á Reykjanes-
hryggnum koma yfirleitt í hrinum
en Ragnar segir þó ekkert benda til
þess að skjálftavirkni fari vaxandi á
þessum slóðum. Það sé með öllu
óvíst að skjálftarnir á Reykjanes-
hrygg tengist Suðurlandsskjálftun-
um í júní.
Jarðskjálftar hafa mælst að 7
stigum á Richter á hafsbotninum
umhverfis Island.
Planet Pulse hyggst opna nýja og fullkomna líkamsræktarstöð í hluta af nýja húsnæðinu í Austurstræti 8 í haust
og mun stöðin verða nefnd Planet City.
Fullkomin líkamsræktar-
stöð opnuð í haust
HÆTT hefur verið við opnun 950
manna veitingastaðar í nýbygg-
ingu við Austurstræti 8, þar sem
áður var gamla ísafoldarhúsið. í
staðinn hefur fyrirtækið Planet
Pulse tekið á leigu hluta af fyrstu
hæð hússins og kjallara og þar
verður í haust opnuð ný og full-
komin líkamsræktarstöð undir
nafninu Planet City.
Stóð til að opna
stöð við Lækjargötu
Alþingi hefur tekið á leigu efstu
hæðir hússins til næstu tólf ára og
þar verða skrifstofur þingflokka
og fundaraðstaða.
Hópur fjárfesta keypti húseign-
ina í byrjun árs af Þorsteini Vil-
helmssyni, fyrrverandi út-
gerðarmanni, þeir Bjami
Gunnarsson, Garðar Kjartansson,
Jón Þór Hjaltason og Gunnar Þór
Benjamínsson, og kom fram þá að
áætlað kaupverð hefði verið um
500 milljónir króna.
Júlía Þorvaldsdóttir, sem á og
rekur Planet Pulse-heilsu-
ræktarkeðjuna ásamt Jónínu Bene-
diktsdóttur, segir að fyrirhugað
hafi verið að opna nýja heilsu-
ræktarstöð í miðborginni um nokk-
urt skeið. Lengi hafi verið ætlunin
að hafa stöðina á efstu hæðinni í
nýbyggingu verslunarinnar Top
Shop við Lækjargötu, þar sem áð-
ur var Nýja bíó, en fallið hafi verið
frá þeim hugmyndum þegar hús-
næði að Austurstræti 8-10 losnaði.
„Við stefnum á að opna í októ-
ber nýja og stórglæsilega líka-
msræktarstöð, sem verður sú full-
komnasta hér á landi. Þar verður
hefðbundin Iíkamsrækt með einka-
þjálfumm, snyrtistofa og nudd-
deild auk stórrar heilsulindar,"
segir Júlía.
Heilsuræktin nýja verður í 600
fermetra húsnæði og meðal helstu
nýjunga í henni eru svonefnd
smart-kort, sem jafnframt veita
gestum aðgang að stöðinni. Einka-
þjálfarar rita upplýsingar á þessi
kort og með því að tengja þau
stórri tölvu, sem staðsett verður í
miðri stöðinni, sjást þær æfingar
sem viðkomandi gestur á að gera.
Þar verður einnig að finna ýmsar
aðrar ráðleggingar í samræmi við
æfingaáætlun sem gerð er í upp-
hafi af einkaþjálfara og viðkom-
andi gesti stöðvarinnar.
Fyrirtækið þanist út
Fyrirtækið Planet Pulse, sem
upphaflega var stofnað í húsa-
kynnum Hótel Esju við Suður-
landsbraut, hefur á skömmum tíma
þanist út og nú heyra alls fimm
lfkamsræktarstöðvar undir fyrir-
tækið. I vor var gengið frá kaup-
um á líkamsræktarstöðinni Þokka-
bót í húsnæði KR við Frostaskjól
og þar er nú rekin Planet Pump,
en áður hafði Planet Sport verið
opnað þar sem áður var Aerobic
Sport í Skeifunni og Planet Gym
80 þar sem áður var Gym 80.
Auk þess hefur verið settur á fót
sérstakur heilsuskóli í gamla Sókn-
arsalnum við Skipholt 50a.
Bilun í jafnþrýstikerfi
olli vandkvæðunum
EINS og fram hefur komið í Morg-
unblaðinu þurfti Boeing 737-300 vél
íslandsflugs á leið til Rimini að lenda
í Brússel vegna bilunar 16. júlí síðast-
liðinn. Vélin var á leið frá Keflavík til
Rimini með farþega á vegum Sam-
vinnuferða-Landsýnar. Gerðist það
að þrýstingur í farþegarými lækkaði
það mikið að ráðlegt þótti að lenda í
Brussel og athuga hvað ylli. Kom í
ljós að um bilaðan einstefnuloka var
að ræða og var skipt um lokann. Að-
faranótt 29. júlí þurfti síðan að lenda
sömu vél í Glasgow vegna óeðlilegs
hávaða í henni.
í fréttum Morgunblaðsins 4. og 5.
ágúst kom fram að 16 til 18 manna
hópur meðal farþeganna, sem var
með vélinni og átti að fljúga til ís-
lands 5. ágúst, neitaði að fljúga með
umræddri vél aftur til íslands. Þeir
hefðu hins vegar ekki átt neinna
kosta völ.
Jóhanna María Eyjólfsdóttir var í
sumarleyfi á Rimini með fjölskyldu
sinni. Hún gagnrýndi það mjög að
umrædd vél væri notuð til að flytja
farþegana til þaka og sagði í frþtt í
Morgunblaðirtú 4. ágúst sl. að ferðá-
skrifstofan hefði ekki gefið farþegum
skýr svör um ásigkomulag flugvélar-
innar, þrátt íyrir að farþegar óskuðu
þeirra.
Aðspurð segir Jóhanna að ferðin
heim á laugardag hafi gengið vel, það
hafi verið búið að lagfæra bilunina,
sem olli bilununum 16. og 29. júlí.
Henni hefði verið tjáð það hjá Flug-
málastjóm að sprunga hefði fundist í
röri í loftþrýstikerfi vélarinnar. „Það
fannst ekki fyrr en fyrir síðustu
helgi. Þannig að mér finnst mjög
mikilvægt að fá það almennilega
fram að þessi vél hefur verið biluð og
notuð ítrekað til farþegaflutninga á
þeim tíma þrátt fyrir óánægju far-
þega.“
Ætlið þið að gera eitthvað meira í
málinu?
„Eitt er, að mér finnst ég vera búin
að gera heilmikið með því að koma
því upp á yfirborðið að þessari vél
hefúr ítrekað verið flogið bilaðri og
mér finnst það sýna mikið ábyrgðar-
leysi. Það er helst siðferðiskennd mín
sem hefur sagt mér að ég gæti ekki
látið þetta óátalið. Þeir eyðilögðu að
miklum hluta sumarfríið okkar með
þessu þannig að ég læt það ekki
óátalið. Ég er að hugsa um hvaða leið
ég fer. En ég mun leita til þeirra um
að fá eitthvað bætt. En mér finnst
mjög mikilvægt að það komi fram í
fjölmiðlum að íslandsflug og Sam-
vinnuferðir-Landsýn bera ábyrgð á
því að hafa verið að fljúga bilaðri vél
ítrekað. Mér finnst einkennilegt að
ekki hefur náðst í forsvarsmenn
þessara fyrirtækja.“
Samkvæmt heimildum Morgun-
blaðsins er búið að hafa samband við
Néytendasamtökin vegna málsins.
Jón Magnússon, varaformaður.sam-
takanna, var spurður að því hvort
þau hygðust beita sér í málinu.
„Mér finnst eðlilegt að þetta mál sé
tekið til skoðunar vegna þess að
þarna er um að ræða flutningstæki,
sem hefur ítrekað bilað í flugi, þannig
að fólk hefur hvað eftir annað tafist
gífurlega lengi. Ég reikna með því að
við munum knýja á um það við flug-
málayfirvöld að þau gangi úr skugga
um það að þessi farkostur sé öruggur
og það megi vera þokkalega tryggt
að farþegar með honum verði ekki
fyrir ítrekuðum vandamálum.“ Neyt-
endasamtökin höfðu samband við
flugmálayfirvöld fyrir síðustu helgi
vegna óánægju farþega á Rimini og
fengu staðfest að vélin væri í lagi. Að
sögn Jóns ná lög um alferðir yfir
skipulagðar hópferðir af því tagi, sem
hópurinn á Rimini var í. I þvf felist að
á meðan eftirlitsstjórnvöld, sem eru
flugmálayfirvöld í þessu tilviki, gera
ekki athugasemdir heldur segja að
vélin sé hæf til þessara flutninga þá
verði við það að una. „En það er nátt-
úrlega eðlilegt að gera kröfu um að
það fari fram sérstök skoðun þegar
um ítrekuð vandamál er að ræða í
svona farkosti. Mér finnst alveg
makalaust af viðskiptaaðilum að
bjóða viðskiptavinum sínum ítrekað
upp á svona vandamál," sagði Jón.
Aðeins ein bilun
Þormóður Þormóðsson, rekstrar-
stjóri viðhaldsdeildar hjá Islands-
flugi, segir að fyrirtækið hafi fjórar
þotur í rekstri og sé bilanatíðni
þeirra sambærileg við það sem gerist
hjá öðrum evrópskum flugfélögum.
Hins vegar hafi undanfarið komið
upp nokkur atvik í sambandi við um-
rædda flugvél. „Við lentum í því að fá
fugl í hreyfilhlíf í lendingu á Kefla-
víkurflugvelli og hún tafðist þess
vegna í tæpan sólarhring. Daginn
eftir komu lofthæfifyrirmæli frá
bandaríska loftferðaeftirlitinu og
hún fór í skoðun hjá okkur og síðan
til Flugleiða og Flugleiðir skrifuðu
hana endanlega út úr þeirri skoðun.
Það er því ekki rétt að þetta sé alltaf
sama bilunin og að vélin sé búin að
vera að bila títt.“
Þormóður segir að í fluginu til
Rimini, þegar vélin þurfti að lenda á
Brussel, hafi komið upp bilun sem
gert hafi verið við. Þessi bilun hafi
haft áhrif á lofthæfi vélarinnar þann-
ig að ekki mátti fljúga henni. í kjölfar
þess hafi hins vegar komið upp atvik
sem hafi verið afleiðingar af biluninni
sem varð á leiðinni til Rimini. Þau
hafi lýst sér með hávaða, sem fyrst
og fremst hafí verið til óþæginda en
ekki haft nein áhrif á lofthæfi hennar.
„Og við ákváðum að stoppa hana
nokkrum sinnum til þess að reyna að
koma í veg fyrir og finna hvað mynd-
aði þennan hávaða." Þormóður segir
að fundið hafi verið út úr því hvað var
að og að eftir að vélin þurfti að lenda í
Glasgow hafi hún verið send til FLS í
Englandi þar sem hún var í tæpa
fjóra daga til skoðunar. „Þeir fóru yf-
ir allt það sem tengdist þessu kerfi,
sem við höfðum verið að vinna í, og
vélin kom heim aftur og hefur verið
að fljúga síðan án nokkurra vand-
kvæða.“
Bilunin sem kom upp í fluginu til
Rimini var, að sögn Þormóðs, í jafn-
þrýstibúnaði vélarinnar, sem sér um
að balda réttum loftþiýstingi í vél-
„innL „Það lak út meira loft með þétt-
jlistiim en átti-að gej'a. Engin flugvél
er fullkomTega þétt. Þær mega sam-
kvæmt framleiðanda leka ákveðnu
magni. Eri það eru ákveðin takmörk
fyrir því hvað það má vera mikið.“
Þormóður vildi leiðrétta það sem
kom fram í baksíðufrétt Morgun-
blaðsins síðastliðinn laugardag að
umrædd vél væri 20 ára gömul.
Kveður hann vélina vera 13 ára, hún
hafi komið úr verksmiðjunni 24. apríl
1987. Vildi hann koma því á framfæri
að Islandsflug harmaði þau óþægindi
sem farþegar hefðu orðið fyrir.