Norðurljósið - 01.01.1980, Qupperneq 35

NORÐURLJÓSIÐ
35
Persónuleiki heilags anda.
Varðtumsfélagið - Vottar Jehóva - segir:
Heilagur andi er ekki persóna. Hann er virkur (active)
kraftur Guðs.
Hvað segir Orð Guðs?
Hann, sem hjörtun rannsakar, veit, hver er hyggja
Andans (hvað Andinn hefur í huga, hugsar), að hann
biður fyrir heilögum eftir vilja Guðs.“ (Róm. 8.27.)
Andinn hefur huga, hugsar sjálfstætt.
Huggarinn, Andinn heilagi, sem Faðirinn mun
senda í mínu nafni, hann mun kenna yður allt og
minna yður á allt, sem ég hef sagt yður. (Jóh. 16.14).
Heilagur Andi kenndi postulunum og minnti þá á
allt, sem Drottinn, Jesús hafði sagt þeim. Andinn
kennir, hann minnir á. Hann hefur minni.
í 1. Kor. 12. 11 stendur: „En öllu þessu (sem talið er
upp í 7.-10. grein) kemur til leiðar eini og sami Andinn
sem útbýtir hverjum og einum út af fyrir sig, eftir
vild sinni (ákvörðun vilja síns.)
Andinn hefur vilja, sjálfstæðan vilja, sem tekur
ákvarðanir.
Það tölum vér líka, ekki með orðum, sem
mannlegur vísdómur kennir, heldur sem Andinn
kennir, er vér útlistum andleg efni fyrir andlegum
mönnum. 1. Kor. 2. 13.
Heilagur Andi kenndi Páli orðin, sem hann átti að
nota til að útskýra andleg efni fyrir andlegum
mönnum. Hann er gæddur skilningi.
Því að hann mun ekki tala af sjálfum sér, heldur
mun hann tala það, sem hann heyrir, og kunngera
yður það, sem koma á. Jóh. 16. 13.
Heilagur Andi heyrir, hann hefur heyrn.
Það mun verða gefíð yður á þeirri stundu, hvað þér
eigið að tala, því að ekki eruð það þér, sem talið, heldur
Andi Föður yðar, er í yður talar. Heilagur Andi talar í
lærisveinum Jesú Krists, er þeir þurfa að verja trú sína
og sig.
Heilagur Andi er Andi Föður lærisveina Krists.
Oss hefur Guð opinberað hana (hina huldu speki
Guðs) fyrir Andann. 1. Kor. 2. 6. 10. (Sbr. Jóh. 17. 6)
Heilagur Andi opinberar hina huldu speki Guðs.
Hann þekkir hana.
Gerðu þeir tilraun að fara til Bitýníu, en Andi Jesú
leyfði það eigi. Post. 16. 7. Andi Jesú, Heilagur Andi.
leyfði ekki Páli og Barnabasi að fara þangað, sem þeir
vildu.
Og þeir fóru um Frygíu og Galataland, en Heilagur
Andi vamaði þeim að tala orðið í Asíu. Post. 16. 2.
Heilagur andi tók ráðin af Páli og Barnabasi.
Andinn heilagi, sem faðirinn mun senda í mínu
nafni, hann mun kenna yður allt og minna yður á
allt, sem ég hef sagt yður. Jóh. 14. 26.
Andinn kennir sjálfur, er ekki notaður til þess.
Hann hefur minni.
Sjálfur Andinn biður fyrir oss með andvörpunum,
sem ekki verður orðum að komið. Róm. 8. 26.
Heilagur Andi biður fyrir bömum Guðs.
En þar eð þér eruð synir, þá hefur Guð sent Anda
sonar síns í hjörtu vor, sem hrópar: Abba, faðir!
Heilagur Andi hrópar í hjörtum Guðs bama á Guð
Föður.
Sannleiksandinn, sem útgengur frá Föðurnum,
hann mun bera mér vitni. Jóh. 15. 26.
Heilagur Andi vitnar um Jesúm Krist.
Hann mun vegsama mig, því að af mínu mun hann
taka og kunngera yður. Jóh. 16. 14. Heilagur Andi
vegsamar Jesúm Krist.
Sjálfur Andinn vimar með vorum anda, að vér
emm Guðs börn. Róm. 8. 16.
Heilagur Andi vitnar með anda Guðs barna.
Vitnar með merkir, að hann vitnar ásamt með þeirra
eiginn anda.
Heilagur Andi steig niður yfír hann (Jesúm) í
líkamlegri mynd eins og dúfa. Lúk. 3. 22. Heilagur
Andi getur tekið á sig líkamlega mynd.
En Jesús sneri aftur frá Jórdan, fullur af heilögum
Anda. Lúk. 4.1. - Andinn fyllti Jesúm Krist.
Og Jesús sneri í krafti Andans aftur til Galíleu, og
orðrómur um hann barst út um öll héruðin í grennd.
Lúk. 4.14. Guð smurði hann (Jesúm frá Nasaret)
heilögum Anda og krafti. Post. 10.38.
Heilagur Andi var krafturinn í þjónustu Jesú
Krists.
Þá var Jesús leiddur af Andanum út í óbyggðina, til
þess að hans yrði freistað af djöflinum. Matt. 4.1.
Heilagur Andi stjórnaði því, hvert Jesús fór. Hann
varð að mæta Satan og sigra hann.
Þeir gerðust mótsnúnir og hryggðu heilagan Anda
hans. Jes. 63.10. Ópersónulegur kraftur t.d. rafmagn-
ið getur ekki orðið hryggur.
Hver, sem mælir orð gegn manns-syninum, honum
mun verða fyrirgefið, en hver, sem mælir gegn
heilögum Anda honum mun eigi verða fyrirgefíð,
hvorki í þessum heimi né heldur hinum komanda.
Matt. 12.32. Lastmæli gegn heilögum Anda er
ófyrirgefanleg synd. Hvers vegna er hún það, ef hann
er aðeins ópersónulegur kraftur? Jesús Kristur er
„hinn mikli Guð og frelsari vor“ Tít. 2.13. Hvers
vegna er þyngri hegning við því að lastamæla
Andanum, ef hann er aðeins ópersónulegur kraftur?
Hér verður numið staðar. Fjölda margir ritningar-
staðir hafa ekki verið tilfærðir. „Náðin Drottins vors