Árbók Hins íslenzka fornleifafélags - 01.01.1992, Síða 174

178
ÁRBÓK FORNLEIFAFÉLAGSINS
altari og kirkjuklukkur eru úr mun eldri kirkju og klukkurnar reyndar meðal þeirra elstu
sem varðveist hafa. Viðgerð hófst sumarið 1991. Undirstöður kirkjunnar voru endurnýjaðar
og kirkjan fest tryggilega. Sumarið 1992 voru suðurveggur og austurgafl endurbættir og
klæddir timbursúð að nýju.
Onnur hús í húsasafni Þjóðminjasafnsins fengu minni athygli þetta árið, en litið var eftir
þeim flestum og áætlanir hafa verið gerðar um framtíð þeirra.
Byggðasöfn
Árbæjarsafn
Á Árbæjarsafni eru starfandi 6 deildir með safnvörðum og aðstoðarfólki. Deildirnar eru
fornleifadeild, þar sem Margrét Hallgrímsdóttir, borgarminjavörður, er sérfræðingur, en hún
er jafnframt forstöðumaður safnsins; fræðsludeild, þar sem Aðalbjörg Ólafsdóttir er safn-
vörður; húsadeild, þar sem Nikulás Úlfar Másson er safnvörður; munadeild, þar sem Helgi
M. Sigurðsson er safnvörður; myndadeild, þar sem Hrefna Róbertsdóttir er safnvörður og
sýningardeild þar sem Unnur Björk Lárusdóttir er safnvörður.
Fjöldi gesta á Árbæjarsafni í ár taldist vera 31.482 en ætla má að það sé nokkuð vantalið
og þeir hafi verið nær 40.000.
Árbæjarsafn er einungis opið um sumartímann og fram á haust, en yfir veturinn er safnið
opið hópum eftir samkomulagi. Fastar sýningar eru því árið um kring í hinum ýmsu húsum
safnsins, en auk þess voru opnaðar fjölmargar nýjar sýningar á árinu. Má þar nefna: „Það var
svo geggjað...", Skólahald um aldamót, sýning á fornleifum í Viðeyjarstofu og sýningin Aðal-
stræti -saga byggðar. Þá var sett upp viðamikil sýning í tilefni af opnun Suðurgötu 7 og fjallar
hún um sögu hússins og er þar sýnt gullsmíðaverkstæði frá aldamótum og heimili frá þeim
tíma, með merkri búslóð, sem Ivar Daníelsson gaf í minnirigu systur sinnar, Önnu Eiríksson.
í Nýhöfn var sett upp sýningin Víkin og Viðey. Fornleifar frá landnámi til siðaskipta í Reykjavík
og um jólin var sett upp jólasýning aðventunnar.
Um sumarið voru viðburðir og starfsdagar á sunnudagseftirmiðdögum, auk viðburða á
virkum dögum. Fastir liðir voru harmoníkuleikur, handverkssýningar og störf á sviði gam-
alla búskaparhátta.
Á árinu heimsóttu 8.249 skólabörn Árbæjarsafn. Af þessurri fjölda nutu 4.532 börn beinn-
ar kennslu safnkennara á starfstíma skólanna. Þar af komu tæplega 4.000 þúsund börn yfir
sumartímann, en þau voru þátttakendur í ýmsum leikja- og útilífsnámskeiðum á vegum fél-
agsmiðstöðvanna.
Árbæjarsafn stóð að þáttagerð á árinu og má þar nefna þátt sem var gerður um myndir í
eigu Árbæjarsafns, Reykjavíkurmyndir Jóns Helgasonar biskups og fræðsluþáttinn Sértu lipur,
læs og skrifandi, sem var um sögu alþýðufræðslunnar á íslandi.
Talsvert nýrra muna bárust safninu á árinu og má nefna gullsmíðaáhöld, verkfæri tengd
glerslípun og speglagerð, ýmsar skólaminjar, merkilegt safn íslenskra einkennisbúninga, um
1.000 myndir o.fl.
Byggðasafn Akraness og nærsveita
Árið 1992 komu 4.693 gestir á Byggðasafn Akraness og nærsveita og er það töluverð
fækkun frá árinu áður þegar 5.500-5.600 gestir heimsóttu safnið, en það var metár hvað að-
sókn varðar. Fækkun gesta má að hluta rekja til utanaðkomandi aðstæðna, sem ekki verða
raktar hér frekar. Þess ber að geta að heimsóknir skólabarna á starfssvæði safnsins eru utan
við þennan fjölda.
Opið hús var vegna alþjóðadags safna, þann 17. maí, en engar sérsýningar eða aðrar upp-
ákomur voru í safninu eða á þess vegum á árinu. Þó má geta þess að 4. júlí var haldið upp á
50 ára afmæli kaupstaðarins og var þá sérstaklega tekið á móti Vigdísi Finnbogadóttur, forseta