Norðurljósið - 01.01.1978, Page 44

44
NORÐURLJÓSIÐ
himni? Á einhvern hátt heldur hann fyriíheitið, sem
hann gaf ísrael.
„Verður þá synd á hinni nýju jörðu, svo að sjúkdóm-
ar verði þar?“ Getur eirihver spurt. Synd er ekki allt-
af orsök sjúkdóma. og slys hljóta að geta komið fyrir
þar sem er fólk með mannlegum líkama. Þarfnast þeir
ekki lækninga, sem verða fyrir þeim?
Eru þessi heilabrot á nokkurn hátt nytsamleg? finnst
mér sem einhver spyrji. Ef til vill elcld. „En Andinn
rannsakar allt, jafnvel djúp Guðs,“(l Kor.2.10.) Fræði-
maðurinn Esra hafði snúið huga sínum að því: „að
rannsaka lögmál Drottins, og breyta eftir því og að
kenna lög og rétt í fsrael.“ (Esrabók 7.19.) Þetta var
mjög hagnýtt. En opinberun sú, er Guðs orð birtir,
nær langar leiðir út fyrir starfsvið Esra. Það er „langt
til veggja, heiðið, (loftið) hátt,“ í heilagri ritningu,
spádómum hennar og kenningum. S. G. J.
BIBLÍUNÁM
Hér koma leiðbeiningar handa þeim, sem vilja hafa
sem mest gagn af lestri heilagrar ritningar.
Gert er ráð fyrir því, að einn kapítuli sé lesinn í
einu.
Fari námið fram í námshópi, skal kaflinn lesinn fyrir-
fram, ef unnt er, áður en komið er saman. Skulu nem-
endur búa sig undir að svara sem flestum, helst öllum,
eftirfarandi spumingum. Við heimanám má svara þess-
um spurningum samhliða lestrinum, þegar lesin hefur
verið ein málsgrein.
Nemandi góður, hvað finnst þér vera:
1. Aðalefnið, sem kaflinn fjallar um?
2. Hið helsta, sem megi læra þar?
3. Helstu persónurnar, sem talað er um í kaflanum?
Getur þú fundið í þessum kafla:
1. Biblíugrein, vers, sem gagnlegt er að muna?
2. Nokkra fyrirmynd eða kenning um Drottin
Jesúm Krist?
3. Kennir greinin nokkuð um Guð, Föðurinn? Um
heilagan Anda?
4. Nokkra fyrirmynd til að líkjast? Nokkra villu til
að forðast?
5. Er í kaflanum nokkurt boðorð, sem á að hlýða?
6. Er þar nokkurt fyrirheit handa þér að trúa og
tileinka þér?
7. Er þar nokkuð, sem þú getur borið saman við
önnur vers eða efni í heilagri ritningu?
SJÁLFSPRÓFUN.
1. Trúi ég, að eilíft líf sé til?
2. Hvað held ég, að sé eilíft líf?
3. Er ég viss um, að ég eigi eilíft líf?
4. Finn ég þörf á að eignast það, ef ég á það ekki?
5. Vil ég leggja nokkuð í sölumar til að eignast það?
6. Hvernig eignast ég eilíft líf?
7. Eignast þú eilíft líf hér í heimi, eða þegar þú
deyrð?
8. Hvað á ég að gjöra, ef ég hrasa eða syndga?
Svarið finnst í 1. bréfi Jóhannesar, 1. kafla, 7 — 9.
grein.
Hvernig á að veita Kristi viðtöku.
Ef þú veist eldci, hvernig farið er að því, þá skaltu nú
íhuga ritningarstaðina, sem fara hér á eftir, og breyta
eftir þeim. Blessunin af því getur ekki brugðist, af því
að orð Guðs er óbrigðult og fyrirheit hans stendur
stöðugt, að: — „öllum, sem veittu HONUM (Jesú
Kristi) viðtöku, gaf hann rétt til þess að verða GUÐS
BÖRN, — þeim, sem TRÚA á nafn hans.“ (Jóh.1.12.)
Segðu þess vegna af öllu hjarta: —
„Ég trúi vitnisburði Guðs
um Jesúm Krist, að misgerð mín var látinn koma
niður á honum (Jesaja53.6.), að hann bar sjálfur
syndir mínar á líkama sínum upp á tréð (l.Pét.2.
24.) og að hann lagði sjálfan sig í sölurnar fyrir mig
á krossinum (Gal.2.20.).
Ég ákveð nú að veita Jesú viðtöku
sem Drottni mínum og frelsara (Post.2.36. og 5.31)
og kem til hans, eins og ég er (Jóh.6.37.). (Bið til
Drottins og segðu honum, að þú komir til hans og
takir við honum, sem Drottni og frelsara).
Ég hefi nú veitt ICristi Jesú viðtöku,
og ég trúi því, sem Guð segir mér í orði sínu, að
syndir mínar séu fyrirgefnar, af því að Jesús dó fyrir
mig (Post.13.38.-39.) og vegna nafns hans (l.Jóh.2.
12.)
Þar sem ég hefi þannig veitt Jesú Kristi viðtöku sem
Drottni mínum og frelsara,
þá veit ég af óbrigðulu orði Guðs og fyrirheitum, að
ég er Guðs barn (Jóh.1.12.), og að ég hef eilíft líf.
(Jóh.3.36.); og ég segi af öllu hjarta:
„Þökk sé Guði fyrir sína óumræðilegu gjöf!“
Segðu öðrum frá Jesú. (Jóh.l.35.-51.)