Morgunblaðið - 23.12.2000, Page 12

12 LAUGARDAGUR 23. DESEMBER 2000
MORGUNBLAÐIÐ
FRÉTTIR
Úrskurður um Upphéraðs- og Norðurdalsveg
Umhverfisráðherra
liafiiar kærum
UMHVERFISRÁÐHERRA hefur
staðfest úrskurð skipulagsstjóra rík-
isins um að fallist sé á fyrirhugaða
lagningu Upphéraðs- og Norðurdals-
vegar frá Atlavík að Teigsbjargi í
Fljótsdalshreppi eins og henni er lýst
í frummatsskýrslu Vegagerðarinnar
og með mótvægisaðgerðum. Tvær
kærur bárust ráðuneytinu í kjölfar
úrskurðar skipulagsstjóra og hafnar
ráðuneytið kröfum beggja.
Vegarkaflinn er 17,2 km langur og
fylgja um 15 km að mestu núverandi
vegi en reisa á nýja 250 m langa brú
yfir Jökulsá í Fljótsdal og nýjar 15-20
m langar brýr á Gilsá, Hengifossá og
Bessastaðaá. Mai-kmið framkvæmd-
arinnar er að leysa af hólmi burðar-
litla vegi vegna umferðar sem fylgja
fyrirhuguðum virkjunarframkvæmd-
um norðan Vatnajökuls.
Kærendur vildu aðra leið
Önnur kæran vegna málsins var
frá Hjörleifi Guttormssyni og Sigurði
Blöndal og hin frá Guðmundi Péturs-
syni, Önnu Jónu Ámmarsdóttur,
Eyjólfi Ingvasyni og Þórdísi Sveins-
dóttur. Var ein aðalkrafa beggja sú
að framkvæmdin færi í frekara mat,
valin yrði önnur leið en fallist var á í
úrskurðinum, m.a. að ný brú yfir Jök-
ulsá í Fljótsdal yrði innar í dalnum og
að kannaður verði kostur þess að
byggja nýja brú yfir Lagarfljót hjá
Egilsstöðum sem fullnægja myndi
þungaflutningum jafnt fyrir almenna
umferð sem og flutninga vegna hugs-
anlegra virkjunai'framkvæmda.
I umsögn Vegagerðarinnar um
kæruatriðið að þungaflutningamir
fari fram norðan Lagarfljóts og að
byggð verði ný brú yfir fljótið segir
að sú leið sé vart raunhæf. Gert sé
ráð fyrir að fi-amkvæmdir vegna
Kárahnjúkavirkjunar gætu hafist ár-
ið 2002 og megi þá strax gera ráð fyr-
ir flutningi véla og tækja sem séu
þyngri en núverandi brú yfir Laga-
fljót getur borið. Kærendur höfðu
sagt þessa þungaflutninga ekki hefj-
ast fyrr en árið 2005.
Þá telur Vegagerðin að besti kost-
urinn sé svonefnd leið 1 en á kafl-
anum í innanverðum Fljótsdal voru
settar fram fjórar mögulegar leiðir.
Snúast þær einkum um mismunandi
staðsetningu nýrrar brúar yfir Jök-
ulsá. Segir Vegagerðin að leið 1 sé
besti kosturinn þar sem hringvegur-
inn um Fljótsdal styttist um 15 km,
leiðin bæti samgöngur innan sveitar-
innar verulega og að með mótvæg-
isaðgerðum verði reynt að draga úr
neikvæðum áhrifum framkvæmdar-
innar. Meðal þeirra er hætta á lón-
myndun innan við nýtt brúarstæði og
flóðahætta á ræktað land í því sam-
bandi.
Uón yrði bætt
Segir Vegagerðin um það atriði að
framkvæmdin hafi ekki áhrif á vatns-
hæð í meðalrennsli Jökulsár og því
ekki áhrif á stöðu grunnvatns á nesj-
um ofan bníarinnar. Þá segir að ekki
sé ágreiningur um að bændur eigi
rétt á bótum ef framkvæmdin valdi
tjóni á túnum. Vegagerðin hefur lýst
því yfir að hún sé reiðubúin að leggja
fram rannsóknaráætlun í samvinnu
við Náttúrustofu Austurlands og
Búnaðarsamband Austurlands þar
sem gerð verði grein fyrir þeim rann-
sóknum sem gera þurfi til að hægt
verði að meta áhrif vegar og brúar á
leið 1 á tún.
Niðurstaða umhverfisráðherra er
sú að staðfesta úrskurð skipulags-
stjóra ríkisins frá 5. júlí 2000.
Skreyttur
slökkvi-
liðsbíll
SLÖKKVILIÐSMENN eru
komnir í jólaskap. Þeir tóku
sig til og skreyttu gamlan
dælubfl og hífðu hann á þak
slökkviliðsstöðvarinnar við
Skógarhlíð í gærmorgun.
Bfllinn er af tegundinni
Ford árgerð 1946. Hann er
í ágætis ásigkomulagi og
vel ökufær en langt er þó
síðan honum var síðast ekið
í brunaútkall.
Morgunblaðið/Júlíus
Slökkviliðsbfllinn var hífður upp á þak slökkviliðsstöðvarinnar við Skógarhlíð.
Forstöðumaður Póst- og fjar-
skiptastofnunar um rekstrarleyfi á
900 MHz-tíðnisviði GSM-kerfís
Metið hvort Is-
landssími þarf
allt tíðnisviðið
PÓST- og fjar-
skiptastofnun mun
meta það með for-
svarsmönnum Is-
landssíma hvort fyr-
irtækið hafi þörf
fyrir alla þá tíðni
sem fylgir rekstrar-
leyfi til að starf-
rækja farsímanet og
-þjónustu sam-
kvæmt GSM-staðli í
900 MHz-tíðnisvið-
inu, en leyfið var
boðið út fyrir
skömmu. Þetta kom
fram í samtali
Morgunblaðsins við
Gústav Arnar, forstöðumann
Póst- og fjarskiptastofnunar, en
hann sagði að ef fyrirtækið
hefði ekki þörf fyrir allt tíðni-
sviðið yrði því, sem eftir væri,
hugsanlega dreift til þeirra fyr-
irtækja sem þegar væru á far-
símamarkaðnum hérlendis.
Eins og kom fram í Morg-
unblaðinu á miðvikudaginn telur
Póst- og fjarskiptastofnun að
tvær umsóknir hafi borist í við-
komandi rekstrarleyfi, annars
vegar frá Islandssíma og hins
vegar frá Tali.
Sóttu ekki um
rekstrarleyfi
Þórólfur Árnason, forstjóri
Tals, sagði hins vegar að fyr-
irtækið hefði alls ekki sótt um
rekstrarleyfi, því það hefði slíkt
leyfi. Fyrirtækið hefði sótt um
tíðniúthlutun í viðkomandi kerfi,
því það teldi að Íslandssími, sem
væri með rekstrarleyfi fyrir
1800 MHz-kerfi, hefði ekkert að
gera við allt það
tíðnisvið sem fylgdi
því rekstrarleyfi
sem boðið var út
fyrir skömmu.
Gústav Arnar
sagði að það væri nú
ekki ástæða til að
gera mikið úr þessu
máli með umsókn-
ina. Póst- og fjar-
skiptastofnun hefði
tilkynnt Þórólfi að
hún liti ekki á bréfið
sem löglega um-
sókn.
„Þar með er málið
útrætt af okkar
hálfu,“ sagði Gústav.
Varðandi þau orð Þórólfs að
Islandssími hefði ekkert að gera
við allt tíðnisviðið sagði Gústav
að það væri hans skoðun.
„Þegar kemur að því að gefa
út leyfi þá verða viðræður um
það hversu hratt og hversu mik-
ið viðkomandi aðili þurfi af tíðn-
um. Ef hann hefur ekki þörf
fyrir tíðnir að því marki sem við
höfðum gert ráð fyrir þá nátt-
úrlega verða tíðnir afgangs til
ráðstöfunar til annarra aðila.“
Tíðnin
ekki ofáætluð
Gústav sagði að miðað við það
að Landssíminn væri með 12
MHz og Tal 7,6 MHz þá væru
þau 4,5 MHz, sem nú væru í
boði, ekki ofáætluð.
„Við getum hins vegar ekkert
dæmt um þetta fyrr en það
kemur í ljós hvernig uppbygg-
ingu þessa nýja leyfishafa verð-
ur háttað.“
Gústav
Arnar
Nýskipaður forstjóri Byggðastofnunar hefur haft áhuga á byggðamálum
frá því hann gerðist sveitarstjóri á Bfldudal 22 ára gamall
Baráttumál landsbyggðarinn
ar alltaf verið mér hugstæð
Hann sagði að starf-
semi Byggðastofnunar
hefði verið öflug á und-
anförnum árum. Þar
starfaði hæft fólk undir
traustri forystu. Hins
vegar yrðu gerðar
áherslubreytingar á
starfseminni í Ijósi
breyttra aðstæðna,
meðal annars vegna
flutnings stofnunarinn-
ar til Sauðárkróks.
Nýtt skipurit yrði einn-
ig unnið fyrir stofn-
unina og skipulagið
gert þannig úr garði að
hún yrði hæfari til þess
Theodór Agnar
Bjarnason
þar með yrði okkur
gert kleift að gera
hana að sterkari lán-
astofnun til atvinnu-
lífsins í landinu," sagði
Theodór ennfremur.
Hann sagði að miklu
skipti að standa vörð
um og efla þróunarsvið
stofnunarinnar. Einn-
ig þyrfti að tengja
hana betur því sem
efst væri á baugi í
þessum efnum erlend-
is og nýta þá þekkingu
og möguleika sem þar
væru fyrir hendi,
hvort sem um væri að
ræða hugmyndir,
tækifæri eða aðgang að fjármagni.
Theodór Agnar Bjarnason, nýskip-
aður forstjóri Byggðastofnunar,
segist hafa haft mikinn áhuga á
byggðamálum áratugum saman og
telur að stofnunin muni hafa miklu
hlutverki að gegna hvað snertir
byggðaþróun á næstu árum og ára-
tugum.
Theodór er borinn og bamfæddur
Bílddælingur. Hann segir að áhugi
sinn á byggðamálum hafi lengi verið
fyrir hendi eða allt frá því hann varð
sveitarstjóri á Bíldudal árið 1974,
aðeins 22 ára að aldri.
„Þegar ég vann sem sveitarstjóri
og síðar sem oddviti líka var ég í
þessum byggðamálum af fullum
krafti. Þetta var eiginlega mitt líf að
berjast lyrir hagsmunum byggðar-
lagsins, en það er auðvitað bara
smækkuð mynd af því sem Byggða-
stofnun stendur fyrir. Síðan hafa
baráttumál landsbyggðarinnar alltaf
verið mér hugstæð og ég er virkilega
ánægður og þakklátur að vera sýnt
þetta traust af hálfu stjórnar
Byggðastofnunar. Það felur í sér
einstakt tækifæri fyrir mig,“ sagði
Theodór í samtali við Morgunblaðið.
að taka á vandamálun-
um þegar þau væru í uppsiglingu, en
það væri afar mikilvægt.
„Byggðastofnun er tæki fyrir
stjómvöld og þeim mun hæfari sem
við getum orðið, þeim mun betur
verða stjórnvöld í stakk búin til þess
að taka réttar ákvarðanir í byggða-
málum. Það er ósk mín að við fáum
meira fjármagn inn í stofnunina og
að hún verði styrkt í þeim efnum en
Þá þyrfti að stórauka upplysmga-
starfsemi stofnunarinnar bæði inn á
við og út á við.
Skapa þarf betri skilyrði
Theodór sagðist vera bjartsýnn
fyrir hönd hinna dreifðu byggða.
Snúa þyrfti þeirri þróun við að fólk
flytti af landsbyggðinni. Skapa
þyrfti mannlífi þar betri skilyrði
hvað atvinnu, félagsmál og menning-
arlíf varðaði og fjöldamörg tækifæri
væru til þess, til dæmis með hinni
nýju fjarskiptatækni.
Theodór sagðist telja að það
styrkti stofnunina að flytja hana út á
land. Þar væri hún í sínu rétta um-
hverfi og það myndi ekki há henni
neitt þótt flestar valdastofnanir
landsins séu í Reykjavík.
Theodór er skipaður forstjóri
Byggðastofnunar frá áramótum.
Það munu þó líða einhverjar vikur af
nýju ári áður en hann getur hafið
störf af fullum krafti þar sem hann
þarf að ganga frá málum varðandi
starfið sem hann lætur af hjá Nor-
ræna fjárfestingarbankanum, en þar
hefur hann verið aðstoðarsvæðis-
stjóri fyrir Danmörku. Þar hefur
hann búið síðastliðin tíu ár og sagði
aðspurður að vissulega yrðu það
mikil viðbrigði að flytjast þaðan á
Sauðárkrók. „Þetta er ögrandi
breyting, en það líkar mér mjög vel.
Ég er þannig gerður að það hentar
mér vel að taka ákveðin stökk,"
sagði Theodór að lokum.
S A semur við
vélstjóra
SAMTÖK atvinnulífsins hafa skrifað
undir kjarasamning við Vélstjóra-
félag íslands vegna vélstjóra í frysti-
húsum og verksmiðjum sem gildir til
janúarloka 2004.
Laun hækka um 5,4% frá og með
1. desember 2000 en engin áfanga-
hækkun er 1. janúar 2001. Kveðið er
nánar á um tilhögun fyrirtækja-
samninga og þar eru svipuðákvæði
og í öðrum samningum að komi til
þess að nefnd ASÍ og SA, sem fjallar
um forsendur kjarasamninga, nái
samkomulagi um breytingu á launa-
lið eða að þeim verði sagt upp skuli
sama gilda um þennan samning.
---------------
Maður lést í
fangageymslu
RÚMLEGA þrítugur karlmaður lést
á sjúkrahúsi í Reykjavík hinn 17.
desember sl. en hann fannst meðvit-
undarlaus í fangaklefa lögreglunnar
tveimur dögum áður.
Samkvæmt upplýsingum frá lög-
reglunni í Reykjavík var maðurinn
fluttur í fangageymslu fimmtudag-
inn 14. desember. Hann mun oft áð-
ur hafa gist í fangaklefa lögreglunn-
ar, eingöngu vegna áfengisneyslu og
ölvunar á almannafæri.
Niðurstaða krufningar liggur ekki
fyrir og því er ekki ljóst hvað dró
manninn til dauða.