Dagblaðið Vísir - DV - 27.01.1982, Blaðsíða 8

8
DAGBLAÐIÐ & VtSIR. MIÐVIKUDAGUR 27. JANÚAR 1982.
Útlönd
Útlönd
Útlönd
Útlönd
KOMSTO TEKUR V»
FORSETAEMBÆTTI í DAG
— Ný ríkisstjórn í næstu viku
Hinn nýkjörni forseti Finnlands,
Mauno Koivisto, mun veröa settur
formlega inn í embætti í dag í athöfn
sem fram fer í finnska þinginu.
Koivisto, sem er 58 ára gamall, var
kjörinn níundi forseti Finnlands með
miklum yfírburðum í gærdag. Hlaut
hann 167 atkvæði af 301, en helzti
keppinautur hans, Harri Holkeri úr
íhaldsflokknum, hlaut 58 atkvæði og
Johannes Virolainen frambjóðandi
Miðflokksins hlaut 53 atkvæði kjör-
mannanna.
Koivisto kom fram í finnska sjón-
varpinu í gærkvöldi og lýsti því yfir að
líklega myndi ríkisstjórnin verða
endurskipulögð í næstu viku. Koivisto
er enn formlega forsætisráðherra, en
hann hefur undanfarna mánuði gegnt
embætti forseta í forföllum Kekkon-
ens. Talið er líklegt að embætti for-
sætisráðherra komi í hlut eins af
leiðtogum Miðflokksins. Hafa verið
nefndir í því sambandi Athi Pekkala
núverandi fjármálaráðherra og Paavo
Vaeyrynen utanríkisráðherra.
Koivisto hefur lýst því yfir að hann
muni segja skilið við flokk sinn og skila
inn flokksskírteininu eftir að hann
tekur við forsetaembættinu. Er talið að
það muni styrkja stöðu núverandi sam-
steypustjórnar Sósíaldemókrataflokks-
ins og Miðflokksins og er talið líklegt
að hún muni sitja fram að kosningum
sem fara eiga fram á næsta ári.
Stjórnmálaskýrendur telja að
kosning Koivistos muni breyta á marg-
an hátt stjórnmálalífinu í landinu.
Kekkonen fyrrum forseti var löngum
sakaður um mikla stjórnsemi og áhrif
langt út fyrir valdsvið sitt og fyrir að
hygla flokksmönnum sínum en litlar
likur eru til að Koivisto muni fylgja
fordæmi fyrirrennara síns í þvi.
Réttad i máli
Atianta-
morðingjans
Mauno Koivisto, hinn nýkjörni forseti
Finnlands.
Nú standa yfir réttarhöld í Atlanta
í Bandaríkjunum í máli morðingjans
Wayne Williams og var það fyrst í
gær er mikilvægar sannanir komu
fram sem tengja hann við morð á
fleiri börnum og ungmennum en
þeim tveimur sem hann er ákærður
fyrir.
Frú Ruth Warren sagði réttinum
að hún hefði séð Williams á tali við
hinn 13 ára gamla Lubie daginn sem
hann hvarf.
Rétturinn hyggst fá fram vitni sem
tengja Williams við 10 af þeim 12
morðum sem framin voru í Atlanta á
þeldökkum börnum og ungmennum.
Williams, sem er 23 ára, var hand-
tekinn í júlí sl. vegna morðsins á
Jirrmy Ray Payne, 21 árs, og
Nathaniel Carter, 27 ára.
FundurHaigs
ogGromykos
Pólland var á dagskrá umræðu-
fundar Haigs utanríkisráðherra
Bandaríkjanna og Gromykos utan-
ríkisráðherra Sovétríkjanna í Genf í
gær, þrátt fyrir að Gromyko hefði
lýst því yfir að slíkar umræður
væru afskipti af innanríkismálum
Póllands. Þótti fundur ráðherranna
bera mgð sér að þeir mætu mikils
gagnsemi slíkra viðræðufunda,
þrátt fyrir stóryrðin sem opinber-
lega ganga milli ríkjanna. Fundur-
inn stóð i sjö og hálfa klukku-
stund. í Sovétrikjunum var því lýst
yfireftir fundinn að hann hefði ver-
ið bæði gagnlegur og nauðsynlegur.
Tveggja saknað eftir
fíugstys í Boston
Tilkynnt hefur verið um hvarf
tveggja manna sem taldir eru hafa
verið um borð í DC-10 þotunni frá
World Airways sem fór í höfnina í
Boston sl. laugardag. Þar til í gær var
álitið aö öllum farþegunum hefði ver-
ið bjargað.
Edward Ringo, varaforseti flugfé-
lagsins, sagði á blaðamannafundi að
nöfn þessara tveggja manna væru
ekki meö á listanum yfir þá 208 sem
bjargaðvar.
Ringo sagði að kafarar leituðu nú í
höfninni að líkum mannanna
tveggja, en þeir voru Walter Matcalf,
70 ára, og sonur hans, Leo, 40 ára,
báðir frá Dedham, Massachusetts.
Fjölskylda þeirra tilkynnti um
hvarf þeirra og tölvur sýna að farang-
ur þeirra var um borð í vélinni.
Taldar eru likur á því að mennirnir
hafi drukknaö í ísköldu vatninu en
þeir sátu miðsvæðis í vclinni er hún
féll i höfnina.
/Wayne Williams.
Sprengja
íParís
Sprengja sprakk í miðborg Parísar
í gærkveldi. Að sögn lögreglunnar
særðist enginn en skemmdir urðu á
byggingum.
Hópur Armeníumanna, Orly,
hefur lýst sig ábyrgan fyrir sprengju-
tilræðinu.
í síðustu viku segist Orly hafa
komið sprengju fyrir hjá flugfélaginu
AIR France í vesturhluta Parísar sem
olli töluverðum skemmdum.
Hópurinn segist með þessu móti
berjast fyrir armenska hryðjuverka-
menn sem biða dóms vegna árásar á
tyrkneska sendiráðið í París í
september. Vilja þeir að litið verði á
þá sem pólitíska fanga.
Pepsi-Cola
verksmiðjaíKína
Kínverjar reyna nú að freista vest-
rænna kapítalista með fríverzlunar-
svæðum í suöurhluta landsins. Eitt af
fyrstu fyrirtækjum til að bíta á agnið
'er ameríska Pepsi Cola verksmiðjan
á** &
.í Wtm w c V
J*-3rW**
Coca-Coia auglýsing f Kina.
PepsiCo lnc. sem stofnað hefur útibú
á fríverzlunarsvæðinu Shenzhen í ná-
munda við landamæri Hong Kong.
Fyrirtækið má þó ekki selja fram-
leiðslu sína í Kína þar sem Coca-Cola
menn tryggðu sér einkarétt á sölu
slikra drykkja fyrir þremur árum.
Pepsi verður því aðeins framleitt til
útflutnings og er sérstaklega miðað
viö markað í Hong Kong en þar verð-
ur það lika selt í harðri samkeppni
við Coca-Cola.
Nixon og
Cartermis-
heppnaðir
Abraham Lincoln og George
Washington eru beztu forsetar sem
Bandaríkjamenn hafa nokkurn
tímann haft, en Richard Nixon og
Jimmy Carter með þeim verstu.
Þetta eru niðurstöður könnunar
sem fór fram á vegum blaðsins
Chicago Herald Tribune í Chicago.
Sendi blaðið út spurningalista til 49
þekktra bandariskra sagnfræðinga
og félagsfræðinga. Voru þeir beðnir
um að benda á 10 beztu forsetana og
10 verstu forsetana í sögu Banda-
ríkjanna. __
Núverandi forseti, Ronald Reagan,
sem er sá 40. i forsetaröðinni, var
ekki hafður með þar sem hann hefur
aðeins setið i embætti í eitt ár.
•
Forboðnar
ástir
Maður nokkur 1 Karlstad í Svíþjóð
hefur snúið sér til lögreglunnar þar í
borg með óvenjulega kæru. Hann
biður hana um aðstoð gegn köttum
sem stunda ástarleiki á bílnum hans.
Álítur hann að kettirnir velji hans bil
vegna hitakerfis þess sem heldur
bílnum heitum í frosthörku
vetrarins.
Það sem veldur manninum gremju
er að kettirnir rispa lakkið á bílnum
og eiga það til að pissa á framrúðuna.
Lögreglunni hefur þó enn ekki tekizt
að hafa hendur í hári hinna seku.
Kettir: Mega ekki elskast á bilum.
Mikilfólks
fjölgun
íFæreyjum
íbúar Færeyja eru nú 44.070 og
hefur þeim fjölgað mjög mikið á sl.
20 árum en þá voru íbúar aðeins tæp-
lega 25.000.
Fjölgunin er sérlega mikil í Þórs-
höfn. Þar bjuggu 3.000 manns um
síðustu aldamót en nú 12.000.
•
Þýzkumbanka-
stjóraboðið
tílPóllands
Þeir sem hafa það mikla verk með
höndum að sjá um skuldir Póllands
hafa boðið bankastjóra Dresden-
bankans, Hans Friedrichs til lands-
ins. Er hann þar með fyrsti vestræni
bankastjórinn sem boðið er til við-
ræðna eftir að herlögum var komið á
1 landinu.
Vilja yfirmenn pólska ríkisbank-
ans, Bank Handlovy, taka upp þráð-
inn þar sem frá var horfið í viðræð-
um um gjaldfrest Pólverja á
milljaröa skuldasúpu sinni á Vestur-
löndum.