Árbók Hins íslenzka fornleifafélags - 01.01.1979, Síða 17

UPPRIFJUN ÚR HUNDRAÐ ÁRA SÖGU FORNLEIFAFÉLAGSINS
23
minnsta kosti verið það síðan félagið hætti að kosta rannsóknarferð-
ir árið 1909.
Hér er ekki unnt að rekja fátæktarsögu félagsins í smáatriðum og
verður aðeins reynt að vekja hugboð um hana með nokkrum tölum.
I lögum félagsins 1879 var ákveðið að árstillag skyldi vera 2 krónur
en ævitillag 25 krónur. Þannig stóð til 1919 og var þá í nýju lögunum
árgjaldið hækkað í 3 krónur og ævitillagið í 50 krónur. Á þessu varð
engin breyting fram yfir 1940, þegar starfsemi félagsins lagðist að
heita mátti niður um nokkurra ára skeið og var þar mest um að
kenna bágbornum fjárhag með auknum kostnaði við útgerð Árbókar.
Þegar hún fór að koma út aftur 1948 eða fljótlega eftir það var hætt
að skeyta um lögboðið árgjald, heldur var það miðað við tilkostn-
aðinn við Árbók hverju sinni.
Árgjöldin eru annar tekjustofn félagsins. Hinn er ríkisframlag og
hefur alltaf verið. Félagið fékk á fyrsta ári sínu 300 krónur úr lands-
sjóði, og aðeins einu sinni, 1925, fékk það engan styrk. Til fróðleiks
skal hér sýnt hvernig háttað hefur verið opinberum styrk til félagsins
frá upphafi.
1880- —1901 kr. 300 á
1902- —1919 — 400 á
1920- -1941 — 800 á
1942 — 1200
1943- —1945 — 2000 á
1946- -1948 — 3000 á
1949- —1956 — 9000 á
1957- —1959 __ 15000 á
1960- —1964 — 25000 á
1965- —1970 — 55000 á
1971- —1972 — 100000 á
1973 —1974 — 200000 á
1975- —1978 — 300000 á
1979 — 400000
ári
ári
ári (að undanteknu 1925)
ári
ári
ári
ári
ári
ári
ári
ári
ári
Ekki skal hér lagt í að bera saman verðgildi þessara upphæða á
ýmsum tímum. Þó er ef til vill ekki alveg út í hött að bera árgjaldið
fyrstu árin saman við árgjald ársins 1978, það er 2 kr. 1880 á móti
4000 kr. 1978. Ef ríkisstyrkur hefði hækkað að sama skapi í tölum
talið, liefði hann átt að vera 600 þúsund 1978 í stað 300 þúsund, sem
hann var. Hér hefur því talsvert sigið á ógæfuhlið, og hlýtur raunar