Eimreiðin - 01.05.1906, Síða 61

og grænum ekrum. Næsti viðkomustaður var á tanganum niður undan
þorpinu Seelisberg.
Þar sunnan á tanganum blasti við þingsalurinn forni, Riitli, sem
er fagur vangur með hömróttri hlíð fyrir ofan og þéttum skógi. Þar
strengdu fulltrúar fylkjanna heit sín og þeir aðrir, sem fundinn sóttu,
þegar uppreistin var hafin. Svisslendingum er sá staður álíka kær eins
og Lögberg er okkur. Árlega er farið þangað með mörg hundruð skóla-
barna til að sýna þeim þessar sögulegu stöðvar, og skýra fyrir þeim
hvað þar hafi gerst.
Skamt frá Riitli er Schillersteinninn. Það er laus fjalladrangur,
sem stendur frammi við vatnið og er framhliðin sléttuð dálítið af manna-
höndum og höggvið á hana nafn skáldsins. Það var gert á i oo ára
fæðingardag lians. Þessi náttúruminnisvarði er einkennilegur og vel val-
inn handa elskhuga þessarar fjalianáttúru, og dregur miklu meira að sér
4. SCHILLERSTEINNINN.
A steininum stendur: Til minningar um Tell-skáldið F. SCHILLER frá I T'
fylkinu. 1859.
athygli manna en standmyndir Schillers, sem standa nú orðið í hverri
stórborg um alt Þýzkaland. — og eru hver annarri ólíkar.
Beint þar gagnvart og hinum megin vatnsins er þorpið Brunnen,
þar sem hin sameinuðu, frjálsu fylki héldu þing sín, eftir að skipulag fór
að komast á stjórn þeirra.
Innan við Brunnen kemur maður í þriðja og insta vatnshlutann,
sem er líka hinum fyrri næsta ólíkur og stefnir öðru vísi en .þeir. Sá
vatnshluti er luktur geysiháum fjöllum á því nær alla vegu. sem ganga
snarbrött niður að vatninu Fyrir vatnsendanum gengur Reuss-dalurinn
upp á milli fjallanna og liggur St. Gotthard-vegurinn og járnbrautin inn
eftir honum endilöngum. Að vestanverðu eru Urí-alparnir, og er Úrí-
Rothorn þar hæst og jökli þakið, en fleiri háir tindar í grendinni og
sumir meðal hinna frægustu í Alpafjöllunum, t. d. Tödí og Windgallen
o. fl. Allar tindaraðirnar stefna saman að St. Gotthard eins og miðdepli.