Árbók Hins íslenzka fornleifafélags - 01.01.1954, Blaðsíða 62
66
vegur 5,925 gr. Voru meÖ smáhlutunum hér á eftir, mitt á
milli axarblaðsins og hnífsins. Mun þar hafa verið púss manns-
ins.
g. Járnhlutur, 4,7 sm langur, og virðist jaspis- eða tinnumoli vera
festur í endann á honum.
h. Jaspismoli, lítill og rauðleitur.
i. Steinn, hálfglær (eitill eða holufylling).
Til fóta manninum hafði verið heygður hestur og snéri lend að hon-
um, svo sem þegar er sagt. Hann lá á hægri hlið, með afturfætur
dregna fram og upp eins og mest mátti verða, hryggurinn sveigður
í boga. Hryggjarliðirnir voru flestir gjörfúnir, en önnur bein sæmilega
heilleg; þó voru hausbein afar fúin og tolldu ekki saman. Hjá hestin-
um fundust leifar af reiðskap:
j. Hringamél af venjulegri gerð, úr beizli, er verið hefur við hest-
inn.
k. 5 naglar úr söðli, lágu við herðakamb, og einn rónagli með
tígulmyndaðri ró við vinstri hnútu.
I. Gjarðarhringja, lá við hrygg, venjulegt hófhringjulag.
Ekki fannst fleira, þótt leitað væri víða um flagið, og gerðar væru
reynslugrafir, og er því lokið lýsingu fundarins á Sílastöðum. Hann
er meðal merkustu fornleifafunda sinnar tegundar á landi hér, ekki
sízt vegna þess hve mikið fannst þar á einum stað og hve vel karl-
arnir hafa verið búnir vopnum. En íburðarlausar eru grafirnar samt.
Þar eru engin fínheit og á öllu alþýðlegri blær en t. d. hinu glæsilega
kumli frá Kaldárhöfða við Ulfljótsvatn. A Sílastaðamönnum mætti
kalla traustan bóndabrag, en glæsibrag ekki.
Trúlegt er, að allar þessar grafir séu frá 10. öld. Um aldursmun
má aðeins drepa á, að 1. kuml mun að líkindum eldra en 4. kuml,
en þessi tvö kuml eru sambærileg að vopnabúnaði. Sverðin og
skjaldarbólurnar eru ljósustu vitnin um þennan aldursmun. í 1.
kumli fara saman sverð af M-gerð og skjaldarbóla af Rygh 562, og
í 4. kumli sverð af Q-gerð og skjaldarbóla af Rygh 563, og koma
þessar samstæður vel heim við tímasetningu Jan Petersens, sem telur
Q-gerð sverða yngri en M-gerð og skjaldarbólurnar Rygh 563 hinar
allra yngstu frá víkingaöld. Sömuleiðis virðist mér, að stóra öxin úr
1. kumli sé meðal hinna eldri, sem fundizt hafa hér á landi. Ég tel,
að 1. kuml muni vera frá fyrri hluta 10. aldar, en 4. kuml frá seinna
hluta aldarinnar, eftir vopnunum að dæma.
Telja má enn eitt atriði, sem bendir til að 4. kuml sé yngra en