Dagblaðið Vísir - DV - 27.01.1982, Side 31
DAGBLAÐIÐ & VlSIR. MIÐVIKUDAGUR 27. JANÚAR 1982.
31
Sandkorn Sandkorn Sandkorn
Frðfærur og
Sodastrím
Tíðrætt var við kaffiborð
um mikla sæmdarkonu, sem
nýlega lézt í hárri elli. Hafði
þá einhver orð á þvi með
réttu, að hún hefði lifað
tímana tvenna.
Jónas Guðmundson á létt
með aö lala i beittum sam-
likingum. Hann sagði: „Já,
hún fæddíst viö fráfærur og
andaöist með Sodastrím”.
Úkeypis
fébgsráðgjöf
samvinnumanna
„Jústeinn skauzt upp i
annaö sæti", segir í fyrirsögn
DV um prúfkjör framsóknar-
manna í Reykjavík. Er hér átt
við Jóstein Kristjánsson, sem
hlaut 371 atkvæði i 1.-3. sæti
listans en 494 atkvæöi alls.
Jósteinn og Guðmundur G.
Þórarinsson alþingismaður
eru bræður. Þriðji bróöirinn.
Jóhann Þórir Jónsson, Skák-
ritstjóri, er sagður hafa
skipulagt kosningaárangur
Jósteins.
Endurtalning atkvæða
færði þó Gerði Steinþórs-
dóttur upp fyrir Jóstein.
Jónas Guðmundsson rit-
höfundur hlaut 519 atkvæði,
og 8. sæti. Knginn hlaut þó
50% atkvæða og þvi ekkí
bindandi kosningu í sæti.
Björgvin Jónsson, út-
gerðarmaður og fyrrum al-
þingismaður, sagði við
kaffiborð á Borginni, þar sem
Jónas var meöal félaga: „Ég
held, Jónas minn, að þú
verðír að skilja við þína ungu,
fallegu konu, og leita lags við
einhverja systur Guðmundar
G., ef þú ætlar þér einhvern
frama í pólilíkinni.”
Frjábt síðdegis-
blað - en
naum-
ast atveg óháó
Hugmyndin um nýtt
siðdegisblað er engan veginn
úr sögunni. Guðmundur Arni
Slefánsson er fylginn sér og
hefur hann viða borið niður í
þreifingum um fjáröflun til
útgáfunnar utan vinveittra
peningakrata.
Óstaðfest er að út-
gáfufélag Þjóðviljans, beint
eða óbeint, hafi léð máls á
stuöningi með því aö leggja til
tæknibúnaö sem metinn yrði
(II vcrðs. Tilgangurinn cr sá
að fá rýmri aðstööu til Sovét-
skrifa en Þjóðviljinn hefur.
Þá heyrisl að Sambandið
sé til viðræðu um aðild meðal
annars vegna ósamþykkis við
vissa valdamenn í
Framsóknarflokknum. Er
skemmst að minnast óánægju
ESSO með staðfstu Ólafs i
Helguvikurframkvæmdum af
ótta víð að missa spón úr ask-
inum i Hvalfiröi.
Loks hafa ungir fallkandí-
datar frá SUS-þinginu á ísa-
firði I sumar ekki gefið afsvar
um sluöning.
Guðmundur Árni yrði rit-
stjóri með eftirlitsnefnd
Einars Karls Haraldssonar,
Hauks Ingibergssonar og
Jóns Orms Halldórssonar, ef
hann fæst til leiks.
Þannig er ætlaö að kalla
blaðið frjálst fréttablaö, en
naumast alveg óháð.
Samvinnuferðir
eru að semja
í sandkorni á mánudag
sagði frá bjartsýni, sem rikir á
sólarlandamarkaðnum og í
framhaldi af því samningi Út-
sýnar og Flugleiða um sólar-
landaferðir. Af því var dregin
sú ályktun að Samvinnu-
ferðir-Landsýn lcituðu
samninga við Arnarflug. For-
ráðamenn Samvinnuferða-
Landsýnar vilja vegna þessar-
ar klausu koma þvi á fram-
færi að feröaskrifstofan
standi nú í samningum við
bæði fiugfélögin, Flugleiðir
og Arnarflug.
Þar þrýtur
ekki gosið.
Runnlfur Þórarinsson,
deildarstjóri i menntamála-
ráðuneytinu, varð sextugur
ekki alls fyrir löngu. Hann er
formaður Geysisnefndar sem
kunnugt er.
Góökunningjar hans hitt-
ust á förnum vegi. Segir þá
annar: „Þú varst ekki i af-
mætinu hans Runólfs."
Hinn svaraðí: „Þar hefði
ég komið, ef ég hefði vitað
um það, þvi Runólfur er
höfðingi heim að sækja. Þctta
hefur sjálfsgt verið haldið
fyrir austan. Þar þrýtur ekki
gosiö.”
Bragi Sigurðsson.
Kvikmyndir
Kvikmyndir
Húsmóðirin gapir af undrun enda loftvarnabyssa komin inn f eldhúsið.
Stjömubíó —1941:
Ærslaleikur sem
aldrei nær flugi
Kvikmynd: 1941
Lalkstjóri: Stevon Spielborg.
Handrit: Robert Zemeckis, Bob Gale og John
Milius.
Tónlist: John Williams.
Kvikmyndun: William A. Fraker.
Framleiðandi: Buzz Feitshans.
Meóal lelkenda: John Belushi, Christopher
Lee, Dan Aykroyd, Ned Beatty, Warren Oats,
Slim Pickens.
Sýningarstaður: Stjörnubló.
Heldur varð ég fyrir vonbrigðum
með ærslaleik Stevens Spielberg sem
hann nefnir eftir árinu 1941. Myndin
nær aldrei að komast á almennilegt
flug og er því nokkuð frá því að
halda áhorfandanum í krampa-
kenndu hláturskasti frá upphafi til
enda.
Myndin er nær laus við allan frum-
leik, svo sem hvað varðar persónur,
söguþráð og síðast en ekki síst þau
atriði sem fá eiga áhorfandann til að
hlæja. Hver hefur ekki áður séð
andlit klessast ofan í rjómatertu,
slagsmál í stíl Trinity-bræðra eða
meira og minna ruglaða, föðurlands-
elskandi kana sem loksins fá tæki-
færi til að klekkja á óvinum þjóðar-
innar?
En allt um það. Myndin er nú ekki
alslæm og sannast að segja held ég
að fáir sleppi út án þess að reka upp
tvær, þrjár hlátursgusur. Þær vara
þó ekki lengi. Og þú verður búinn að
gleyma atriðunum sem fengu þig til
að hlæja innan viku, ef ekki næsta
dag.
Sögusvið myndarinnar er Los
Angeles og nágrenni á stríðsárunum.
Japanir hafa gert árás á Pearl
Harbour og íbúar Kaliforníu eru þess
fullvissir að fylki þeirra sé næsta
skotmarkið. Sögusagnir ganga urn að
Japanir hafi þegar komið sér upp
leyni flugvelli í óbyggðum og einhver
heldur þvi fram að japanskir fall-
hiífarhermenn séu á leiðinni.
Það þarf því ekki mikinn neista tif
að koma öllu í bál og brand. Þann
neista kveikir fallisti úr flugskóla
sem ákveðinn er í að komast yfir
kvenmann nokkurn. Sá kvenmaður
ber einkennilegan hug til flugvéla og
fallistinn notfærir sér það, með
ófyrirsjáanlegum afleiðingum.
Einu Japanarnir, sem koma við
sögu, er áhöfn kafbáts nokkurs. Kaf-
bátastjórinn er ákveðinn í að ná sér
niðri á bandarísku þjóðinni og það
telur hann bezt að gera með því að
skjófa niður kvikmyndaborgina
Hollywood. Látum þetta nægja um
söguþráðinn.
Slim Pickens, sá gamli jálkur,
leikur kannski eina heilsteyptustu
persónu myndarinnar. Hann kemur
þó litið við sögu. Flugmaðurinn
kærulausi, sem John Belushi leikur,
er persóna sem erfitt er að botna í.
Reyndar koma það margar persónur
við sögu þessarar myndar að áhorf-
andinn fær varla meira en rétt yfir-
borðsmynd hverrar þeirra.
Ekki ætla ég að ráða neinum frá
því að sjá þessa mynd. Engum ætti
beinlínis að leiðast og einhverjir fá
örugglega ágætusu skemmtun,
a.m.k. þann tíma sem þeir sitja í
þægilegum sætum Stjörnubiós, sitji
þeir ekki á einhverjum af neðstu
bekkjunum.
Kristján Már Unnarsson
Kvikmyndir
Kvikmyndir
Flugbrautarendinn á
Akureyri verður ekki
malbikaður í ár
Flugbrautarendinn á Akureyrarflug-
velli verður ekki malbikaður í sumar,
eins og ráð hafði verið gert fyrir í fjár-
lögum þessa árs. Síðustu fimm ár hefur
verið unnið að framlengingu flug-
brautarinnar og er hún núna rúmlegar
2000 metrar. Þar af eru um 1600 metrar
malbikaðir.
í samtali við Rúnar H. Sigmundsson
flugvallarstjóra á Akureyri, kom fram,
að upphæðin sem átti að verja til mal-
bikunarframkvæmdanna, hefði verið
skorin niður um helming. Hefði verið
áætlað að til verksins þyrfti 3.6 millj-
ónir króna, en þær 1.8 milljónir sem nú
væru eftir dygðu skammt til að Ijúka
því.
Því hefði þótt ráðlegt að yfirfæra þá
fjárhæð á Sauðárkróksflugvöll. Flug-
völlurinn þar, sem væri 2000 metra
langur, hefði lengi beðið malbikunar
og þætti nú orðið brýnt að hann yrði
tilþessáttiað
nota yf irf ærð á
Sauðárkróks-
flugvöll
malbikaður, þó ekki væri nema að
litlum hluta.
Taldi Rúnar, að nægjanlegt fjár-
magn myndi fást fyrir næsta ár, til að
ljúka malbikun Akureyrarflugvallar.
-klp-
Nýtt þjónustufyrirtæki lítur dagsins Ijós:
„Aldraðir fá 10% af
heildarínnkomunni
segir eigandinn, Asgeir Eggertsson
,,Eg hef ákveðið að láta 10% af
heildarinnkomu fyrirtækisins á þessu
ári renna til aldraðra,” sagði Ásgeir
Eggertsson í stuttu spjalli við DV.
Ásgeir hefur nýverið stofnað fyrir-
tæki, sem sér um sölu og dreifingu á
sandi yfir vetrartímann. „Ég held að
þetta sé eina fyrirtækið sinnar tegundar
í Reykjavik,” sagði Ásgeir. Borgin
hefur séð um dreifingu á almennings-
leiðum. En þessi þjónusta hjálpar fólki
að konta í veg fyrir hálku á gangstétt-
um og við bílskúra heima hjá sér.
Ég hef eins og áður sagði ákveðið að
láta aldraða njóta góðs af því sem
kemur í kassann. Auk þessa fá þeir og
öryrkjar 30% afslátt á þjónustunni.
Ásgeir sagði ennfremur, að tals-
verður kostnaður fylgdi þvi að stofna
fyrirtæki sem þetta, þótt það gæti ekki
talizt stórt. Sandinn fengi hann hjá
Björgun hf. og saltið hjá Bæjarútgerð
Reykjavíkur. Hvoru tveggja þyrfti að
aka inn á Laugaveg, setja það þar í
poka og koma því til kaupenda ef
óskað væri. Hann hefði fengið sér sér-
stakan handdreifara, til að auðvelda
dreifinguna, auk annars sem til þyrfti.
„En ég er bjartsýnn á að þetta
gangi,” sagði Ásgeir. „Og vonandi
verður minna um slys i hálku en áður,
þegar fólk verður komið á bragðið með
að nota sér þessa þjónustu.”