Árbók Hins íslenzka fornleifafélags - 01.01.1979, Side 6

12
ÁRBÓK FORNLEIFAFÉLAGSINS
regla að haldinn sé aðeins einn fundur á ári, nefnilega til að undir-
búa aðalfundinn. Sérstök undantekning er árið 1919, þegar laga-
breytingar áttu sér stað; þá voru haldnir fjórir fundir.
0g líður nú fram til ársins 1931. Þá var í síðasta sinn haldinn
fulltrúaráðsfundur í Fornleifafélaginu. Næstu ár þar á eftir eru
hinsvegar haldnir stjórnarfundir til undirbúnings aðalfundinum. En
þetta stóð ekki nema til 1937, þá falla þessir stjórnarfundir einnig
niður. Síðan 1937 hefur hvorki verið haldinn fulltrúaráðsfundur né
stjómarfundur í félaginu, en formaður hefur undirbúið aðalfundi í
samráði við skrifara og féhirði án formlegra funda. Fulltrúaráðið
má heita að hafi verið með öllu óvirkt síðan 1931 og reyndar til-
þrifalítið allt aftur undir aldamót. Þó ber þess að geta og ekki van-
meta, að ætíð hafa verið kosnir í ráðið menn sem félagið metur
mikils og á gott upp að inna. Fulltrúaráðið hefur því í rauninni lengi
verið einskonar heiðursnefnd og á sem slíkt góðan þátt í að auka
veg félagsins.
Almennir fundir félagsins eru fyrst og fremst árlegir aðalfundir,
eða ársfundir eins og þeir voru fyrst kallaðir. Aukafundir hafa
verið sárafáir. Sem dæmi má nefna hátíðarfund á fimmtugsafmæli
félagsins 8. nóv. 1929, og einstöku sinnum hafa verið aukafundir
af einhverju öðru tilefni sem að kallaði. Aðalfundir hafa yfirleitt ver-
ið fámennir, þangað til nú á síðustu árum, eftir að farið var að
flytja var.daða fyrirlestra á fundunum. Sá nýi háttur hefur greini-
lega stuðlað að vaxandi áhuga á starfi félagsins.
1 stjórn Fornleifafélagsins hafa eftirtaldir menn átt sæti (starfs-
heiti eru þau sem menn hafa orðið þekktastir fyrir):
Formenn:
Árni Thorsteinsson landfógeti 1879—1887
Sigurður Vigfússon fornfræðingur 1887—1892
Björn M. Ólsen rektor 1892—1893 (kosinn en tók í rauninni aldrei
við formennskunni)
Eiríkur Briem prófessor 1893—1917
Pálmi Pálsson yfirkennari 1917—1920
Matthías Þórðarson þjóðminjavörður 1920—2961
Jón Steffensen professor 1961 og síðan.
Skrifarar:
Indriði Einarsson rithöfundur 1879—1891
Þorleifur Jónsson póstmeistari 1891—1893